ޚަބަރު / އަހުމަދު ސަލީމް (އޭދަފުށި ދާއިރާ)

ސުޕަމެޖޯރިޓީއާ އެކު މަސައްކަތް ކުރާނީ އިދިކޮޅު ބާކީނުކޮށް، ތަފާތު ފެންނާނެ: ސަލީމް

އޭދަފުށީ ދާއިރާ އަހުމަދު ސަލީމް، ރައީސް ޑރ. މުހައްމަދު މުއިއްޒު އަދި ރައީސް އިސްމުޝީރު އަބްދުއްރަހީމާ އެކު.-- ފޮޓޯ: ފަޔާޒް މޫސާ | މިހާރު

އައިޝަތު ނުޒުހާ، މިހާރު

23 އެޕްރީލް 2024 - 12:08

28 comments

މިހާރު ހިނގަމުން އަންނަ ރައްޔިތުންގެ މަޖިލީހުގެ ދައުރުގައި ފެނުނު މަންޒަރާ ހިލާފަށް، ކުރިއަށް އޮތް ދައުރުގައި ޕީއެންސީން ސުޕަމެޖޯރިޓީގެ ނަހަމަ ބޭނުން ހިފައިގެން އިދިކޮޅު މެންބަރުން ބާކީ ނުކުރާނެ ކަމަށް ޕީޕީއެމްގެ ޕީޖީ ލީޑަރު، އަދި ހަތަރު ވަނަ ދައުރަކަށް އޭދަފުށީ ދާއިރާގެ ގޮނޑިއަށް އިންތިހާބުވެފައިވާ އަހުމަދު ސަލީމް ވިދާޅުވެއްޖެ އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި، ނަފްސާނީ ފަރުވާގެ ބިލަށް ވާހަކަ ދައްކަވަމުން ސަލީމް ވިދާޅުވީ، އެމްޑީޕީގެ މެޖޯރިޓީއާ އެކު ފެންނަ މަންޒަރަކީ އާރާއި ބާރު ލިބުމުން ނިކަމެތިންނަށް ފުރައްސާރަކޮށް، ނަފްސާނީ ގޮތުން ބަލިކަށިކޮށްލާ މަންޒަރު ކަމަށާއި ހިނގަމުންދާ މަޖިލީހުގައި ވެސް އެކަން ފެނުނު ކަމަށެވެ.

އެގޮތުން އޭރު އިދިކޮޅުގެ ނުވަ މެންބަރުން މަޖިލީހުގައި ތިބިއިރު، އެ މެންބަރުންނާމެދު ކަންތައް ކުރީ އިހާނެތިކޮށް ކަމަށާއި މަޖިލީހުގައި މަސައްކަތް ކޮށް ހުރަސް އަޅައި، ނަފްސާނީ ގޮތުން ބަލިކަށި ކޮށްލި ކަމަށް ސަލީމް ވިދާޅުވި އެވެ.

"އެންމެ ހައެއްކަ މީހުންނަށް ވާހަކަ ދައްކާލާނެ ފުރުސަތު ވެސް ނުދިން. އެ ފުރުސަތަށް އަންނަނީ ނިޒާމީ ނުކުތާ ނަގައިގެން ހުރަސް އަޅަމުން ފުރައްސާރަކުރަމުން، މަދުމީސްކޮޅެއް ތިބީތީ އޭގެ ނަތީޖާއަކަށްވީ [ނަފްސާނީގޮތުން ބަލިކަށިވުން] އެކަމަކު އަޅުގަނޑުމެން ހިތްވަރުގަދަ ކަމުން ނަފްސާނީ މައްސަލަތަކުން އަރައިގަތީ،" ސަލީމް ވިދާޅުވި އެވެ.

ސަލީމް ވަނީ އާ ސަރުކާރު އިންތިހާބުވުމަށް ފަހު ވެސް އެމްޑީޕީން އާރާއި ބާރު ބޭނުންކޮށްގެން ޖެއްސުންކޮށް، ނިކަމެތިކޮށް މީހުންނަށް ބިރު ދައްކައި ކަންކަން ކުރި ކަމަށް ތުހުމަތުކޮށްފަ އެވެ. އޭނާ ވިދާޅުވީ އޭގެ ނަތީޖާއެއްގެ ގޮތުން މިއަދު އެ މީހުންނަށް އާރާއި އެ ބާރު ގެއްލިފައިވާ ކަމަށެވެ.

އާދިއްތަދުވަހު ބޭއްވި އިންތިހާބުގައި ސަރުކާރު ހިންގާ ޕީއެންސީން ހޯދި ސުޕަމެޖޯރިޓީ ފާހަގަކުރައްވައި ސަލީމް ވިދާޅުވީ، އެއްވެސް ބަޔަކަށް ބިރު ދައްކައި، ގެއްލުންދީ ނުހަދާނެ ކަމަށާއި މަޖިލިސް ކުރިއަށްގެންދާނީ މައިނޯރިޓީވެސް ހިމަނައިގެން ކަމަށެވެ.

"މިތާ އޮތް މައިނޯރިޓީއަށް އިހުތިރާމްނުކޮށް އެ މީހުން ބަލިކޮށްލާކަށް އަޅުގަނޑުމެން މަސައްކަތެއް ނުކުރާނަން، އިރާދަކުރެއްވިއްޔާ މާތް ﷲގެ ރަހުމަތްފުޅާއެކީގައި ހުރިހާ ބަޔަކަށް އެއްވަރަށް ހިއްސާކޮށްގެން ކުރިއަށް ދާން އަޅުގަނޑުމެން މަސައްކަތް ކުރާނީ،" ސަލީމް ވިދާޅުވި އެވެ.

ސަލީމް ވިދާޅުވީ ރައީސް ޑރ. މުހައްމަދު މުއިއްޒުގެ ވިސްނުންފުޅާއި އިރުޝާދު ވެސް ހުރީ އެގޮތަށް ކަމަށެވެ.

ރައްޔިތުންގެ މަޖިލިސް އަހުމަދު ސަލީމް (އޭދަފުށި ދާއިރާ) ޕީޕީއެމް/ޕީއެންސީ އިއްތިހާދު ޕީޕަލްސް ނެޝަނަލް ކޮންގްރެސް ޕީޕީއެމް ޕާލަމެންޓްރީ ގުރޫޕް

28 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުސެއިނަސްކީސް

26 April 2024

ސަލީމު އަކީ ރަގަޅު ބޭފުޅެއް،، ހިތްތިރި މީހުންނަށް ގޯސް ނޫން،، ބައެއް މީހުންގެ ވިސްނުމަކީ ތިމާގެ ކުރި އެރުމަކީ އަނެކާ ދުވަސް ދުއްވާލުން،، ފަހަރުގައި ކުރިން ގޯހެއް ހެދިފައި އޮތަސް އެއީ ރައްޔިތުންނަށް ކޮށްފައިވާ ހިދުމަތް ބަލާއިގަންނަ މީހުން.. ރައްޔިތުން ނޭދެ ވެރިކަމަށް ގެނައީމާ ކުރީ ސަރުކާރުގެ ކުށް ހޯދަން 5 އަހަރު ދުއްވާލާކަށް ..ބޭނުން ވަނީ ކުރިޔަށް ކޭނޑުން،،، މީހުން ފަހާ ދުވެގެން ގެޅިގެން ލިބުނު ނަތީޖާ އެއޮތީ ފެންނަން....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަނީސައިޑްބޮންޑް

24 April 2024

މަޖިލީހުގެ މެންބަރަކު އެންމެ ދައުރެއް އަދާކުރުމުން މުޅިއުމުރަށް ލިބޭ 25000 ރ އަދި ދެދައުރު އަދާކުރުމުން މުޅިއުމުރަށް ލިބޭ 35000ރ. އަދި ތިން ދައުރު އަދާކުރުމުންމ މުޅިއުމުރު ދުވަހަށް ލިބޭ 45000ރ ކަނޑާލަން އެބަޖެހޭ. މީއުމުރުދުވަހު ޤައުމީޚިދުމަތުގައުޅުއްވިބޭފުޅުންގެ މޫނުފުޅުމަތީޖަހާތަފާލެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިއުޝާދު.

24 April 2024

އަދުގެ ސަރުކާރުން ނަތީޖާ ނެރެ ދައްކާނެ. ބަލަން ތިބޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދީމާ ސަވާދު

24 April 2024

މި މެޖޯރިޓީވާނެ ތާރީހުގައިވެސް އެއްމެ ނަމޫނާ މެޖޯރިޓީއަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިހާލް ސަލީމް

24 April 2024

މިއީ ވެރިކަން ކުރަންޖެހޭ ގޮތަކީ. މިހެން ވާން ޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެސް

24 April 2024

ނިކަން ތިޔަބުނާ ތެދުވެރިކަމެއް ހުރިނަމަ އަދި ދިވެހިންނަށް ހެޔޮއެދޭނަމަ މަޖިލީހުގެ މެންބަރަކު އެންމެ ދައުރެއް އަދާކުރުމުން މުޅިއުމުރަށް ލިބޭ 25000 ރ އަދި ދެދައުރު އަދާކުރުމުން މުޅިއުމުރަށް ލިބޭ 35000 ރ. އަދި ތިން ދައުރު އަދާކުރުމުންމ މުޅިއުމުރު ދުވަހަށް ލިބޭ 45000ރ ނުލިބޭގޮތް ހަދާބަ. އޭރުން އަހަރެމެން ގަބޫލު ކުރާނަން ތިޔަ ދެއްކިވާހަކައަށް އަމަލުކޮށްފިކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފރާގު

24 April 2024

މާލެއިން އުތުރުގަ އޮތް އެންމެ ގިނަ ކިޔަވައިގެންތިބި މީހުނާ ހޭލުންތެރި މީހުން ތިބީ އޭދަފުށީގައޭ ކިޔާ އުޅޭ! އެކަމަކު ދެން ޖެހިޖެހިގެން 5 ފަހަރު ސަލީމު މެމްބަރު ކަމަށް ހޮވީމަ ކާށިދޫ މީހުން ޖާބިރު ހޮވަން ވިސްނި ވިސްނުމަށް ވުރެންވެސް އޭދަފުށީ މީހުންގެ ވިސްނުމުގެ ފެންވަރު ދަށްކަން އިނގިއްޖެ!