މިފަހަރު ވެސް ރެއާލް މޮޅުވީ ވީއޭއާރްގެ އެހީގައި، ތައްޓާ ކައިރިއަށް ޖެހިލައިފި

ރެއާލް މެޑްރިޑް 1 - 0 ރެއާލް ސޮސިއެދާދް

27 އެޕްރީލް 2024 - 10:49

ސެން ސެބާސްޓިއަން (އޭޕްރީލް 27) – ރެއާލް ސޮސިއެދާދް ވެސް ވީއޭއާރްގެ އެހީގައި މޮޅުވެ، ލީގު ހޯދުމުގެ ރޭހުގައި ހަތަރު ޕޮއިންޓާ ކައިރި އަށް ރެއާލް މެޑްރިޑް ޖެހިލައިފި އެވެ.

ކުރިއަށް ހަފުތާގައި ޗެމްޕިއަންސް ލީގުގެ ސެމީ ފައިނަލް މެޗު ކުރިމަތީގައި އޮތުމުން ރެއާލްގެ ކޯޗު ކާލޯ އަންޗެލޮޓީ ވަނީ ޓީމުގެ ފޯވާޑްލައިންގައި މުހިންމު ކުޅުންތެރިންނަށް ރެސްޓް ދީފަ އެވެ.

މެޗު ވަރުގަދަކޮށް ފެށީ ލަ ރެއާލްގެ ނަމުން މަޝްހޫރުވެފައިވާ ސޮސިއެދާދް އެވެ. އެކަމަކު މެޗުގައި ރެއާލްގެ ފުރަތަމަ ހަމަލާ 29 ވަނަ މިނެޓްގައި އުފައްދައި ރެއާލުން ވަނީ މެޗުގެ ހަމައެކަނި ސައްހަ ލަނޑު ޖަހައިފަ އެވެ.

ޑެނީ ކާވަހާލް ތިރިތިރިން ނަގައިދިން ބާރު ހުރަސް، މިޑްފިލްޑާ އަރްދާ ގުލާ ވައްދާލައި ރެއާލްގެ ލަނޑު ޖެހި އެވެ.

އޭގެ ފަހުން ޓަކެފޫސޫ ކޫބާ ލަނޑު ވައްދާލައި ލަ ރެއާލަށް ނަތީޖާ ހަމަހަމަކޮށްދެވުނު ކަމަށް ހީކޮށް އުފާފާޅު ވެސް ކުރި އެވެ. އެކަމަކު ވީއޭއާރްގެ އެހީގައި ބަލައި ރެފްރީ ހޯސޭ މުނުއޭރޯ ނިންމީ އޮފްސައިޑް ކަމަށެވެ.

ރެއާލަށް ލީގުގައި ދެން އޮތީ ފަސް މެޗެވެ. ތާވަލުގެ އެއްވަނައިގައި އެ ޓީމު އޮތީ ވާދަވެރި ބާސެލޯނާގެ މައްޗަށް 14 ޕޮއިންޓް ބޮޑު ލީޑެއްގަ އެވެ، މާދަމާ ރޭ ބާސާއިން ވެލެންސިއާއާ ދެކޮޅަށް ކުޅޭނެ އެވެ.

ފުޓްބޯޅަ ސްޕެނިޝް ލީގް ރެއާލް ސޮސެއިޑާޑް

6 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެހެން

28 April 2024

ރިއަލްގަ އޮތީކީ ވީއޭއާރު ގެ އެހީ ހޯދަންޖެހޭ ވަރުގެ ޓީމެއް ނޫން އަސްލު އެކަމުވެސް ދެރަކަމަކީ އެކަން އެގޮތަށް ކުރަމުން ދާކަން. ލިބިފައިވާ ބާރާއި ނުފޫޒުގައި ގަދަކަން ދައްކަމުން ދާކަން. އެހެން އެންމެނަށް ގޮންޖަހާފައި ތިމާމެން ހިތުހުރި އެއްޗެއް ހަދާތަން. ހަޤީގަތަކީ ބޭއިންސާފުން ކަންކަން ނުކުރި ނަމަވެސް ރިއަލްއަށް މޮޅުވެވޭނެކަން. އެއީ އެޓީމްގެ ސްކޮޑާއި މިހާރުގެ ކޯޗްވެސް އަސްލު ވަރަށްމޮޅު. ދެން ނުހައްގު އެއްޗިސް ހޯދަނީ ކީއްވެބާއޭ ހިތަށްއަރަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެލޯ

27 April 2024

ގެ ފަހުން ޓަކެފޫސޫ ކޫބާ ލަނޑު ވައްދާލައި ލަ ރެއާލަށް ނަތީޖާ ހަމަހަމަކޮށްދެވުނު ކަމަށް ހީކޮށް އުފާފާޅު ވެސް ކުރި އެވެ. އެކަމަކު ވީއޭއާރްގެ އެހީގައި ބަލައި ރެފްރީ ހޯސޭ މުނުއޭރޯ ނިންމީ އޮފްސައިޑް ކަމަށެވެ. ބަލަ އޮފްސައިޑެއް ނޫނޭވީ، އެ ފުރުސަތު ލިބުނީ ސޮސިއެޑާޑް ކުޅުންތެރިއަކު ރެއާލްގެ ޗުއަމެނީއަށް ފައުލް ކުރުމުން، އެ ފައުލް އަކީ ވަރަށް ކްލިއާ ފައުލްއެއް. މުޅި މެޗުގައި ވެސް ރެފްރީގެ ފަރާތުން ގޯހެއް ފެނުނު މެޗެއް ނޫން މިއީ