"ލޯބިކަން" ލަވައިގެ ޕޯސްޓަރު: ލަވަ ރިލީޒް ކުރާނީ މި މަހުގެ 20 ގައި.
20 ފެބުރުއަރީ 2017 - 22:25
16 comments
މަޝްހޫރު ލަވަ ކިޔުންތެރިޔާ އަދި މޯލްޑިވިއަން އައިޑޮލްގެ ޖަޖް އިބްރާހީމް ޒައިދު އަލީ (ކުޑައިއްބެ) ގެ އާ ވީޑިއޯ ލަވަ "ލޯބިކަން" މިރޭ ދައްކާލައިފި އެވެ.
މި ލަވައަކީ އިއްބެ މިއުޒިކް ހަދައި، ކިޔައި އަދި އެކްޓް ވެސް ކޮށްފައިވާ ލަވައެކެވެ. ލަވައިގެ ޅެން ހަދާފައި ވަނީ އެމްޑީޕީގެ ކުރީގެ ޗެއާޕާސަން އަލީ ވަހީދެވެ.
ހުސައިން މުނައްވަރު (ކުޑަފޫޅު) ކެމެރާކޮށް، ޑައިރެކްޓްކޮށްފައިވާ "ލޯބިކަން" އިން އިއްބެއާ އެކު އާ ބަތަލާއަކު ވަނީ ތައާރަފުކޮށްފަ އެވެ. އެއީ ޝިޔާޒާ މުހައްމަދެވެ.
މި ލަވައިގެ ބޮޑު ބައި ޝޫޓްކޮށްފައި ވަނީ އއ. ތޮއްޑޫގަ އެވެ.
ހުސައިން ބުނީ "ލޯބިކަން" އަކީ އޭގައި ބުނާ ވާހަކަތަކާ ގުޅޭ ގޮތަށް، ބެލުންތެރިންނަށް ރީތި ވާހަކައެއް ކިޔައިދޭނެ ހިތްގައިމު ލަވައެއް ކަމަށެވެ. އަދި ލަވައިގެ މަންޒަރުތައް އޭނާ ކުރިން ވެސް ބުނިގޮތަށް ހަމަ ވަރަށް ރީއްޗެވެ.
ލަވަ މިހާރު މިއޮތީ ދައްކާލައިފަ އެވެ. އެހެންވީމާ ބެލުންތެރުން ޖަޖުކޮށްލަމާ ހިނގާށެވެ. "ލޯބިކަން" ކަހަލަ ވީޑިއޯ ލަވައަކުން އިއްބެ ފެނިގެން މި ދިޔައީ ޒަމާންގަނޑަކަށް ފަހު އެވެ.
އިއްބެގެ ޓޮނިކް ލައިވް ސްޓޫޑިއޯ އާއި ސަން ޕްރޮޑަކްޝަން ގުޅިގެން ހަދާފައިވާ "ލޯބިކަން" އަކީ މަޑުމައިތިރި، އަޑު އަހާލަން ފަސޭހަ ލަވައެކެވެ.
އޭނާގެ މިކަހަލަ އެންމެ ވިދުން ގަދަ ލަަވައަކީ މިއުޒިކީ ދާއިރާގެ ތެރެއަށް ތައާރަފުވެގެން އައި ދުވަސްވަރު ގެނެސް ދިން "އެދެމޭ ކަލާޔަ" އެވެ.
"ލޯބިކަން" ގެ އެންމެ ހާއްސަ އެއް ކަމަކީ މި ލަވައިގެ ތެރެއިން ވެސް "އެދެމޭ ކަލާޔާ" ހަނދާންތައް އިއްބެ އާކޮށްލާކަމެވެެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
Maldives
22 February 2017
ދިވެހި ހުރިހާ ލަވައެއްހެން ހުންނަނީ ހަމަ އެއްގޮތަކަށް. އުޅޭމީހުނާ ލަވަޔާ ތަފާތަކީ.
މަންސޫރު
22 February 2017
ބޮޑެތި ޖެކެޓު ލައިގެން ރަތްދައްކާ އަވީގައި ދާހިއްލާ ފޯވެގެން ފާޑެއްގެ ފޫހި ލަވައެއް ކިޔަސް ލޯބި ދެއްކިކަމަކަށް ނުވާނެ ދޯ؟
ޙަހްހް
21 February 2017
އިތުރަށް ތި ލަވަ ބަލާކަށް ނުހަދަން.. ފުރަތަމަ ވެސް ފެނުނީ ފިނި މޫސުމާ ހޫނު މޫސުން .. އަވަހަށް ކޮމެންޓް ކޮއްލީ
މާފަންނު ކަނބުލޮ
21 February 2017
ލަވަ ވަރަށް ހަބޭސް.. އެކްޓްރެސް ކަމަކުނުދޭ
އަމިއްލަ ރާގުގެ ބައްޕަ
21 February 2017
މިލަވަ އަޑުއެހުމަށްފަހު އެންމެ ފުރަތަމަ އެދެމޭ ކަލާގެ ފުރަތަމަ ވާރޝަން އަޑުއަހާފައި، މި ލަވައިގެ ނިންމުން އަޑުއަހާލަބަ. ބަދަލުކޮށްފަ ހުރި ގޮތް އެނގޭނެ. ދެން މި ލަވަ އަދި އެއްފަހަރު ފަށްޓައިގެން އަޑުއެހުމަށްފަހު، ދެން ހިންދީ ފިލްމު އެއަރލިފްޓަށް އަރުޖީތް ކިޔާފައިވާ "ސޯޗް ނާ ސަކޭ" މި ލަވަ އަޑުއަހާލުމުން މިވާ ގޮތް އެނގޭނެ. ބަދަލުކޮށްފައިވާ ގޮތް އެނގޭނެ. ކުޑައިއްބެއަށް އަމިއްލަ ރާގު ހަދަން އެނގުނަސް މިއީ އަމިއްލަ ރާގެއް ނޫން. މިއީ އައިޑިއާ އާއި ރާގާއި މިއުޒިކް ވެސް ކޮޕީކޮށްގެން ކުޑަކުޑަ ބަދަލެއް ގެނެސްގެން ހަދާފައިވާ ލަވައެއް. މިއީ އަމިއްލަ ރާގެއް ނަމަ، އެހަނދާނުގައި މުޅިންވެސް ކިޔަނީ އަމިއްލަ ރާގު.
ލޮލް
23 February 2017
ހަމަ ބޮޑު ތެދު ފުޅެއް! މި ލަވަ އަޑުއަހަން ފަށާއިރަށް ސޯޗްނާ ސަކޭ މަތިން ހަނދާން ވާން ފެށި!! ވަރަށް އެއްގޮތް!
ފާތުމަ
21 February 2017
ޕިސް މިފަހަރުވެސް ކޮޕީ ރާގެއް. ޓެނު އިތުނާމެ ޕިޔާރު ކަރާން ( އެއަރ ލިފްޓު) ގެ ކޮޕީ އެއް މީ. ކުޑަ ތަފާތެއް އިނީ. ބޯހަލާކު.
ޓްވިޓާ ޑޫޑް
21 February 2017
އިއްބެ ވަރަށް ކޫލް. މަ އަޑުއަހަނީ ދިވެހި އަދި އެވެސް އިއްބެގެ 03 ލަވައެއް. މިހާރު 4 މިވީ.
ވޯލް
21 February 2017
ލަވަ އަޑުއަހާލަން ކެރޭވަރަށް ރީތި. ހިތައް އަރާ އެއްޗަކީ ދިވެހިންނަށް ކޮން ދުވަހަކުން ބައޭ ލަވައިން ސަޅި ވާހަކަ އެއް ގެނެސް ދޭން އެގޭނީ. އަސްލު އެވާގޮތަކީ ލަވަގެ ސްޓޯރީ ލިޔެ ހުރިހާ ކަމެއް ކޮށްފައި ތިއޮތީ އެކަކަު. އެހެން ޤައުމުތަކުގައި ލަވަ ގެ ސްޓޯރީ ހަދާނީ އެކަމުގެ މާހިރުން. މިއީ ކެމެރާކޮށޤ ޑިރެކްޓުކުރި ފަރާތައް ބުނާ ދެރަބަހެއް ނޫން. ލަވާގެ ސިނެމޮޓްގްރަފީ ވަރަށް ރީތި.
ފާރު
21 February 2017
ވޯލް އިއްބެގެ އަމިއްލަ ރާގަކަށް ނުވިތާ ދޯ. ވަރަށް ދެރަ މަޝްހޫރު މީހުން ދޮގު ހަދާ އޮޅުވާލައިގެން އުޅޭތި ދެން. މިއަކި ހިންދީ ފިލްމު އެއާ ލިފްޓުގަ އިންނަ ތަނު އިތުނާ މެއިން ޕިޔާރު ކަރާންގެ ހަމަ ކަނޑާ ނަގާފަ އިން އެއްޗެއް. ލޮލް ވަރަށް ދެން
ޮކޮކާ
21 February 2017
ޗާލު :)
ހާމް
21 February 2017
ވ. ތަފާތު