އެމެރިކާގެ ސިއޭޓަލްއަށް ފުރާވަޑައިގެންނެވުމަށް ރައީސް ބައިޑަން އެއާފޯސް ވަން އަށް އަރާވަޑައިގަންނަވަނީ. --ފޮޓޯ: އޭއެފްޕީ
12 މެއި 2024 - 08:48
30 comments
ހަމާސް އިން ރަހީނު ކޮށްފައިވާ އިޒްރޭލުގެ މީހުން މިނިވަންކޮށްފި ނަމަ ފަލަސްތީނުގެ ޣައްޒާ އަށް ދެމުންދާ ހަމަލާތައް "މާދަމާ" ވެސް ހުއްޓާލައި ސުލްހަ ގާއިމުކުރެވޭނެ ކަމަށް އެމެރިކާގެ ރައީސް ޖޯ ބައިޑަން ވިދާޅުވެއްޖެ އެވެ.
"ރަހީނުން މިނިވަންކޮށްފި ނަމަ މާދަމާ ވެސް ހަމަލާތައް ހުއްޓުވޭނެ. އިޒްރޭލުން ބުނެފައި ވަނީ އެ ކަން އޮތީ ހަމާސްގެ އަތްމަތީގައި ކަމަށް. ހަމާސް އިން އެ ކަން ކުރަން ބޭނުން ނަމަ، ރަހީނުން މިނިވަންކުރުމާ އެކު މާދަމާ ވެސް ހަމަލާތައް ހުއްޓާލާނެ ކަމަށް،" ސިއޭޓަލްގައި ބޭއްވި ފަންޑްރެއިސިން ހަރަކާތެއްގެ ތެރެއިން ބައިޑަން ވިދާޅުވި އެވެ.
ބޭރު ގައުމުތަކުން މެދުވެރިއެއްގެ ދައުރު އަދާކޮށްގެން އެތައް ފަހަރެއްގެ މަތިން މަޝްވަރާތައް ބާއްވާފައި ވިޔަސް، އިޒްރޭލާއި ހަމާސް އާ ދެމެދު ހަމަލާތައް ހުއްޓާލުމާ ގުޅޭގޮތުން ސީދާ އެއްބަސްވުމަކަށް އާދެވިފައެއް ނުވެ އެވެ.
ކައިރޯގައި މިސްރާއި ގަތަރާއި އެމެރިކާއިން މެދުވެރިންގެ ދައުރު އަދާކުރާ މަޝްވަރާތައް ހަމާސްއާ އެކު، އެންމެ ފަހުން ފެށީ ހަމަލާތައް 40 ދުވަހަށް ހުއްޓާލައި އިޒްރޭލުން ބަންދުކޮށްފައިވާ ފަލަސްތީނުގެ ގައިދީން މިނިވަންކުރަން ހުށަހަޅާފައިވާ ހުށަހެޅުމާ ގުޅޭގޮތުންނެވެ.
މީގެކުރިން ކުރި މަޝްވަރާތަކުގެ އަލީގައި މިދިޔަ އަހަރުގެ ނޮވެމްބަރު މަހު ހަފުތާއަކަށް ހަމަލާތައް މެދުކަނޑާލި އިރު ހަމާސް އިން ވަނީ ރަހީނުކުރި މީހުންގެ ތެރެއިން 80 މީހަކު މިނިވަންކޮށްފަ އެވެ. އިޒްރޭލުން ވަނީ ބަދަލުގައި އިޒްރޭލުގެ ޖަލުތަކުން ފަލަސްތީނުގެ 240 މީހަކު މިނިވަންކޮށްފަ އެވެ.
އެކަމަކު އިޒްރޭލުން ފަހުން ހުށަހަޅާފައިވާ ހުށަހެޅުމަށް ކުރިއެރުމެއް ނުލިބުމުގެ މައިގަނޑު ސަބަބަކީ، ހަމަލާތައް ދާއިމީކޮށް ހުއްޓާލުމަށް ހަމާސްއިން ޑިމާންޑު ކުރާތީ އެވެ.
ޣައްޒާއިން އިޒްރޭލުގެ ހުރިހާ ސިފައިން ފައިބައި، އެ ތަނަށް ފަލަސްތީނުގެ އާންމުން އެނބުރި ދިއުމުގެ ފުރުސަތު ދޭން ޖެހޭނެ ކަމަށް ވެސް ހަމާސް އިން ބުނެ އެވެ.
ނަމަވެސް ދާއިމީކޮށް ހަމަލާތައް ހުއްޓާލުމަކީ އިޒްރޭލުން މިހާތަނަށް ވެސް ދެކޮޅު ހަދަމުން އައިސްފައިވާ ކަމެކެވެ.
އެންމެ ފަހުގެ މަޝްވަރާތައް ހިނގަމުންދަނިކޮށް، އިޒްރޭލުން ވަނީ ފަލަސްތީނުގެ ދޮޅު މިލިއަނެއްހާ މީހުން ހިމާޔަތް ހޯދަމުން އަންނަ ރަފަހް ސިޓީ އަށް ހަމަލާދޭން ފަށައިފަ އެވެ.
އެކަމާ ދެކޮޅަށް އިޒްރޭލަށް އެންމެ ބޮޑަށް ވާގިވެރިވާ އެމެރިކާ އިން ވެސް މިހާރު ތެދުވެފައިވާއިރު، އިޒްރޭލުން ދަނީ ރަފަހް އަށް ވަދެގަތުމުގެ އޮޕަރޭޝަނެއް ފެށުމަށް ތައްޔާރުވަމުން ކަމަށް ހަމާސް އިން ވަނީ ބުނެފަ އެވެ. --އޭއެފްޕީ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަބުނީ
15 May 2024
އުސްމާނުއަށް..ޔޫރަޕްގެ ޔަހޫދީން އެންމެ ފުރަތަމަ ފަލަސްތީނުގެ ބިން އެމީހުންނަށް ދޭތޯ އެދުނީ އުސްމާނީ ދައުލަތުގެ އޭރުހުންނެވި ޚަލީފާގެ އަރިހުގަ..އެމީހުންގެ އެދުމަށް ޚަލީފާ ދެކޮޅުހެއްދެވީމަ އެމީހުން ގަބޫލުކުރީ އުސްމާނީ ޚިލާފަތު ދެމި އޮތްހާ ހިނދަކު އެކަން އެހެން ނުވާނެކަމަށް..އެމީހުންނަށް ފަލަސްތީނުގެ ބިން ލިބެން އޮތީ އެޚިލާފަތު ވައްޓާލައިގެންކަން..އެހެންވެ ޚިލާފަތް ވައްޓާލުގެ އެންމެހާ ރޭވުންތައް ރާވައި އެއާ އެއްގޮތަށް އަމަލުކުރި..
ޕާރޓިޝަން އިޒް ރެޑް ލައިން
15 May 2024
އެހެންވީމަ، އަރަބިން، މުސްލިމުން މެޖޯރިޓީންނަށް ތިބެ އެމީހުން ޤައުމު ބައިބައިވުމާ ދެކޮޅަށް ހަނގުރާމަ ކުރީ ޔޫއެން ޕާރޓިޝަން ޕްލޭނާ ދެކޮޅަށް. އިޒްރޭލް ހަމައެކަނި މޮޅުވީ، ޔޫއެސް، ޔޫކޭ އަދި ޔޫރަޕް ގެ ހަތިޔާރު ތަކުގެ އެހީގަ. އަދިވެސް އެކަން ކުރިއަށް އެދަނީ އެހެން. 4 ބިލިއަން އެނުއަލް ގްރާންޓް! ކޮންބޭނުމަކު؟ އެހެން ނުވިނަމަ މިއަދަކު އެބިން ބެހި، އާ ދައުލަތެއް ނޫފެއްދުނީސް. ބަޓް އިޓްސް އަންސަސްޓައިނަބަލް، ޔޫ ހޭވްޓުގިވް ޕީޕަލް ދެއަރ ފްރީޑަމް.
ޕާރޓިޝަން އިޒް ރެޑްލައިން
15 May 2024
އިޒްރޭލު ހަނގުރާމަ އެއް ފުރަތަމަ ނުކުރޭ، ހަމަ އެކަނި ގޯތިތައް އަތުލާ، މީހުންނަށް ޖެއްސުންކޮށް، ނަސްލީ ތަފާތު ކުރަންފެށީ! އަޕާރތައިޑް ސްޓޭޓެއް ހެދީ! އެކަމާ ދެކޮޅު ކޮންމެ ބަޔަކަށް ޓެރަރިސްޓް ލޭބަލް ދިނީ! ދެން މައިނޯރިޓީ ޕޮޕިއުލޭޝަން އިންޑެޕެންޑް ވާން އުޅުނަކަސް ކޮންމެހެން މެޖޯރިޓީން އެކަމަށް އެއްބަސް ވާކަށް ނުޖެހޭ! އެގްޒާމްޕްލްސް، ސިކްސް އިން އިންޑިއާ، ކެތަލޯނިއާ ސްޕެއިން. މައިސަރުކާރުން އަބަދުވެސް ދައުލަތުގެ ބިން ބައިބައި ކުރަން ދެކޮޅު ހަދާނޭ!
ޖައްސާސަތު
15 May 2024
އިޒްރޭލް އުފެދުމުން އެ ބިމުގައި ތިބި ހުރިހާ މުސްލިމުނަށް ދިނީ ރައްޔިތުކަން. އެހެންވެގެން އިޒްރޭލްގައި މިއަދު 20% ނުވަތަ 2 މިލިޔަން މުސްލިމުން ތިބީ ނަމަވެސް އިޒްރޭލް އުފެދުމުން ޢަރަބި ފަޅީގައި (ވެސްޓްބޭންކް/ޣައްޒާ) ތިބި ހުރިހާ ޔަހޫދީން ޢަރަބިން (ޖޯރޑަން/މިސްރު) ބޭރުކޮށްލީ. އެހެންވެގެން ޢަރަބި ފަޅީގައި (ވެސްޓްބޭންކް/ޣައްޒާ) މިއަދު ޔަހޫދީއަކު ނެތީ. ގޯތި އަތުލާ ބޭރުކުރާ ބަޔަކީ ކޮބާ ކަން އޮޅިއްޖެ
ނަތަންބެ
15 May 2024
އިޒްރޭލް އުފެދުމުގެ ފަހުން ޢަރަބި ގައުމުތަކުން 7 ލައްކަ ޔަހޫދީން ބޭރުކޮށްލެވުނު. 10 ގުނަ އިތުރު ވުމެއް ލީ ނަމަވެސް މިހާރު އެ މީހުންގެ ދަރިކޮޅު 7 މިލިޔަން މީހުން ވާނެ. ބައެއް ގައުމުތަކުގެ 2 ލައްކަ ޔަހޫދީ އާބާދީ ހުސްވެގެން ދިޔަ. އެ މީހުންގެ ގޯތި ގެދޮރު އަތުލެވުނު. އެ މީހުނަށް ވެސް އިންސާފް ލިބެން ޖެހޭނެ ނޫންތޯ. އެ ބިންތައް އަނބުރާ ދޭން ޖެހޭނެ. ގޯތި އަތުލި އެންމެންވެސް
މަބުނީ
15 May 2024
ޖައްސާސަތު އަދި ނަތަންއަށް.. ޔޫމެން ކިޔާބަލަ ޔޫރަޕުގެ ގައުމުތަކުން ޔަހޫދީން ބޭރުކޮށްލެވުނު ގޮތާއި އެމީހުންނަށް ދީފަހުރި އަނިޔާވެސް..މިހާރު މާ ހެޔޮފުޅުވެގެން އުޅުނަސް އެމީހުންގެ ކަޅު ހިސްޓުރީ އެއޮތީ ފެންނަން.. އަހަންނަށް ދެރައީ އިނގިރޭސިވިލާތުން ބަޔަކާ އެމެރިކާއިން ބަޔެއް 1/2 ކޮށްފަ ޔަހޫދީންނަށް ނުދިނީމަ..
ފުފޫ
15 May 2024
ޖައްސާސަތު އަދި ނަތަންބެ..1918އިންފެށިގެން 2024ގެ ފަލަސްތީނުގެ ޗާޓަށް ބަލާލީމަވެސް އެނގޭ ބިން ކޮޅާ މީހުންނާ އެނޫން މީހުން..
މަބުނީ
15 May 2024
އުސްމާނުއަށް..1882 އިން ފެށިގެން ޔަހޫދީން ފަލަސްތީނުގަ ވަޒަންވެރިވީ ފަލަސްތީނުގެ ބިން އަތުލުމުގެ ބޭނުމުގަ އެވިސްނުމުގަ.. އުސްމާނީ ޚިލާފަތު ވައްޓާލީވެސް އެބޭނުމުގަ.1922އެއް ނޫން 1918 ގަ ޚިލާފަތުގެ ބާރު ކަނޑުވާލައި އިނގިރޭސީންގެ އަތްދަށަށް ފަލަސްތީނުގެ ބިން ދިޔައީއްސުރެފެށިގެން ޔަހޫދީން އާބާދު ކުރަމުން ގެންގޮސް 1948އާ ހަމައަށް ބޮޑު ދައުލަތެއް އުފެދޭވަރަށް ޔަހޫދީން އެއްކުރި..މިމުއްދަތުގެ ތެރޭގަ ގަތުލު އާއްމުތައް ހިންގާ ބިން ފޭރެން ފަށައިފި.
އުސްމާނު
15 May 2024
1840ގެ ބޯ ހިމެނުންތައް ބެލިޔަސް އެގޭ ގުދުސްގެ މެޖޯރިޓީއަކީ ޔަހޫދީންކަން. އޭރު ޒަޔަނިޒަމް ވީ ކޮންތާކު؟ އުސްމާނީ ފަދަ ބޮޑު ހިލާފަތެއް ޔަހޫދީ ކުޑަ މީސްކޮޅަކަށް ނުވެއްޓޭނެކަން އެގޭ. އުސްމާނީން ވެއްޓުނީ ޖަރުމަނާއި ބައިވެގެން އުޅެނިކޮން ބޮޑުހަގުރާމައިގައި އަމިއްލަޔަށް. އުސްމާނީ ހިލާފަތުގައި ތިބި ޔަހޫދީން ވާނީ ސައްހަ ރައްޔިތުނަށް. ރާއްޖޭގައިވެސް ބަބުރުން، ޢަރަބި ސައްޔިދުން ވެސް ވަޒަންވެރިވި. މިހާރު އެއީ ދިވެހިނަށް ނުވާ ގޮތެއް ނެތް. މޮޔަ ވާހަކަ ނުދައްކާ
މަބުނީ
15 May 2024
އުސްމާނު އަށް.. އުސްމާނީ ޚިލާފަތް ވައްޓާލީ ޔޫރަޕުގަ ތިބި ޔަހޫދީންނާއި އިނގިރޭސިންނާއި އެމީހުންގެ ބައިވެރިން އަޑީގަ ތިބެގެން ފުރަތަމަ ބޮޑުހަނގުރާމާއިގަ..މީގެ ތެރޭގަ އަރަބި ގައުމުތަކުގެ ވެރިންގެ އެހީތެރިކަންވެސް ހިމެނޭ..އެންމެ ބޮޑު އެހީތެރިކަމެއް ދިނީ މިހާރުގެ ޖޯޑަންގެ ރަސްގެފާނު އަބްދުﷲގެ ކާފަގެ އެހީތެރިކަން. 1882ފެށިގެން ހިޖުރަކުރަމުން އަންނަންޏާ ޔަހޫދީންގެ އަދަދު އިތުރުވާނެކަން އެނގެންވާނެ..ޕުލޭން އޮތީ މާކުރިންސުރެ އެގޮތަށް ކުރެވި ނިމިފަ.
ގެދާނޯމޮސް
12 May 2024
އަމިއްލަ ގެދޮރުން ޖަހައިގަނެގެން އިޒުރޭލުގެ ޖަލުތަކުގަ ތަޅުވާ ޕަލަސްތީތުގެ ރައްޔިތުން ވީމާ އެއީ ރަޙީ ނުންނެއް ނޫނެވެ!
ޖިހާދް
13 May 2024
އެއީ ސުއިސައިޑް ބޮން ގޮއްވާ މީހުން
ސްޓޯރމީ
12 May 2024
1948ގައި އަލިފްދާލުން ފަލަސްތީން ބިމުގައި ތިބި ދެ ދީނުގެ މީހުނަށް ހަމަޔަށް ދެބައި ކުރުމަށް ފާސްކުރުން އެ ޤަރާރް އިޒްރޭލުން ގަބޫލް ކުރި. އެ މީހުނަށް ދިން ފަޅި އެ މީހުން ގަބޫލް ކުރި. ޢަރަބި ފަޅި އޮންނަން ޖެހޭކަން ވެސް ގަބޫލް ކުރި. އެކަމަކު ޢަރަބިން އަލިފްދާލްގެ ސަލާމަތީ މަޖިލިސްގެ ނިންމުން ގަބޫލް ނުކޮށް ޔަހޫދީ ދައުލަތާއި ޔަހޫދީން ނައްތާލަން ހަނގުރާމަ ފެށި. 1967ގަޔާއި 1973ގައިވެސް އެފަދަ ހަނގުރާމަ ކުރި. އިޒްރޭލަކުން ދުވަހަކުވެސް ހަގުރާމައެއް ނުފަށާ.
މަބުނީ
12 May 2024
އިޒުރޭލުން ގަތުލު އާއްމެއް ނުހިންގާތަ؟؟ގަތުލު އައްމު ހިންގުމަކީ ހަނގުރާމަ އިއުލާނުކުރުން..1882 އިން ފެށިގެން ޔޫރަޕުގެ ގައުމުތަކުން ޔަހޫދީ ޒައިނިސްޓުން ފަލަސްތީނަށް ހިޖުރަކޮށް ވަޒަންވެރިވި..އޭރުއްސުރެ ފެށިގެން އެތައް ހާސް ފަލަސްތީނު މީހުން ގަތުލުކޮށް ރެފިއުޖީންނަށް ހަދައި ގޯތި ގެދޮރާއި ބިން އަތުލި..އޭރުވެސް އަރަބިން ހަނގުރާމަ ކުރީ ގަތުލު އާއްމާ ދެކޮޅަށް..މިހާރުވެސް ހަނގުރާމަ ކުރަނީ ގަތުލު އާއްމާ ދެކޮޅަށް..
ޢުސްމާނު
13 May 2024
1882 އިން 1922 އަށް ތިޔަ ތާ ވެރިކަމުގަ ތިބީ އުސްމާނީން. އިސްލާމީ ވެރިކަމެއްގަ ޔަހޫދީން ގަދަކޮށްފައި ނޫޅެވޭނެ ކަން ކޮއްމެ މީހަކަށް ވެސް އެގޭނެ. އޭރު ޔަހޫދީއަކު ވަޒަންވެރިވި ނަމަ ވާނީ ސަރުކާރުން ހުއްދަ ދީގެން. އޭރު ހުރިހާ ދީނެއްގެ މީހުން ތިތާ އުޅޭ. މި ޒަމާނުގެ ޕާސްޕޯޓްތައް ހެދުމުގެ ކުރިން ރާއްޖެއަށް ވެސް އަންނާނެތަނަކުން މީހުން އައިސް ވަޒަންވެރިވި. ޢެ އެންމެނަކީ މިހާރު ދިވެހިން. ޙަމަ އެފަދައިން އެ ޔަހޫދީނަކީ ފަލަސްތީން މީހުން
ޙަގީގަތް.
13 May 2024
1948 1967 1973 ޤަތުލު ޢާންމު ހަގުރާމަ ފެށީ ޢަރަބިން. ޢިޒްރޭލަކުން ގަތުލްއާންމެއް ނުހިންގާ އަދި ހަގުރާމައެއް ނުފަށާ
ޚޮސް
13 May 2024
ސާބަސް ހަމަކޮސްވެއްޖެ މިއީ ދިވެހި މުސްލިމަކު ކުރި ކޮމެންޓެއްތަ. ާާާާާާާާާާާާާާާާާާާާާާާާާާާާާާާާާާާާތުހިރީ އެއްފަޅިއައްޖެހިފަ. ތިއީ ބޮޑުދޮގެއް ހަގީގަތް އެއޮތީ ތާރީޚުން ފެންނަން. ޢޮޅުވާނުލާ.
މަބުނީ
15 May 2024
@ޙަޤީޤަތަށް..އިޒުރޭލުގެ ދައުލަތް ރަސްމީކޮށް އިއުލާން ނުކުރަނީސްވެސް 1946ގަ ވެސް ފަލަސްތީނުގެ ބިން ފޭރި ގަތުލު އާއްމުތައް ފަށައިފި..އެތައް ބަޔަކު ރެފިއުޖީންނަށް ހެދިކަން އެއޮތީ ތާރީހުން ފެންނަށް. އަރަބިން ހަނގުރާމަކުރީ އެކަންކަމާ ދެކޮޅަށް މާފަހުން..ހަމާސްއިން ހަމަލާ ދިނީމަ ކަލޭމެންގެ ނަޒަރުގަ އިޒުރޭލުން ހަމަލާ ދޭންޖެހޭ..އެކަމަކު އިޒުރޭލުން ގަތުލު އާއްމު ހިންގާ ކޮންމެ ފަދަ ޖަރީމާއެއް ހިންގިޔަސް ބަދަލުގަ ހަމާސްއިން ހަމަލާ ދޭކަށް ނުޖެހޭ..
ވެންގަގޯ
12 May 2024
ތިއުޅެނީ ފަލަސްތީނަށް އދ ގެ ފުރިހަމަ މެންބަރު ގައުމަކަށް ވެދާނެތީ ބޮލުގެ އެއްޗެއް ތިހަދާލީ ބައިޑަން ދޯ އިސްލާމުދީނާ ފަލަސްތީނުގެ ރައްޔިތުންނާ މަސްޖިދުލްއަޤްޞާ ހިމާޔަތް ކުރާ ހަމާސްއަށް ގޮވާލަން މިނިވަން ޤައުމެއްގެ ގޮތުގައި ބަލައިގަތުމުން ނޫނީ ހަމާސް އިން ހައްޔަރުކޮށްފައިވާ ޔަހޫދީން ދޫނުކުރާ ތި އެމެރިކާ އެއުޅެނީ ޖަހަމުނުވެގެން މިނިވަންކަން ލިބިދާނެތީ އެހެންވެ އެ އުޅެނީ
ޤާނޫނު
12 May 2024
އިސްރާޢީލުން މެރީކީ ނޫން. އިސްރާޢީލަށް ހަަމަލާ ދިނީމަ ދިން ދިފާޢީ ހަމަލާގައި ޢާންމުން މަރުވީ. ޢާންމުން މަރު ނުވާ ގޮތަކަށް އެއްވެސް ހަނގުރާމައެއް ނުކުރެވޭނެ. ހަނގުރާމަ ފަށާ މީހުން ނުބައީ. މީހުން މެރީ ހަމާސްއިން. ދިފާޢީ ހަނގުރާމައަކީ ހުއްދަ އެއްޗެއް ބައިނަލްއަގްވާމީ ގާނޫނުތަކުގައި. އިސްރާޢިލަށް ދިފާޢީ ހަނގުރާމަ ނުކުރެވެންޏާ ކީއް ކުރާ އެއްޗެއް ޖެނީވާ ކޮންވެންޝަނާއި އެއްޗެތި މީ، ރަހީނުން ސަލާމަތް ކުރުމާއި ދިފާޢީ ހަނގުރާމަ ނުުކުރެވެންޏާ
މާހިރު
12 May 2024
ކަލެއަށް ތަންތަން ތިފެންނަނީ ދެލޮލަކުންނޫނެވެ. ހަމާސްއިން ހަމަލާދިނީ އެބައިމީހުންގެ ބިންތަކަށްވެރިވެގަނެގެން ތިބި ބަޔަކާ ދެކޮޅަށެވެ. ސިއްހީ ފަރުވާދޭ ތަންނަނާއި ސްކޫލްތަކާއި ރެފިއުޖީ ކޭމްޕުތަކަކީ ހަނގުރާމައިގާވެސް ހަމަލާ ނުދެވޭނެ ތަންތަންކަމަށް ނޯވޭ ހެއްޔެވެ. ތީހަމަ ފައްކާ ޔަހޫދީއެކެވެ.
މަބުނީ
12 May 2024
އިސްރާއީލުން މެރީކީ ނޫނޯ ބުނާއިރު ހޮސްޕިޓާތަކަށް ވަދެ ހަނގުރާމަވެރިން ހޯދާށޭކިޔާފަ އެތާތިބި ބަލިމީހުންނާއި ސިއްހީ އެހީތެރިން ގަސްދުގަ މެރީ..އެއްބަޔަކު ދިރިހުއްޓާ ވަޅުލީ..މިއީތަ މީހުން ދިފާއީ ހަނގުރާމަ ކުރާ ގޮތަކީ؟ހަމާސް ވުޖޫދުގަ ނުވާއިރުވެސް ފަލަސްތީނުގެ އާއްމުންމެރަމުން ގެންދިޔަ..ދެން ފަލަސްތީނަކަށް ނެތް ދޯ ދިފާއުވުމަށް ހަނގުރާމަ ކުރުމުގެ ހައްޤެއް.؟؟ ހައްޤު އޮތީ ހަމައެކަނި އިޒުރޭލަށް ދޯ؟؟
ގާނޫނު
13 May 2024
ޓެރަރިސްޓުން ގާއިމްވެގެން ތިބި ކޮންމެ ތަނަކީ ހަމަލާ ދިނުން ހުއްދަ ތަންތަން
ޢަރަބް
13 May 2024
ހަމާސް ވުޖޫދު ނުވާ އިރު ދޯ އަރަބިން ޔަހޫދީ ދައުލަތް ނައްތާލަން 1948ގައި ހަގުރާމަ ފެށީ
މަބުނީ
15 May 2024
@ޢަރަބް..ޔަހޫދީ ދައުލަތް އިއުލާނު ނުކުރާއިރުން ސުރެފެށިގެން ފަލަސްތީނު މީހުން ނައްތާލަން އެބިން އެއްކޮށް އަތުލަން އިޒުރޭލުގެ ޔަހޫދީން އުޅުނުކަން އެއޮތީ ތާރީހުން ފެންނަށް..އަރަބިން ހަނގުރާމަ ކުރީ އެކަންކަމާ ދެކޮޅަށް.
ރަދީފްއޮފިޝަލް
12 May 2024
ކަލޭ ބޭނުން ގޮތަކަށް ކަންކަން ނުކުރެވޭނެ މުސްކުޅިޔާ. ހެހެހެހެހެ
ސީތާ
12 May 2024
ޔަހޫދީންނަކީ ދުވަހަކުވެސް ތެދުބަހުން ވާހަކަދައްކާނެ ބައެއްނޫން. އެމީހުންގެ ކޮންމެ ވަޢުދެއްގެ އަޑީގައިވާނީ މަކަރާއި ޙީލަތްތެރިކަން. އެމީހުން ބޭނުންވާ އެންމެން މިނިވަންވުމަށްފަހު ދެން އަރައިގަންނަލެއް ވަރުގަދަވާނެ. މީގެކުރިންވެސް ވީ ހަމައެހެން. އިންސާނުންގެ ސިފައިގައިތިބި ވަލުކުއްތާތަކެއް އެއީ.
ޖައްސާސަތު
12 May 2024
އިޒްރޭލަކުން ހަގުރާމައެއް ނުފަށާ ހަމާސްއިން ފެށީ. ކޮން ޕްލެނެޓެއްގައި ތި އުޅެނީ
ޔަހޫދީ
12 May 2024
ދިވެހިންގެ މުނާފިގްކަން ކަލެއަށް ނުފެނޭތަ ތިޔަ ރައްޔިތުންގެ މަޖިލިސަށް ބެލިޔަސް
މަބުނީ
12 May 2024
ޖައްސާސަތުއަށް..އިޒުރޭލުން ގަތުލު އައްމެއްވެސް ނުހިންގާ ދޯ؟؟ ގަތުލު އާއްމު ހިންގުމަކީ ހަނގުރާމަ އިއުލާން ކުރުން..ހަމާސް ވުޖޫދުގަ ނުވާއިރުވެސް އިޒުރޭލުގެ ޔަހޫދީންގެ ކަމަކީ ގަތުލު އާއްމު ހިންގުން..އެހެންވެ އަރަބިންވެސް އިޒުރޭލާ ދެކޮޅަށް ހަނގުރާމަކުރީ..ހަމާސްވެސް ހަނގުރާމަ ކުރަނީ އެހެންވެ..ތާރީހުގަ ކަން ވެފައޮތް ގޮތް ފެންނަން އޮތް އިރުވެސް ނުފެންނަ ކަމަށް ހެދެނީތަ؟؟