ހައްޖު ދުވަސް އަވަސް ވިއަސް އީދު ޗުއްޓީއަށް ބަދަލެއް ނާންނާނެ

އީދު ބަންދެއްގައި ބަޔަކު ދަތުރުކުރަން ތައްޔާރުވަނީ.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

07 ޖޫން 2024 - 19:42

މި އަހަރުގެ ހައްޖު ދުވަސް ރާއްޖޭގެ ކަލަންޑަރުގައި އޮތް ދުވަހަށްވުރެ އަވަސް ވިއަސް، އީދު ޗުއްޓީއަށް ބަދަލެއް ނާންނާނެ ކަމަށް ރައީސް އޮފީހުން މިއަދު ބުނެފި އެވެ.

އެ އޮފީހުން ނެރުނު ދެންނެވުމުގައި ބުނީ ސައުދީ އަރަބިއްޔާއަށް ހަނދު ފެނުމުން، ރާއްޖޭގައި ވެސް މިއަދަކީ ޛުލްހިއްޖާ މަހުގެ އެއް ވަނަ ދުވަސްކަމާއި އަރަފާތު ދުވަހަކީ އަންނަ ހަފުތާގެ ހޮނިހިރު ދުވަސް އަދި އަޟްހާ އީދަކީ އެއާ ޖެހިގެން އަންނަ އާދިއްތަ ދުވަސް ކަމަށް އިސްލާމިކް މިނިސްޓްރީން ކަނޑައަޅާފައިވާ ކަމަށެވެ.

ކަލަންޑަރުގައި ކުރިން އޮތް ގޮތުން ޒުލްހިއްޖާ މަހުގެ ފުރަތަމަ ދުވަހަކީ މާދަމާ އެވެ. އަދި އަރަފާތު ދުވަހަކީ މި މަހު 16 އެވެ. އަދި ބޮޑު އީދު ދުވަހަށް ވަނީ މި މަހު 17 އެވެ.

ދެންނެވުމުގައި ބުނީ އީދު ދުވަހާ ގުޅިގެން ބަންދުވާނީ މި މަހުގެ 17، 18، އަދި 19 ވަނަ ދުވަހަށް ވިއަސް، ކަލަންޑަރުގައި ކުރިން އޮތް ގޮތުން މި މަހުގެ 20 ވަނަ ދުވަހަކީ ބަންދު ދުވަހެއް ކަމަށް ބަލައި ގިނަ ބަޔަކ ރާއްޖެ އާއި ރާއްޖެއިން ބޭރަށް ދަތުރުތައް ހަމަޖައްސާނެ ކަމަށެވެ.

އެހެންވެ، ސަރުކާރުގެ އޮފީސްތައް ޖޫން 20 ވަނަ ދުވަހު ހުޅުވައިފި ނަމަ ވަރަށް ގިނަ މުވައްޒަފުންނަށް ދަތިވާނެ ކަމަށް ފެންނާތީ، އެ ދުވަހަކީ ސަރުކާރު ބަންދު ދުވަހެއްގެ ގޮތުގައި ރައީސް ޑރ. މުހައްމަދު މުއިއްޒު ހަމަޖައްސަވާފައިވާ ކަމަށް، ޗީފް އޮފް ސްޓާފް އަބްދުﷲ ފަޔާޒު ނެރުއްވި ދެންނެވުމުގައިވެ އެވެ.

އެއާއެކު، އީދު ބަންދަށް ފަހު ސަރުކާރުގެ އޮފީސްތައް ހުޅުވާނީ، ކުރިން ވެސް ހަމަޖައްސާފައިވާ ގޮތަށް މި މަހުގެ 23 ވަނަ ދުވަހެވެ.

ރައީސް އޮފީސް އީދު ބަންދު

12 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުސަނ

08 June 2024

ރަނގަޅު ގޮތެކެވެ. މުސްލިމުންގެ ޚާއްސަޢީދެކެވެ.ފަސްދުވަސް ލިބޭގޮތަށް ހަފުތާއެއްގެ މުއްދަތު ޢީދަށް ދޭންވީއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު

07 June 2024

ޗުއްޓީގައި ތިއްބަވާ އިރު ވީހާ ގިނަ ގިނަ އިން އެދުވަސް ތަކުގައި ޢީދު ތަކުބީރު ކިޔުމާއި ޔަހޫދީންގެ ފަރާތުން ފަލަސްތީނު ރައްޔިތުންނަށް ލިބޭ އަނިޔާތަކާއި ކުރިމަތިވާ ލާއިންސާނީ އަމަލުތަކުން ސަލާމަތްކޮށް، އަމާންކަމާއި ކެތްތެރިކަމާއި ރައްކާތެރިކަން ދެއްވުމަށް އެދި ދުޢާކުރުމަށް އެދެން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންޠިޤް

07 June 2024

ހައްޖުދުވަސް އަވަހެއްނުވޭ! ކުރިންވެސް، މިހާރުވެސް އަދި ފަހުންވެސް އެދުވަސްވާނީ ހަމަ ޛުއްޙިއްޖާ މަހުގެ 9 ވަނަ ދުވަހަށް. ކަލަންޑަރު ހެދި މީހުންގެ ހިސާބު ދިމާނުވީމަ ގޯސްމިވީ ހަނދު.