ޚަބަރު / ޑރ. މުހައްމަދު ޝަހީމް އަލީ ސައީދު (މިނިސްޓަރު)

މިއަދު ހައްޖަށް ފުރީ އިތުރަށް ލިބުނު 150 ކޯޓާގެ މީހުން: މިނިސްޓަރު

މިއަހަރު ހައްޖަށް ދާ މީހުންގެ ފަހު ގުރޫޕްގައި ހިމެނޭ 150 މީހުންގެ ތެރެއިން ބަޔަކު ފުރަން ގޮސް ވެލާނާ އިންޓާނޭޝަނަލް އެއާޕޯޓްގައި ހަރަކާތްތެރިވަނީ -- ފޮޓޯ: ފަޔާޒު މޫސާ | މިހާރު

10 ޖޫން 2024 - 16:20

7 comments

މިއަދު ރާއްޖެއަށް ހައްޖަށް ފުރި އެންމެ ފަހު ގްރޫޕަކީ ރާއްޖެއަށް އިތުރަށް ލިބުނު ހައްޖު ކޯޓާގައި ފުރި މީހުން ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު ވިދާޅުވެއްޖެ އެވެ.

ސަރުކާރުން ކުރިން ބުނެފައިވަނީ މިއަހަރު ރާއްޖެއަށް ލިބިފައި ވަނީ 1،000 ކޯޓާ ކަމަށެވެ.

ހައްޖަށް މިއަދު ފުރާވަޑައިގަތުމުގެ ކުރިން އެއާޕޯޓްގައި ނޫސްވެރިންނާ ވާހަކަ ދައްކަވަމުން މިނިސްޓަރު ޝަހީމް ވިދާޅުވީ ރާއްޖެއަށް ލިބުނު ރަސްމީ ކޯޓާގެ ތެރެއިން ފުރާ 1،000 ހައްޖުވެރިން ކުރިން ހައްޖަށް ފުރާފައިވާ ކަމަށެވެ. އަދި މިއަދު ހައްޖަށް ފުރަނީ ހައްޖު ކޯޓާއަށް އިތުރުވި 150 ޖާގައިގެ މީހުން ކަމަށް ވިދާޅުވި އެވެ.

"މިއަދު މި ފުރަނީ ފަހުން އިތުރުވި ޖާގަ ތަކުގެ ތެރެއިން 150 މީހުން. މި 150 މީހުންގެ އިތުރުން ވެސް ބައެއް ހާޖީންތަކެއް ފުރާނެ. އެއީ އަލުގަނޑުމެންގެ ހަވާލުގައި ނުވަތަ ބެލުމުގެ ދަށުން ފުރާ ހާޖީންތަކެއް ނޫން. އެއީ މެހެމާނުން ތަކެއްގެ ގޮތުގައި ފުރާ ބައެއް. ވަކި އިންތިޒާމު ތަކެއްގެ ތެރެއިން. އެއީ އަޅުގަނޑުމެންނާ އެއްވެސް ވަރަކަށް ގުޅުން އޮންނަ ކަމެއް ނޫން،" މިނިސްޓަރު ވިދާޅުވި އެވެ.

ރާއްޖެ އިން މި އަހަރު ހައްޖަށް ދާ މީހުންގެ ފުރަތަމަ ގްރޫޕްގައި، ފުރީ 298 މީހުންނެވެ. އެ މީހުން ފުރީ މިދިޔަ މަހުގެ 31 ވަނަ ދުވަހު އެވެ. ދެވަނަ ގްރޫޕް ފުރީ މި މަހުގެ ތިން ވަނަ ދުވަހު އެވެ. އެއީ ޖުމްލަ 353 މީހުންނެވެ. ތިންވަނަ ގްރޫޕުން ދިޔަ 339 މީހުން ފުރީ މިދިޔަ ހުކުރު ދުވަހު އެވެ.

ހައްޖު ޑރ. މުހައްމަދު ޝަހީމް އަލީ ސައީދު (މިނިސްޓަރު) ހައްޖު ކޯޓާ އިސްލާމް ދީން

7 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކިއުކިއު

11 June 2024

މިނިސްޓްރީއަށް ނޭނގި ތިހެން ބަޔަކު މެހްމާނުންގެ ގޮތުގަ ހައްޖުވާނަމަ ދެން އަލުން އަނެއްކާ އެމީހުން ހައްޖަށް ދާން އުޅޭއިރު ހައްޖުވެފައި އޮތްކަން ނޭނގިގެން އަނެއްކާ އެހެން އަހަރަކު ހައްޖަށް ދާން އެމީހުންނަށް ހުއްދަ ދެވޭނެ ނޫންބާ؟ 1 ފަހަރު ހައްޖުވެފައިވާ މީހުން ބަލާ ހަދާ ކަމަށް ބުނާއިރު އެއީ ކޮންކަހަލަ ހަމައެއް އޮންނާނެ ކަމެއްބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން ހަސަނު

10 June 2024

150 ޖާގަ ދިނީ ކޮން އުސޫލަކުންތޯ. ކިޔު ތަރުތީބުން ތޯ؟ މިޒާތު މަޢުލޫމާތު ނޫސްވެރިންވެސް ބަލާލަދޭނަމަ ޙަބަރު ފުރިހަމަވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑާދަނު

10 June 2024

އެއީ މެހެމާނުން ތަކެއްގެ ގޮތުގައި ފުރާ ބައެއްކަމާ އަދި ވަކި އިންތިޒާމު ތަކެއްގެ ތެރެއިން ފުރާ ބައެއްކަން މިހާރު އެގިއްޖެއެވެ. ނޭގެނީ އެމީހުނަށް ކޯޓާ ލިބުނުގޮތެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކިހިނެތް

11 June 2024

އެމީހުން މެހްމާނުންނަށް ހޮވުނީ މިސަރުކާރުގެ އެއްވެސް އެނގުމެއް ނެތިބާ؟ ސައުދީ މީހުން މިގައުމަށް އައިސް އަމިއްލައަށް ދިވެހިން ހޮވައިގެން ހައްޖަށް ގެންދިއުން އޮވޭބާ؟ ނޫނީ ސައުދީން ހައްޖަށް ގެންދަން އެޕްލައިކުރެވޭ ގޮތަށް އޮންނަނީބާ؟ ސަރުކާރަށް ނޭނގި ދިވެހިންގެ ބަޔަކު ހައްޖަށް ދިއުމަކީ ހަމަ އެކަން އޮންނަންވީ ގޮތްބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

10 June 2024

އަބަދު އިވެނީ 1000 މީޙުންގެ ވާހަކަ އެވެ. މިއަދު ހައްޖަށް ފުރަނީ ހައްޖު ކޯޓާއަށް އިތުރުވި 150 ޖާގައިގެ މީހުން ކަމަށް ވިދާޅުވި އެވެ. 150 އިތުރު ވިކަން އެނގިއްޖެ އެވެ. މިއީ ކުރީން ވެސް އަނގާލަން ޖެހޭ ކަމެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސަރު

10 June 2024

ކޯޓާ އިތުރު ވުމުން މިއަދު ތިޔަފުރީ އެއްކަލަ ލިސްޓްގައި ތިބި މީހުނެއްނޫން ދެއްތޯ!؟ ހައްޖައްދާން ފައިސާދައްކާ ކިޔުގައި ތިބި މީހުނަށް ތިޔަ 150 ޖާގަ ނުލިބުނީ ކީއްވެބާ!؟