ރީޖަނަލް ހޮސްޕިޓަލްތަކުގެ ކިއު ކުޑަކުރަން އޯޕީޑީގެ ވަގުތު އިތުރުކުރަނީ

އޯޕީޑީއަށް ހާއްސަކޮށްގެން ހދ. ކުޅުދުއްފުށީ ރީޖަނަލް ހޮސްޕިޓަލްގައި ހެދި އާ އިމާރާތް-- ފޮޓޯ: ޖައުފަރު އަލީ | ކުޅުދުއްފުށި އޮންލައިން

އާސިމާ ނިޒާރު، މިހާރު

04 ޖުލައި 2024 - 10:58

7 comments

ރީޖަނަލް ހޮސްޕިޓަލްތަކުގެ ކިއު ކުޑަކުރަން ހިދުމަތްދޭ ވަގުތު އިތުރުކުރަން ނިންމައިފި އެވެ.

ހެލްތު މިނިސްޓްރީގެ ވެބްސައިޓުގައި ބުނީ މީގެ ކުރިން ރަސްމީ ވަގުތުގައި ސްޕެޝަލިސްޓު ޑޮކްޓަރުންނަށް ދެއްކުމުގެ ހިދުމަތް ދެމުން ދިޔަ ހޮސްޕިޓަލްތަކުގައި މި މަހުން ފެށިގެން ދެ ދަންފަޅިއަށް ވަގުތު އިތުރުކޮށްފައިވާ ކަމަށެވެ.

އެ ހޮސްޕިޓަލްތަކަކީ ހދ. ކުޅުދުއްފުށީ ރީޖަނަލް ހޮސްޕިޓަލާއި ރ. އުނގޫފާރު ރީޖަނަލް ހޮސްޕިޓަލާއި ލ. ގަމު ރީޖަނަލް ހޮސްޕިޓަލާއި ގދ ތިނަދޫ، ޑރ. އަބްދުއްސަމަދު ރީޖަނަލް ހޮސްޕިޓަލްގެ އިތުރުން އައްޑޫ އިކުއެޓޯރިއަލް ހޮސްޕިޓަލެވެ.

އޭގެ ތެރެއިން، ކުޅުދުއްފުށީ ހޮސްޕިޓަލުގައި މިދިޔަ ހޯމަ ދުވަހުން ފެށިގެން ވަނީ ބަލި މީހުން ބަލާ ވަގުތު އިތުރުކޮށްފަ އެވެ. ބާކީ ހޮސްޕިޓަލްތަކުގައި މި މަހުގެ 15 ވަނަ ދުވަހުން ފެށިގެން އެއަށް އަމަލުކުރަން ފަށާނެ ކަމަށް މިނިސްޓްރީން ބުންޏެވެ.

އެ ހޮސްޕިޓަލްތަކުގައި ސްޕެޝަލިސްޓުން މީގެ ކުރިން އޯޕީޑީގައި ބަލި މީހުން ބަލަމުން ދިޔައީ ހެނދުނު 8:30-4:00 އަށެވެ. އެކަމަކު، ވަގުތު އިތުރުކުރުމުން ދެ ދަންފަޅިއާއެކު ރޭގަނޑު 10 ޖަހަންދެން އެކި ބަލިތަކުގެ ޑޮކްޓަރުން ފަރުވާ ދޭނެ އެވެ.

މިނިސްޓްރީން ބުނީ އޯޕީޑީގެ ވަގުތު އިތުރުކުރުމުން ހިދުމަތް ހޯދާ އާއްމުންނަށް އެތައް ގޮތަކުން ލުއި ފަސޭހަތައް ލިބޭނެ ކަމަށެވެ.

ހޮސްޕިޓަލް ޑޮކްޓަރުން ހެލްތު މިނިސްޓްރީ

7 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮމެންޓޭ1

04 July 2024

މާލޭގަ އުޅޭ ދިވެހި ޑަކްޓްރުންނަށް ގޮތެއް ނުހެދޭ ދޯ. ކުލިނިކުގަ 30 މީހުންބަލަން ކަމެއް ނޫން. ހޮސްޕިޓަލުގަ ބެލެނީ ދުވާލަކު 10 މީހުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންނަގޮތް

04 July 2024

އައިޖީ އެމްއެޗްގެ އޯޕީޑީ ހިދުމަތް ދޭ ވަގުތު އިތުރުކޮއްބަލަ.. ވެއިޓިން ލިސްޓް ނިމި ޑޯކްޓަރަށް ދެއްކޭ އިރު ހުންނަނީ ވާއެއްޗެއް ވެނިމިފަ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރީޖަނަލްމޭޖަރ

04 July 2024

ރީޖަނަލް ހޮސްޕިޓަލް ތަކުގައި ޑޮކްޓަރުން ހަމަކުރުން އޮތީ ކިހެނެއްތޯ؟ މިހެން މިއަހާލީ ހާއްސަ ބަލިތަކުގެ ޑޮކްޓަރުން ނެތީމަ އަދިވެސް މާލެ ދާންޖެހޭވަރުން. މިއަހަރު ފެށުނީސްސުރެ އެކަން ދަނީ ބޮޑުވަމުން. ހީވަނީ ބަޔަކު ފަހަތުގައި ތިބެ ރައްޔިތުން މާލެ ގެންދަންވެގެން އުޅޭހެން. މިކަމަށް ހައްލެއް ލިބޭނެބާ؟ ސަބަބަކީ ރާއްޖެ ބަގްރޫޓުވާއިރުވެސް އަދިވެސް މާލެ ސަރަހައްދުގައި ފުލެޓްްއަޅަން އިއުލާން ކުރާތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާޠިމަތު ވަޙީދާ

04 July 2024

އެންމެ ގިނަމީހުން ޚިދުމަތް ހޯދަނީ އައިޖީއެމްއެޗުން. އޯޕީޑީ ރޫމުތައް މަދީވެސް އެތަނުގާ. އެހެންވީމާ އެތަނުން އޯޕީޑީ ޚިދުމަތް ދޭގަޑި އިތުރު ނުކޮށް ރާއްޖެތެރެއަށް ބަދަލުގެންނަނީ މީހުންގެ ލޮލުގާ އަނދުން އަޅުވަން. ޚިދުމަތް ފުޅާކުރާކަށް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު ފުޅު

04 July 2024

މެންދުރުފަހު ޑޮކުޓަރަށް ދައްކާފަ ޓެސްޓު ހަދަން އަންނަން ޖެހެނީ އެހެން ޖެހިގެން އަންނަ ދުވަހު. ބުރާސްފަތި ދުވަހު މެންދުރު ފަހު ދައްކައިފިއްޔާ ދެން ޓެސްޓް ހަދަން އަންނަން މިޖެހެނީ ޖެހިގެން އަންނަ ހަފުތާގައި. އެހެންވީމާ ޑޮކުޓަރުން އޯޕީޑީ އިތުރު ކުރި ފަދައިން ލެބޯޓްރީ އަދި އޮފީސް ވެސް ރޭގަނޑު 10އަކާ ހަމައަށް ބަދަލު ކޮށްލަން ފެނޭ. ދެން ރީޖަނަލް ހޮސްްޕިޓަލްތައް އެކަނި ކީއްވެ. އާ! އައިޖީއެމްއެޗްވެސް އެގޮތަށް ބަދަލު ކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޙައްމަދު އަޙުމަދު

04 July 2024

ހެނދުނު 20-30 ބަލިމީހުން ބަލާ ޑޮކުޓަރު މެންދުރު ފަހަށް ބަދަލުކޮށް 15 މީހުން ބަލާގޮތަށް ބަދަލު ކުރީމާ ޚިދުމަތް ފުޅާވާގޮތެއް އަދި ކިއު ކުޑަކުރެވޭނެ ގޮތެއް ވެސް ނުވިސްނޭ. އަދި ރަށްރަށުން އަންނަ މީހުންނަށް އެކިގޮތްގޮތުން ފަސޭހަވާނެ ގޮތެއްވެސް ނުވިސްނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޅުދުއްފުށި

04 July 2024

އެއްދަންފަޅީގައި ގިނަ ޑޮކުޓަރުން ނެރެންދަތިވާވަރަށް ރޫމު މަދީކީ ނޫން. ދެދަންފަޅިއަށް ހެދީމާ ހެނދުނު ނެރެން ހުންނަ ދެމީހުންގެ ތެރެއިން އެކަކު މެންދުރު ފަހަށް ބަދަލު ކުރަނީ. ރަށްރަށުން މީހުންނަށް އާދެވެނީ ހެނދުނުގާ. އެމީހުންނަށް ލިބެންއޮތް ފުރުޞަތު ކުޑަވީ. ދެން މެންދުރު ފަހު ޑިއުޓީ އަޞުރު، މަޣްރިބު އިޝާ ނަމާދަށް މެދު ކެޑޭނެ. 8 ގަޑިއިރުގެ އޯޕީޑީން ޚިދުމަތް ލިބޭނީ 3 ގަޑިއިރު. އެހެންވީމާ މީ ޚިދުމަތް ފުޅާކުރަންށޭ ކިޔާފާ މޮޔައިންގެބޮލުގާ އަޅުވާ ތާޖެއް