އެމްބީބީއެސްގެ ފުރަތަމަ ބެޗުގެ ދަރިވަރުން، އެ ސްކޫލުގެ ލެކްޗަރާއިންނާއެކު ފޮޓޯއަކަށް ހުއްޓިލައިގެން.-
04 ޖުލައި 2024 - 21:22
19 comments
ރާއްޖޭގައި ޑޮކްޓަރަކުން ކިޔަވަން ފެށި ފުރަތަމަ ބެޗުން ހުރިހާ ދަރިވަރުން ރަނގަޅު ނަތީޖާއާ އެކު ފާސްވެ ކިޔެވުން ފުރިހަމަކޮށްފި އެވެ.
މެލޭޝިޔާގެ ކެބަންސާން ޔުނިވާސިޓީއާ ގުޅިގެން މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ) ގައި ޑޮކްޓަރުކަން ކިޔަވައިދޭން ފެށީ ސެޕްޓެމްބަރު، 2018 ގަ އެވެ.
ފަސް އަހަރުގެ މި ކޯހުގެ އެންމެ ފަހު އިމްތިހާނު އޮތީ މިދިޔަ އަންގާރަ ދުވަހު އެވެ. އެ ޓެސްޓުގައި ބައިވެރިވި 22 ދަރިވަރުންނަށް މިއަދު ނަތީޖާ ލިބުނީ އެ ހުރިހާ ދަރިވަރުން ވެސް ފާސްވި ކަމަށެވެ. އެހެންވެ، އަންނަ އޮކްޓޯބަރު މަހު އެމްއެންޔޫން ބާއްވާ ދަސްވެނިވުމުގައި މެޑިސިން ސްކޫލުގެ ފުރަތަމަ ބެޗްގެ ދަރިވަރުން ގްރެޖުއޭޓްވާނެ އެވެ.
ދެ ވަނަ ބެޗުގެ ދަރިވަރުން ވެސް އަންނަ އޮކްޓޯބަރު މަހު ފަހު އިމްތިހާން ހަދާނެ އެވެ.
މެޑިސިން ސްކޫލުގެ ޑީން، ޑރ. ޝީޒާ އަލީ މިރޭ ވިދާޅުވީ އަލަށް ފެށި ކަމަކަށް ވުމުން އެމްބީބީއެސް ކޯސް ގެންދަން ވަރަށް ގިނަ ދަތިތަކާ ކުރިމަތިވި ކަމަށެވެ. ނަމަވެސް، ހުރިހާ ދަރިވަރުން ވެސް ރަނގަޅު ނަތީޖާއަކާ އެކު ކިޔެވުން ފުރިހަމަކުރުމަކީ ވަރަށް ބޮޑު އުފަލަކާއި ފަހުރެއް ކަމަށް އޭނާ ވިދާޅުވި އެވެ.
ތިއަރީ ބައިގައި ކިޔަވައިދިނީ ރާއްޖެ އާއި ބޭރުގެ ޑޮކްޓަރުންނެވެ. ކްލިނިކަލް ޕްރެކްޓިސްތައް ކުރިއަށް ގެންގޮސްފައިވަނީ އައިޖީއެމްއެޗް އަދި އޭޑީކޭގަ އެވެ.
ޝީޒާ ވިދާޅުވީ ރާއްޖޭގައި ތިބެގެން ކިޔެވިއަސް، ކޯހުގެ ހުރިހާ ކަމެއް ބެލެހެއްޓީ ކެބަންސާން ޔުނިވާސިޓީގެ ދަށުން ކަމަށެވެ. ފުރަތަމަ ބެޗަށް ވުމުން އެ ދަރިވަރުންގެ ޓެސްޓަށް ބޭނުންވާ ތަކެތި ވެސް ފޮނުވީ އެ ޔުނިވާސިޓީންނެވެ.
އޭގެ އިތުރުން، ކިޔެވުމުގެ ކޮލިޓީ ބެލުމަށް އެ ޔުނިވާސިޓީން ކޮންމެ އަހަރަކު ދެ ފަހަރު އެސެސްމަންޓް ހަދަ އެވެ.
މި ކޯހުގެ ފީއަކީ މަހަކަށް ގާތްގަނޑަކަށް 10،000ރ އެވެ. ނަމަވެސް ސަރުކާރުގެ ހިލޭ ޑިގްރީގެ ދަށުން، އެމްއެންޔޫގައި ވެސް ހިލޭ ޑޮކްޓަރުކަން ކިޔެވެ އެވެ. މިހާރު ވެސް އެ ތަނުން 220 ކުދިން އަންނަނީ އެމްބީބީއެސް ހަދަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަތްކައްކާ
06 July 2024
ހަގީގަތަކީ ޔުނިވަސިޓީވިޔްފާރި ފެށުނުފަހުން އިނގިރޭސި ޖުމްލައެއް ލިޔެލަން ކިޔާލަންނޭނގޭ މީހުންވެސް އެކެޑެމިކް ޖަރނަލްކިޔައިގެން ބޮޑެތި ރިސަރޗްތައް ލިޔެ މާސްޓަރސް ފާސްނަގަމުން އެދަނީ. މިހާރު ޕީއެޗްޑީވެސް ހަމަ މިފެންވަރުގެ ބޭފުޅުން އެބަނަގާ. ކުރީގަ އެމްއެންޔޫ ކުޑަކޮށް ރަނގަޅުހެން ހީވި އެކަމަކު އެމީހުނަށްވެސް މަޖުބޫރު އެކައްޗެއް ނޭނގޭމީހާވެސް ފާސްކުރަން. ޢެހެންކަމުން ހުރިހާކުދިން ފާސްވުމުން ހައިރާނެއްނުވަން. މިރާއްޖޭގެ ހާލަތުމީ. މަކަރާއި ވައްކަން
ޑރ. އަރީން ނަސީމް
05 July 2024
އޮޅުވާ ނުލާ، ތިޔައީ މެލޭޝިއާ ޔުނިވާސިޓީއާ "ގުޅިގެން" ހިންގި ކޯހެއް ނޫން. އެމީހުންގެ ސިލަބަސް ގަނެގެން ހިންގި ކޯހެއް. އެެއްބަސްވުމުގެ ދަށުން ބައެއް ކަންކަން ބަލާ ފަންނީ ލަފާދިން. ނަމަވެސް ތި ކޯހަކީ މެލޭޝިޔާ ޔުނިވާސިޓީން ގަބޫލު ކުރާ ކޯހެއް ނޫން.
4455
05 July 2024
ކައިރި ގައުމުތަކަށް ބޭސްފަރުވާއަށް ދާންނުޖެހޭވަރު ކޮށްދީބަލަ. މީ ވަރަށް ރަނގަޅުފާލެއް
ދަކްތަރު
05 July 2024
ޑޮކްޓަރަކުން؟
ManA
05 July 2024
ޔާމީނަކީ ހަމަ ރިއަލް ގައުމުދެކެ ލޯބިބާ ގައުމާމެދު ވިސްނާ ލޯޱަރެއް މަރުހަބާ ރައީސް ޔާމީން
ޢެޑްމުންޑޯ
05 July 2024
ހުރިހާ ދަރިވަރުންނަށްވެސް މަރުޙަބާ ! އިޅްލާސްތެރިކަމާއި އެކު ގައުމަށް ޚިދްމަތް ކުރުމަށް ދެމިތިއްބަވާނެ ދަރިވަރުންތަކަށް ވާނެކަމަށް އުންމީދުކުރަން
ޖަންބި
05 July 2024
ރައީސް ޔާމިބުގެ ދުރުވިސްނުމާއި ޑރ. ފަވާޒުގެ ހިންގުންތެރިކަން،
ލައިޓް
05 July 2024
އަލްހަމްދުﷲ. ދިވެހިން ކުރިޔަށް އެޅިފިޔަވަޅެއް! ލޮލުން ކަރުނަ ފާއްދާލައިފި! އުފާވެރި ޤައުމީ ހަބަރެއް އިވެނީ ވ. މަދުން! ހުރިހާ ޑޮކްޓަރުންނަށް މަރުހަބާ!
2024
05 July 2024
ޢައިޖީއެމްއެޗަށްގޮސް 5 ގަޑި 6 ގަޑި ވާއިރުވެސް ޑޮކްޓަރގެ ފައިންޕުޅު ނުފެނޭ.... ބޮއިހަލަކި
އުއްތަމަ އުސްތާޛް
05 July 2024
މަރުޙަބާ ޑރ.ޝީޒާއަދި ޓީމް ... ތަހުނިޔާ ހުރިހާ ޑޮކްޓަރުން
ރައީސް ޔާމިން ފޭން
05 July 2024
ރައީސް ޔާމިބުގެ ދުރުވިސްނުމާއި ޑރ. ފަވާޒުގެ ހިންގުންތެރިކަން، މިހާރުގެ ވީސީ ޑރ. ޝެހެނާޒު ލަދުގަންނަން ޖެހޭނެ، އޮއްޓަރު ހުރި އެއްކަމެއްވެސް ނުކުރެވި ޑީވީސީ ކަމުގެ ދައުރު ރ އަހަރު ނިމިދިޔަޢީ، ދެންވެސް ޔުނިވަރސިޓީ ހިންގޭތޯ ބަލާބަލަ