އައްޑޫގައި ހިންގާ ޕޮލިސް ކޮލެޖުގައި ކިޔަވާ ދަރިވަރުންތަކެއް ކާނާ ވިހަވެގެން ހޮސްޕިޓަލުގައި އެޑްމިޓްކޮށްފައި.
19 ޖުލައި 2024 - 18:27
3 comments
އައްޑޫގައި ހިންގާ ޕޮލިސް ކޮލެޖުގައި ކާނާ ވިހަވެގެން ހާލު ސީރިއަސްވި ދެ މީހުންގެ ހާލު ވެސް މިހާރު ރަނގަޅު ވަމުން އަންނަ ކަމަށް ފުލުހުން މިއަދު ބުނެފި އެވެ.
ފުލުހުން ބުނީ އެ ހާދިސާގައި ހާލު ސީރިއަސްވެގެން އައިސީޔޫގައި ފަރުވާދިން ދެ ދަރިވަރުންގެ ތެރެއިން އެކަކު މިހާރު ވޯޑަށް ބަދަލުކޮށްފައިވާ ކަމަށެވެ.
"ދެ ދަރިވަރުންގެ ހާލު ވެސް އަންނަނީ ރަނގަޅުވަމުން،" ފުލުހުން ބުންޏެވެ.
ސ. ހިތަދޫގައި ހިންގާ ޕޮލިސް ކޮލެޖުގެ ތަމްރީނަށް ދިޔަ ފުލުހުންގެ ތެރެއިން 32 މީހަކު ކާނާ ވިހަވެގެން އައްޑޫ އިކުއަޓޯރިއަލް ހޮސްޕިޓަލްގައި އެޑްމިޓް ކުރީ މިދިޔަ ބުދަ ދުވަހުގެ ރޭގަ އެވެ. އޭގެ ތެރެއިން ފަސް މީހަކަށް އައިސީޔޫގައި ފަރުވާދިނެވެ.
ކާނާ ވިހަވީ ބޭސިކް ޓްރެއިނިން ފަށާ ބެޗުގެ ދަރިވަރުންތަކެކެވެ.
އެނގިފައިވާ ގޮތުގައި ޕޮލިސް ކޮލެޖުގައި ކޭޓަރިންގެ ހިދުމަތް ދެނީ ބެސްޓް ސިލެކްޝަން ކިޔާ ކުންފުންޏަކުންނެވެ. އެ ކުންފުނީގެ ދަށުން މާލެ އާއި އައްޑޫގައި ވެސް ރެސްޓޯރަންޓުތައް ހިންގަ އެވެ. އަދި ކޭޓަރިންގެ ހިދުމަތް ވެސް އަންނަނީ ދެމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙ. ޙުސައިން
20 July 2024
ކުނިމަސް ދަރިވަރުންނަށް ކާންދީ އިހުމާލުވި ފަރާތަށް އެޅޭނެ ފިޔަވަޅެއް ހަމަނެތީތޯ؟ އަޖާއިބު އަންތަރީސް ނުވާނެތަ.
މަހޭލާ
20 July 2024
ތީ އަލަށް ދިމާވާ ކަމެއް ނޫން. މިހާރު މާބޮޑު ކަމަކަށް ހެޑްލައިން އަޅައިގެން އުޅެނީ. ކުރިން ވެސް މިހާރުވެސް ގިނައިން ވާކަމެއް. ޚާއްޞަކޮށް އަލަށް ޖޮއިންވާ ކުދިން ފުރަތަމަ ކޮޅު އެކަހަލަ ކަންތަކާއި ދިމާވާނެ. އެއީ މާހައުލު ބަދަލުވީމާ ދިމާވާކަމެއް. މާލޭގެ މޮޅު ކެފޭތަކުން ކައިގެން ވެސް ފުޑްޕޮއިޒަންޥޭ،
ވޭގިއު
19 July 2024
ނުފޫޒުގަދަ ސިޔާސީ މީހެއްގެ ކުންފުޏެއް. އައްޑޫ، ފުވައްމުލައް، ލާމު އަދި އެމް.އެން.ޑީ.އެފް ގެ ގިނަ ތަންތަނުގެ ކޭޓަރިންގ ޚިދުމަތް ދެނީ އެމީހުން. ކާއެއްޗެހީގެ ފެންވަރު ދަށްކަމުގެ ޝަކުވާ ކުރިޔަސް އެއްވެސްކަމެއް ބަދަލުނުވޭ. މުއްދަތު ހަމަވެގެން ބިޑަށް ހުޅުވައިގެން ވެސް މިނޫން ބަޔަކު ނުވޮސް ހޮވޭ އަޖައިބުވާކަމަކީ. މިހާރު އިތުރު ޕޮލިސް ސްޓޭޝަންތައް ނަގަން ތައްޔާރުވަމުން ދަނީ.