29 ޖުލައި 2024 - 15:17
32 comments
ރައްޔިތުންގެ މަޖިލިސް 77 މެމްބަރުންނަށް މަދުކޮށް، އެ އަދަދު ހިފަހައްޓަން ފެންނަ ކަމަށް އިލެކްޝަންސް ކޮމިޝަން (އީސީ) އިން މިއަދު ބުނެފި އެވެ.
އިންތިހާބުތައް ބޭއްވުމުގެ ގާނޫނީ ޒިންމާ އޮތް އީސީން މި ހިޔާލު ހުށަހެޅީ މެންބަރުންގެ އަދަދު ހިފެހެއްޓުމާ ގުޅޭ ގޮތުން މަޖިލީހަށް ހުށަހަޅާފައިވާ ގަރާރަކަށް މަޖިލީހުގެ މިނިވަން މުއައްސަސާތަކާ ބެހޭ ކޮމިޓީގައި ވާހަކަ ދައްކަވަމުންނެވެ.
އީސީގެ ރައީސް ފުއާދު ތައުފީގް ވިދާޅުވީ ގާނޫނުގައި މިހާރު އޮންނަ ގޮތުން، ރާއްޖޭގެ އާބާދީ އިތުރުވަމުން އަންނަ ވަރަކަށް މަޖިލީހުގެ ދާއިރާތައް އިތުރުވަމުންދާ ކަމަށެވެ. އެކަމަކު މިއީ އެހެން ގައުމުތަކުން އަމަލުކުރާ ގޮތެއް ނޫން ކަމަށާއި އެ އަދަދު ކެޕް ކުރުން ނުވަތަ ހިފެހެއްޓުމަކީ އެންމެ ރަނގަޅު ގޮތް ކަމަށެވެ.
އެ ކޮމިޝަނުން ދިރާސާތަކެއް ހެދުމަށް ފަހު ހުށަހެޅީ މަޖިލީހުގައި 77 މެމްބަރުން ތަމްސީލްވާ ގޮތަށް ގާނޫނުއަސާސީ އިސްލާހު ކުރުމަށެވެ.
ފުއާދު ވިދާޅުވި ގޮތުގައި އެއީ 2008 ވަނަ އަހަރު ރައްޔިތުންގެ މަޖިލީހުގައި މެމްބަރުން ތިބި އަދަދެވެ.
އެ އަދަދަށް ބަލައިގެން ކޮންމެ އަތޮޅަކަށް ދެ ގޮނޑި ކަނޑައެޅުމުން 35 ގޮނޑިއެއް ބާކީ ވާނެ އެވެ. އެ ގޮނޑިތައް އާބާދީގެ ނިސްބަތުން ބަހާލަން ކޮމިޝަނަށް ފެންނަ ކަމަށް ވެސް ފުއާދު ވިދާޅުވި އެވެ.
"އޭރުން ހއ. އަށް ދެ ގޮނޑިއާ އެކު ޖުމްލަ ހަތަރު ގޮނޑި ލިބޭނެ. މާލެ އަށް ދެ ގޮނޑިއާ އެކު އިތުރު އަށް ގޮނޑި ހާއްސަ ކުރެވޭނެ. އައްޑޫ އަށް ދެ ގޮނޑި އާއި އިތުރަށް ލިބޭ ތިން ގޮނޑިއާ އެކު ޖުމްލަ ފަސް ގޮނޑި ލިބޭނެ." ފުއާދު ވިދާޅުވި އެވެ.
އޭނާ ވިދާޅުވި ގޮތުގައި އަދަދު ލިމިޓް ނުކުރުމުގެ ސަބަބުން ބައެއް އިންތިހާބުތަކުގައި މުޅި ދާއިރާ އެއްކޮށް ބަދަލު ކުރަން ޖެހޭ ހާލަތު ދިމާވެ އެވެ. ނަމަވެސް 77ގެ ނިސްބަތުން ބަހާލުމުން 2050 އާ ހަމައަށް އެއްވެސް ގޮތަކަށް ދާއިރާ ބަދަލުނުކޮށް ރައްޔިތުންނަށް ވޯޓު ލެވޭނެ ކަމަށް އޭނާ ވިދާޅުވި އެވެ.
އީސީގެ މި ހުށަހެޅުމުގެ ބަދަލުގައި މަޖިލީހުން އެހެން ކޮންމެ ގޮތަކަށް ނިންމިއަސް އެ ކޮމިޝަންގެ އިއުތިރާޒެއް ނެތް ކަމަށް ފުއާދު ވިދާޅުވި އެވެ. ނަމަވެސް 77 މެންބަރުންނަކީ އެ ކޮމިޝަނުން އެކިއެކި ފޯމިއުލާތަކަށް ބެލި އިރު އެންމެ ރަނގަޅު އަދި ބައިނަލްއަގުވާމީ ގޮތުން ވެސް އެންމެ ބަލައިގަންނާނެ އަދަދު ކަމަށް އޭނާ ވިދާޅުވި އެވެ.
"ކެޕް އެޅުވިފައި އިނުން އެއީ އަޅުގަނޑުމެންގެ ސްޓޭންޑަކީ. 77 ވިޔަސް 65 ވިޔަސް އަދި 75 ވިޔަސް. ކެޕް ވެފައި ކޮންމެ އަތޮޅަކަށް ދެ ސީޓް ލިބިފައި އާބާދީގެ ނިސްބަތުން ކަނޑައެޅުން،" އޭނާ ވިދާޅުވި އެވެ.
އީސީގެ ނައިބު ރައީސް އަލީ ނަޝާތު ވިދާޅުވީ އެ މައްސަލަ ކޮމިޝަނުން ދިރާސާ ކުރިއިރު އެންމެ ބޮޑަށް ބަލާފައި ވާނީ އެމެރިކާގެ ހައުސް އެކުލަވާލާފައި އޮތް ނިޒާމަށް ކަމަށެވެ.
މަޖިލިސް މެންބަރުން ކަނޑައަޅާ ގޮތް ބަދަލު ކުރާއިރު ރާއްޖޭގެ ސިފަ ނުގެއްލޭ ގޮތަށް ހުރިހާ އަތޮޅެއް ތަމްސީލް ވެފައި އޮތުން މުހިންމު ކަމަށާއި އެހެންކަމުން މަދުވެގެން ކޮންމެ އަތޮޅަކުން ދެ މެންބަރުން ކަނޑައެޅުން މުހިންމު ކަމަށް ނަޝާތު ވިދާޅުވި އެވެ.
ނަޝާތު ވިދާޅުވީ ރާއްޖޭގެ ގާނޫނުއަސާސީގައި މަލްޓި ޕާޓީ ނިޒާމެއް އޮންނަން ޖެހޭ ކަމަށް ބުނި ނަމަވެސް ގާނޫނީ ނިޒާމް ބައްޓަން ވެފައި އޮންނަނީ އެގޮތަށް ނޫން ކަމަށެވެ.
މަޖިލިސް މެންބަރުންގެ އަދަދު ކަނޑައަޅާއިރު ބައެއް ގައުމުތަކުން ޕާޓީތަކަށް ވެސް ވަކި އަދަދަކަށް ގޮނޑިތައް ދީފައިވާ ކަމަށާއި އެގޮތަށް ހެދުމާ މެދު ވެސް ކޮމިޓީން ވިސްނުން ރަނގަޅު ކަމަށް ނަޝާތު ވިދާޅުވި އެވެ.
"މިސާލަކަށް ފިޖީގައި މަޖިލިސް އެއްކޮށް އެލޮކޭޓް ކޮށްފައި އޮންނަނީ ޕާޓީތަކަށް. ޕާޓީތަކަށް ރައްޔިތުން ވޯޓު ލާން ޖެހޭނީ. ބައެއް ގައުމުތަކުގައި އެއްބައި ވެސް އެލޮކޭޓް ކޮށްފައި އެބަ އޮވޭ." ނަޝާތު ވިދާޅުވި އެވެ.
މި މައްސަލާގައި މިނިވަން މުއައްސަސާތަކާ ބެހޭ ކޮމިޓީން ވަނީ ޕީއެންސީ އާއި އެމްޑީޕީ އާ ބައްދަލުކޮށްފަ އެވެ. އެ ބައްދަލުވުމުގައި ދެ ޕާޓީން ވެސް ވަނީ އަދަދު ހިފަހައްޓަން ތާއީދު ކޮށްފަ އެވެ. ނަމަވެސް ކަނޑައަޅާ ވަކި އަދަދެއް ދެ ޕާޓީން ނުބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަންދަލޫސިޔާ
30 July 2024
ކޮންމެ އަތޮޅަކަށް މަދުވެގެން 2 މެންބަރުން ކަނޑައެޅުން ކަމަކުނުދޭ. ވ އަތޮޅުގައި 2000 މީހުން ވެސް ހަމަނުވޭ. އެފަދަ އަތޮޅުތައް އެހެން ދާއިރާއަކާ އެއްކޮށްލައި މެންބަރުންގެ ޢަދަދު މަދުކުރަންވީ. 30 ވަރަކަށް މެންބަރުން ތިބީމާ ރާއްޖެފަދަ 4 ލައްކަ ވެސް ހަމަނުވާ ތާކަށް މަދެއް ނޫން!
މުހައްމަދު ޝިޔާމް
30 July 2024
މާލެ ސިޓީއާއި އައްޑޫ ސިޓީ ފިޔަވައި އަތޮޅަކަށް 2 ރަނގަޅު. އައްޑޫ ސިޓީއަށް 3، މާލެއަށް 7 ރަނގަޅު. ޖުމްލަ 48.
ކޮރަލް
30 July 2024
އީސީ އަކީ ވާހަކަ ދައްކާ ބައެއް ނޫނެވެ. އެއީ އެއިރަކު އޮންނަ ސަރުކާރަކުން ބުނާ ގޮތަށް ހަދާ ބައެކެވެ. އޯލެވެލެ ، އޭލެވެލް، ޑިޕްލޮމާ ފެން ވަރު ނެތް މީހުން ސަރުކާރުގެ އިސްމަގާމް ތަކުގަ އެވެ. މަޖްލީހުގަ ވެސް ކިރިޔާ ލިޔަން ކިޔަން އެނގޭ މީޙުން އެބަ އުޅެ އެވެ. ޝަރުތެއް ނެތެވެ. މަގާމް ތަކަށް ތައުލީމީ ސަނަދެއް އޮންނަ ގޮތަށް ހަދަން ވީ އެވެ.
އެމްސް
30 July 2024
މެމްބަރުން ގިނަވެގެން ވާކަމެއް އޮވޭހެއްޔެވެ؟ ކޮންމެ 10 ހާސް ރަޢިއްޔަތަކަށް މެމްބަރަކު ވިޔަސް މިހާރުވެސް ތިޔަތަނުން ކުރާ ކަންްކަން ކުރެވޭނެއެވެ! ގިނަވުމެއްވުރެ ރަގަނޅުވާނީ ޤާބިލު/މޮޅު ބަޔަަަކަށްވުމެވެ!
ޢަލީ ބަލީ
30 July 2024
ޢަފީފް ދީދީ އަށް ދޭންވެއްޖެއެއްނު މިހާރު ނޫހުން ކޮލަމެއް. އޭރުން އެކޮލަމްގަ މާލޭމީހުންނަށް އެއްޗިހި ކިޔާފަ ލިޔެފާނެ އެއްނު. އޭނަގެ ޚިޔާލު. އޭރުން އަފީފް ދީދީ ގެ ކޮމެންޓްފަތި ތަންކޮޅެއްމަދުވެދާނެ ވެސް ތޯއްޗެ.
ދިސްކާންޓްބީރައިޓް
30 July 2024
އަތޮޅަކަށް ދެ މެންބަރުން ލައި މައުމޫނު ވެރިކަމުގެ ސިފަތައް އިއާދަވަނީ ދެން އޮތީ މާލެއަށް ރައްރަށު ކުދިން ގެންގުޅޭ ކުދިންގެ ގޮތުގައި ގެންދާ ގޮތައް ހަމަޖެއްސުންބާ މުއިއްޒު އިސްތިއުފާ ދިނުމަށް އެދެން
އޮނަރަބްލް އަފީފު ދީދީ
29 July 2024
ޤާނޫނުއަސާސީގެ ރޫޙާއި އެއްގޮތަށް ރާއްޖޭގެ ކަންކޮޅުތަކުގެ ހުރިހާ ރައްޔިތުން ހިމެނޭ މަޖިލީހެއް އެކުލަވާލުމަށާއި، ލާމަރުކަޒީ އުސޫލުން ދައުލަތް ހިންގުމަށްޓަކާ ޤާނޫނުއަސާސީ އެކުލަވާލިމީހުން އޭގެ 71/72 ގެ ނުގުތާތަކުގައި ސާފުކޮށް ލިޔެ ބަޔާންކޮށްފައިވަނީ "އިންތިޙާބީ ބޭނުމަށްޓަކާ" ބަހާލާ އިދާރީ ދާއިރާތަކުގެތެރެއިން "ކޮންމެ ދާއިރާ އަކުން" މެންބަރަކު މަޖިލީހަށް އިންތިޙާބުކުރުމަށް. އެކަމަކު މަޖިލީހުގައި ކ.މާލޭގެ 25 ހަކަށްމީހުން މިހާރުވެސް އެބަތިބި ނޫންތޯ!؟
އޮނަރަބްލް އަފީފު ދީދީ
29 July 2024
ޤއ ގެ 71/72 ގެ ނުގުތާތަކުގައި އޮތް "އަކުން" ގެ މާނައަކީ އެއްވެސް ޙާލެއްގައި "އަކަށް" ލިޔާން ނޭގިގެން ޤާނޫނު ލިއުނު އިލްމީ ފަންނީ ފަރާތް ތަކުން ބޭނުންކުރި އަކުރެއްނޫން. # އެކަމަކު މާލޭސަރުކާރު އިސްވެރިންނާއި، އެރަށު ބޮޑުން އަދި މަހުޖަނުން މަޖިލީހުގެ ގޮނޑިތައް ބޭނުންވާތީ އެމީހުން ވަނީ މިދެންނެވި މާއްދާގެ މާނައަކީ "ކޮންމެ އިދާރީ ދާއިރާއަކުން ކުރިމަތިލާފައިވާ މީހުންގެ ތެރެއިން އެދާއިރާގެ ރައްޔިތުން ވޯޓުދީގެން" މީހަކު އިންތިޙާބު ކުރުމަށް ކަމަށް.
އޮނަރަބްލް އަފީފު ދީދީ
29 July 2024
ޤާނޫނުހަދާމަޖިލީހަށް އަބުރުގެއްލިފައިވާމީހުނާއި ޙިޔާނާތްތެރިންނާއި ތައުލީމުނެތް ކަޗޯރުންވަންނަނަމަ އެމީހުނަށް އެފުރުސަތުދެނީވެސް ރައްޔިތުން. # އެކަމަކު ޤާނޫނުހަދާމަޖިލީހަކީ ޤަދަރެއް ބާރެއްނެތްތަނަކަށްހަދާލަން އަދި އެކަންއޮތީވެސް މިދެންނެވިގޮތަށްކަން ރައްޔިތުނަށްދެއްކުމަށްޓަކާ ބަޔަކު އަޑީގައިތިބެގެން ހަންފަތުރަމުންދާއިރު އެމީހުންގެ ޙީލަތްތެރިމަޅީގައިނުޖެހުމަށް އިސްލާޙީޙަރަކާތްތެރިން މިކަމުގެސަބަބުން ލިބޭނެގެއްލުން ރައްޔިތުނަށް ވިސްނާދޭންޖެހޭނެ.
އޮނަރަބްލް އަފީފު ދީދީ
29 July 2024
ޤުދުރަތީ އަތޮޅުތަކާއި ކ.މާލެއަށް މަޖިލިސް ގޮނޑިތައް ޙާއްސަކުރުމުގެބަދަލުގައި ރާއްޖެ އިދާރީ ޤާނޫނީ 3 ރީޖަނަކަށް ނުވަތަ ޕްރޮވިންސަށްބަހާލައިގެން ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ހިމަނައި) ދާލަށް ސެންޓްރަލް، އަދި ކޮޅުމަޑުލުން އައްޑުއަށް ސަދާންރީޖަންކަމަށް ކަޑައަޅާ މަޖިލީހުގައި މެންބަރުން ތަމްސީލުކުރާނީ މިދެންނެވި 3 ދާއިރާއިންކަމަށާއި، ކައުންސިލްތައް ބެހިގެންދާނީވެސް މިއުސޫލުތަކުގެމައްޗަށްކަމަށް ނިންމަން ތިރަށުމީހުން ނުރުހެނީކީއްވެ؟