ޓެލެތޯނުން ލިބުނު 19 މިލިއަން ރުފިޔާ އަންރުއާއަށް ޖަމާކޮށްދީފި

ފަލަސްތީނަށް އެހީވާން ޕީއެސްއެމްއިން ބޭއްވި ޓެލެތޯނުން ލިބުނު އެހީ ފޮރިން މިނިސްޓަރާ ހަވާލުކުރަން ބޭއްވި ރަސްމިއްޔާތު: މިހާރު އެ ފައިސާ ވަނީ އަންރުވާއާ ހަވާލުކޮށްފައި.-- ފޮޓޯ: ނިޝާން އަލީ | މިހާރު

އިފްރާޒް އަލީ، މިހާރު

20 އޯގަސްޓް 2024 - 12:55

16 comments

ފަލަސްތީނަށް އެހީވުމަށް ދައުލަތުގެ މީޑިއާ ޕީއެސްއެމުން މިދިޔަ މަހު ބޭއްވި ޓެލެތޯންގައި ލިބުނު 19 މިލިއަނަށް ވުރެ ގިނަ ރުފިޔާ ޔުނައިޓެޑް ނޭޝަންސް ރިލީފް އެންޑް ވޯކްސް އެޖެންސީ ފޯ ޕަލަސްޓައިން ރެފިއުޖީސް (އަންރުއާ) އަށް ދިވެހި ސަރުކާރުގެ ފަރާތުން އިއްޔެ ޖަމާކޮށްދީފި އެވެ.

ފޮރިން މިނިސްޓްރީން މިއަދު ބުނީ، އެ ފައިސާ ޖަމާކޮށްދިނީ މަރުކަޒީ ބޭންކު އެމްއެމްއޭ މެދުވެރިކޮށް، ސީދާ އަންރުއާގެ އެކައުންޓަށް ކަމަށެވެ.

"އެ ފައިސާ ހަރަދު ކުރާނެ ޕްރޮޖެކްޓްތައް އަންރުއާ އިން އަދި ފައިނަލް ކުރާނެ. އެ ކަމަށް ދެ ތިން ދުވަސް ނަގާނެ. ޕްރޮޖެކްޓްތައް ފައިނަލް ވީމާ އަދި ބަޔާނެއް ވެސް ނެރޭނެ" ފޮރިން މިނިސްޓްރީގެ އޮފިޝަލް ވިދާޅުވި އެވެ.

އެ ފައިސާ ފޮނުވީ ޑޮލަރުންނެވެ. އެއީ 1.2 މިލިއަން ޑޮލަރެވެ. އެ ފައިސާ ޖަމާކުރި ޓީޓީގެ ކޮޕީއެއް ވެސް "މިހާރު" ގެ ނޫސްވެރިންނަށް ފެނުނެވެ.

ފައިސާ ނުފޮނުވާ ކަމަށް ބުނެ އިއްޔެ ފެތުރުނު ވާހަކަތައް ވެސް ސަރުކާރުން މިއަދު ދޮގުކުރި އެވެ.

ފަލަސްތީނަށް އެހީވާން ޕީއެސްއެމްއިން ބޭއްވި ޓެލެތޯނުގައި ކުޑަކުއްޖަކު ފަންޑު ފޮއްޓަކަށް ފައިސާ ލަނީ.-- ފޮޓޯ: ފަޔާޒް މޫސާ | މިހާރު

"ފަލަސްތީނާ އެކު ދިވެހީން" ނަމުގައި، ރައީސް ޑރ. މުހައްމަދު މުއިއްޒުގެ އިސްނެންގެވުމަކަށް ޕީއެސްއެމުން އިންތިޒާމުކޮށްގެން އެ ޓެލެތޯން ބޭއްވީ މިދިޔަ މެއި މަހުގެ 12 ވަނަ ދުވަހުގެ ހެނދުނު 8:00 އިން އެ ރޭގެ ދަންވަރު 12 ޖަހަންދެންނެވެ. އަދި މާލޭގެ އެކި ސަރަހައްދުތަކުގައި ފަންޑުފޮށި ބެހެއްޓީ އެ ދުވަހުގެ ހަވީރު 6 ޖަހަންދެންނެވެ. ނަމަވެސް ދަންވަރު 12 ޖަހަންދެން ފައިސާ ޓްރާސްފާކުރުން ކުރިއަށް ގެންދިޔަ އެވެ.

ގައުމީ ފެންވަރުގައި ބޭއްވި ޓެލެތޯނަށް ދައުލަތުގެ އެކި މުއައްސަސާތަކާއި ސްކޫލްތަކާއި އަމިއްލަ ފަރުދުންނާއި ކުންފުނިތަކުން އެހީތެރިކަން ފޯރުކޮށްދިނެވެ.

އެ ޓެލެތޯންގައި މާލޭގެ އިތުރުން ރާއްޖޭގެ ހުރިހާ ރަށެއްގައި ވެސް ފަނޑުފޮށި ބެހެއްޓި އެވެ. އަދި އޮންލައިން ޓްރާންސްފާ ކުރެވޭ ގޮތަށް ވެސް ހެދި އެވެ.

Telethon in libunu faisaa palestine ah foarukodheyn Foreign ministry aa havaalu koffi

The most trusted news source in the Maldives

Mihaaru

ޓެލެތޯނަށް ލިބުނު ފައިސާ ގުނާފައި ވަނީ މިނިވަން އޮޑިޓް ފާމެއް ކަމަށްވާ "ކްރޯ މޯލްޑިވްސް" އިންނެވެ.

ފަލަސްތީނަށް އެހީވާ އދ. ގެ މި ފަންޑަށް ރާއްޖެއިން ކޮންމެ އަހަރަކު ދޭ އެހީ 5،000 ޑޮލަރުން 50،000 ޑޮލަރަށް އިތުރުކުރަން ވެސް ރައީސް ވަނީ ނިންމަވައިފަ އެވެ.

ފިނޭންސް މިނިސްޓްރީ ފަލަސްތީން އެމްއެމްއޭ ފޮރިން މިނިސްޓްރީ ރާއްޖެ-ފަލަސްތީން ޕީއެސްއެމް

16 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޒުލްފާ އާދަމް

22 August 2024

އެހީތެރިކަމުގެ ކޮންމެ މިންވަރަކީވެސް ފަލަސްތީންގެ ރައްޔިތުންނަށް ދެވޭ ވަރަށް ބޮޑު އެހީއެއް. ފަލަސްތީނަށް މިނިވަންކަން ދެއްވާށި. އަދި ނުބައި އިސްރާއީލްގެ ހަމަލާތަކުން ސަލާމަތް ކޮއްދެއްވާންދޭވެ. އާމީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާނިމާ ޔޫސުފް

22 August 2024

މިކަހަލަ ކަންކަންވެސް ސިޔާސީ ކުރާތީ ދެރައީ. މީ އަހަރެމެންގެ މުސްލިމް އަހުންގެ ހައްގުގައި ކުރަމުންދާ މަސައްކަތްތަކެއް. އެއްވެސް ހާލަތެއްގައި ވައްކަންކޮށް ހަޑި ހާވަން ކުރާ ކަންތައްތަކެއް ނޫން. ނިމިގެން މި ދިޔަ ފަންޑް ރައިސިންގް އިވެންޓް ފަދަ އިވެންޓްތައް ގިނައިން ބާއްވަންވީ ރާއްޖޭގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު ފާރިޝް

22 August 2024

އަހަރެމެންގެ މުސްލިމް އަހުންގެ ހައްގުގައި ކުރާ މަސައްކަތްތަކަށް ރައްޔިތުން ފުރިހަމަ އެއްބާރުލުން ދޭވެން ވާނެ. މީ ދިވެހިން އަބަދުވެސް ތިބޭނީ ފަލަސްތީންގެ އެހީތެރިވާން ތައްޔާރަށްކަން ދައްކުވައިދޭ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަލަކާ

22 August 2024

މިކަހަލަ ގިނަ ފަންޑް ރެއިސިންގް އިވެންޓްތައް ބާއްވަންވީ. މުސްލިމް އަހުންނަށް ވެވެން އޮތް ހުރިހާ އެހީއެއް ފޯރުކޮއްދޭން ދިވެހި ރައްޔިތުން ތިބީ ތައްޔާރަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖިޔާމްް

21 August 2024

އެމްޑީޕީން ހީކުރަނީ އެމީހުން ގައުމު ދަވާލި ގޮތަށް އެހެންމީހުން ވެސް ކޮންމެ ކަމަކުން ކުރާނީ ވައްކަންކަމަށް. އެއްވެސް ކަހަލަ އަދަބެއް އަޚުލާގެއް ހުރި ބައެއްނޫން ތި އެމްޑީޕީއަކީ ހުވާ.