02 ސެޕްޓެމްބަރ 2024 - 23:14
10 comments
ފޮރިން މިނިސްޓަރު މޫސާ ޒަމީރު ރަސްމީ ދަތުރެއްގައި ޔުނައިޓެޑް އެރެބް އެމިރޭޓްސް (ޔޫއޭއީ)އަށް މިރޭ ފުރާވަޑައިގެންފި އެވެ.
ފޮރިން މިނިސްޓްރީން ނެރުނު ބަޔާނެއްގައި ބުނީ، ބުދަ ދުވަހުގެ ނިޔަލަށް ޒަމީރު ކުރައްވާ ދަތުރުގައި ޔޫއޭއީގެ ބޮޑުވަޒީރުގެ ނާއިބު އަދި ޚާރިޖީ ވަޒީރު، ޝެއިޚް ޢަބްދުالله ބިން ޒައިދު އަލް ނަހްޔާންގެ އިތުރުން އެ ގައުމުގެ ސަރުކާރުގެ އިސްވެރިންނާ ބައްދަލުކުރެއްވުމަށް ހަމަޖެހިފައިވާ ކަމަށެވެ.
"މިނިސްޓަރު ޒަމީރުގެ މި ދަތުރުފުޅަކީ ރާއްޖެ އާއި އެކުވެރި އަރަބި އިމާރާތާ ދެމެދު އޮންނަ ގާތް، ރަހުމަތްތެރިކަމުގެ ގުޅުން އިތުރަށް ހަރުދަނާކޮށް، ބަދަހިކުރުމަށް އެޅޭ މުހިންމު ފިޔަވަޅެކެވެ،" މިނިސްޓްރީން ބުންޏެވެ.
ރާއްޖޭގެ މާލީ ހާލަތު ގޯސްވެ، ފިޗް އިން ރާއްޖޭގެ ކްރެޑިޓް ރޭޓިން މިދިޔަ ހަފްތާގައި ދަށްކޮށްފައިވާ އިރު، ޒަމީރު މި ފަހުން ވަނީ ރައީސް ޑރ. މުހައްމަދު މުއިއްޒުގެ ހާއްސަ ސިޓީފުޅަކާ އެކު ސައުދީ އަރަބިއްޔާގެ އިތުރުން ބަހުރެއިން އަށް ވެސް ވަޑައިގެންފަ އެވެ.
އެ ދަތުރުތަކުގެ ތެރެއިން، ރާއްޖެއަށް މާލީ އެހީތެރިކަން ލިބޭނެ ކަމުގެ އުއްމީދު އާވެފައިވާ ކަމަށް މިދިޔަ އާދީއްތަ ދުވަހު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ޒަމީރު ވަނީ ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަލީމާކީ
04 September 2024
ތިޔަ ދަތުރުތަކުގެ ހަރަދު ސަލާންޖަހައިގެން އެންމެ ކުޑަމިނުން ލިބޭތޯ؟
ހަމަދު ސަލީމް
03 September 2024
ތިވަރަށް ސަލާންޖަހަން ތަންތަނަށް ގޮސްގެންވެސް އެއްޗެއް ލިބޭތަ؟
ކޮސް
03 September 2024
އަންނާނީ ހުސްއަތާ. އެކަމަކު ދައްކާނެ މޮޅުވާހަކައެއް. މީހުންނަށް ރޭކާލާނީ ރައްޔިތުންގެ ދިރިއުޅުމަށް އިތުރު އުނދަގޫތަކެއް ވާންފެށީމަ.
މުހައްމަދު ޝާން އައްބާސް
03 September 2024
އިދިކޮޅަށް ހަޖަމެއް ނުވާނެ މިކަހަލަ ހަބަރު. ކީއްކުރާނީ ދެން. މީ ހަގީގަތް އެކަމަކު
އަފްސަލް ހަމީދު
03 September 2024
ރަނގަޅު ނަތީޖާ ނެރޭނެ. އިގްތިސާދު ހަމަޔަކަށްވެސް އަޅުވާނެ.
ހާނިފް އިމްތިޔާޒް
03 September 2024
އެމްޑީޕީގެ ސަރުކާރުން ގައުމުގެ އިގްތިސާދު ވައްޓާލި އަދަވަޅުން ނަގާ ކޮޅަށް ޖަހާނީ މިސަރުކާރުން.
އެމްބަސީ
04 September 2024
އެމްބަސީތަކަށް އިތުރު 180 އެކްޓިވިސްޓުން ފޮނުވައިގެން؟
މޫސާ ޔައިޝް
03 September 2024
މިގައުމުގެ އިގްތިސާދު ހަމަޔަކަށް އަޅުވަން ރައީސް މުއިއްޒް މިކުރާ މަސައްކަތް ވަރަށް ބަލައިގަނެވޭ.
ޜަސްކަލް
03 September 2024
ލިބޭމިންވަރު ނިކަން ދަނެގެން، ވިބޭނުންތަށް ބަހާލައިގެން، ތިބޭނަމައީ ފިކުރުކޮށްގެން، މިބޭޒާރެއް ނުވެސް ވާނޭ
އެމްސް
03 September 2024
މި މިނިސްޓްރީއަކީ ފާޅުގައި ސަލާމްޖަހަން ހެދިފަވީ މިނިސްޓްރީއަކީ ބާއެވެ؟