ގަވައިދާ ހިލާފަށް ޕާކް ކުރާ އުޅަނދު ޓޯ ކުރުމުން ދެން ލިބޭނީ ދެ ދުވަސް ފަހުން

ފުލުހުން ކާރެއް ޓޯކޮށްގެން ގެންދަނީ: ގަވައިދާ ހިލާފަށް ޕާކްކުރާ ވެހިކަލް ޓޯކޮށްފި ނަމަ ދެން ލިބޭނީ އެންމެ އަވަހަށް ވެސް ދެ ދުވަސް ފަހުން. -- ފޮޓޯ: ޕޮލިސް

ފާތިމަތު އަޖްފާން، މިހާރު

11 ސެޕްޓެމްބަރ 2024 - 12:10

14 comments

ގަވައިދާ ހިލާފަށް ޕާކު ކޮށްގެން ޓޯކުރާ ވެހިކަލް އަނބުރާ ވެރިފަރާތާ ދެ ދުވަސް ފަހުން ނޫނީ ހަވާލު ނުކުރެވޭ ގޮތަށް ގަވައިދު ބަދަލުކޮށްފި އެވެ.

ކުރިން އޮންނަ ގޮތުން ނަމަ ޖޫރިމަނާ ފައިސާ އާއި ވެހިކަލްއަށް ދައްކަން ޖެހި ނުދައްކާ ހުރި ފައިސާ ދައްކައި ނިންމުމުން ވެހިކަލް ހަވާލުކުރެ އެވެ.

ފުލުހުންގެ ބެލުމުގެ ދަށަށް ގެންދާ އެއްގަމު އުޅަނދާ ބެހޭ ގަވައިދަށް އިއްޔެ ގެނައި ބަދަލުތަކުގެ ތެރޭގައި، ގަވައިދާ ހިލާފަށް ޕާކުކޮށްގެން ޓޯކުރާ ވެހިކަލެއް ނަމަ އެ ދޫކުރާނީ ޓޯކުރާ ވަގުތުން ފެށިގެން 48 ގަޑިއިރު ހަމަވުމުން ކަމަށް ވަނީ ބަޔާން ކޮށްފަ އެވެ.

އޭގައި އިތުރަށް ބުނެފައި ވަނީ ލައިސަންސް ނެތް މީހެއް ދުއްވި ވެހިކަލެއް ޓޯކޮށްފި ނަމަ 15 ދުވަހަށް އުޅަނދު ހިފަހައްޓާނެ ކަމަށެވެ.

ސިނަމާލެ ބްރިޖްގައި ފުލުހުން ޓެކްސީއެއް ހުއްޓުވައި ސުވާލުކުރަނީ: ގަވައިދާ ހިލާފުވާ ވެހިކަލްތަކުގެ މައްސަލަ ހައްލުކުރަން ވަނީ ފިޔަވަޅުތައް ހަރުކަށިކޮށްފައި. -- ފޮޓޯ: މިހާރު

ދުއްވަން ކަނޑައަޅާފައިވާ ސްޕީޑް ލިމިޓަށްވުރެ ބާރަށް ދުއްވުމުން ހިފަހައްޓާފައިވާ އުޅަނދެއް ނަމަ ފުލުހުންގެ ބެލުމުގެ ދަށުން އެ ދޫކޮށްލާނީ 15 ދުވަސް ފަހުން ކަމަށް ވެސް ގަވައިދުގައިވެ އެވެ. އަދި ނުރައްކާތެރިކޮށް ނުވަތަ ފަރުވާ ކުޑަކޮށް އުޅަނދު ދުއްވުމުގެ ސަބަބުން ހިފަހައްޓާފައިވާ އުޅަނދެއް ނަމަ ލިބޭނީ މަސް ދުވަސް ފަހުން ކަމަށް ވެސް އެ ގަވައިދުގައިވެ އެވެ.

މި ބަދަލުތައް ގެނެސްފައި މި ވަނީ ހުޅުމާލޭގައި ސްޕޯޓްސް ކާރަކާއި ސައިކަލެއް ޖެހި މިދިޔަ ހަފުތާގާއި ހިނގި އެކްސިޑެންޓުގައި މީހަކު މަރުވުމާ ގުޅިގެން، މަގުމަތީގެ ރައްކާތެރިކަން ކަށަވަރުކުރަން ރައީސް ޑރ. މުހައްމަދު މުއިއްޒު އަޅުއްވަން ނިންމެވި ފިޔަވަޅުތަކުގެ ތެރެއިންނެވެ. ރައީސް ވަނީ ހުޅުމާލެ އިން ރޭސިން އަދި ޑްރިފްޓިން އަށް އެޗްޑީސީން ދީފައިވާ ހުއްދަ ބާތިލްކޮށް، ހަރުކަށި ފިޔަވަޅުތަކެއް އިއުލާން ކުރައްވައިފަ އެވެ.

ފުލުހުން ޓްރެފިކް ގަވާއިދު ޓްރާންސްޕޯޓް މިނިސްޓްރީ

14 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޓޯމޭން

11 September 2024

ފުރޮޅުތައް ތަޅުލާން ފަށާބަލަ. ތަޅުލާތާ 24 ގަޑިއިރުވީމަ ޓޯކުރަންވީ. ތަޅު ހުޅުވަން ފީދައްކަންޖެހޭނެ. ޓޯކުރާ ވެހިކަލަކަށް ކޮންމެ ގަޑިއަކަށް ފީނަގަންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޯލިފަތި

11 September 2024

ދޫކުރާނެ ކަމެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުރުވިސްނާ

11 September 2024

އަދި ކަމަކު ނުދޭ. ޓޯކުރާ ވަގުތުން ފެށިގެން 48 ގަޑި އިރު ފަހުން ދޫކުރަންޏާ ފައިސާ ދައްކަން ދާނީ ދޫކޮށްލާ ގަޑި ޖެހުނީމަ. އެންމެ ރަނގަޅު ގޮތަކީ ފައިސާ ދައްކާތާ 48 ގަޑިއިރު ފަހުން ދޫކުރާގޮތަށް ހެދުން. އޭރުން އިދާރީ ކަންކަން ފުރިހަމަ ކުރަން 48 ގަޑި އިރު ލިބޭނީ. އެހެންނޫންނަމަ ޓޯކުރާތާ 47 ގަޑިއިރާ 59 މިނެޓުގައި ފައިސާ ދައްކާފަ ވެހިކަލް ނަގަން ދާއިރު އިދާރީ ކަންކަން ނުނިމިގެން ވެހިކަލް ހަވާލު ނުކުރެވި ތޮއްޖެހެން ފަށާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތަދޫ ހުސެން

11 September 2024

މި ހީވަނީ ކަލޭ ހެން ފޯމް ފުރަން ޖެހެނީ މީހަކު ފައިސާ ދައްކާ އިރަށް. މިޔަކި އޮންލައިން ކޮއް ކަން ކުރާ ޒަމާނެއް... މިހިރަ ޑައިނަސޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެއްޔަގެ އަހަންމާ

11 September 2024

ފުލުހުންނާއި ސިފައިން ގަވާއިދާއި ޚިލާފަށް ދުއްވާ ހަތަރުފުރޮުލީ އުޅަނދުތައް ނުހުފަހައްޓާއި ޢާންމުންނަށް ދުއްތުރާ ކުރީމާ ކަމަކުނުދާނެ. އެންމެ ގިނައިން ގަވާއިދާއި ޚިލާފުވަނީ އެމްއެންޑީއެފު މީހުނާއި ޕޮލިހުން. މިއީ ގުޅިގެން ހިންގާ ޖަރީމާތަކެއް. އެންމެނަށް އެއް ހަމައަކުން ގާނޫނު ތަންފީޒުކުރޭ. އޭރުން ތިޖަހާ ސަކަރާތް ދެކޮޅުޖެހޭނީ. މިހާތަނަށް ތިކަން ފަނުފުލުން ގޮއްސަ ތިއޮތީ ގާނޫނު ތަންފީޒުކުރާން ތިބި މީހުން ކޮރަޕްޓޤ ވީމާ! އެނގޭނެ މީ ތެދެއްކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސްނުބާނޫ

11 September 2024

ތިހުރިހާ ސަކަރާތެއް ނުޖަހާ، ގައިމު މާލޭގަޔާއި ހުޅުމާލޭގަހުރު ބޭނުން ނުކުރާ ހުރިހާ ހުސްބިންތަކެއް ވަގުތީ ގޮތުން ނަމަވެސް ޕާކިންއަށް ހުޅުވާލުމުން ތިކަންތައް ވަގުތީ ގޮތުން ނަމަވެސް ތިހައްލުވީ. ރައްޔިތުން ދެކޮޅަށް ދެމުމުގެ އަސްލު ބޭނުމަކީ ކޮބާތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަ

11 September 2024

ވަރަށް ރަނގަޅު. ބަރާބަރަށް ތަންފީޒުކުރައްވާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސްނުބާނޫ

11 September 2024

އޭބަލަ މަކޮޔާ! ކަޅުބިލަމަސް ފުމޭހެން ނުފުމެބަލަ. ކަޅުބިލަ މަހަކީ ހުސްބުޅިޔަށް ބޭނޭމަހެކޭ. ސަރުކާރުގަ ދަންނަވާބަލަ ފުރަތަމަ އެމީހުންގެ ޒިންމާ އަދާކޮށްބަލާށޭ. އެމީހުންގެ ޒިންމާއަކީ ޕާކިންގ ޒޯންތައް ހެދުން. އޭގެ ފަހުގަ ނުގަވާއިދުން ޕާކުކުރީމަ ޓޯކޮށްބަލަ. މީހުން އެކިތަންތާގަ އެޕާކުކުރަނީ މަޖުބޫރުވެގެންނޭ. ހަމަޖެއްސުމަކަށް ކިތައްމެ ވަރަކަށް ޓޯކުރިޔަސް ތިކަމެއް ނުހުއްޓޭނެ. ނިކަން ސިކުނޑީގެ ބޭނުން ހިފާބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންކާރި

11 September 2024

މަދު ބަޔަކު އެހެން ގޮތެއް ނެތިގެން ޕާކު ކުރިއަސް ގިނަ މީހުންނަކީ ކަންނެތްކަމުން ފަސޭހަކައަށް ޖެހުނުތާކު ޕާކުކުރާ މީހުން. އެންމެނަކަށް އެއްތަނަކުން ޕާކެއް ނުދެއްކޭނެ، ފުރުނީމައި ދުރުގައިވެސް ޕާކުކުރަންޖެހޭނެ. މީ ހުރިހާ ތާކުވެސް އޮންނަ އުސޫލު. ހަމަ ޓޯކުރަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސަރު

11 September 2024

ފުރޮޅު ތަޅުލާން ފަށާބަލަ ދައްކަން ހުރި ފައިސާއެއް ދެއްކީމަ ހުޅުވާދޭނީ ، ދުވަލަކު ހަފަރުވެސް ތަޅުލާން ވީ އޭރުން އޮބިނޯވެގެން ވެހިކަލްގެ ކިބައިން ސަލާމަތް ވާނެ. އެހެން ނޫނީ ގަވައިދައް އުޅެން ފަށާނެ . 24 ގަޑިއިރު ވަންދެން ތަޅުލާފަ އޮވެއްޖެ ނަމަ ޓޯކުރާނީ. މިގޮތަށް ގަވައިދު ބަދަލުކޮށްލީމަ ތަފާތު ފެންނާނެ ޔަޤީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސްނުބާނޫ

11 September 2024

އޭޒުވާނާ، ފުރަތަމަ ތީގެ ރޫޓްކޯސް ހޯދަބަލަ. މީހުން އެޕާކުކުރަނީ އެތަންތާގަ ޕާކުކުރާ ހިތަކުން ނޫނޭ. ޕާކުކުރާނެ ޖާގަނެތިގެން މަޖުބޫރު ވެގެންނޭ. ސަރުކާރުން ވެހިކަލްތައް ރަޖިސްޓުރީ ކޮށްދިން ގޮތަށް ޕާކިންގ ޖާގަވެސް އަގުދައްކާ ގޮތަށް ނަމަވެސް ދައްކަން ޖެހެޔޭ. ތީގެ ރޫޓުކޯސްއަކީ ސަރުކާރުން އެމީހުންގެ ޒިންމާ އަދާނުލުރުމޭ. ވީމާ ފުރަތަމަ ސަރުކާރުގެ ޒިންމާ ފުރިހަމަ ކުރަން ޖެހެޔޭ. އޭރުން ތިކަމުގެ ހައްލު ހޯދޭނީ.