ކުޅިވަރު / ސްޕޯޓްސް، ފިޓްނަސް އެންޑް ރެކްރިއޭޝަން މިނިސްޓްރީ

ރާއްޖޭގެ އެކި ސަރަހައްދުތަކުން ވޮލީ 20 ކޯޗަކު ތަމްރީނުކުރަން ޗައިނާއަށް ފޮނުވަން ނިންމައިފި

ހުސެއިން ހަބީބް، މިހާރު

12 ސެޕްޓެމްބަރ 2024 - 13:03

ރާއްޖޭގެ އެކި ސަރަހައްދުތަކުން ވޮލީކޯޗުން ތަމްރީނުކުރަން ޗައިނާ އަށް ފޮނުވަން ނިންމާފައިވާކަމަށް، ސްޕޯޓްސް މިނިސްޓަރު އަބްދުﷲ ރާފިއު ވިދާޅުވެއްޖެ އެވެ.

ކުޅިވަރު ދާއިރާއިން މީހުން ބިނާ ކުރުމަށް ރާއްޖެ އާއި ޗައިނާއާ ދެމެދު ހެދި އެއްބަސްވުމުގެދަށުން، ވޮލީގެ 20 ކޯޗަކު އިތުރު ތަމްރީނުތަކަށް މި މަހު ޗައިނާ އަށް ދިއުމަށް ހަމަޖެހިފައިވާ ކަމަށެވެ.

ރާފިއު ވިދާޅުވީ، މި 20 ކޯޗުން ތަމްރީނު ކުރަނީ ޗައިނާގެ ހަރަދުގައި ކަމަށެވެ.

"އެއީ ޗައިނާ އަށް ފޮނުވައިގެން ވޮލީބޯލް ކޯޗން ތަމްރީނުކުރަން، ވޮލީބޯލް ކޯޗިން ކޯހެއް ޗައިނާގައި ކުރިއަށްގެންދާގޮތަށް ވަނީ ހަމަޖެހިފަ. އިރާދަކުރެއްވިއްޔާ މި މަހު އެ ކޯޗުން ފުރާނެ،" ރައީސް އޮފީހުގައި މިދިޔަ އަންގާރަ ދުވަހު ބޭއްވި ޕްރެސް ކޮންފަރެންސްގައި ރާފިއު ވިދާޅުވި އެވެ.

އޭނާ ވިދާޅުވީ ކުޅިވަރު ދާއިރާއިން މީހުން ތަމްރީނުކުރުމަށް އެހެން ގައުމުތަކާ އެކު ވެސް އެއްބަސްވުންތަކެއް ހެދުމަށް ހަމަޖެހިފައިވާ ކަމަށެވެ. އަންނަ މަހު ސައުދީ އަރަބިއާގެ ސަރުކާރާ އެކު ވެސް އެފަދަ އެއްބަސްވުމެއްގައި ސޮއި ކުރެވޭނެ ކަމަށް އޭނާ ވިދާޅުވި އެވެ.

ޔުނައިޓެޑް އެރަބް އެމިރޭޓްސް އާއި މެލޭޝިއާ އާއެކު ވެސް އެއްފަދަ އެއްބަސްވުންތަކެއް ހެދުމަށް އެ ދެ ގައުމުގެ ސަރުކާރުގެ ކުޅިވަރު އިދާރާ އަށް އެއްބަސްވުމުގެ ޑްރާފްޓް ފޮނުވާފައިވާނެ ކަމަށް ވެސް ރާފިއު ވިދާޅުވި އެވެ.

ސްޕޯޓްސް، ފިޓްނަސް އެންޑް ރެކްރިއޭޝަން މިނިސްޓްރީ ޗައިނާ ވޮލީބޯޅަ ރާއްޖެ-ޗައިނާ އަބްދުﷲ ރާފިއު (ސްޕޯޓްސް މިނިސްޓަރު)

7 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

.....މޖ

14 September 2024

ހަމަ ބަލިވީ، އެވީ ކޯޗުކަން ދަސްކުރަން ފޮނުވަން.. މާސްޓަރ ޕްލޭނެއް ހަދައިގެން ކުރިޔަށް ދިޔުން ވަރަށް މުހިއްމު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބީދަ

14 September 2024

ވޭތުވެދިޔަ ފަސް އަހަރުގެ ތެރޭގައި ކުޅުންތެރިން ތަމްރީނުކުރަން މިނިސްޓްރީ އިން އެސޯސިއޭޝަން ތަކަށް ދޫކުރި އަރުތަ އާއި އެހެނިހެން ފައިސާއަށް ހެދިގޮތެއް ބަލާބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިގް

14 September 2024

ފުރަތަމަ ކަމަކަށް ކުރަންވީ ހުރިހާ އެސޯސިއޭޝަން ތަކުގައި މިވޭތުވެދިޔަ ފަސްއަހަރު ހިންގާފައިވާ ކޮރޮޕްޝަން ތައް ބަލާ އެކަމަށް ހަރުކަށި ފިޔަވަޅު އެލުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަގޭ

12 September 2024

ވޮލީ ބޯލް އެންމެ ރަގަޅު ވަސީލަތާއެކު އޭޝިޔާގެ 1 ވަނަ ޖަޕާނަށް ފޮނުވުން ބުއްދިވެރި ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

12 September 2024

ރާއްޖޭގެ އެކިސަރަޙައްދު ތަކުން މީހުން ފޮނުވާ ނަމުގައި ހަމައެކަނި ކ.އަތޮޅު މާލެއިން މީހުން ފޮނުވީމާ ކަމަކު ނުދާނެ. އަނެއްކަމަކީ މާލޭގެ އެސޯސިއޭޝަން ތަކަށް ލިބޭ ތިފަދަ ހުރިހާ ފުރުސަތު ތަކެއް ބޭނުން ކުރަނީ އެތަނުގައި ވަކިހިއްޕާލައިގެން އުޅޭ ދެތިން މީހަކު. # މިފަހަރު އެހެން ވިޔަނުދިނުމަށްޓަކާ ތިޔަ ކޯހުގައި ބައިވެރިކުރާނެ އުމުރު ފުރާ ކަނޑައަޅާ 25 އަހަރަށް ވުރެން މަތީ އުމުރުގެ އެއްވެސް މީހަކު ކޯހުގައި ބައިވެރި ނުކުރަން ނިންމުން ރަނގަޅު ކަމަށް ދެެކެން.