ކުންފުނިތަކުގެ ބޯޑާ ގުޅޭ އިސްލާހުގެ މަސައްކަތްތައް ނިންމާލައިފި

މަޖިލީހުގެ ރައީސް އަބްދުއްރަހީމް އަބްދުﷲ: ކުންފުނިތަކުގެ ބޯޑާ ގުޅޭ އިސްލާހުގެ މަސައްކަތްތައް މަޖިލީހުން މިއަދު ވަނީ ނިންމާލާފައި. -- ފޮޓޯ | މަޖިލިސް

ނާޒިމް ހަސަން، މިހާރު

16 ސެޕްޓެމްބަރ 2024 - 13:17

8 comments

ކުންފުނިތަކުގެ ބޯޑަށް މެނޭޖިން ޑިރެކްޓަރުންނާއި ޑިރެކްޓަރުން އައްޔަން ކުރުމަށް ކަނޑައަޅާފައިވާ މުއްދަތު ކުރުކުރަން ކުންފުނިތަކާ ބެހޭ ގާނޫނަށް ސަރުކާރުގެ ފަރާތުން ހުށަހެޅި އިސްލާހުގެ މަސައްކަތްތައް މިއަދު ނިންމާލައިފި އެވެ.

ސަރުކާރުގެ ފަރާތުން ފޭދޫ އުތުރު ދާއިރާގެ މެންބަރު އިސްލާއިލް ނިޒާރު މަޖިލީހަށް ހުށަހެޅުއްވި އިސްލާހާ މެދު ބަހުސް ކުރަން މިއަދު ވަނީ ދައުރުން ބޭރު ޖަލްސާއެއް ބާއްވައިފަ އެވެ. އެ ޖަލްސާ ގަޑިއެއްހާ އިރު ތެރޭ ނިންމާލަން ޖެހުނީ ބަހުސް ކުރާނެ މެމްބަރުން ނެތިގެންނެވެ.

އެ ބިލަށް ވޯޓަށް އެހުމުން، ބަލައިގަންނަން ފާސްކޮށް، ދިރާސާކުރަން ފޮނުވީ އިގްތިސާދީ ކޮމިޓީއަށެވެ. ބިލް ފާސްކުރިތާ 30 މިނެޓްގެ ތެރޭގައި ކޮމިޓީގެ ބައްދަލުވުން ބޭއްވި އެވެ. ގާތްގަނޑަކަށް 10 މިނެޓަށް ކުރިއަށް ދިޔަ ކޮމިޓީގެ ބައްދަލުވުމުގައި ބިލަށް އެއްވެސް ބަދަލެއް ނުގެނެސް ވަނީ ފާސްކޮށްފަ އެވެ.

ކޮމިޓީ މަރުހަލާއަށް ފަހު، ކުންފުނިތަކުގެ ބޯޑާ ގުޅޭ އިސްލާހު ފާސްކުރަން މިހާރު ކޮމިޓީން ވަނީ ތަޅުމަށް ފޮނުވައިފަ އެވެ. މި ބިލް ފާސްކުރަން ދައުރުން ބޭރު ތިން ވަނަ ޖަލްސާ މާދަމާ ބާއްވަން ވަނީ ތާވަލުކޮށްފަ އެވެ.

މި ބިލްގެ އިތުރުން ޕްރޮސިކިއުޓާ ޖެނަރަލްގެ މަގާމަށް އައްބާސް ޝަރީފް އައްޔަން ކުރަން ފާސްކުރަން ވޯޓަށް އެހުން ވެސް މާދަމާ އޮންނާނެ ކަމަށް ބެލެވެ އެވެ.

company thakuge Board ah avahah memberun ayyan kuran ganoonah islaaheh

The most trusted news source in the Maldives

Mihaaru

ގާނޫނު މިހާރު އޮންނަ ގޮތުން ޕަބްލިކް ކުންފުނިތަކާއި ޕްރައިވެޓް ކުންފުނިތަކުގެ މެނޭޖިން ޑިރެކްޓަރުންނާއި ޑިރެކްޓަރުންގެ މަގާމު ހުސްވެއްޖެ ނަމަ އެ މަގާމަށް 30 ދުވަސް ތެރޭގައި މީހުން އައްޔަން ކުރަން އެންގުމުގެ ބާރު ރަޖިސްޓްރާ އޮފް ކޮމްޕެނީސްއަށް އޮވެ އެވެ.

ނަމަވެސް އާ އިސްލާހުގައި ހުށަހަޅާފައިވަނީ އެ މުއްދަތު 10 ދުވަހަށް ކުރު ކުރުމަށެވެ.

މީގެ އިތުރުން ކުންފުނިތަކުގެ އާންމު ޖަލްސާ ބާއްވަން ޖެހޭ މުއްދަތު ކުރުކުރަން އެ އިސްލާހު ހިމަނާފައިވެ އެވެ. މިހާރު ގާނޫނު އޮންނަ ގޮތުން އެފަދަ ޖަލްސާއެއްގެ ނޯޓިސް ފޮނުވަން ޖެހެނީ އެކަމަށް އެދި ހުށަހަޅާތާ 21 ދުވަސް ތެރޭގައި ކަމަށް ވިޔަސް، އާ އިސްލާހުގައި ވަނީ އެ މުއްދަތު ތިން ދުވަހަށް ކުރު ކުރުމަށެވެ.

މިހާރު ގާނޫނު އޮންނަ ގޮތުން ހާއްސަ އާންމު ޖަލްސާއެއް ބޭއްވުމުގެ ނޯޓިސް ފޮނުވަން ޖެހެނީ 14 ދުވަސް ކުރިންނެވެ. ނަމަވެސް ސަރުކާރުން ހުށަހަޅާފައިވާ އާ އިސްލާހުގައި ހުށަހަޅާފައިވަނީ އެ މުއްދަތު ވެސް ހަތް ދުވަހަށް ކުރު ކުރުމަށެވެ.

ރައްޔިތުންގެ މަޖިލިސް ޕަބްލިކް ކުންފުނި ޕްރައިވެޓް ކުންފުނިތައް

8 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބްލަޑް

17 September 2024

ކީއްވެތަ މައްސަލަ ބަލާނިމެންދެން ބަންދު ނުކުރެވެނީ؟ ހިއުމަން ރައިޓްސް ހޭލީތޯ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޖާމް ބޭ

16 September 2024

އިލްމެއް ނެތްތާ ހިލްމެއްވެސް ނެތީމަ ވާނި މިހެންތާ ދޯ. ޣައިމު އިސްލާހް ކުރުމުގެ ކުރިން ކުރީގެ ޤާނޫނުނުގައި އެބައިތަށް އެގޮތަށް ހިމަނާފައޮތް ސަބަބެއް ކޮންމެވެސް ވަރަކަށް ވިޔަފާރި ކޮށް އުޅޭ ރަހުމަތްތެރިޔަކު ކުރެން ދުރުދުރުން ނޫންކަމަށް ހަދާފަ އަހާލިނަމަ ދޯ ތަނަދޮރު ނޭގުނަކަމަކު މީދެން ބޮޑުވަރެކެދީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުއްދިވެރިން

16 September 2024

ކޮސްވެދާނެހަމަ، ތަނެއް ދޮރެއް ނުދަންނަ ބަޔަކު މަޖިލީހަށް ހޮވީމަ މިކަހަލަ ކިތަންމެ ކަމެއްވާނެ، ދެން ކުންފުނިން ތަކުން އުޅެންޖެހޭނީ އަބަދުވެސް އިމަޖެންސީގަ، އެއްވެސް ގާނޫނެއް ގަވާއިދެއް ނުބަލާ، އެކަށީގެންވާ ބެކްގްރައުންޑް ޗެކް ނެހެދި ބޯޑަށް މީހުން އައްޔަންކުރަންޖެހޭނީ. އަބަދުވެސް ޑިފެންސަށް ކުޅެންޖެހިފަ އޮންނާނީ، ނިންމާ ނިންމުން އަބަދު ބަދަލުކުރަންޖެހިފަ، ބޮޑު ޕަބްލިކް ކުންފުންޏަކުން 10 ދުވަސްތެރޭ އާއްމު ޖަލްސާއަކަށް ތައްޔާރުވުމަކީ ނާދިރު ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

16 September 2024

ރާއްޖޭގެ ފަހުރުވެރި ރައްޔިތުންގެ މަޖިލީސް ޖާދޫގަރު ޗަރުކޭސް ކުޅޭތަނަކަށް ނުހަދާށޭ މަމެންވެސް ނުރުހެމޭ ބިލެއްހުށައެޅީމަ ބަހުސްނުކޮށް ހަތަރެސއފައި ހިއްލައިގެން ފާސްކުރާކަށް އިލްމާއި ބުއްދިން އެއްކިބާވެފައި ލާހޫރޭ ތަނަކަށް ނުހަދާށޭ ނުވައްޏާ އިސްތިއުފާދޭށޭ !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިހާލި

16 September 2024

ސުރުހީގޯސް .ކުންފުނިތަކުގެ ބޯޑައް މިންވަރެއްނެތް ވަރައް ސިޔާސީމީހުން އަންޔަންކުރަންފާސްކޮއްފި ރަނގަޅީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

16 September 2024

ކުރީ ސަރުކާރުން ވަގަށް ނެގި ފައިސާ އާ މައްސަލަ ތައް ނުބަލާ ސިޔާސީ ބޭނުމަށް ކުރީ ސަރުކާރޭ ކިއުމުގެ ބޭނުމެއް ނެތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫނޭ ސަޅި

16 September 2024

ތި ގެނެވުނީ ވަރަށް ބޮޑު އިސްލާހެއް. އަޅުގަނޑު މި ބަލަނީ ތިޔަ އިސްލާޙުގެ ސަބަބުން ޤައުމުގެ އިޤްތިޞާދަށް ހީވެސް ނުކުރާ ވަރުގެ ކުރިއެރުން ލިބޭނެކަމަށް އަދި މި ދަތި ދުވަސްތައް ކުރިއަށް އޮތް ހަފުތާއެއްގެ ތެރޭ ޙައްލުވެދާނެކަމަށް. ނޫނޭ ސާބަސް ތިޔަ އިސްލާހު ފޮނުވި ބަޔަކަށްވެސް އަދި ވޯޓު ދިން މީހުނަށްވެސް . ގޮނޑިކޮއްކޮ ވިސްނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލު2.0

16 September 2024

އަވަސްވެގެން ގޮސް ރަނގަޅަށް ޑިއު ޑިލިޖެންސް ނުހެދިއްޖެޔާމުން އަދި ގެއްލުން މާ ބޮޑުވާނެ. 10 ދުވަހަށް އައްޔަންކުރުން ލަސްކުރީމާ، ވަޒީފާއަށް ކުރިމަތިލުމަށާއި، ޝޯޓްލިސްޓް ކުރުމާއި އިންޓަވިއުކޮށް އަދި އިވެލުއެޓްކުރަން ދެން ކޮން ވަގުތެއް އޮންނާނީ؟ ފިނޭންސަށް ރިޕޯޓްތައް ބަލާލަންވެސް ވަގުތު ބޭނުންވާނެ އޭޖީއެމް ގެ ކުރިން. އިނގޭ ދެން އަސްލު މިރާއްޖޭގައި ކަންކުރާ ގޮތް ތަފާތުކަން. އެކަމަކު ދުނިޔޭގެ ކޮޕަރެޓް ގަވަނަންސް އުސޫލުތަކުން ބޭރުން ގާނޫނު ނަހަދަމާ.