18 ސެޕްޓެމްބަރ 2024 - 18:50
24 comments
ފީފާއިން އައްޔަން ކުރި ނޯމަލައިޒޭޝަން ކޮމިޓީން އެފްއޭއެމްގެ ހިންގުމާ ހަވާލުވި އިރު، އެ އެސޯސިއޭޝަނުގެ އެއްވެސް އެކައުންޓެއްގައި ފައިސާއެއް ނެތް ކަމަށް، އެ ކޮމިޓީގެ ޗެއާޕާސަން އަހްމަދު ޒުހޫރު ވިދާޅުވެއްޖެ އެވެ.
އެފްއޭއެމްގެ ހާލަތާއި ނޯމަލައިޒޭޝަން ކޮމިޓީގެ މަސައްކަތްތަކުގެ މައުލޫމާތު އިސްވެ ހާމަ ކުރަން، ކޮމިޓީން ފުރަތަމަ ފަހަރަށް މިއަދު ބޭއްވި ޕްރެސް ކޮންފަރެންސްގައި ޒުހޫރު ވިދާޅުވީ، ނޯމަލައިޒޭޝަން ކޮމިޓީން މަސައްކަތް ފަށަން ޖެހިފައި ވަނީ "މައިނަސް" އިން ކަމަށެވެ.
ޕަބްލިކް އެޑްމިނިސްޓްރޭޝަނާއި ފައިނޭންސް ދާއިރާގައި ކުރިން މަސައްކަތް ކުރެއްވި ޒުހޫރު ވިދާޅުވީ އެފްއޭއެމްގެ މަސައްކަތަކީ އޭނާގެ ކެރިއަރުގައި ވެސް ހަވާލުވި އެންމެ ގޮންޖެހުން ބޮޑު މަސައްކަތް ކަމަށެވެ.
"އަޅުގަނޑުމެންނަށް މިއަދު ކުރަން ޖެހިފައި މިވަނީ ވަރަށް ބުރަ މަސައްކަތެއް. އަޅުގަނޑުމެން ފައްޓަން މި ޖެހެނީ މައިނަސްއިން،" ޒުހޫރު ވިދާޅުވި އެވެ.
"އަޅުގަނޑުމެން ހަވާލުވެފަ ހަރަދެއް ކުރަން ބެލި ނަމަވެސް، އެއްވެސް ހަރަދެއް ކުރެވޭނެ ގޮތެއް އަޅުގަނޑުމެންގެ ނެތް. އެއްވެސް އެކައުންޓެއްގައި ވެސް ފައިސާއެއް އަޅުގަނޑުމެން ހަވާލުވީ އިރަކު ނެތް."
ޒުހޫރު ވިދާޅުވީ އެފްއޭއެމްގެ އެކައުންޓްތައް، ނޯމަލައިޒޭޝަން ކޮމިޓީއަށް އޮޕަރޭޓް ކުރެވޭނެ ހާލަތަކަށް އަދި ވެސް ގެނެވިފައި ނެތް ކަމަށެވެ. އެކަމަކު ބޭންކަށް ހުށަހަޅަން ޖެހޭ ލިޔެކިޔުންތައް ހޯދައި މިހާރު ބޭންކަށް ހުށަހަޅާފައިވާ ކަމަށެވެ.
"އެހެން ނަމަވެސް (ބެންކާ އެކު) އެ މުއާލާތްތައް ކުރިއަށް ގެންދާއިރު ވެސް އޭގެ އެންމެ މުހިންމު ލިޔެކިޔުންތައް އަޅުގަނޑުމެންނަށް ނުލިބި ވާތީވެ ފުރިހަމައަށް އެ މުއާމަލާތްތައް ވަނީ ނުކުރެވިފަ،" ޒުހޫރު ވިދާޅުވި އެވެ.
އޭނާ ވިދާޅުވީ ތަނެއް ހިންގައިގަންނަން ބޭނުންވާނެ އެއްވެސް ލިޔެކިޔުމެއް ކޮމިޓީ އަށް އަދި ލިބިފައި ނުވާ ކަމަށެވެ.
އޭނާ ވިދާޅުވީ ބައެއް ލިޔެކިތުންތައް ހުރީ ތަހުގީގުގެ ބޭނުމަށް އެކި އިދާރާތަކުގެ ބެލުމުގެ ދަށުގައި ކަމަށެވެ.
"އެހެން ނަމަވެސް މޯލްޑިވްސް ޕޮލިސް ސާވިސްއިން ވެސް އޮޑިޓް އޮފީހުން ވެސް ދެވެން އޮތް މިންވަރަކަށް އަޅުގަނޑުމެން އެދުމުން މައުލޫމާތު ފޯރުކޮށްދެއްވާ،" ޒުހޫރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާއިފް
19 September 2024
ރިހާކުރު ފުޅި ނެގިމީހާ ވަގުތުން ވަގުތަށް ހައްޔަރުކޮށް ޖަލައްލީ, ބައްސާމު ގޭގައި ދެފައި ދަމައިގެން ލަގްޒަރީލައިފް ގައި. ދައުވާ ކުރިއަސް ކުއްވެރިއެއްވެސް ނުވޭނެ. އެމް ޕީޢާރު އެސް ގައި ލާރި ކެއިމީހުންނަށް ވީގޮތްވާނީ. މިއީ ބޮޑެތި އަބުރުވެރި މަތީ ބޭފުޅުން ކުށްވެރިވާ ރާއްޖޭ އެއްނޫން. ވަރަށް ސަލާމް ބައްސާމުއަށް
މިސްޓަރ ޓިނޭ
20 September 2024
ބަލަގަ އެއީ ތިމާގެ ބޭފުޅެކޭ،
ނަމަ ވެސް
18 September 2024
ރާއްޖޭގެ ބޮޑެތި ކުލަބު ތަކުން ދިވެހި ފުޓްބޯޅަ ހަލާކު ކުރީ ބައްސާމުގެ ހާލަތު އެނގޭއިރުވެސް އޭނައަށް ދެވަނަ ދައުރެއް ދީގެން. ކުލަބު ތަކުގެ ބޮޑުންގެ ޖީބުތައް ވެސް ބޮޑުވެގެންދިޔަ
މައުރީން
20 September 2024
ބޮޑެތި ކުލަބު ތަކެއް ނޫން، އެއީ ގޭންގު ތަކުން އޮޕަރޭޓްކުރާ މާޒިޔާ، ޓީސީ، އީގަލްސް، ބީ.ޖީ އަދި ގްރީން ސްޓްރީޓް އިން ރާއްޖޭގެ ބޮޑެތި ޓީމުތައް ކަމަށްވާ ނިއުރޭޑިއަންޓް އަދި ވިކްޓްރީ ފުނޑާލަންވެގެން ދުރާލާ ރާވައިގެން ހިންގި ޖަރީމާއެއް، މި ޖަރީމާގެ ސަބަބުން ހަލާކުވީ ދިވެހި ފުޓުބޯޅަ، ގެއްލުންވީ ދިވެހި ރައްޔިތުންނަށް. ފައިދާވީ ބައްސާމު އަށާ ކަންމަތީ ގޭންގްތަކަށް
ޕެލޭ
18 September 2024
ތަނެއް ހިންގައިގަންނަން ބޭނުންވާނެ އެއްވެސް ލިޔެކިޔުމެއް ކޮމިޓީ އަށް އަދި ލިބިފައި ނުވާ ކަމަށެވެ! ދެން ޖައު އުނގަށް ލައިގެން ކީތަ ކިޔަ ކުރީ؟ އޭނަ ޖެހޭ މިހާރުން މިހާރަށް ބޭރު ކުރަން!!
ނަންނުގަތީ
18 September 2024
އެފްއޭއެމްގައި ފައިސާއެއްނެތް! ދައުލަތުގައި ފައިސާއެއްނެތް! ސުވާލަކީ ފައިސާހުރީ ކޮންތާކުތޯ؟
ރައްޔިތުމީހާ 1.1
19 September 2024
ރައްޔިތުންގެ އަތުގައ
ޑރ ވާންޗޯ
18 September 2024
ތިޔަބައްސާމަކީ މޮޅުމީހެއްދޯ ތިވަރުވެގެންދާއިރުވެސް ހައްޔަރުނުކުރެވޭ!!!!. މަށަށްފެންނަނީ ދެން އަވަހަށް ބައްސާމަށް ފިނޭންސް މިނިސްޓަރކަންދޭން.
ޖަމާ
18 September 2024
އެފްއޭއެމްގެ އެކައުންޓަށް ފައިސާ ޖަމާކުރިންތަ؟
އޮނަރަބްލް އަފީފު ދީދީ
18 September 2024
ކ.މާލޭގައި ރެޖިސްޓްރީކޮށް އަދި FIFA އާއި އޭއެފްސީގެ މެންބަރެއްގެގޮތުގައިއޮތް އެރަށު ކަންމަތީ ޤުރޫޕްތަކުން ކޮންޓްރޯލްކޮށް ހިންގަމުންއަންނަ Football Association of Maldives އެކަމަކު އެމީހުންގެ އަމަލުތައްހުންނަ ގޮތުން އެއީ ފުޓްބޯލް އެސޯސިއޭޝަން އޮފް މާލެ ހެން ހީވާ ޖަމާއަތަކީ ވައްކަމާއި ޙިޔާނާތުގެ ބޮޑު މަރުކަޒަކަށްވެ އެކަމުން އަރައިނުގަނެވޭ ދަރަޖައަށްގޮސްފައިވާ ތަނަކަށްވާތީ މިމީހުންގެ ބަނޑުދަށަށް ލައިގެންތިބި ސިޓީތަކުގެ ބިންތައް ސަލާމަތް ކުރަންޖެހޭ.
އޮނަރަބްލް އަފީފު ދީދީ
18 September 2024
އެފްއޭގެ މައްޗަށް ކ.އަތޮޅުމާލޭ ގޭންގްތަކަށް އޮތްބާރު ބަދަލުކޮށް ފުޓްބޯޅަ ލާމަރުކަޒުކޮށްހިންގަން ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ހިމަނައި) ދާލަށް ސެންޓްރަލް އަދި ކޮޅުމަޑުލުން އައްޑުއަށް ސަދާންރީޖަންކަމުގައި ކަޑައަޅާ ކޮންމެރީޖަނެއްގައި ރީޖަނަލް އެސޯސިއޭޝަން ހަދާ 3 ރީޖަންގެ އެސޯސިއޭޝަނާއި، ކްލަބްތަކުގެ ބައިވެރިވުން އޮންނަ ޤައުމީ ފޭޑަރޭޝަނެއް އެކުލަވާނުލާނަމަ ތިޔަ އެސޯސިއޭޝަން ބަލައިނުގަންނާނެކަމަށް ކައުންސިލްތަކުން އަންގާންޖެހޭ.
އޮނަރަބްލް އަފީފު ދީދީ
18 September 2024
ފީފާއާއި AFC ގެ ފަންނީ މާލީ އެހީތެރިކަންހޯދައިގެން ނޯމަލައިޒޭޝަން ކޮމަޓީން މިހާރުގެ އެފްއޭގެ ބަދަލުގައި މުޅިރާއްޖެ ތަމްސީލުކުރެވޭގޮތަށް މަތީގައި ދެންނެވި 3 ރީޖަންގެ މައްޗަށް އެކުލެވޭ ރީޖަނަލް އެސޯސިއޭޝަން ތައް އުފައްދާ އެފަރާތް ތަކުގެ ބައިވެރިވުމާއިއެކު އުފައްދާ National Football Federation ހެދުމަށް ކ.މާލޭގެ ޤަބީލާތަކާއި މާލޭސަރުކާރުން ނުރުހޭނަމަ އެރަށު މީހުނަށް FAM ދޫކޮށްލާފައި ކައުންސިލް ތަކުގެ ދަށަށް ހުރިހާ ދަނޑުތަކެއް ގެންނާންޖެހޭ..
އޮނަރަބްލް އަފީފު ދީދީ
18 September 2024
ބާރުއޮތްފަރާތްތަކުން އެމީހުންގެ އަތުގައިއޮތްބާރު ދޫކޮށްލުމަކީ އިންސާނީތޮބީއަތު ޤަބޫލުކުރާނެ ކަމަކަށްނުވާތީ ކ.މާލޭ ޤަބީލާތަކާއި ކަންމަތީ ޤުރޫޕްތަކުންވެސް އެމީހުންގެރަށުގައިއޮތް މިބާރު ދޫކޮށްލާން ބޭނުމެއްނުވާނެ. އެހެންނަމަވެސް ކޮންމެބަދަލަކަށް އަޑުއުފުލުމާއި ޙަރަކާތްބޭނުންވާނެތީ ކުޅުދުއްފުށި، ތިނަދޫ، ފުވައްމުލައް އަދި އައްޑޫސިޓީ ކައުންސިލުން މިކަމަށް އިސްނަގައި މިސިޓީތަކުގެ ކްލަބްތަކަށް ޖާގަނުދޭނަމަ އެސޯސިއޭޝަން ބަލައިނުގަންނާނެ ވާހަކަ އަންގާ.