ސިނގިރޭޓް ވިއްކާ ފިހާރައެއްގައި ބޭރުގައި، ސިނގިރޭޓް ގަންނަން މިއަދު ގޮސް ތިބި ބަޔަކު ކިއޫގައި މަޑުކޮށްލައިގެން.--- ފޮޓޯ: ނިޝާން އަލީ/މިހާރު
02 މާޗް 2017 - 14:59
47 comments
ދުންފަތާއި އެނަޖީ ޑްރިންކުން ޑިއުޓީ ބޮޑުކުރަން އިމްޕޯޓް އެކްސްޕޯޓް ގާނޫނަށް ރައްޔިތުންގެ މަޖިލީހުން ގެނައި އިސްލާހު ރައީސް އަބްދުﷲ ޔާމީން މިއަދު ތަސްދީގު ކުރައްވައިފި އެވެ.
ސިނގިރެޓް ފޮށްޓަކުން 20ރ. އަދި އެނަޖީ ޑްރިންކް ދަޅަކުން 8ރ. ބޮޑުވާ ގޮތަށް ގެނައި އެ އިސްލާހު ތަސްދީގު ކުރެއްވުމާ އެކު މިއަދުން ފެށިގެން އެ ދެ ބާވަތުން ޑިއުޓީ ބޮޑުވާނެ އެވެ. އެ އިސްލާހު ބުނާ ގޮތުން އިސްލާހު ތަސްދީގު ކުރާ ދުވަހުން ފެށިގެން އެ އަށް އަމަލުކުރަން ޖެހޭނެ އެވެ.
އެ އިސްލާހު ބުނާ ގޮތުން ކޮންމެ ސިނގިރެޓަކުން ޑިއުޓީގެ ގޮތުގައި ދެ ރުފިޔާ ނަގައި، ދުންފަތުގެ ކޮންމެ ބާވަތެއްގެ އިންވޮއިސްއެއްގެ 25 ޕަސެންޓް ޑިއުޓީގެ ގޮތުގައި ނަގަންޖެހޭނެ އެވެ. އެހެންވެ، ދެން ސިނގިރެޓެއް ވިއްކާނީ 3.50ރ. އާއި 4.00ރ. އާ ދެމެދުގެ އަގެއްގަ އެވެ.
ކުޑަހުވަދޫ ދާއިރާގެ މެމްބަރު އަހުމަދު އާމިރު ހުށަހެޅުއްވި އެ ބިލް މަޖިލީހަށް ހުށަހެޅިއިރު އޮތީ ސޮފްޓް ޑްރިންކާއި އެނަޖީ ޑްރިންކުން ވެސް ލީޓަރަކަށް 4.60ރ. ނަގާ ގޮތަށެވެ. އެކަމަކު ކޮމެޓީން ބިލަށް ބަދަލު ގެނެސް ނިންމީ އެނަޖީ ޑްރިންކުގެ ކޮންމެ ލީޓަރަކުން 33.64ރ. ޑިއުޓީގެ ގޮތުގައި ނެގުމަށެވެ.
މީގެ އިތުރުން ބޯ ފެނުން 15 ޕަސެންޓުގެ ޑިއުޓީއެއް ވެސް ނަގަން މަޖިލިހުން ފާސްކޮށް މިއަދުން ފެށިގެން އެއަށް އަމަލުކުރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސޭޓު
04 March 2017
ހަނޑޫ ހަކުރު ފުށުންވެސް ސިއްޙީ ނުރައްކަލަކަށް ވާތީބާ %200 އަގުބޮޑު ކުރީ
ހަޑިގިއްލާ
03 March 2017
ސިގިރޭޓުން ޓެކްސް ނަގަނީ އެ ބޯމީހުންގެ އަދަދު މަދުކުރަންނަމަ، ސިގިރޭޓު ނުބޯމީހުންނަށް އެ ފައިސާ ބަހާންވީއެވެ. އޭރުން ނުބޯމީހުންނަށް ފައިދާބޮޑުވެ ނުބޯމީހުންގރ އަދަދު އިތުރުވާނެއެވެ.
ޢަލީ
03 March 2017
ސޮފްޓްޑްރިންކުން ވެސް އިމްޕޯޓް ޑިއުޓީ ބޮޑުކުރީތާދޯ... ސަބަބަކީ އޭގެން ސިއްޙަތަށް ވާގެއްލުން، މިހެން މިކަން އޮތް އިރު ދިވެހިރާއްޖޭގައިވެސް ސޮފްޓް ޑްރިންކްސް އެބަ އުފައްދާ އެ އުފައްދަން އެތެރެކުރާ ތަކެތި (ފްލޭވަރ) އަށް ސުންރޭޓުން ޑިއުޓީނެގޭ ގޮތަށް އޮތުމުން މިކަމަކީ ދިވެހިންގެ ސިއްޙަތާ ގުޅުން އޮތް ކަމެއް ނޫންކަން ވަރަށްސާފް...
ސާބަހޭ
03 March 2017
މިވަރުން ދަންނާ ގެެއިން ބޭރައް ނިކުތީމަ އިރުގެ އަލި ބޭނުން ކުރަނީއޭ ކިޔާފަވެސް ސަރުކާރައް ކޮންމެވެސް ޓެކްސް އެއް ދައްކަން ޖެހޭދުވަސް ވެސް އައިސްދާނެ...
ތޮލާ
02 March 2017
ނެއްތަ މޭވާ އާއި ތަރުކާރީގެ އަގު ވަކިލިމިޓެއްގަ ހިފޭޓޭކައް، ކޮންމެމީހަކުވެސް ބުނާނެ ސިއްހަތައް ފައިދާހުރި އެއްޗެހިކާން، އަގުބޮަޑުކަމުން އަގަޔައްލާން ނުކެރޭ!!!!!ސޯ ޕްލީސް......
އައްޑޫ ރަދުން
02 March 2017
ހުރިހާ ވިޔަފާރި ވެރިންވެސް ސަރުކާރަށް މިކަމުގައި އެއްބާރުލުންދީ މީހުން މީގެއިން ދުރުކުރުމަށްޓަކާ ސިގިރޭޓް ފޮއްޓެއް 80ރ އަށް ވުރެން ކުޑަކޮށް ނުވިއްކުމަކީ ވިޔަފާރިވެރިން އާންމުނަށް ކޮށްދޭ ވަރަށްވެސް ބޮޑު ހެޔޮކަމަކަށްވާނެ......
ބޯމީހާ
02 March 2017
ބައެއްގެ ޖީބައް ވާ ފައިދާ ބޮޑީ. ބޯމީހުން ކިތަންމެ އަގުބޮޑަސް ބޯނެ.
ރަދީފު
02 March 2017
ސާބަހޭ ގައުމައިގެން ކުރިއެއް މީކޮންފައިދާ އެއްތޯ އޮތީ؟ ހަމަމަޖިލީހުގެ އިއްޒއްތެރި މެމްބަރުންނަ!!
ރަދީފް
02 March 2017
ސިނގިރެޓް ބޯ މީހުންދެކެ ވަރަށް ފޫހިވޭ.ކެފޭއެއްގަ ވެސް މަޑުކޮށްލެވެންނޯވޯ. ހަމަ ތިބެފަ ދުން އަރުވަން ފަށާނެ. ސިނގިރެޓް ބޯމީހުންގެ ލަދުކޮބާ؟؟ ސިނގިރެޓް ބޯ ހުރިހާ މީހުން ހިފަން ކޮންމެ ކެފޭ / ހޮޓަލެއްގަ ފުލުހަކު ބަހައްޓަންވީ. ޔަގީން ރަނގަޅު ފައިސާކޮޅެއް އެއްކުރެވޭނެ. ވ.ވެދުން
މައި ވޯޓާ
02 March 2017
ފެނަކީ ޒަރޫރީ އެއްޗެއް. އެކަމަކު ފެނުން ވެސް %15 ބޮޑު ކުރީ. މިއީ އަކީ ރައްޔިތުންނަށް ފާއިދާއައް ކުރާ ކަމަކަށް ވުރެން އެހެން މަގްސަދެއް ހާސިލް ކުރަން ކުރާ ކަމެއް ހެން ހީވަނީ.
ހިކަނދި
02 March 2017
މިހާރުވެސް ބަރާބަރަށް ލިބެއެއްނު. މުސާރައާއި ބޯނަސް މައްސަލަ ޖެހޭނީ އެމްޑީޕީ ސަރުކާރު އޮންނައިރު.