ދެ ހަފްތާ ތެރޭގައި 6،000 ވެހިކަލް ޗެކްކޮށް، ގިނަ ބަޔަކަށް ފިޔަވަޅު އެޅި

ޓްރެފިކް ފުލުހަކު މަގު ބަލަހައްޓަނީ: މިދިޔަ މަހުގެ ދެ ހަފްތާގައި ހުޅުމާލެއިން 6،000 އެއްހާ އުޅަނދު ހުއްޓުވައި ބަލާފައިވޭ --- ފޮޓޯ/މިހާރު

މާއިދާ މުހައްމަދު ރަޝާދު، މިހާރު

07 އޮކްޓޯބަރ 2024 - 11:20

6 comments

މިދިޔަ ސެޕްޓެމްބަރު މަހުގެ ފަހު ދެ ހަފުތާގައި ހުޅުމާލެއިން އެކަނި ވެސް 6،000 އަށް ވުރެ ގިނަ އުޅަނދު ޗެކްކޮސް އަދި ގަވާއިދާ ހިލާފްވި ގިނަ ބަޔަކާ މެދު ފިޔަވަޅު އަޅާފައިވާ ކަމަށް ފުލުހުން ބުނެފި އެވެ.

ފުލުހުން މިއަދު އާންމުކުރި ތަފާސްހިސާބުތަކުން ދައްކާ ގޮތުން މިދިޔަ މަހުގެ 12 އިން ފެށިގެން 30 ގެ ނިޔަލަށް ހުޅުމާލެއިން ހުއްޓުވައި ޗެކްކުރީ 1،266 ކާރާއި 5،427 ސައިކަލެވެ. އަދި ގަވާއިދާ ހިލާފްވި 482 މީހަކަށް ފިޔަވަޅު އަޅާފައިވާ ކަމަށް ފުލުހުން ބުންޏެވެ.

ފުލުހުން ބުނިގޮތުގައި އޭގެ ތެރޭގައި ލައިސެންސް ނެތި ދުއްވި 10 ކާރާއި 102 ސައިކަލު ހިމެނެ އެވެ. އަދި ޓްރެފިކް ގަވާއިދުތަކާ ހިލާފްވެގެން 148 ސައިކަލާއި 34 ކާރެއް ހިފެހެއްޓިއިރު، ނުރައްކާތެރިކޮށް ދުއްވައިގެން ތިން ކާރާއި 40 ސައިކަލެއް ހިފެހެއްޓި ކަމަށް ފުލުހުން ބުންޏެވެ.

މީގެ އިތުރުން ޓްރެފިކް ގަވާއިދުތަކާ ހިލާފްވި އިތުރު 500 އަށް ވުރެ ގިނަ މީހުންނަށް ނަސޭހަތް ދީފައިވާ ކަމަށް އެ ތަފާސްހިސާބުތަކުން ދައްކަ އެވެ.

މަގުމަތީގެ ސަލާމަތާއި ރައްކާތެރިކަން ކަށަވަރުކުރުމަށް ފުލުހުން ކުރަމުންދާ މަސައްކަތުގެ ތެރެއިން 2024 ސެޕްޓެންބަރު 12 އިން 30 އަށް ހުޅުމާލޭގައި ކޮށްފައިވާ މަސައްކަތްތަކުގެ ތަފާސް ހިސާބު pic.twitter.com/dzQKQxDmmi
— Maldives Police (@PoliceMv) October 7, 2024

މާލޭ ސަރަހައްދުގައި އެކްސިޑެންޓްތައް ގިނަވެފައި ވަނިކޮށް ފުލުހުން މަގުތަކަށް ނިކުމެ ބޮޑު އޮޕަރޭޝަނެއް ފަށާފައިވަނީ މިދިޔަ މަހުގެ ކުރީކޮޅެވެ. އެގޮތުން މިދިޔަ މަހުގެ ކުރީކޮޅު ދެ އެކްސިޑެންޓެއްގައި ދެ ޒުވާނަކު ވަނީ މަރުވެފަ އެވެ.

ފުލުހުންގެ ތަފާސްހިސާބުތަކުން ދައްކާ ގޮތުގައި މިއަހަރުގެ މިހާތަނަށް 2،100 އެކްސިޑެންޓް ހިނގާފައިވެ އެވެ.

ފުލުހުން ހުޅުމާލެ ޓްރެފިކް ގަވާއިދާ ޚިލާފު ވުން ޓްރެފިކް އޮޕަރޭޝަން ޓްރެފިކް ގަވާއިދު

6 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހސނބ

08 October 2024

ރީތި ގަމީސްލާފައި ބެގީ ޖަހާ ބޫޓަށް އަރާފައި ހުންނަ މީހުން ނުހުއްޓުވާ. ޖުޕިޓަރ އެއް ފެނިއްޖެއްޔާ ޓްރެފިކް ފުލުހުން ހީވަނީ މޮޔަވެގެން އުޅޭހެން. މިއީ ކޮންކަހަލަ ޗެކްޕޮއިންޓެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުރުު

07 October 2024

ސައިކަލްތަކުގައި ނަމްބަރ ޕްލޭޓް ކަރުދާހުގައި ޕްރިންޓްކޮށް ހަރުކޮށްފައިހުރި ބައިވަރު ސައިކަލްތައް އަދިވެސް އެބަހުރި މީމަނާކަމެއްކަން ޕޮލިހުންނަން ނުވެސް އެނގޭހެން ހީވޭ. އެހެންނަމަ ޕޮލިހުން އެކަންވެސް ބަލާނެ. ނުބަލާތީ އެހުންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވައިގޮން

07 October 2024

ވ މޮޅުމަގޭ ސައިކު އިންސުއަރެންސް ހަމަވެފައޭ ކިޔާފަ އެވެސް ލައިގެން ޖުރިމަނާކޮއްލާފައޮތީ ހަމަވާން އަދި ބާކީ 6މަސް އެބޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޖު

07 October 2024

"މީގެ އިތުރުން ޓްރެފިކް ގަވާއިދުތަކާ ހިލާފްވި އިތުރު 500 އަށް ވުރެ ގިނަ މީހުންނަށް ނަސޭހަތް ދީފައިވާ ކަމަށް އެ ތަފާސްހިސާބުތަކުން ދައްކަ އެވެ" ނަސޭހަތްދީނީއޭ؟ ދިވެހިން ނަސޭހަތް އަޑުއަހާނެތަ؟ އެހެންނަމަ ހަފުތާއަކު އެއްފަހަރު ޚުތުބާ އަޑުއިވިއިވި އެމީންތިބޭނީ ރަގަޅުވެފައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1181

07 October 2024

"ކަމެއް ކޮށްފީމޭ" ބުނަންވެގެން ކުރިކަމެއް ހަމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަގިއްޔާ

07 October 2024

ކޮބާ މިހާރު އެބުނާ ކޮންމެ ފަސްމިނެޓުން ފެންނާނެއޭ ބުނި ބޭފުޅުން. މިހާރު ނުފެނޭ؟ 6 މިނެޓަށް ބަދަލުކުރީތަ؟ ދެން އަދިވެސް ސުވާލެއް. ސައިކަލެއް އެއް ހަފުތާވަންދެން ޕާކިންޒޯނުގެ އެއްތަނެއްގައި ހުރެއްޖެއްޔާ ޓޯކުރާގޮތައްތަށް އަދިވެސް އޮތީ؟ ގައުމުން ބޭރަށް ޖެހިލަންކަމަށް ވިސްނާތީ!