ސިޔާސީ މުވައްޒަފުން ވަކިކުރަން ފަށަނީ، ޖުލައިގެ ނިޔަލަށް އަދަދަކީ 1،200

ރައީސް މުއިއްޒު ކެބިނެޓުގެ އިއްޔެގެ ބައްދަލުވުން ކުރިއަށް ގެންދަވަނީ.---ފޮޓޯ: ރައީސް އޮފީސް

މޫސާ ރަޝީދު، މިހާރު

16 އޮކްޓޯބަރ 2024 - 12:14

ދައުލަތުގެ ހަރަދު ކުޑަކުރުމުގެ ގޮތުން ސަރުކާރުން 228 ސިޔާސީ މުވައްޒަފުން ވަކި ކުރަން ނިންމާފައިވާއިރު، ސިޔާސީ މަގާމުތަކުގައި މިހާރު ތިބި މީހުންގެ އަދަދު 1،200 އަށް ވުރެ ގިނަ ކަމަށް އެ އިދާރާތަކުން ބުނެފި އެވެ.

ރައީސް ޑރ. މުހައްމަދު މުއިއްޒު އިއްޔެ އިއުލާން ކުރެއްވި ގޮތުގައި ހަރަދު ކުޑަ ކުރަން ހަތް ސްޓޭޓް މިނިސްޓަރުންނާއި 43 ޑެޕިއުޓީ މިނިސްޓަރުންނާއި 109 ސީނިއާ ޕޮލިޓިކަލް ޑިރެކްޓަރުން އަދި 69 ޕޮލިޓިކަލް ޑިރެކްޓަރުން ވަކި ކުރަން ވަނީ ނިންމައިފަ އެވެ. އެ މުވައްޒަފުން ވަކިކުރުމުން މަހަކު 5.7 މިލިއަން ރުފިޔާ ސަލާމަތް ވާނެ ކަމަށް އެ މަނިކުފާނު ވިދާޅުވި އެވެ.

އިއްޔެ އިން ފެށިގެން ކުރިއަށް އޮތް 15 ދުވަހުގެ ތެރޭގައި އެ މުވައްޒަފުން ވަކިކުރަން ރައީސް ވަނީ އަންގަވައިފަ އެވެ.

މައުލޫމާތު ހޯދައި ލިބިގަތުމުގެ ގާނޫނުގެ ދަށުން "މިހާރު" އިން ވަނީ މިދިޔަ ޖުލައި މަހުގެ ނިޔަލަށް ސިޔާސީ މަގާމުތަކުގައި ތިބި މުވައްޒަފުންގެ އަދަދާއި އޭގެ ތަފުސީލުތައް ހޯދަން ހުށަހަޅައިފަ އެވެ.

އޭގެ ތެރެއިން ހަތަރު މިނިސްޓްރީއެއް ފިޔަވައި އެހެން ހުރިހާ މިނިސްޓްރީތަކުން ވަނީ އެ މައުލޫމާތު ހިއްސާ ކޮށްފަ އެވެ.

ރައީސް އޮފީސް ހިމެނޭ ގޮތަށް 16 އިދާރާއަކުން ހިއްސާކުރި މައުލޫމާތަށް ބަލާއިރު ޖުލައި މަހުގެ ނިޔަލަށް ޖުމްލަ 1،249 ސިޔާސީ މުވައްޒަފުން އެބަތިއްބެވެ.

ސިޔާސީ މަގާމުތަކުގެ އަދަދުތައް:

ފިނޭންސް މިނިސްޓްރީ - 14

ސޯޝަލް އެންޑް ފެމިލީ މިނިސްޓްރީ - 67

ޓޫރިޒަމް މިނިސްޓްރީ - 32

އެޑިއުކޭޝަން މިނިސްޓްރީ - 34

އެންވަޔަރަންމަންޓް މިނިސްޓްރީ - 51

ހަޔާ އެޑިއުކޭޝަން މިނިސްޓްރީ - 30

ފިޝަރީޒް މިނިސްޓްރީ - 43

އިކޮނޮމިކް މިނިސްޓްރީ - 37

ހެލްތު މިނިސްޓްރީ - 218

ސްޕޯޓްސް މިނިސްޓްރީ - 205

އިސްލާމިކް މިނިސްޓްރީ - 37

ހޯމް ލޭންޑް މިނިސްޓްރީ - 54

ޑިފެންސް މިނިސްޓްރީ - 4

ކޮންސްޓްރަކްޝަން މިނިސްޓްރީ - 43

އެގްރިކަލްޗާ މިނިސްޓްރީ - 35

ރައީސް އޮފީސް - 345

ސިޔާސީ މަގާމްތަކުގެ އަދަދު ހޯދަން އެދުމުން އެ މައުލޫމާތު ހިއްސާ ކޮށްފައި ނުވަނީ ޔޫތު މިނިސްޓްރީ އާއި ހައުސިން މިނިސްޓްރީ އާއި ޓްރާންސްޕޯޓް މިނިސްޓްރީ އަދި ފޮރިން މިނިސްޓްރީންނެވެ.

ރައީސް އޮފީހުން ކުރިން ބުނެފައި ވަނީ އެ އޮފީހުގެ މުވައްޒަފުން ވެސް ހިމަނައިގެން ސިޔާސީ މުވައްޒަފުންގެ އަދަދު 700 އަށް ވުރެ އިތުރު ނުވާނެ ކަމަށެވެ.

ސިޔާސީ މަގާމުތައް ރައީސް އޮފީސް

113 ކޮމެންޓް, 52 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދައުލަތްދަވާލި

18 October 2024

ސިޔާސީ މީހުންނަކީ ހަމަ ތިބެންޖެހޭ ބަޔަކީތަ. އެމީހުން ދައުލަތަށް ކޮށްދެނީ ކޮންކަމެއްތަ. މިހެން މިއަހާލީ ސިޔާސީ މަޤާމެކޭ ކިޔާފަ 35000 ރުފިޔާއަށް ވުރެ ބޮޑެތި މުސާރަދީފައި ތިބޭ މިމީހުން އިށީންނާނެ ގޮނޑިވެސް އެ އޮފީހުގައި ނެތިގެން ގެއަށް ދާމަންޒަރު ފެންނާތީ. މިހާރު ކުންފުނިތަކުގައިވެސް އެތަންތަނުގައި ކުރާނެ މަސައްކަތަށްވުރެ މުވައްޒަފުން ގިނަ. މިކަމަކީ ރައީސަކު އެދިގެން ކުރާނކަމަކަށްވުރެ ބޮޑަށް ގަބޫލު ކުރެވެނީ އެމްޕީންނާ ޕާޓީގެ ވެރިން ކުރާމެއްކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިލްމާ ޒާހިރު

17 October 2024

“އަޅުގަނޑުގެ ސަރުކާރެއްގައި ސިޔާސީ މަޤާމުތައް 700 އަށްވުރެ މަދުވާނެ” ކެންޑިޑޭޓް ޑރ. މުޢިއްޒު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާމިރު ރުޝްދީ

17 October 2024

މިކަހަލަ ފިޔަވަޅު އަޅަން މަޖުބޫރު ކުރުވި މީހުން މިކަމަށް އެއްޗެސް ގޮވައި މި ހަދަނީ. އެމްޑީޕީ އަކަށް ނޭނގޭ ވިއްޔާ އެމީހުން މި ގައުމު ދަރުވާލާފަ އޮތް ވަރެއް. ރައީސްގެ މި ނިންމެވުމަކީ ދަރަނީގެ ކަންތައްތަކަށް ވެސް ލުޔެއް ލިބިގެންދާނެ ނިންމުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

17 October 2024

ރައީސްގެ އިނިންމެވުމަކީޔޯ؟ މިބުނީ ދައުލަތުގެ ޙާލަތަށް ނުބަލާ އެއްވެސް ސަރުކަރަކުން ނުނަގާހައި މީހުން ސިޔާސީ މަގާމުތަކަށް ލުމަކީ ކޮން ނިންމެވުމެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑަށްހީވަނީ

17 October 2024

ގައުމު ދަރާފަ އޮތްވަރު އެމްޑީޕީއަށްވުރެ ބޮޑަށް މިސަރުކާރަށް ނޭނގޭތީތާ އެވަރަށް މީހުންތައް ލާފަ އެތިބެނީ. ވެރިކަން ހޯދަން އުޅުނުއިރު ގައުމުގެ ހާލަތު އެނގޭ ކަމަށް ވަރަށް ގިނައިން ކިޔަމުން ދިޔަ. އެކަމު ވެރިކަމަށް އެރުނީމަ ހަމައެކަނި އެނގުނީ އެ ސަރުކާރުން ދަރުވާލައިފިއޭ ކިޔަން. އެކަމާ ގުޅިގެން ކަންކުރަންވީ ގޮތެއް ނޭނގުނު ސިޔާސީ މަގާމުތަކުން ހުރިހާ ދިމާލެއް ފުރާލިއިރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ވާލިދު

17 October 2024

މިކަމުގެ ސަބަބުން މި ލިބޭ ފައިސާއިން އަހަރެމެން ގައުމުގެ ދަރަނީގެ ކަންކަމަށް ލުޔެއް ލިބިގެންދާނެ. އަދި އިތުރަށް މަސައްކަތްތަކެއް ފަށަން ވެސް ފުރުސަތު ލިބިގެންދާނެ. ޝުކުރިއްޔާ ރައީސް.