ފަސޭހައިން އަލިފާން ރޯވާ ގޮތަށް ހުރި 399 އިމާރާތް ބަލައި ފާސްކޮށްފި

ނިރުފެހިގޭގައި ހިނގި އަލިފާނުގެ ހާދިސާގައި ރޯވި ގަރާޖުގެ ސަރަހައްދު.---ފޮޓޯ: ނިޝާން އަލީ| މިހާރު

ފާތިމަތު އަޖްފާން، މިހާރު

16 އޮކްޓޯބަރ 2024 - 12:21

ފަސޭހައިން އަލިފާން ރޯވާ ގޮތަށް މާލެ ސަރަހައްދުގައި ހުރި ގިނަ އަދަދެއްގެ އިމާރާތްތައް އެމްއެންޑީއެފް ފަޔާ އެންޑް ރެސްކިއު އިން ބަލައި ފާސްކޮށްފި އެވެ.

ކެމިކަލާ ބެހޭ ގަވާއިދުގައި ބަޔާންކޮށްފައިވާ މިންގަނޑަށް ކެމިކަލް ރައްކާކުރާ ތަންތަނާއި ވިޔަފާރިކުރާ ތަންތަން ހުރިތޯ ބެލުމާއި އެ މިންގަނޑަށް ހޭލުންތެރިކުރަން "އޮޕަރޭޝަން ހިރާސް ފާސް" ނަމުގައި އޮޕަރޭޝަނެއް މި މަހު އެކަކުން އިއްޔެގެ ނިޔަލަށް ވަނީ ކުރިއަށް ގެންގޮސްފަ އެވެ.

އެ އޮޕަރޭޝަނާ ގުޅޭގޮތުން އެމްއެންޑީއެފްގެ ފަޔާ އެންޑް ރެސްކިއު ޑިޕާޓްމެންޓުގެ އޮފިޝަލަކު ވިދާޅުވީ މާލެ ސަރަހައްދުގައި ފަސޭހައިން ރޯވާ ގޮތަށް ހުރި 399 އިމާރާތް ބަލައި ފާސްކޮށްފައިވާ ކަމަށެވެ.

"ފަސޭހައިން އަލިފާން ރޯވާ ގޮތަށް ހުރި ތަންތަން ކަމަށް އަޅުގަނޑުމެން މި ބަލަނީ މިސާލަކަށް ދަގަނޑުން ނުވަތަ ޓިނުން ނުވަތަ ލަކުޑިން ހަދާފައި ހުންނަ އިމާރާތްތައް. އެ ތަންތަނަކީ އަޅުގަނޑުމެންނަށް މައުލޫމާތު ލިބުނު ތަންތަން،" އޭނާ ވިދާޅުވި އެވެ.

ބިދޭސީންގެ އެކޮމޮޑޭޝަން ބްލޮކެއްގައި މީގެ ކުރިން ހިނގި އަލިފާނުގެ ހާދިސާއެއްގައި އަލިފާން ނިއްވުމަށް އެންއެންޑީއެފުން ހަރަކާތްތެރިވަނީ.-- ފޮޓޯ | މިހާރު

އެ އޮޕަރޭޝަން ސިލްސިލާ ގޮތެއްގައި ކުރިއަށް ގެންދިއުމަށް ރާވާފައިވާކަން ފާހަގަ ކުރައްވާ އެ އޮފިޝަލު ވިދާޅުވީ އެމްއެންޑީއެފްގެ އަމާޒަކީ އަލިފާނުގެ ހާދިސާއެއް ހިނގަން މެދުވެރިނުވާ ވަރަށް ބަލާ ފާސްކުރުން ކަމަށެވެ.

ފަސޭހައިން އަލިފާން ރޯވާ ގޮތަށް މާލެ ސަރަހައްދުގައި ހުރި އިމާރާތްތައް އާންމު ގޮތެއްގައި ދިރިއުޅެން ބޭނުން ކުރަނީ ބިދޭސީންނެވެ.

އެންމެ ފަހުން އަލިފާނުގެ ހާދިސާ ހިނގީ ހ. ދޫހިމިރިގޭގައި ހުންނަ ގާމަގު ކެފޭގަ އެވެ. އެ އިމާރާތުގައި ތިން ފްލޯ ހުންނައިރު އިމާާރާތުގެ މަތީ ދެ ފްލޯ ހަދާފައި ހުރީ ޑެކު އަޅައި ވަށައިގެން ޓިނު ޖަހައިގެންނެވެ. ރޯވި އަލިފާންގަނޑުގައި އެތަން ވަނީ ބޭނުން ނުކުރެވޭ ވަރަށް އަނދައިފަ އެވެ. އެތަނަކީ 57 ބިދޭސީންގެ އެކޮމޮޑޭޝަން ބްލޮކެއްގެ ގޮތުގައި ބޭނުންކުރަމުންދިޔަ ތަނެކެވެ.

ވެގަޕޮއިންޓް ފިހާރާފައި ހިނގި އަލިފާނުގެ ހާދިސާގައި އެތަން އަނދާފައި.-- ފޮޓޯ: މިހާރު

ނޮވެމްބަރު 13، 2022 ގައި މ. ނިރުފެހިގޭގައި ހިނގި އަލިފާނުގެ ހާދިސާ އަކީ ރާއްޖޭގައި މިހާތަނަށް ހިނގައިދިޔަ އެންމެ ބޮޑު އަލިފާނުގެ ހާދިސާ އެވެ. އެއީ އެންމެ ގިނަ މީހުން މަރުވި އަލިފާނުގެ ހާދިސާ ވެސް އެވެ. ޖުމްލަ 10 ބިދޭސީން މަރުވި އެ ހާދިސާގައި އެ މީހުން ވެސް ދިރިއުޅެމުން ދިޔައީ އެންމެ ތިރީގައި ގަރާޖެއް ހިންގަމުން އައި އިމާރަތެއްގެ ދެވަނަ ބުރި އާއި ތިން ވަނަ ބުރީގަ އެވެ.

އެ ތަން ވެސް އެއްކޮށް ހަދާފައި ހުރީ ޓިނާއި ލަކުޑި ބޭނުން ކޮށްގެންނެވެ.

އެމްއެންޑީއެފް ފަޔާ އެންޑް ރެސްކިއު ޑިފެންސް މިނިސްޓްރީ

6 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބޫ

17 October 2024

ޗާނަދަނީމަގުގައި, ޖަލާލުއްދީން މިސްކިތާއިވަރަށް ކައިރީގައި ހުރި ތިޔަކަހަލަ ތަނަކީ, ބާދަގަނޑު ޖަމާކުރާ, ވަރަށްބިރުވެރި ގޮތަކަށް ފެންނަ ތަނެއް. އަވަހަށް ކޮންމެވެސް ފިޔަވަޅެއް އެޅުން މުހިންމު ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ ވާންޗޯ

16 October 2024

ކޮން ޗެކްކުރުމެއް ގާނޫނާ ގަވާއިދާ ޚިލާފަށް އެތަންތަނުގަ ހުރިއެއްޗެހި ވަގުތުން މާލޭންބޭރުނުކުރެވެންޏާ؟.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމަލި

16 October 2024

ދެރަ ނިކަަމެތީންގެ ދެރަ ތަންތަން ބަލާ! ބޮޑެތި މަހުޖަނުންގެ 'ހާޑުވެޔާ' ގުދަންތައް ނުފެންނަ ތާކިހާ އަޅުވާފަ ބަހައްޓާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތަދޫ

16 October 2024

ފަނުން ހަދާފަ ހުރި އިމާރާތްތަށް؟ ފަސޭހައިން ރޯވާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫސަންގު

16 October 2024

ކަނޑައެޅިގެން ސިފައިންނަށް މެންޑޭޓް އޮތް ކަމެއް. އެކަމަކު ބަރިބަރިއަށް މޭ މައްޗަށް ކުލަ އަރުވައިގެން ކަޅު ބިއްލޫރި ކާރުގައި ބުރު ޖަހާނެ ދަންވަރު. މީ މިގައުމުގެ ކަންކަން އޮތް ފެންވަރު. ޖަވާބުދާރީ ވުމެއް ނޯވޭ.