ޚަބަރު / އަބްދުއްރަހީމް އަބްދުﷲ (މަޖިލިހުގެ ރައީސް)

މުސާރަ އިން 50 ޕަސެންޓް ނުނަންގަވަން މަޖިލިސް ރައީސް އަބްދުއްރަހީމް ވެސް ނިންމަވައިފި

ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ: މުސާރައިން 50 ޕަސެންޓް ނުނަންގަވަން އަބްދުއްރަހީމް ވެސް ވަނީ ނިންމަވައިފައި.-- ފޮޓޯ: މަޖިލިސް

އިފްރާޒް އަލީ، މިހާރު

23 އޮކްޓޯބަރ 2024 - 22:14

38 comments

ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲގެ މުސާރައިން 50 ޕަސެންޓް ނުނެންގެވުމަށް އެ މަނިކުފާނު ވެސް މިއަދު ނިންމަވައިފި އެވެ.

އަބްދުއްރަހީމް މިރޭ އެކްސްގައި ކުރެއްވި ޕޯސްޓެއްގައި ވިދާޅުވީ، އެ މަނިކުފާނުގެ މުސާރާއިން 50 ޕަސެންޓް ނުނަންގަވަން ނިންމެވީ ރާއްޖޭގެ އިގުތިސާދީ ހާލަތު ރަނގަޅު ކުރެއްވުމަށް ރައީސް ޑރ. މުހައްމަދު މުއިއްޒު އަޅުއްވަމުން ގެންދަވާ ހަރުދަނާ ފިޔަވަޅުތަކުގެ ތެރޭގައި ހިމެނޭ، ސިޔާސީ މަގާމުތަކުގައި ތިއްބެވި ބޭފުޅުންގެ މުސާރައިން 10 ޕަސެންޓް ކުޑަކުރެއްވުމަށް ނިންމެވި ނިންމެވުމަށް އެއްބާރުލުން ދެއްވުމުގެ ގޮތުން ކަމަށެވެ.

މަޖިލީހުގެ ރައީސްގެ މިހާރުގެ މުސާރައަކީ 73،125ރ. އެވެ. މި ބަދަލާ އެކު، މުސާރައިގެ ގޮތުގައި ދެން ނަންގަވާނީ 36،562.5ރ. އެވެ.

ރައީސް މުއިއްޒު ވެސް ވަނީ އެ މަނިކުފާނުގެ މުސާރައިން 50 ޕަސެންޓް ނުނަންގަވަން ނިންމަވައިފަ އެވެ.

Raees ge musaara in 50 percent nunagan nimmavaifi

The most trusted news source in the Maldives

Mihaaru

ރައީސް މިއަދު ވަނީ ސިޔާސީ މުވައްޒަފުންނާއި ދައުލަތުގެ އިސްވެރިންނާއި ކުންފުނިތަކުގެ އިސްވެރިން އަދި ރައްޔިތުންގެ މަޖިލީހުގެ މެމްބަރުންނާއި ފަނޑިޔާރުން ވެސް ހިމެނޭ ގޮތަށް، މުސާރައިން 10 ޕަސެންޓް، ދެ އަހަރު ދުވަހުގެ މުއްދަތަށް އުނިކުރަން ހުށަހަޅަން ނިންމަވައިފަ އެވެ.

އެމަނިކުފާނު ވިދާޅުވި ގޮތުގައި އެއީ މަޖިލީހަށް އަންނަ އަހަރުގެ ދައުލަތުގެ ބަޖެޓު ހުށަހަޅާއިރު، ސަރުކާރުގެ އިގުތިސާދީ އިސްލާހީ އެޖެންޑާގެ ދަށުން ދައުލަތުގެ ހަރަދުތައް ކުޑަކުރުމުގެ މަގުސަދުގައި އެޅުއްވި ފިޔަވަޅުތަކެކެވެ.

މި ފިޔަވަޅުތައް އެޅި ނަމަވެސް، 12،000ރ. އަށް ވުރެ ދަށުން މުސާރަ ލިބޭ މުވައްޒަފުން އިސްތިސްނާވާނެ ކަމަށް ވެސް ރައީސް ވިދާޅުވި އެވެ.

ދަރަނި ބޮޑުވެ، ރާއްޖޭގެ އިގުތިސާދީ ހާލަތު ދަށަށް ގޮސްފައި ވާތީ، ދައުލަތުގެ ހަރަދުތައް ކުޑަކުރުމުގެ ގޮތުން ގިނަ ފިޔަވަޅުތަކެއް އަޅަން ސަރުކާރުން ވަނީ ނިންމައިފަ އެވެ.

ހަރަދުތައް ކުޑަކުރުމުގެ ސިޔާސަތުގެ ދަށުން، ސިޔާސީ މަގާމުތަކުގައި މިހާރު ތިބި 228 މީހަކު މަގާމުން ވަކިކުރަން ވެސް ރައީސް ވަނީ މިދިޔަ ހަފުތާގައި ނިންމަވައިފަ އެވެ. އެ ނިންމެވުމުގެ ސަބަބުން މަހަކު 5.7 މިލިއަން ރުފިޔާ ދައުލަތަށް ސަލާމަތް ކުރެވޭނެ ކަމަށް ރައީސް ވިދާޅުވެފައިވެ އެވެ.

ރައްޔިތުންގެ މަޖިލިސް ސިޔާސީ މަގާމުތައް ދައުލަތުގެ އާމްދަނީ ރައީސް ޑރ. މުހައްމަދު މުއިއްޒު އަބްދުއްރަހީމް އަބްދުﷲ (މަޖިލިހުގެ ރައީސް)

38 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނައިފް

24 October 2024

ވަރަަށް ރަގަޅު... މާލޭގެ މުއްސަދިންގެ ގެތަށް ސަރުކާރުން ކުއްޔަށް ނަގައިގެން، ސަރުކާރުގެ ހިއްސާވާ އޮފީސްތައް ހަދައިގެން ހިންގާ ކޮރަޕްޝަން ވެސް ހުއްޓުވަން ޖެހޭ.. ސަރުކާރުގެ އިމާރާތުގަ ސަރުކާރު އޮފީސް ހިންގީމަ ކިހާ ފައިސާ އެއް ސަލާމަތް ވާނެ... ކުރީ ސަރުކާރުތަކުން ވެސް ކުރި ބޮޑު ކޮރަޕްޝަނެއް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދުހު

24 October 2024

ރާއްޖޭގެ ރައީސްއަކު އެންމެފަހުން %50 ނެގިނެގީނުން އެކައުންޓް 100 މިލިއަނުން މައްޗައް އަރައިގެން ދިޔައީ. ރޔ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަކަމެއް

24 October 2024

ސަރުކާރުގެ އޮފީސްތައް ހިންގަން މާލޭ ބޭބޭފުޅުންގެ ގެތައް ކުއްޔަށް ހިފައިގެން ސަރުކާރުތަކުން ކުރަނީ ބޭކާރު ޚަރަދު. އެއީ ހަމަ މާލޭ ބޭފުޅުންނަށް ސަރުކާރުންދޭ ޖިޒީ. މިހެން ހެދުމުގެ ބަދަލުގައި އޮފީސް ހިންގާނެ އިމާރާތްތައް އިތުރުކޮށް މި އިސްރާފު ބޮޑުތަނުން އެބަކުޑަކުރާންޖެހޭ. ދައުލަތުގެ ފައިސާއާއި ހުޅުމާލޭގެ ބިމަކީ ހަމައެކަނި މާލޭ މީހުންގެ ތަރިކަ މުދަލެއް ނޫން. އެއީ ހަމަ އެންމެހާ ޓެކްސްޕޭޔަރުންގެ ވެސް ހައްޤު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަންސާސް %

24 October 2024

މަގޭ މުސާރައަކީ 15 ވަރަކަށް ހާސް. މަގޭ މުސާރަވެސް 80 ވަރަކަށް ހާހަށް ހަދާދީބަލަ އޭރުން މަވެސް ނަމޫނާ ދައްކަން %50 ނުނަގާނަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދާދީ

24 October 2024

ތިމާމީހާއާ އެކަށީގެންނުވާ ވަރެއްގެ ބޮޑުސިންގާ މަޤާމުގައިހުރެގެން ބޮޑުމުސާރަ ނަގައިގެން އުޅޭ މީހުންނާމެދު މުޅި ޤައުމުވެސް ލަދުވެތިވާންޖެހޭ. ބައެއްމީހުން އެބައިމީހުންގެ މުޅި ދިރިއުޅުން ހުސްކޮށްލަނީ ތަޢުލީމު ލިބިގަތުމަށް ނުވަތަ ދަރިީންނަށް ތަޢުލީމު ހޯދައިދިނުމަށް. ނަމަވެސް މިޤައުމުގައި މިފެންނަނީ މުޅިން އެހެން މަންޒަރެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެނެޑީ

24 October 2024

މަށަށް އެނގޭހާވެސް އެއްޗަކީ ކަނޑާލާކަމަށް ތިޔަބުނާބައި މަދުވެގެން ތިންގުނައިން ޖައްސާނެކަން އެހެންދިމާލަކުން. ހެތްކަކަށް ފުދޭ ކުރީގެ ޓަސްކަލޫސާގަ ހުރި އިމާރާތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިސާބުސޯ

24 October 2024

ތިޔަބުނާ 50 ޕަސަންޓުގަ ނެތް އެއްވެސް މާނައެއް. ހުރުން ކެއުން ދަތުރު ސައި ދެން އަދިވެސް ނޭނގޭ އެތައް އެއްޗެއް ބައިތުލްމާލުން. އަދި އެންމެފަހުންވެސް މުސާރަ ނުނަގާ މީހާގެ އިމާރާތް އާޚިރުގަހުރީ ހެންވޭރުކޮޅުން ވިލާތަކުގަޖެހިފަ :ޕ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކކކސ

24 October 2024

ބަލަ ރައީސާއި ރައްޔިތުންގެ މަޖިލިހުގެ ރައީސަކީ މުސާރައާ ނުލައި ދިރިއުޅުމުގެ ކަންކަން ހަމަޖެހިފައި ހުންނަ ފަރާތްތަކެއް. އެފަރާތްތަކަށް ކޮންކަމެއް. ބޭސްފަރުވާއަށް ދާންވީމަ ދާންވީ، ކެއުމާ ބުއިން ހަމަޖެހިފަ ދަތުރު ފަތުރު ހަމަޖެހިފަ. ދެން މުސާރަ އެއްގޮތަކަށްވެސް ކީއްކުރަން ނަގަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަނު33

24 October 2024

އެހެންނޫނަސް އަދުރޭއަށް ލިބޭ 3 ގުނަ ބޯކޮށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

24 October 2024

ހަލާލު މަސައްކަތުންހޯދާ އުޖޫރައަށްވުރެން ރަނގަޅު އާމްދަނީއެއް އިންސާނާއަށްނުލިބޭނެ. އެހެންކަމުން އުޖޫރަކަޑައެޅިގެން މަސައްކަތްކުރަމުންދަނިކޮށް އެފަރާތުގެރުހުންނުލިބި އޭނާގެ މުސާރައާއިކުޅުމަކީ ޖާއިޒުގޮތެއްނޫން އިގޭތޯ. ދަންނަވަންތޯ "ދައުލަތުގެ ޙަރަދުބޮޑުވެގެން ދައުލަތް ބަޤުރޫޓްވެދާނެ ކަމުގެ ބިރުއޮތްނަމަ" އެކަމަށް ފަރުވާލިބޭނެ ތަރުތީބުމަގުން ކަންކަންކުރާންފެއްޓުން މުހިންމުކަމަށް ދެކެން. އެގޮތުން މީހުންގެމުސާރަ ތިޔަލިސްޓްގެކުރިއަށް ގެންނާކަށްނުޖެހޭ.