ރަހީނު ކުރި މައްސަލާގައި ހިމެނޭ މީހުންގެ ފޮޓޯ އާއި ވަނަވަރު އާންމުކޮށްފި

ހިޔާ ފްލެޓެއްގެ ތެރޭގައި މީހަކު ރަހީނުކުރި މައްސަލާގައި ހައްޔަރުކުރި 12 މީހުން.---ފޮޓޯ: ޕޮލިސް

މޫސާ ރަޝީދު، މިހާރު

09 ނޮވެމްބަރ 2024 - 14:57

މިދިޔަ ބުރާސްފަތި ދުވަހުގެ ރޭ ހިޔާ ފްލެޓެއްގެ ތެރޭގައި މީހަކު ރަހީނުކޮށް، އަނިޔާ ކުރި މައްސަލާގައި ހައްޔަރު ކުރި 12 މީހުންގެ ފޮޓޯ އާއި ވަަނަވަރު ފުލުހުން މިއަދު އާންމުކޮށްފި އެވެ.

ފުލުހުން އެޗް9 ގެ 20 ވަނަ ފްލޯގެ 11 ވަނަ އެޕާޓްމަންޓަށް ގަދަބާރުން ވަދެގަތް އިރު، އެތަނުގެ ތެރޭގައި ތައްޔާރުވަމުން ދިޔައީ 12 މީހުންގެ ގްރޫޕަކުން މީހަކު ރަހީނުކޮށް ބޯ ބޭލުމަށް ފަހު، އެ މީހާގެ އިނގިލި ބުރި ކުރުމަށެވެ.

ހައްޔަރުކުރި މީހުންގެ ތެރޭގައި ހިމެނެނީ އުމުރުން 18 އަހަރާއި 48 އަހަރާ ދެމެދުގެ މީހުންނެވެ.

12 މީހުންގެ ވަނަވަރު

1. އަލްމަން އަލީ ހާލިދު، 22 (ގދ. ވާދޫ، ވެހި)

2. މުހައްމަދު އިޒްކާން، 18 (މ. ހަތިކަނޑު)

3. އިޒާން އަހުމަދު، 18 (ޒުނައިޓް ވިލާ، ކ. ގުރައިދޫ)

4. އަހުމަދު ޒާހިދު، 36 (ދަންމަރު، ށ. ފޯކައިދޫ)

5. އާދަމް ހުސެއިން، 48 (ޖަމީލާ މަންޒިލް، ލ. މާވަށް)

6. އިބްރާހިމް ނަޝީދު، 34 (ހިޔާލީގުލްޝަން، ލ. އިސްދޫ)

7. އަހުމަދު ސަމީހު، 22 (ނައިޓްސްޓާ، ބ. ގޮއިދޫ)

8. އިސްމާއިލް ވިޝާމް މުހައްމަދު، 22 (ވ. ގާމާ)

9. ވިޝާމް މުހައްމަދު، 23 (ޗިޗަންޑާގެ، ގދ. ވާދޫ)

10. ވިސާން މުހައްމަދު، 30 (ހުޅުމާލެ، ހިޔާ 14-17-03)

11. މުސްތާގް ޝާކިރު، 37 (ޖަނަވަރީގޭ، ގދ. ވާދޫ)

12. ހަސަން ގާލިބް، 38 (އާރެސް، މ. ކޮޅުފުށި)

މީގެ ތެރެއިން އަލްމަން އާއި އިޒްކާން އަދި އިޒާން ފަސް ދުވަހަށް ބަންދު ކުރުމަށް ކޯޓުން ވަނީ އަމުރު ކޮށްފަ އެވެ. ދެން ތިބި ނުވަ މީހުން ބަންދުކުރީ ހަތް ދުވަހުގެ މުއްދަތަށެވެ.

މި ހާދިސާ ހިނގާފައި ވަނީ ފުލުހުން މީގެ ކުރިން ވެސް ޑްރަގް މައްސަލައެއްގައި ބަލާ ފާސް ކޮށްފައިވާ އެޕާޓްމަންޓެއްގަ އެވެ.

އެކަން ހިނގި ގޮތުގެ އިތުރު ތަފްސީލެއް ފުލުހުން އަދި ހާމައެއް ނުކުރެ އެވެ.

ކުށްކުރުން ފުލުހުން ގޭންގް ހަމަނުޖެހުން ކިޑްނެޕްކުރުން ހުޅުމާލޭ ދެ ވަނަ ފިޔަވަހި ހިޔާ ފްލެޓްތައް

73 ކޮމެންޓް, 23 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލް ދުއްތޫރު މުދިން ކަތީބު

11 November 2024

މިފަދަ ބޮޑެތި ޖިނާއީ ކުށް ކުރާ ފަރާތްތައް އާބާދީ ތޮއްޖެހިފައިވާ މާލޭ ސަރަހައްދުގައި ގޭންގު ހަދައިގެން ބިރުވެރި ޖަރީމާތައް ހިންގުމުގެ ފުރުސަތު ނޯނަ ގޮތަށް އަދި އެއްޖަލެއްގައި އެއްތަންވާން ފުރުސަތު ވެސް ނޯންނަ ގޮތަށް އެމީހެއްގެ އަތޮޅު ނިސްބަތްވާ ޖަލަކަށް އަދި ޖަލުހުކުމަށް ފަހު އެމީހެއްގެ ރަށަށް އެމީހަކު އަރުވާލައިގެން ނޫނީ ގޭންގު ތަކެއް ރޫޅައެއް ނުލެވޭނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރީފާއްތަ

10 November 2024

މިސަރުކާރުން ކުރަން ފެށިއެއްމެ ރަގަޅުމަސައްކަތް. ކުއްވެރިންގެ ވަނަވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބީރުބޮލު ވަޒީރު

10 November 2024

މަގޭ އެބަ އޮތް ހައިޕޮތެސިސް އެއް.. މިކަން މި ހިނގާ ގޮތުގެ.. ރާއްޖޭގެ ޝަރުޢީ ނިޒާމުގައި ތިބި ބައެއް މީހުންނަކީ ފައިސާގައި ޖެހޭކަމަށް، އަމިއްލަ ބަހުން ވެސް އިއުތިރާފުވެފައިވާ މީހުން.. 5 ނުވަތަ 7 ދުވަސް ޖަހާފައި ބަންދުގައި މި ބައިތިއްބަނީ ފައިސާ ހަމަކޮށް، ޑީލުކަޓު ކުރަން ދޭ 5 ނޫނީ 7 ދުވަހުގެ ގޮތުގައި.. ހަފުތާއެއް ޖަހަން ޖެހޭ މި ނޫން ސަބަބެއް ބުނެބަލަ.. ޔަގީނުންވެސް، އެ މީހުންގެ ސަބަބުން މުޖުތަމަޢަށް އޮތް ބިރު ފިލައި ނުދާނެ ހަފުތާއަކުން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުހާބެ

10 November 2024

ތަހުގީގަށް ހުރަސް އެޅިދާނެތީއެއް ނޫން އެ މީހުން ދޫނުކުރަންވީ.. އެ މީހުން ދޫނުކުރަންވީ މުޖުތަމަޢުއަށް ހުރި ނުރައްކަލަކަށް ވާތީ.. އެ މީހުންގެ ޝަރީޢަތް ނިމުނަށްފަހު، ކުއްވެރި ނުވާ މީހުން އެކަނި ދޫކުރެވެން ވާނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހާރަދުން

10 November 2024

ތި މީހުން 5 ދުވަސް ފަހުން އަނެއްކާ އެހެން ބަޔަކު ރަހީނު ކުރަން ދޫ ކޮއްލާ ...މި ގއުމެއް ނޫން އައްޑާއެއް....ދިވެހިންނަށް ހަލާކު ހުރި....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑި

09 November 2024

ސީނު އަތޮޅު ފަހަތަށް ޖައްސާލީ ދޯ ތިޔަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިމިނާ

09 November 2024

މި މީހުން ހެދިއެއްޗެއް ހެދިގޮތެއް ވީގޮތެއް ކިޔާދީ. އޭރުންތާ އެހެންމީހުންނަށްވެސް ރައްކާތެރި ވާން އެނގޭނީވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު..

09 November 2024

ފެނޭ؟ ފެނޭ؟ ފެނޭތަ؟ ގަވައިދު ހެދެނީ ކުށްވެރިންގެ ހިމާޔަތުގައޭ ބުނެވޭ ބަހުގެ ހެކި މިހިރަފެންނަނީ. ރާއްޖެއެއް ނެތެންނު. އެބުނާހެން މިކަން އިސްލާހުކުރަން ބޭނުންވަނީ ސީދާ މުގުރުބުރި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަދަނު

09 November 2024

ކޮންމެ ގޮލައެއްގެ ބޮލައް ކުލޯޒް ރޭންޖުރަ ބަޑިޖަހާ މަރާލީމާ ނިމުނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުއި

09 November 2024

ތިހެން ހެދި އެއްފަހަރު.. ބަޑި ޖެހި ސިފައިން ދިޔައީ ޖަލަށް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުސްފަރު

09 November 2024

މި ގައުމު އިސްލާހު ވާނީ 2003 ގެ ކުރިން ޖަލު އޮތް ހާލަތައް ޖަލުތައް އައުމުން. މި ގައުމައް ބޭނުން ވަނީ 2ވަނަ ފުސްފަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

09 November 2024

އަނިޔާކުރުމާއި ދެކޮޅު. ނަމަވެސް ހަރުދަނާ އުސޫލުތަކެއްގެ ތެރެއިން ރިހިބިލިޓޭޝަން ކުރިއަށް ގެންދަން ޖެހޭ. ޖަލުގައި ހުކުމް ތަންފީޒްކުރާއިރު ފިރިހެނުން ބޮލުގެ އިސްތަށިގަނޑު ތުނިކޮށް ކޮށާފައި ބަހެއްޓުން ފަދަ ކަންކަން ތަންފީޒްކުރެވެން ޖެހޭނެ. ހިއުމަން ރައިޓްސް ފުރަތަމަ ލިބެންވާނީ މިނިވަން ރައްޔިތުންނަށް.