ފަލަސްތީނުގެ މައްސަލާގައި ބާއްވާ ކޮންފަރެންސަށް ރައީސް ސައޫދީ އަށް

ރައީސް މުއިއްޒު ސައޫދީ އަށް ފުރާވަޑައިގަތުމުގެ ކުރިން ނައިބު ރައީސް ހުސައިންއާ ރޭ ސަލާމް ކުރައްވަނީ.---ފޮޓޯ: ރައީސް އޮފީސް

11 ނޮވެމްބަރ 2024 - 07:33

9 comments

ފަލަސްތީނަށް އިޒްރޭލުން ދެމުން ގެންދާ ހަމަލަތަކާއި ޖަރީމާތަކާ ގުޅިގެން ސައޫދީ އަރަބިއްޔާ އިން އިސްނަގައިގެން އެ ގައުމުގައި ބާއްވާ ކޮންފަރެންސަށް ރައީސް ޑރ. މުހައްމަދު މުއިއްޒު ރޭ ދަންވަރު ސައޫދީ އަށް ފުރާވަޑައިގެންފި އެވެ.

ސައޫދީގެ ރަސްގެފާނު ސަލްމާން ބިން އަބްދުލްއަޒީޒްގެ ދައުވަތަކަށް ރައީސް މުއިއްޒު އެ ގައުމަށް ވަޑައިގަންނަވަނީ ޖޮއިންޓް އަރަބް-އިސްލާމިކް ސަމިޓުގައި ބައިވެރިވެވަޑައިގަތުމަށް ކަމަށް ރައީސް އޮފީހުން ބުންޏެވެ.

މަތީ ފަންތީގެ ވަފުދަކާ އެކު ކުރައްވާ މި ދަތުރުފުޅުގައި، އިޒްރޭލުގެ އިސްތިއުމާރީ ބާރުތަކުން ފަލަސްތީނާއި ލުބްނާނަށް ދެމުންދާ ހަމަލާތަކާއި ސަރަހައްދީ ގޮތުން ފާހަގަކުރެވޭ ނާޒުކް މައްސަލަތަކާ މެދު، އިސްވެރިން ކުރައްވާ މަޝްވަރާގައި ވެސް ރައީސް ބައިވެރިވެވަޑައިގަންނަވާނެ އެވެ. އަދި މިއަދު ބާއްވާ ސަމިޓުގެ ސެޝަންގައި ރައީސް ވާހަކަފުޅު ދައްކަވާނެ އެވެ.

"މި ސަމިޓުގައި މަޝްވަރާތައް ބިނާކުރައްވާނީ 2023 ވަނަ އަހަރުގެ ނޮވެމްބަރ މަހުގެ 11 ވަނަ ދުވަހު ސައޫދީ އަރަބިއްޔާގެ ރިޔާޒުގައި ނިންމި ޖޮއިންޓް އަރަބް-އިސްލާމިކް ސަމިޓުގެ ނިންމުންތަކުގެ މައްޗަށެވެ،" ރައީސް އޮފީހުގެ ވެބްސައިޓުގައި ވެ އެވެ.

ރައީސް އޮފީހުން ބުނިގޮތުގައި، ރައީސް މުއިއްޒު ސައޫދީ އަރަބިއްޔާ އަށް ކުރައްވާ ދަތުރުފުޅުގެ ހުރިހާ ހަރަދެއް ކުރާނީ އެ ގައުމުގެ ސަރުކާރުންނެވެ. ރައީސް ފުރާވަޑައިގަތީ ވެސް ސައޫދީގެ ރަސްގެފާނު ފޮނުއްވި ހާއްސަ މަތިންދާބޯޓެއްގަ އެވެ.

ރައީސް މުއިއްޒު ގެންދަވަނީ ފަލަސްތީނުގެ ރައްޔިތުންނާ މެދު އިޒްރޭލުން ހިންގާ ޖަރީމާތަކާ ދެކޮޅަށް ފާޅުގައި އަޑު އުފުއްލަވައި ދެކޮޅު ހައްދަވަމުންނެވެ.

ސައޫދީ އަރަބިއްޔާ ފަލަސްތީން ރާއްޖެ-ފަލަސްތީން ރާއްޖެ-ސައުދީ ރައީސް ޑރ. މުހައްމަދު މުއިއްޒު

9 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

1818

11 November 2024

ދަތުރެއް އޮތިއްޔާ ދާންވާނެ! ކިތަންމެ އާދޭސްކުރިޔަސް މި ސަރުކާރަކަށް ދެން ސައުދީން އެހީނުވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލަސްތީން މީހުން

11 November 2024

ސައުދީއާއެކު ފަލަސްތީން މައްސަލަ ހައްލެއްނުވާނެ. ސައުދީގެ އެންމެ ބާރުގަދަ މީހާއަކީ މޮސާދު އެޖެންޓެއް. އަބަދުވެސް ބާރުއެޅީ ފަލަސްތީނުން ހަތިޔާރު ބަހައްޓަން. ސައުދީއާއެކު ކުރެވޭނީ ކަމަކީ ހުސްއަނގަތެޅުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖިހާދްކުރުމާއި ދެކޮޅު

12 November 2024

ސައުދީން އެ ހަދަނީ ރަގަޅަށް. ނުޖެހޭ ތިޔަ ހަގުރާމަ ކުރާކަށް. ޢަރަބި އިސްލާމީ 22 ގައުމާއި އިސްލާމީ 57 ގައުުމު އެބޮތް. ޔަހޫދީނަށް ގައުމެއް އޮތަސް މައްސަލަޔެއް ނޫން. ޔަހޫދީނަކީ އެ ބިމުގެ އަސްލު ވަޒަންވެރިން ޢަރަބިން އެ ތަން ހިފީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮއްލަ

11 November 2024

ވެރިކަމުގެ ދަހިވެތި ކަމުގައި ދީނާ ގައުމު އަނިޔާރެިންނަށް ވިއްކައިގެން ތިބި ބަޔަކާއެކު ސަމިޓު ހަދައިގެން މޮޅުވާހަކަ ދެއްކިޔަސް ނުކުންނާނެ ނަތީޖާއެއް ނެތް. ހައްލެއް ހޯދަން އެބަޔަކަށް ވީވަރަކުން މަސައްކަތް ކުރުން ވަރަށް ރަނގަޅު. އުއްމީދަކީވެސް ރަނގަޅު ގޮތެއް ފަލަސްތީނަށް މެދުވެރިވުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަކްމަލް އަލީ

11 November 2024

ފަލަސްތީމު ޕާސްޕޯޓްވެސް މި ރައީސް މަނާކުރާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިހާމް ހުސައިން

11 November 2024

ފަލަސްތީނުގެ މައްސަލާގައި ރައީސް ތިކުރަނީ ނަމޫނާ މަސައްކަތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓޫ ސްޓޭޓަށް ސޭ...ނޯ

11 November 2024

ޔަހޫދިއްޔަތު ގެ މައްޗަށް ގަދަވެގަތުމަށް މަކަރިއްޔަތާ ހިޔަޅިއްޔަތުގެ ބޭނުން ކުރައްވަން ޖެހޭނެ ކަމުގައި ދަންނަވަން....ދެ ދައުލަތް އޮތުމަށް ގަބޫލު ނުވާތި..ޔަހޫދީން ބަލިވެއްޖެ..އެމީހުން އިސްލާމީ އުންމަތް ބައި ބައި ކުރުމަށް ޖެހި މަޅީގަ އަމިއްލަ އަށް ޖެހި ހަފުސް ވެއްޖެ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިލަން ދުވަނީ..

11 November 2024

ދެ ސްޓޭޓް ނޯންނަ ގޮތައް ޗާޓު ކުރަހާ ޔޫ އެން ގައި ދެއްކީވެސް އެމީހުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަށާށޭ

11 November 2024

ރައީސް މީހާ ބޭނުންވީމާ ދައުލަތުގެ ބަޖެޓުން ފައިސާ ނަގައިގެން ރާއްޖޭން ބޭރަށް ދަަތުރުކުރެވޭ ގޮތަށް އޮތް އޮތުން ނިމުމަމަކަށް އަންނަން ޖެހޭ ރައީސް ޔާމީން ފިޔަވައި ދެން ތިބި ހުރިހާ ވެރިން އެމެންގެ 5 އަހަރުގައި ރާއްޖޭން ބޭރަށް ދަތުރުކުރުމުގެ ޚަރަދު ތަކަށް ހުޅުމާލޭގައި 30 ހާސް ހައުސިންގް ޔުނިޓްސް އެޅޭނެ ފައިސާ ތަޅާ ބުރުއްސާލިއޭ މިކަމަށް އިދިކޮޅު ޕީއެންއެފް އިން އޮންލައިން ވޯޓިންގް ސިސްޓަމް އެއް ތައާރަފް ކުރަންވީ މިކަމަށް ކެމްޕެއިން ވެސް މުޅިރާއްޖޭގައި