ތާޒާ ފެން ފުޅިތަކެއް: އެ ފެން ފުޅީގެ ދެ ބެޗެއްގެ ތަހުލީލެއް ދަނީ އެމްއެފްޑީއޭ އިން ހަދަމުން --ފޮޓޯ/އައިބީއެމް
06 މާޗް 2017 - 19:42
2 comments
މައްސަލަ ދިމާވި ތާޒާ ބްރޭންޑުގެ ދެ ބެޗުގެ ފެނުގެ ރައްކާތެރިކަން ބެލުމަށްޓަކައި ޓެސްޓްތައް ހަދަމުން އަންނަ ކަމަށް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން މިއަދު ބުނެފި އެވެ.
އެ އޮތޯރިޓީން ނެރުނު ނޫސްބަޔާނެއްގައި ބުނީ ފެން ފުޅީގައި އާއްމުކޮށް ހުންނަން ނުޖެހޭ ކަހަލެއް ވަހެއް ތާޒާގެ ފަސް ލީޓަރުގެ 1465 އަދި 1466 ބެޗުގެ ހުރުމުން އެކަމުގެ ރައްކާތެރިކަން ބެލުމުގެ މަސައްކަތް ކުރަމުން އަންނަ ކަމަށެެވެ.
މި ޓެސްޓްތައް ނިމުނުހާ އަވަހަކަށް އާއްމުންނަށް ހިއްސާ ކުރާނެ ކަމަށް ވެސް އެމްއެފްޑީއޭ އިން ބުންޏެވެ.
ތާޒާ ކުންފުނީގެ އިސް އޮފިޝަލަކު އިއްޔެ ވިދާޅުވީ މައްސަލަ ޖެހުނު ދެ ބެޗުގެ ފެން ފުޅިތައް ފިހާރަތަކުން ނަގާފައިވާނެ ކަމަށާއި އެ ބެޗުގެ ފެންފުޅި މިހާރު ވިއްކަން ނުހުންނާނެ ކަމަށެވެ.
"މާކެޓަށް ދޫކޮށްލިތަނާ ހެން ޝަކުވާ ލިބިއްޖެ އެ ފުޅިތަކުގައި ވަހުގެ އަސަރު ހުރުމުން،" އޮފިޝަލް ވިދާޅުވި އެވެ. އޭނާ ވިދާޅުވެފައިވާ ގޮތުގައި މައްސަލަ ދިމާވި ދެ ބެޗުގެ ފެނުން ވެސް ސިއްހަތަށް ގެއްލުން ލިބޭނެ ފަދަ ކަމެއް ދިމަލެއް ނުވާނެ އެވެ. އަދި މައްސަލަ ދިމާވީ ފެނުގައި ވަހުގެ އަސަރެއް ހުރުމުން ކަމަށް އޮފިޝަލް ވިދާޅުވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަފިހުން ގޮއްޔެ
06 March 2017
"ޓެސްޓްތައް ނިމުނުހާ އަވަހަކަށް އާއްމުންނަށް ހިއްސާ ކުރާނެ ކަމަށް އެމްއެފްޑީއޭ އިން ބުންޏެވެ". ކިހާ ދުވަހެއް ނަގާނެބާ ތިޔަ ނަތީޖާ އާއްމުކުރަން، ނޫނީ ވަކި ފަރާތަކާ މަޝްވަރާ ނުކުރެވިގެން ނަތީޖާ ނެރުން ލަސްކުރަން ޖެހިދާނެބާ! ހަމަ ޓެސްޓްތައް ހަދަނީ ހަދަނީ ދެއްތޮ، ނިމޭނެ ދުވަހެއްގެ އިންތިޒާރުގަ ތިބި ވާހަކަ ބުނެ އަންގަމެވެ.
ސޮރީކޮއްކޯ
06 March 2017
3 ދުވަސް ކުރިން ގޭގައި ހުރި ފެންފުޅިން ފެންބުއީމަ ތިބުނާ ފާވަހެއް ދުވައިގެން އަންހެން ކޮއްކޮ އަށް ވަރަށް އެއްޗެތިވެސް ކިޔައިފިން ދޮމްބެއަށް ފެން މިބޮވުނީ ކޮއްކޮ ލޮނުފެން އިސްކުރުން ދޮވެފައި ހުރި ތައްޓެއްގައޭ، ކޮއްކޮ ނޫނެކޭ ބުނީމަވެސް މި ޤަބޫލު ކުރީ ކޮއްކޮ އަަށްނޭނގި ވިޔަސް ތަށި ދޮވެފައި ވަނީ ލޮނުފެން އިސްކުރުންކަން. އަދި ހަމަ އެރޭވެސް ފެންބުއި އިރު ދިމާވީ ހަމަ އެގޮތަށް، ދެން އެއްޗެކޭ ނުބުނެ ހުރީ. މިހާރު މި އެނގުނީ އެވީ ގޮތް.. ލައިފް ދޫކޮށް ތާޒާ އަށް ބަދަލުވީ ލައިފް ސަކަރާތޭ ކިޔާފައި. އެކަމަކު މި އެނގުނީ މިއީ އެއްކަލަ ދިރާގާއި ވަތަނިއްޔާ ގެ ދެރަ، އާއި މޮޅު ކިޔުންފަދަ ކަމެކޭ... ދެން ކޮންމެހެނެއްވިޔަސް ކުރެވޭނެ ކަމެއް ނެތް، އަހަރެމެން މަޖްބޫރު ހާލަތުގައި މިގޮތަށް މުއްސަނދިންގެ ޖީބު ބަރުކޮށްލަދީދީ ތިބޭނަން.މުޅި ގައުމުގެ %95 ފެން އެކަމަކުވެސް އުއްޗު އާއި ނައީމް މެން ބޯށޭ ކިޔާފައި ވިއްކި އެއްޗެއް ވިއްކި އަގެއްގައި ބޮއިބޮއި ތިބެން މިޖެހެނީ...'ސަރުކާރުންވެސް ވިސްނަން ވެއްޖެއެއްނު!!! ރައްޔިތުންނަށް މިހާރު މިޒާތުގެ ފެން ނޫން އެއްޗެއް ނުބޮވޭކަމާއި މިއިން އަގުނަގައިގެން ވިޔަފާރި ކުރުމުގެ ބަދަލުގައި ޟަރޫރީ އެއްޗެއްކަމުގައި ބަލައިގަނެ ހިލޭ ނުވަތަ އަގު ހެޔޮކޮށް މި'ފޯރުކޮށްދޭންވީނު؟!!