ސިޔާސީ މަގާމުތަކުގައި ތިބެ ދައުލަތާ ދެކޮޅަށް ވަކާލާތު ނުކުރެވޭނެ ކަމަށް ނިންމި މައްސަލަ ސުޕްރީމް ކޯޓަށް

ސުޕްރީމް ކޯޓު: ސިޔާސީ މަގާމުތަކުގައި ތިބެ ދައުލަތާ ދެކޮޅަށް ވަކާލާތު ނުކުރެވޭ މައްސަލާގައި ސުޕްރީމް ކޯޓަށް ވަނީ ހުށަހަޅާފައި - ފޮޓޯ: މިހާރު

ނާޒިމް ހަސަން، މިހާރު

26 ނޮވެމްބަރ 2024 - 12:15

19 comments

ސިޔާސީ މަގާމުތަކުގައި ތިބެ ދައުލަތާ ދެކޮޅަށް ވަކާލާތު ނުކުރެވޭނެ ކަމަށް ހައި ކޯޓުން ނިންމުމުން، އެ މައްސަލަ އިސްތިއުނާފް ކުރަން ސުޕްރީމް ކޯޓަށް ހުށަހަޅައިފި އެވެ.

ދައުލަތާ ދެކޮޅަށް މި މައްސަލަ ސުޕްރީމް ކޯޓަށް މިދިޔަ ބުދަ ދުވަހު ހުށަހެޅީ އިއްޔެ އެންވަޔަރަމަންޓް މިނިސްޓްރީގެ ޑެޕިއުޓީ މިނިސްޓަރުގެ މަގާމުން ވަކިކުރި މުހައްމަދު ރާގިބު އަހްމަދެވެ.

ސިޔާސީ މަގާމުތަކުގައި ތިބެގެން ދައުލަތާ ދެކޮޅަށް ކޯޓުގައި ވަކާލާތު ނުކުރެވޭނެ ކަމަށް ހައި ކޯޓުން ނިންމީ އިތުބާރުކުރެވޭ މަގާމެއްގައި ހުރެ ކުޑަކުއްޖަކާ މެދު ޖިންސީ އަމަލެއް ހިންގި މައްސަލައެއް ދައުވާލިބޭ މީހެއްގެ ގާނޫނީ ވަކީލަކެއްގެ ގޮތުން ދައުލަތާ ދެކޮޅަށް ރާގިބު ވަކާލާތު ކުރެއްވި މައްސަލައެއްގަ އެވެ.

ރާގިބު އިއްޔެ މަގާމުން ވަކިކޮށްފައިވަނީ ވެސް ރައީސް އޮފީހާ ދެކޮޅަށް ހައި ކޯޓަށް ހުށަހެޅި މައްސަލައަކާ ގުޅިގެންނެވެ. އެއީ ގދ. ތިނަދޫގެ ސިޓީ ދަރަޖަ ބާތިލް ކުރަން އެދި ހުށަހެޅި މައްސަލައެކެވެ. އެ މައްސަލައާ ގުޅިގެން އޭނާ ވަޒީފާއިން ވަކިކުރީ ރައީސް ޑރ. މުހައްމަދު މުއިއްޒު އަންގަވައިގެންނެެވެ.

ސިޔާސީ މަގާމުތަކުގައި ތިބެގެން ދައުލަތާ ދެކޮޅަށް ވަކާލާތު ނުކުރެވޭނެ ކަމަށް މީގެކުރިން ރައީސް އޮފީހުން ބުނެފައިވެ އެވެ.

ނަމަވެސް އޭގެފަހުން ކްރިމިނަލް ކޯޓުން ވަނީ ސިޔާސީ މަގާމެއްގައި ހުއްޓަސް، ދައުލަތާ ދެކޮޅަށް ވަކާލާތު ކުރެވޭނެ ކަމަށް ކަނޑައަޅައި، ރާގިބަށް އެހެން މައްސަލައެއްގައި ވަކާލާތު ކުރުމުގެ ފުރުސަތު ދީފަ އެވެ.

Siyaasee magaameggai hure, dhaulathaa dhekolhah court gai vakaalaathu nukureveyne kamah ninnmaifi

The most trusted news source in the Maldives

Mihaaru

ބަންޑާރަ ނައިބުގެ އޮފީހުން ބުނެފައިވަނީ ސިޔާސީ މަގާމެއްގައި ހުރެ ދައުލަތާ ދެކޮޅަށް ވަކާލާތު ކުރުމަކީ ސަރުކާރުގެ މަސްލަހަތާ ދެކޮޅަށް މަސައްކަތް ކުރުން ކަމަށެވެ. އެފަދަ މަގާމެއްގައި ހުރި މީހެއްގެ އެންމެ މުހިންމު ކަމަކަށް ވާން ޖެހޭނީ ދައުލަތުގެ މަސްލަހަތު އިސްކުރުން ކަމަށް ވެސް އެ އޮފީހުން ބުންޏެވެ.

ރާގިބަކީ ކ. ޖުޑީޝަލް ދާއިރާގެ ކުރީގެ އިސް މެޖިސްޓްރޭޓެވެ. އޭނާ 2019 ވަނަ އަހަރު އެ މަގާމުން އިސްތިއުފާ ދެއްވީ ސުލޫކީ މައްސަލައެއް ސާބިތުވެ އޭނާ ވަކިކުރަން ރައްޔިތުންގެ މަޖިލީހަށް ހުށަހަޅަން ޖުޑީޝަލް ސާވިސް ކޮމިޝަން (ޖޭއެސްސީ) ލަފާ ދިނުމާ އެކު އެވެ. އޭގެ ފަހުން ޕީޕީއެމްގެ ގާނޫނީ ޓީމުގައި އޭނާ މަސައްކަތް ކުރެއްވި އެވެ.

ސުޕްރީމް ކޯޓް ހައި ކޯޓް އެޓާނީ ޖެނެރަލް ސިޔާސީ މަގާމުތައް ރައީސް އޮފީސް

19 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަބީބު.

28 November 2024

ގާނޫނީ ގޮތުން ތިނަދޫއަކީ ސިޓީއަކައް ނުވާނެ މުއިއްޒު ބޭނުމިއްޔާ ވ ރަކީދޫ އަކީވެސް ސިޓީއެކޭބުނެވިދާނެ ނަމަވެސް ކިހިނެއް އެކަން ސައްހަވާނީ ބާރުގެ ބޭނުން ކޮއްގެން ނުފޫޒުން މިކަހަލަ ކޮސްކަންތައް ނުކުރުމައް ވެރިންނައް ގޮވާލަން ތިނަދޫގެ އާބާދީ 10.000 ހަމައެއްނުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލޭ

27 November 2024

ދައުލަތާއި ދައުލަތުގެ ވަޒީފާގައި ހުންނަ މީހާގެ މިސާލަކީ ކައިވެންޏެއްގެ މިސާލު. ކައިވެނިކޮށްގެން އުޅޭ މީހާއާ ދެކޮޅަށް ވާހަކަ ދައްކަންޏާ ކައިވެނި ދެމިއެއް ނޯންނާނެ. ވަރިފަށަށް އަރާނީ ބޮޑެތި ކަންކަމުގައި. ދައުލަތާ ދެކޮޅަށް ދަޢުވާކުރުމާއި ވަކާލާތު ކުރުމަކީ ބޮޑެތި ކަންކަން. ވިސްނަބަލަ ރާޣިބު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ައަދުރޭ

27 November 2024

ސަރުކާރުގެ އޮފީސްތަކުގަ އުޅޭ އެގޮތަށް ކޯޓުތަކަށް ވަކާލާތުކުރަންދާ މީހުން. އެމީހުންގެ ނުފޫޒުން ދައުލަތު ދީފަ އޮންނަ ލުޔެއް، ހޯދައިދޭ މަންފާއެއް. ދައުލަތުގެ އެއްވެސް މުވައްޒަފަކަށް އެގޮތަށް ހުއްދަ ދީގެން ނުވާނެ. ރަސްމީ ގަޑީގަ ކޯޓަށް ދާން ހުއްދަ ދީފަ އޮވެއްޖެއްޔާ އެދުވަހު ވާންޖެހޭނީ އޮފީހުގަ މަސައްކަތް ނުކުރާ ދުވަހަކަށް. ނުވަތަ މުސާރަ ދޭން ނުޖެހޭ ދުވަހަކަށް. މިހާރު ކޮންމެ މީހަކީވެސް ވަކި ތަމްރީނެއް ހަދާމީހުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭތާ

26 November 2024

މަޝްހޫރުވެ މީޑިއާއިން ސަމާލުކަން ހޯދުމަށް އެކިމީހުންއެކި ކަންކަން ކުރާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީހުންމީހުން

26 November 2024

ދައުލަތުގެ މުވައްޒަފަކު ރަސްމީ ވަގުތުގައި އިތުރު މަސަައްކަތެއް ނުކުރެވޭނެ. މިސާލަކަށް އޭޖީ ވަކީލުން، ސީއެސްސީ ލީގަލް މުވައްޒަފުން. މި މީހުން ވެސް ވަކާލާތުކުރަން ދަނީ ރަސްމީ ވަގުތުތަކުގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައިތިރިވެބަލަ

26 November 2024

މިއީ ކިހިނެއްވެގެން އުޅޭ މީހެއްތަ!؟ މިކަލޭގެ އަދި ޖަލަށް ދާންޖެހޭނެހެން ހާދަ ހީވެޔޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހަށްފަރަށްވަލަށްވެސްދެވޭނެ

26 November 2024

ސިޔާސީ މަޤާމުތަކުގައި ތިބެ ދައުލަތާ ދެކޮޅަށްވެސް އަދި އެހެން ފަރާތްތަކާ ދެކޮޅަށްވެސް ވަކާލާތު ކުރަން ބޭނުންވާއިރު މި ދެކަންތައްވެސް ކުރަން އޮތީ ސަރުކާރު ރަސްމީ ގަޑި. އެކަކު ދެތަނުގައި އެއްގަޑިއެއްގައި އުޅެވޭނެތޯ. ތިކަން ކުރެވޭކަމަށް ވާނަމަ ސަރުކާރުގެ ހުރިހާ މުވައްޒަފުންނަށް ރަސްމީ ގަޑީގައި މަހަށް، ފަރަށް، ވަލަށްވެސް ދެވެންވާނެ. އަދި އޮފީހުގައި ސޮއިކޮށްލާފަ ގޮސް ކޮންޓެކްޓް މަސައްކަތްވެސް ކުރެވެންވާނެ. މިމީހުންގެ ލަދުހަޔާތް ކޮބައިބާއޭ ހީވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިޔާސީ މަޤާމް

26 November 2024

ސިޔާސީ މަޤާމް އެކަންޏެއް ނޫން. ދައުލަތުގެ މުވައްޒަފަކު ރަސްމީ ވަގުތުގައި އިތުރު މަސަައްކަތެއް ނުކުރެވޭނެ. މިސާލަކަށް އޭޖީ ވަކީލުން، ސީއެސްސީ ލީގަލް މުވައްޒަފުން. މި މީހުން ވެސް ވަކާލާތުކުރަން ދަނީ ރަސްމީ ވަގުތުތަކުގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

26 November 2024

ސިޔާސީ މަގާމެއްގަ ހުރެ ދައުލަތާ ދެކޮޅަށް ވަކާލާތު ކުރެވިގެން ނުވާނެ. ދައުލަތާ ދެކޮޅަށް ވަކާލާތުކުރަން ބޭނުމިއްޔާ ސިޔާސީ މަގާމުން އިސްތިއުފާ ދީފަ ހަމަ ކުރަންވީ.