ކުންފުނިން ހިދުމަތްދޭ ތަންތަނާއި ކަރަންޓު ފޮށިތައް ސާފުކުރަން ސްޓެލްކޯއިން ނުކުމެއްޖެ

ސްޓެލްކޯއިން ޑިސްޓްރިއުބިއުޝަން ފޮށިތައް ސާފު ކުރުމުގެ މަސައްކަތް ފެށުމަށް ބޭއްވި ހަރަކާތުގައި އެ ކުންފުނީގެ މެނޭޖިން ޑިރެކްޓަރު ހުސައިން ފަހުމީ ސާފު ކުރައްވަނީ.-- ފޮޓޯ: ސްޓެލްކޯ

ފާތިމަތު އަޖްފާން، މިހާރު

01 ޑިސެމްބަރ 2024 - 06:26

7 comments

ސްޓެލްކޯ އިން މާލޭގެ އެކި މަގުތަކުގައި ބަހައްޓާފައި ހުރި ޑިސްޓްރިއުބިއުޝަން ފޮށިތައް ސާފުކުރުމުގެ މަސައްކަތަށް އެ ކުންފުނިން ނުކުމެއްޖެ އެވެ.

އިއްޔެ ފެށި ސްޓެލްކޯގެ "'ޗާލު ވެށި - މަގޭ ޒިންމާ" ހަރަކާތް އިފުތިތާހު ކޮށްދެއްވީ އެ ކުންފުނީގެ މެނޭޖިން ޑިރެކްޓަރު ހުސައިން ފަހުމީ އާއި އެންވަޔަރަންމަންޓް މިނިސްޓަރު ތޯރިގު އިބްރާހިމް އަދި މާލޭގެ މޭޔަރު އާދަމް އާޒިމެވެ.

ސްޓެލްކޯއިން ޑިސްޓްރިއުބިއުޝަން ފޮށިތައް ސާފު ކުރުމުގެ މަސައްކަތް ފެށުމަށް ބޭއްވި ހަރަކާތުގައި މާލޭގެ މޭޔަރުު އާދަމް އާޒިމް ސާފު ކުރައްވަނީ.-- ފޮޓޯ: ސްޓެލްކޯ

ސްޓެލްކޯއިން ބުނީ އެ މަސައްކަތުގެ ދަށުން އެ ކުންފުނީގެ ސަބް ސްޓޭޝަންތަކާއި މަގުމަތީގައި ހުރި ޑިސްޓްރިބިއުޝަން ފޮށިތަކުގައި ތަތްކޮށްފައިވާ އިޝްތިހާރު ފަދަ ތަކެތި ނައްޓައި ސާފު ކުރާނެ ކަމަށެވެ.

އިއްޔެ އެ ހަރަކާތް ފެށީ ސްޓެލްކޯ ހެޑް އޮފީސް ކުރިމަތީގައި ހުރި ޑިސްޓްރިބިއުޝަން ފޮށީގައި ހަރުކޮށްފައި ހުރި އިޝްތިހާރުތައް ނައްޓައިގެންނެވެ.

ސްޓެލްކޯއިން ޑިސްޓްރިއުބިއުޝަން ފޮށިތައް ސާފު ކުރުމުގެ މަސައްކަތް ފެށުމަށް ބޭއްވި ހަރަކާތުގައި އެންވަޔަރަމަންޓް މިނިސްޓަރު ތޯރިގު އިބްރާހިމް ސާފު ކުރައްވަނީ.-- ފޮޓޯ: ސްޓެލްކޯ

މާލޭގެ އިތުރުން ވިލިމާލެ، ހުޅުމާލެއާ އެކު ސްޓެލްކޯއިން 35 ރަށުގައި ހިދުމަތްދެ އެވެ. އެ ކުންފުނިން ބުނީ އަތޮޅުތަކުގެ ރަށްތަކުގެ ސަބްސްޓޭޝަންތަކާއި ޑިސްޓްރިބިއުޝަން ފޮށިތައް ވެސް ސާފުކޮށް ބަލަހައްޓާނެ ކަމަށެވެ.

އެކިއެކި އިންތިހާބުތަކުގެ ކެމްޕޭން ޕޯސްޓަރުތަކާއި އިޝްތިހާރުތަކުން ކަރަންޓު ބޯޑުތައް ހުންނަނީ ވަރަށް ހަޑިވެފަ އެވެ.

ސްޓެލްކޯ އެންވަޔަރްމެންޓް މިނިސްޓަރު އާދަމް އާޒިމް (މާލޭގެ މޭޔަރު) ހުސައިން ފަހުމީ (އެމްޑީ، ސްޓެލްކޯ)

7 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުވަަފެން

01 December 2024

މިތިންމީހުންކުރެ އާޒިމް އެންމެ ވައްޓަފާޅިހުރިކަމަށް ދައްކަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަންއޮފްއަސް

01 December 2024

ފަހުމީ ކަންދެއްކުމުގެ ބަދަލުގަ ތައްޔިތުން އަތުން ކޮންމެ މަހަކު 'ނުހައްގުން' ތި ފެލާ ރުފިޔާ ފެލުން ހުއްޓާލީޔާ މާތާހިރުވާނެ! 3000ރ އަރާ ބިލްތަކަށް 6000ރ އަރާވަރު ކޮށްލީމަ ތީ ބޮޑުވަރު! ރައްޔިތުން މިއުޅެނީ ރީތި ކަރަންޓު ފޮއްޓެއް ނުފެނިގެންނެއްނޫން! އަނގަޔާ އަތާ ދިމާ ނުވެގެން މި އުޅެނީ! ނޫސްތަކުން ވެސް މިހެން ކުރާ ކޮމެންޓް އެއްވިއްޔާ އާންމުކޮށް ނުޖަހާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސާސީ

01 December 2024

މި މީހާ އުޅެނީ ސުޓެލުކޯ އަކީ ވިޔަފާރި ކުންފުންޔަކަށް ހަދައިގެން ބިލުތަކަށް ހަބޭހަށް ޗާޖު ކޮއްގެން ރައްޔިތުން ފެލަން. ބަލަ ކަލޯ ކަރަންޓަކީ އެއީ އަސާސީ ހިދުމަތެކޭ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޕްގުރޭޑް.

02 December 2024

ކ.މާލެ ސަރަޙައްދުގެ ކަރަންޓް އަޕްގުރޭޑް ކުރުމަށާއި މެއިންޓަނަންސް ޙަދަދު ތަކަށް އެކަނިދާވަރު ބަލާލިޔަސް އިގޭނެ ސްޓެލްކޯ އިން ކަރަންޓަށް ނަގާ އަގު ކުޑަކަން. މިދެންނެވި ޙަރަދު ތަކަކީ ސަރުކާރުން ޙިއްސާކުރާ ހަރަދު ތަކެއްނޫން. ތެލަށް ސަބްސިޑައިޒް ކުރާވަރާއި ބަލާފައި މިހާރުވެސް ކަރަންޓް ދޭއަގު މާބޮޑަށްވެސް ހެޔޮ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޮޗްމޭން

01 December 2024

މީ އިސްތިހާރު ކުރުމަށް އޮތް ބޮޑު އޮޕަޗުއިނިޓީއެއް ކަމަށް ބަލައި ސްޓެލްކޯއިން އިސްތިހާރުކޮށް މާކެޓް ކުރުމުގެ ވިޔަފާރިޔަށް ނިކުމެ ޑިސްޓިބިއުޝަން ބޮކްސްގައި އިޝްތިހާރުކޮށްލައިގެން ވިޔަފާރި ފުޅަކޮށްލަން ރަނގަޅު ކަމަށް ޖުހާ ބުނޭ. 20،000 ޑޮލަރު ލިބުނަސް ލައްކަ ވަރުތާ. ހައްޖަ ގެންދާ ކުންފިތައް ވެސް އެއުޅެނީ ހަލާލް ޓޫރިޒަމް މާފުށީގައި ކުރަންވީއްޔާ. ފަހުމީއަށް މިކަންވެސް ވާނެ.