އުރީދޫ ކްލަބް ޕްރިމިއާ ކަސްޓަމަރުންނަށް ސްޕާ ސިލޯންގެ ހާއްސަ އޮފާތަކެއް

ރާއްޖޭގައި ހުންނަ ސްރީލަންކާގެ ލަގްޒަރީ ލައިފްސްޓައިލް ބްރޭންޑެއް ކަމަށްވާ ސްޕާ ސެލޫންއާ އެކު އުރީދޫން ޕާޓްނާވެއްޖެ އެވެ.

މި ޕާޓްނާޝިޕުގެ ދަށުން އުރީދޫ ކްލަބް ޕްރިމިއާ ކަސްޓަމަރުންނަށް 10 ޕަސެންޓާއި 15 ޕަސެންޓާ ދެމެދުގެ ޑިސްކައުންޓް ލިބޭނެ އެވެ. އަދި އެ ތަނުން އުރީދޫ ކްލަބް ޕްރިމިއާ ކަސްޓަމަރުންނަށް އިތުރު ހިދުމަތްތަކެއް ވެސް ލިބޭނެ އެވެ. އޭގެ އިތުރުން މި ޕާޓްނާޝިޕުގެ ދަށުން އުރީދޫގެ އޮންލައިން ވިޔަފާރި ޕްލެޓްފޯމް “މޫލީ”އިން ސްލާ ސިލޯންގެ ޕްރޮޑަކްޓުތައް ލިބޭނެ އެވެ. މި ޕްލެޓްފޯމަކީ ރާއްޖޭގެ ކޮންމެ ހިސާބެއްގައި ހުރެގެން ވެސް ވިޔަފާރި ކުރެވޭނެ ޕްލެޓްފޯމެކެވެ.

އުރީދޫ އާއި ސްޕާ ސިލޯނުގެ ޕާޓްނާޝިޕްގެ ދަށުން ހާއްސަ ޕްރޮމޯޝަނެއް ވެސް ވަނީ ފަށާފަ އެވެ. އެ ޕްރޮމޯޝަނުގެ ދަށުން އުރީދޫ ގްރޫޕުގެ ވޯއޯޑީ އެޕް “ގޯޕްލޭ” ޑައުންލޯޑް ކޮށްގެން 1000ރ. ވައުޗަރެއް ލިބޭނެ އެވެ. މިއީ 10 ކަސްޓަމަރަކަށް ދިނުމަށް ހަމަޖެހިފައިވާ ވައުޗަރެކެވެ.

އުރީދޫން ސްޕާ ސެލޯންއާ އެކު ޕާޓްނާޝިޕް އިއުލާނުކޮށް ބޭއްވި ނޫސްވެރިންގެ ބައްދަލުވުމުގައި އުރީދޫގެ ޗީފް ކޮމާޝަލް އޮފިސަރު ހުސައިން ނިޔާޒް ވިދާޅުވީ މި ޕާޓްނާޝިޕަކީ އެ ކުންފުނީގެ ކަސްޓަމަރުންނަށް ޕްރިމިއަމް ބްރޭންޑުތަކުގެ އެންމެ ފުރިހަމަ ތަޖުރިބާ ފޯރުކޮށްދިނުމަށް ކުރަމުންދާ މަސައްކަތްތަކުގެ ތެރެއިން ގާއިމުކުރި ޕާޓްނާޝިޕެއް ކަމަށެވެ.

“ރާއްޖެއަށް އަންނަ އިންޓަނޭޝަނަލް ބްރޭންޑުތަކާ އެކު އަޅުގަނޑުމެން ވަރަށް ގާތުން މަސައްކަތް ކުރަން ކަސްޓަމަރުންނަށް އެ ބްރޭންޑުތަކުގެ އެންމެ ފުރިހަމަ ހިދުމަތްތައް ހޯދައިދެން. ބޭނުން ވަނީ ކްލަބް ޕްރިމިއާ ކަސްޓަމަރުންނަށް ބޮޑެތި ބްރޭންޑުތަކާ އެކު އިތުރު ލެވަލްއެއްގެ ހިދުމަތް ލިބެން.” ނިޔާޒު ވިދާޅުވި އެވެ.

ނިޔާޒް ވިދާޅުވީ އެ ކުންފުނިން ޓެލެކޮމް ދާއިރާއިން ބޭރުން ވެސް އެންމެ ފުރިހަމަ ހިދުމަތް ކްލަބް ޕްރިމިއާ ކަސްޓަމަރުންނަށް ފޯރުކޮށްދޭން ގިނަ މަސައްކަތްތަކެއް ކުރަމުންދާ ކަމަށެވެ.

އުރީދޫން ޕާޓްނާޝިޕް ގާއިމްކުރި ސްޕާ ސިލޯން އަކީ ސްކިންކެއާ ޕްރޮޑަކްޓުތަކުން ފެށިގެން ހޯމްކެއާގެ އެކި ޕްރޮޑަކްޓުތައް ވިއްކާ ބްރޭންޑެކެވެ. އޭގެ ތެރޭގައި ބޮޑީވޮޝް، ފޭސްވޮޝް، ސިރަމް، ބޮޑީ މިސްޓު، ޕިލޯ މިސްޓް އަދި ގޭގައި މީރުވަސް ދުއްވަން ބޭނުން ކުރާނެ އެކި ޕްރޮޑަކްޓުތައް ހުރެ އެވެ.