ޚަބަރު / އެގްރިކަލްޗަ އެންޑް އެނިމަލް ވެލްފެއާ މިނިސްޓްރީ

މަގުމަތީގައި އުޅޭ ބުޅާތަކަށް އަނިޔާކުރުން އިތުރުވަނީ

މާލޭގެ ގެއެއްގެ ފުރާޅު މަތީގައި އޮތް ބުޅަލެއް: މަގުމަތީގައި އުޅޭ ބުޅާތަކަށް އަނިޔާކުރާކަމުގެ ޝަކުވާ ލިބެމުންދާތީ އެކަން އެގޮތަށް ނުކުރަން ވަނީ އިލްތިމާސް ކޮށްފައި --- ފޮޓޯ: ނިޝާން އަލީ/ މިހާރު

މަރިޔަމް އާޔާ، މިހާރު

25 ޑިސެމްބަރ 2024 - 13:38

22 comments

މަގުމަތީގައި އުޅޭ ބުޅާތަކަށް އަނިޔާކުރާ ކަމުގެ ޝަކުވާ އިތުރުވެފައިވާ ކަމަށާއި އަދި އެކަން އެގޮތަށް ނުކުރުމަށް އެނިމަލް ވެލްފެއާ މިނިސްޓްރީން އިލްތިމާސްކޮށްފަ އެވެ.

އެ މިނިސްޓްރީން އިއްޔެ ނެރުނު ނޫސްބަޔާނެއްގައި ބުނީ ރާއްޖޭގެ ބައެއް ރަށްރަށުގައި މަގުމަތީގައި އުޅޭ ބުޅާތަކަށް ބައެއް މީހުން ގޯނާކޮށް، އަދި ބުޅާ މަރާކަމުގެ ޝަކުވާތައް ލިބެމުންދާ ކަމަށެވެ. އެއީ ޖަނަވާރުގެ ދުޅަހެޔޮކަމުގެ މިންގަނޑުތަކާ ހިލާފު ކަމަކަށް ވާތީ އެކަން ނުކުރަން މިނިސްޓްރީން ވަނީ އެދިފަ އެވެ.

އެ ބަޔާނުގައި ބުނީ ޖަނަވާރުންނާ ބެހޭގޮތުން ބައިނަލްއަގްވާމީ ފެންވަރުގައި ބަލައިގެންފައިވާ ފަސް މިނިވަން ކަމެއް ވެ އެވެ. އެ ކަންތައްތަކަކީ؛

- ބަނޑުހައިހޫނުކަމާއި ކަރުހިއްކުމާއި ކާޑުބަލިން މިންޖުވުމުގެ މިނިވަންކަން.

- ބިރުގަތުމާއި ހާސްވުމާއި ކަންބޮޑުވުމުން މިންޖުވުމުގެ މިނިވަންކަން.

- ޖިސްމާނީ އަރާމު ނުލިބުމުން މިންޖުވުމުގެ މިނިވަންކަން.

- ވޭނާއި ބަލިން މިންޖުވުމުގެ މިނިވަންކަން.

- ޖަނަވާރުން އުޅޭ އުޅުމަށް އެޅޭ ހުރަސްތަކުން މިންޖުވުމުގެ މިނިވަންކަން.

އެ މިނިސްޓްރީން ބުނީ ޖަނަވާރުގެ ސިއްހަތާ ބެހޭ ބައިނަލްއަގްވާމީ ޖަމިއްޔާގެ އެނިމަލް ހެލްތު ކޯޑުގެ ދަށުން މުނިފޫހިފިލުވުމާއި ދަނޑުވެރިކަމާއި އިލްމީ ދިރާސާ އަދި އެ ނޫން ކަންކަމުގައި ވެސް ޖަނަވާރު ގެންގުޅޭ ނަމަ، ޖަނަވާރުންގެ ދުޅަހެޔޮކަން ކަށަވަރު ކުރަން ޖެހޭނެ ކަމަށެވެ.

"އޮޅުކޮށްގެން ގެންގުޅޭ ޖަނަވާރަކީ ވަކި ބާވަތެއްގެ ކާނާއެއް ކާންދީ، އެ އެއްޗެއްގެ ސުލޫކު ވަކި ގޮތަކަށް ބައްޓަންކޮށް އަޅާލުމާއި ލޯބިދީ، ހޭހަންކޮށްގެން ގެންގުޅޭ އެއްޗަކަށް ވާތީ މަގުމައްޗަށް ދޫކޮށްލުމުން އެ ސޮރުމެންނަށް ލިބެމުންދިޔަ އަޅާލުމާއި ލޯބިން މަހުރޫމްވެ އެވެ،" އެނިމަލް ވެލްފެއާ މިނިސްޓްރީގެ ބަޔާނުގައި ބުންޏެވެ.

"މީގެ ނަތީޖާއަކަށް ވާނީ ކަންބޮޑުވުމާއި ހިތްދަތިކަން އިހުސާސްކުރަން ޖެހުމުގެ އިތުރުން އާދަވަމުން ދިޔަ ކާނާ ނުލިބުމާއި އުޅެމުން ދިޔަ އަމާން އަދި އަރާމް ވެށި ގެއްލުމުގެ ސަބަބުން އިންސާނުންނާ ދޯޅުވެ ގާތުގައި އުޅުމެވެ."

އެހެންވެ، ޖަނަވާރަށް ގޯނާ ކުރުމަކީ ކޮށްގެންވާނެ ކަމެއް ނޫން ކަމަށާއި އަދި އެ ތަކެއްޗަށް ރަހުމްކޮށް، އޯގާތެރިވެ އަދި އަޅާލަން ޖެހޭނެ ކަމަށް ވެސް މިނިސްޓްރީގެ ބަޔާނުގައިވެ އެވެ.

ޖަނަވާރު އެގްރިކަލްޗަ އެންޑް އެނިމަލް ވެލްފެއާ މިނިސްޓްރީ ޖަނަވާރަށް އަނިޔާވެރިވުން

22 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަންދި

26 December 2024

ބުޅާ އިތުރެއް ނުވޭތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ ވާންޗޯ

25 December 2024

ތިޔައީ ހަމައެކަނި ބޮޑުމުސާރަދީފަ އިލްތިމާސްކުރަން ތިބޭބައެއްތަ؟. ރައިއްޔަތުން ބުޅާނަޖިހުގެތެރޭގަ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ ވާންޗޯ

25 December 2024

މިހާރުހީވަނީ ރައިއްޔަތުންނަށްވުރެ ބުޅާތަކުގެ ރައިޓްސް އަތްގުޅިނުކާވަރަށް ބޮޑުވެެގެން އުޅޭހެން. ބުޅާތައް އެބުނާ ފެސިލިޓީއަކަށް ގެންދެވުނީކީނޫން، މުޅިމާލޭގަ ބުޅާނަޖިސް ވާރޭވެހިލައިފިއްޔާ މުޅިމާލެ ނަޖިހުން ތަގައްޔަރު. މިހާރު ތިޔަކަހަލަ އިލްތިމާސްއަކުން ނުފުދޭ، ބުޅާތަށް މާލެތެރެއިން މަދުކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިމް

25 December 2024

ތި ހުރިހާއެއްޗެއ ކަށަވަރުކުރަންވީ އަހަރުން؟ މިންސްޓްރީ އުވާލަންވީނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެންދިއުން

25 December 2024

ބުޅާތަކަށް ހެދި ތަނުގެ ހުރިހާ ކަމެއް ފުރިހަމަނުވިއަސް އެތަނަށް ބުޅާތައް ގެންދެވިދާނެ ނޫންބާ. ކޮންމެވެސް ވަރެއްގެ ކާތަކެތި އެތަނަށް ލިބޭނެ ގޮތް ހެދޭނެ. ބުޅާތަކަށް އެންމެ ފެންވަރު ރަގަޅު ކެއުން ދޭންޖެހޭބާ. ކައިފަ ބާކީވާ ތަކެތި ދެވިދާނެ ބުޅާތައް އެތަނަށް ގެންގޮއްސަ. ފައިވްސްޓާރ ފެންވަރުގަ ކަންކަން ކުރަން މަޑުކޮށްގެން ތިބޭނަމަ ދުވަހަކުވެސް ބުޅާތަކެއް އެތަނަކަށް ނުގެންދެވޭނެ. މާލެ ތެރޭ އެ ތަކެތި ގިނަވީމަ އަނިޔާކުރާމީހުން އެކަން ކުރަމުން ގެންދާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

25 December 2024

ބުޅަލަކީ ރާއްޖެއާއި ދުނިޔެއިން ވެސް ނެތި ދިއުމުގެ ބިރު އޮތް އަދި އޭގެ އާބާދީ އާލާވުމުގައި މާބޮޑު މައްސަލަތަކެއް ކުރިމަތިވެފައިވާ ޖަނަވާރެއްނޫން. އެކަމަކު ރާއްޖޭގެ އެހެން އެއްވެސް ރަށެއްގައި ވަޒަންވެރިވެ ދިރިނޫޅޭ ހަމަ އެކަނި އައްޑުއަށް ޙާއްސަ ދޮންދީނި ނުވަތަ (White Tern) ނެތި ހުސްވެދާނެ ކަމުގެ ބިރު އުފެދިފައިވާއިރު (ކާޅުގެ ސަބަބުން ނާއި ދޮންދީނި ބިސްއަޅާ ހާލި ހަދާ ގަސްތައް ކަޑަމުންދާތީ) މިކަމަށް ހައްލުހޯދަން ކުރީ ކޮން މަސައްކަތެއްތޯ؟!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމަރޯސް

25 December 2024

މީހުން ދިރިއުޅެން އުނދަގޫ ވީމަ ދެން ޖެހޭނި ނައްތާލަން އެނގިއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެއްޖާ

25 December 2024

ބުޅަލަށް އަނިޔާކުރުމަކީ އެއްވެސް ހާލެއްގައި ކޮށްގެންވާނެކަމެއްނޫން. ހަމައެބީދައިން އިންސާނުންނަށްވެސް ބުޅަލުގެ ފަރާތުން ގެެއްލުންވާން ދޫކޮށްގެން ކަމާއިބެހޭފަރާތްތަކުން އަޅާނުލާތުބުމަކީ އިންސާނުންނަށްދެވޭ އަނިޔާއެއް. މާލޭގެ މަގުތަކާއި ގޯޅިގޯޅިއަކީ ބުޅަލުގެ ފާހާނާ ތައްޓަކަށްވެއްޖެ. މުޅިތަން ބުޅަލުގެ ނަޖިހުން ތަޣައްޔަރުވެއްޖެ. ވިއްސާރަވެއްޖިއްޔާ މަގުތައްމަތީ ނަޖިސްފެން ބޮނޑުވެ އާއްމުން އެނަޖިސްފެންގަނޑުގައި ފަތާފައުޅެންޖެހެނީ. ސިއްޙަތަށް ނުރައްކާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަމެން1

25 December 2024

ސައިކަލު ޕާކިންގް ޒޯނު ތަކުގައި ބުޅަލަށް ކާން ދިނުން މިއީ ވަރަށް އާންމު ކަމެއް. ދެން އެ ކައިގެން އެ ސޮރުމެން ސައިކަލުތަކަށް އަރައި މަޑިޔަށް ހީސްލައި މުޅި މަޑީގައި ވަކި އަޅާ ކިލާ އުގުޅާ ކެހެރި އުގުޅާފަ އޮންނަނީ. މިއީ ވެސް ދެރަ ކަންކަން. ބުޅަލަށް ކާން އަޅާދޭ މީހުން ވެސް ވިސްނާލުން ރަގަޅު، ބުޅަލަށް އެލާރޖިކް ވާ މީހުންނާ ކުދިންވެސް އުޅޭނެކަން. އަދި މިއީ އާންމު ސިއްހަތަށް ވެސް ހުރި ނުރައްކަލެއްކަން. ވަކި ސައިކަލު ޕާކު ކުރާނެ އިތުރު ގޮތެއްވެސް ނެތް.