ނޯލަންގެ އާ ފިލްމުގެ ނަމަކީ "ދަ އޮޑެސީ"

ހޮލީވުޑްގެ ޑައިރެކްޓަރު ކްރިސްޓޮފާ ނޯލަން.

27 ޑިސެމްބަރ 2024 - 06:21

ހޮލީވުޑްގެ ކުޅަދާނަ ޑައިރެކްޓަރު ކްރިސްޓޮފާ ނޯލަން ދެން ގެނެސްދޭ ފިލްމުގެ ނަމަކީ "ދަ އޮޑެސީ"ކަން އޭނާ އިއުލާންކޮށްފި އެވެ.

ނަމަވެސް، އެ ފިލްމާ ގުޅޭ އެއްވެސް އިތުރު ތަފުސީލެއް އަދި ނުދެ އެވެ.

"ދަ އޮޑެސީ"އަކީ ގްރީކްގެ ޅެމެއް ކަމަށްވާ "އޮޑިސުސް"އަށް ބިނާކޮށް އުފައްދާ ފިލްމެކެވެ. އެއީ ވެމްޕަޔާތަކެއް ވާހަކަ ކިޔައިދޭ ޅެމެކެވެ.

ރިޕޯޓްތައް ބުނި ގޮތުގައި، ނޯލަން ހަދަން އުޅޭ ވެމްޕަޔާ ފިލްމުގެ ލީޑު ރޯލަށް ނަގަނީ މާވެލްގެ "ސްޕައިޑަމޭން"ގެ ރޯލު ކުޅޭ އިނގިރޭސި އެކްޓަރު ޓޮމް ހޮލެންޑެވެ. އަދި އޭނާގެ ލޯބިވެރިޔާ، ހޮލީވުޑްގެ އެކްޓްރެސް ޒެންޑަޔާ ވެސް މުހިންމު ރޯލެއް ކުޅޭނެ އެވެ.

އެ ދެތަރިންގެ އިތުރުން ނޯލަންގެ ފިލްމުތަކުގައި ކުރިން މަސައްކަތް ކޮށްފައިވާ އޭން ހެތުވޭ، ލުޕިތާ ޔޯންގް، ރޮބާޓް ޕެޓިންސަން، ޗާލީޒް ތީރޮން އަދި މެޓް ޑޭމަން ވެސް "ދަ އޮޑެސީ"ގައި އުޅޭނެ އެވެ.

Christopher Nolan ge vampire film ah Tom Holland

The most trusted news source in the Maldives

Mihaaru

ނޯލަން އާއި އޭނާގެ އަންހެނުން އެމާ ތޯމަސް ޕްރޮޑިއުސްކުރާ އެ ފިލްމު ސިނަމާތަކަށް ގެންނަނީ ޖުލައި، 2026 ގައި ކަމަށް ވެސް ރިޕޯޓްތައް ބުންޏެވެ.

ނޯލަންގެ އެންމެފަހުގެ ފިލްމަކީ 2022 ވަނަ އަހަރު ގެނެސްދިން "އޮޕެންހައިމާ" އެވެ. އެ ފިލްމަށް ވަނީ މިދިޔަ އަހަރުގެ އޮސްކާގައި ހަތް އެވޯޑް ލިބިފަ އެވެ. އެންމެ މޮޅު ފިލްމުގެ އޮސްކާ އެވޯޑު ވެސް ލިބުނީ އެ ފިލްމަށެވެ.