ކައުންސިލްތަކުގެ ހަރަދު ކުޑަކުރަން ރައީސްގެ އާ ހިޔާލެއް

ގދ. ފިޔޯރީގެ ރައްޔިތުންނާ ބައްދަލުކުރައްވަން މިރޭ ބޭއްވި ޖަލްސާގައި ރައީސް މުއިއްޒު ވާހަކަފުޅު ދައްކަވަނީ.---ފޮޓޯ: ރައީސް އޮފީސް

ގދ. ފިޔޯރީން، އާސިމާ ނިޒާރު، މިހާރު

07 ޖެނުއަރީ 2025 - 23:55

55 comments

ލޯކަލް ކައުންސިލްތަކަށް ކުރާ ހޭދަ ކުޑަކުރަން ރައީސް ޑރ. މުހައްމަދު މުއިއްޒު މިރޭ އާ ހިޔާލެއް ހުށަހަޅުއްވައިފި އެވެ.

ގއ. އާއި ގދ. އަށް މިހާރު ކުރައްވަމުން ގެންދަވާ ދަތުރުފުޅުގައި ގދ. ފިޔޯރީގައި ބޭއްވި ޖަލްސާގައި އެ މަނިކުފާނު ވިދާޅުވީ ދައުލަތުގެ ހަރަދު ކުޑަކުރަން ވަރަށް ގިނަ ފިޔަވަޅުތައް އަޅަން ޖެހޭ ކަމަށެވެ.

އޭގެ ތެރެއިން، ދައުލަތުގެ ބަޖެޓުން ބޮޑު ހޭދައެއް ކުރާ ކައުންސިލްތަކުގެ ހަރަދު ކުޑަކުރުމަށް، ކައުންސިލްތައް އުފެދިފައިވާ ގޮތް ބަދަލުކުރަންޖެހޭ ކަމަށާއި ކަމާގުޅޭ ފަރާތްތަކާ މަޝްވަރާ ކުރެއްވުމަށް ފަހު، އެ ބަދަލުތައް ގެންނަވާނެ ކަމަށް ރައީސް ވަނީ މީގެ ކުރިން ވެސް ވިދާޅުވެފަ އެވެ.

ރައީސް މުއިއްޒު މިރޭ ވިދާޅުވީ އޭރު އެގޮތަށް އިއުލާން ކުރެއްވުމުން ކައުންސިލަރުންގެ އަދަދު މަދުވެ، ޑިމޮކްރެޓިކް ރެޕްރެޒޭޝަނަށް އަސަރު ކުރާނެ ކަމުގެ ކަންބޮޑުވުން ބައެއް މީހުން ފާޅުކުރި ކަމަށެވެ.

ނަމަވެސް، އެ ކަންބޮޑުވުންތަކަށް ވެސް ހައްލެއް އަންނާނެ ބަދަލެއް ރައީސް މިރޭ ވިދާޅުވެދެއްވި އެވެ.

President Dr @MMuizzu meets with the residents of Fiyoari Island, South Huvadhu Atoll, to listen to their concerns and discuss the island’s developmental priorities. During the meeting, he outlined key initiatives, shared plans to address pressing issues, and reaffirmed his… pic.twitter.com/WsXlaEqve9
— The President's Office (@presidencymv) January 7, 2025

ރައީސް ވިދާޅުވީ، އެ މަނިކުފާނު ބޭނުންފުޅުވަނީ ހަރަދު ކުޑަކުރަން ކަމަށާއި ލޯކަލް ނިޒާމުގެ ހިންގުމުގެ ހަރަދު މިހާރު މާ ބޮޑު ކަމަށެވެ. އެ ރަށެއްގެ އާބާދީ އަށް ހިދުމަތް ކުރަން ބޭނުންވާ އަދަދަށް ވުރެ ގިނައިން ފުލްޓައިމްކޮށް ކައުންސިލަރުން ތިބުމަކީ ހަރަދު ބޮޑު ނިޒާމެއް ކަމަށް އެ މަނިކުފާނު ވިދާޅުވި އެވެ.

"މި ހުރިހާ ކަމަކަށް އަލިއަޅުވާލާފައި ކުރެވިދާނެ ކަމެއް ކަމަށް އަޅުގަނޑަށް ފެންނަ ގޮތަކީ ކައުންސިލަރުންގެ އަދަދު މަދުނުކޮށް ފުލްޓައިމްކޮށް ތިބޭނީ ކައުންސިލްގެ ރައީސް އަދި ނައިބު ރައީސް ގޮތުގައި ކަނޑައަޅައި، އިންތިހާބުގައި ފުލްޓައިމް މަގާމަކަށް އިންތިހާބު ކުރާނީ ކައުންސިލްގެ ރައީސްގެ މަގާމާއި ނައިބު ރައީސްގެ މަގާމަށް ނަގާ ދެ މީހުންނަށް ކަމަށް ކަނޑައަޅައި، މިހާރު ވެސް ތިބޭ އަދަދަށް ކައުންސިލަރުން އިންތިހާބު ކުރުން،" ރައީސް މުއިއްޒުގެ އާ ހިޔާލު ހުށަހަޅުއްވަމުން ވިދާޅުވި އެވެ.

ރައީސް މުއިއްޒު ގއ. އާއި ގދ. އަށް ކުރައްވާ ދަތުރުފުޅުގައި ގދ. ފިޔޯރީގައި މިރޭ ބޭއްވި ޖަލްސާގައި ބައިވެރިވެވަޑައިގަންނަވަނީ.-- ފޮޓޯ: ރައީސް އޮފީސް

އެ މަނިކުފާނު ވިދާޅުވި ގޮތުގައި ބާކީ ތިބޭ ކައުންސިލަރުންނަށް ދޭނީ، ބައިވެރިވާ ކައުންސިލްގެ ކޮންމެ ޖަލްސާއަކަށް އެލަވަންސެކެވެ. ސިޓީ ކައުންސިލްތަކާއި އަންހެނުންގެ ތަރައްގީ އަށް މަސައްކަތްކުރާ ކޮމެޓީތަކަށް ވެސް އެ އުސޫލުން އަމަލުކުރެވޭނެ ކަމަށް ވިދާޅުވި އެވެ.

ރައީސް ވިދާޅުވީ، ތަރައްގީ ވެފައިވާ ގިނަ ގައުމުތަކުގައި ވެސް އެ ގޮތަށް ކައުންސިލަރުން ތިބޭ ކަމަށެވެ.

ބައިވެރިވާ ކޮންމެ ޖަލްސާއަކަށް އެލަވަންސެއް ދޭ ގޮތަށް ބަދަލެއް ގެނެސްފި ނަމަ ޑިމޮކްރެޓިކް ރިޕްރެޒެންޓޭޝަނަށް ވެސް ބަދަލެއް ނާންނަ ކަމަށާއި އޭރުން ބޮޑު ހަރަދެއް ސަލާމަތް ވާނެ ކަން އެ މަނިކުފާނު ފާހަގަކުރެއްވި އެވެ.

ލާމަރުކަޒީ ހިންގުން ރައީސް ޑރ. މުހައްމަދު މުއިއްޒު ލޯކަލް ކައުންސިލްތައް ސިޓީ ކައުންސިލް ރަށު ކައުންސިލް އަތޮޅު ކައުންސިލް

55 ކޮމެންޓް, 35 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބޫ

09 January 2025

ތީވަރަށް ހަރުދަނާ ނިންމެވުމަކަށްވާނެ, ރާއްޖޭގެ އިންތިޚާބުތައް ގުޅިފައި މިހުރީ ތަފާތު ކަންކަމާ, ކައުންސިލް އިންތިޚާބަކީ ނުވަތަ ރަށުކައުންސިލް އިންތިޚާބަކީ އާއިލާގެ ވަޒީފާއަށް އިތުރުވާބޮޅެއް, މަޖިލިސް ގޮނޑިއަކީ މުދާވެރިމީހާ ގަންނަ ގޮނޑިއެއް, މިނޫންދުވަހެއް އަހަރެމެންނަށް ފެންނާނެ ތޯއްޗެ! ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

09 January 2025

ކަންކަމަށް ޤާބިލުމީހުން ލާނަމަ މިހުރިހާ ސަކަރާތެއް ރައީސް އަކާއިވެސް ނުޖެހޭނެއެވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރެކާރެ

08 January 2025

ތިއީ ވަރަށް ފައްކާ ހިޔާލެއް. ތިކަމުން ސަލާމަތްވާ ފައިސާކޮޅު ވާނެ މުލިއާގެން ކަޅުކޮތަޅުގައި ބަހާ އެތިކޮޅަށް އިތުރުކޮށްލަން. އޭރުން ރައްޔިތުމީހާ އުފާވާނެ. މިވަރު ވެރިކަމެއް ދިވެހިން އަދި ނުދެކޭ. ސުކުރިއްޔާ ރައީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖައިސާމް

08 January 2025

ކައުންސިލްތަކުގެ ހަރަދަކީ ދައުލަތުގެ އާމްދަނީގެ (ބަޖެޓެއްނޫން، ލިބޭނެ ކަމަށް ލަފާ ކުރާ) 5%. މީކީ 178 ރަށާއި، ސިޓީތަކާއި، އަތޮޅުތަށް ހިންގުމަށް ކުޑަ އަދަދެއް. ކައުންސިލްތަކާ ނުބެހި ސިޔާސީ މީހުން މަދު ކުރަން އުޅުނިއްޔާ މާރަނގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަށަަލަ

08 January 2025

މިސާރަ ކަނޑާލާފައި ބައިވެރިވާ ކޮންމެ ޖަލްސާއަކަށް ޢެލަވަންސްދޭން އެންމެ މުހިންމު ބަޔަކީ ރައްޔިތުން ހޮވާފައިތިބި މަޖިލިސް މެމްބަރުން. މަދުކުރާބައެއް ވިއްޔާ މަދުކޮށް.އުމިކުރަން ޖެހޭބައެއް އުނިކުރަންވީ ދައްފަންތީންނއެކަނި ކަމުގައި ނުހެއްދެވުން އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަގަގަތް ކަތީބު

08 January 2025

ބަޔަކު ލާމަރުކަޒީއޭ ކިޔައިގެން ހިލުންގަނޑެއް ހިލަނީ. އިހަށް ކަތީބުން ތިބެގެން ނުކުރާ ކަމެއް މިހާރުވެސް ރަށެއްގައި ނުކުރޭ. އާދައިގެ ރަށަކަށް ކަތީބަކާއި ކުޑަކަތީބެއް، އެއަށްވުރެ ބޮޑު ރަށަކަށް ކަތީބަކާއި ދެ ކުޑަކަތީބުން، ބޮޑެތި ރަށްރަށަށް އިސްކަތީބަކާއި، ކަތީބަކާއި، ދެ ކުޑަކަތީބުން ތިބީމާ ހުރިހާ ކަމެއް ކުރެވޭނެ. މިހާރު އެތައް ކައުންސިލަރުން ތިބެފައި، ސެކްރެޓެރީ ޖެނެރަލަކު ހުރެފައި، އަދި ބައިވަރު މުވައްޒަފުން ތިބޭ. މީ ބޭކާރު ކަމެއް. އިސްރާފެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޅުންގެ ބޅނ

08 January 2025

ކާތީބާ މީަޖާކަމެކޭ. ވަޒީފާއަކީ ބަހާއެއްޗެކޭ. ނަންނަން ކިޔާފަ ތިބެނީ ލާރިދޭން ޖެހޭ ތައްފާހުން ލިބެންވާ ބައިގެ މީހުން. އެއީ ރައީސްމީހާ ދޭ ވަޒީފާއެއްނޫން. މެމްބަރުންގެ އަޅުންނާ އަޅުންގެ މެމްބަރުންނަށް ޕާޓީން ބަހާފަ ދޭންޖެހޭ ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސަރަފަ

08 January 2025

ހަރަދު ކުޑަކުރަންވީ ތިގޮތަށްވެސް. މައްސަލައަކީ މައިސަރުކާރުން ކުރާ ބޭކާރު ހަރަދުތަށް ކުޑަ ނުކުރާތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާޖިދާ

08 January 2025

ރައީސް ކަމަށް ކޮންމެހެން ފުލްޓައިމް މީހަކު ބޭނުންވޭ؟ ހިނގާ މުއިއްޒުގެ ވަޒީފާ ޕާޓް ޓައިމް އަށް ބަދަލުކޮށްލަން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުކާމިލްދީދީ

08 January 2025

މިނިސްޓްރީތަކާއި ސަރުކާރުގެ ކުންފިނިތަކަށް ގަންނަވާފަތިބި ބޭކާރު ޕޮލިޓިކަލް ޑައިރެކްޓަރުންނާއި ސްޓޭޓް އަދި ޑެޕިއުޓީ މިނިސްޓަރުންވެސް ނިކަން މަދުކޮށްބަލަ. ރާއްޖެގަ އޮތް ހައެއްކަ ކައުންސިލުން މީހުން މަދުކޮށް އެމީހުންގެ ބާރު ކަނޑުވަން އުޅެނީ ކީއްކުރަން؟ ތިތިބަ ލަޓޯފަޓޯ ބޭކާރު ގޮނޑިރަސްކަލުންތައް ފުރަތަމަ ކަނޑާބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމީލޭ

08 January 2025

ވަރަށް ބޭކާރުބައެއްތީ! ސަރުކާރުން އެބަޖެހޭ ކައުންސިލްތަކަށް ކަނޑައަޅާ ބޮލޮކް ގްރާންޓްގެ ބޭނުންހިފާ ގޮތެއް ވަރަށް ކައިރިން ބަލަން! ގިނަ ކައުންސިލްތަކުން އެއްވެސް މަންފާއެއް ނެތްގޮތަށް ފައިސާތަކަށް ހަދާނެ ގޮތެއް ނޭނގިގެން އިސްރާފްކުރަމުންދަނީ! މިހާރު ކައުންސިލް އިންތިހާބު ކައިރިވަމުން އަންނާތީ އެމްޑީޕީ ކައުންސިލަރުން އެފައިސާ ބޭނުންކޮށްގެން ކެމްޕޭން ކުރަމުންދަނީ، ރަށުގެ ޒުވާންނުންނަށް ޕުޓްބޯޅަ މުބާރާއްބާއްވަން ބޮޑެތި އަދަދުތަކުން ހަރަދުކުރަނީ!