ރޯދައިގެ ކުރިން އުރީދޫން ހުޅުމާލެ ބޮޑު މިސްކިތް އޭސީކުރަނީ

މަސްޖިދުލް ޝައިޚް ޤާސިމް ބިން އަލްޘާނީ (ހުޅުމާލެ ބޮޑު މިސްކިތް). އެ މިސްކިތުގައި އޭސީ ހަރުކުރުމަށް އުރީދޫއާ ވަނީ ހަވާލުކޮށްފައި -- ފޮޓޯ: އިބްރާހިމް ލުޖާޒު

މަރިޔަމް އާޔާ، މިހާރު

08 ޖެނުއަރީ 2025 - 12:54

14 comments

ކުރިއަށް އޮތް ރޯދަ މަހުގެ ކުރިން ހުޅުމާލޭ މަސްޖިދުލް ޝައިހް ގާސިމް ބިން އަލްޘާނީ (ހުޅުމާލެ ބޮޑު މިސްކިތް) ގައި އޭސީ ހަރުކޮށް، އާބާތުރަ ފިލުވުމުގެ މަސައްކަތް ކުރުމަށް އުރީދޫއާ ހަވާލުކޮށްފި އެވެ.

އުރީދޫން ބުނީ، އެ މަސައްކަތް ކުރަނީ އެންޖީއޯ، ގަތަރު ޗެރިޓީއާ ގުޅިގެން ކަމަށެވެ.

ދޯހާގައި ރޭ ބޭއްވި ރަސްމިއްޔާތެއްގައި އެކަމާ ގުޅޭ އެއްބަސްވުމުގައި ސޮއިކުރެއްވީ އުރީދޫގެ ސީއީއޯ އަދި އެމްޑީ ހާލިދު އަލް ހަމާދީ އާއި ގަތަރު ޗެރިޓީގެ ޗީފް މާކެޓިން އޮފިސަރު އަހްމަދު ފަޚްރޫ އެވެ. އެ ރަސްމިއްޔާތުގައި އުރީދޫ ޗެއަޕާސަން ފާތިމާ ސުލްތާން ކުވާރީ ވެސް ބައިވެރިވެ ވަޑައިގަތެވެ.

ހުޅުމާލޭ ބޮޑު މިސްކިތަކީ 1،800 އަށް ވުރެ ގިނަ މީހުންނަށް ޖާގަ އޮންނަ މިސްކިތެކެވެ. އެ މިސްކިތް ހުޅުވީ 2006 ވަނަ އަހަރު އެވެ.

އުރީދޫއިން ބުނީ މިސްކިތް މަރާމާތުކުރުމުގެ މަސައްކަތް ވަރަށް އަވަހަށް ފަށާނެ ކަމަށެވެ. އަދި ރޯދައިގެ ކުރިއަށް އެ މަސައްކަތް ނިންމާލާނެ ކަމަށް އެ ކުންފުނިން ބުންޏެވެ. މަރާމާތުގެ މަސައްކަތް ކުރިއަށްދާ ދުވަސްވަރު މިސްކިތް ބޭނުންކުރާ މީހުންނަށް ދަތިނުވާނެ ގޮތަކަށް އިންތިޒާމުތައް ރާވާނެ ކަމަށް ވެސް އެ ކުންފުނިން ބުންޏެވެ.

ސީއީއޯ ހާލިދު ވިދާޅުވީ، ހުޅުމާލޭގެ އެންމެ ދުވަސްވީ މިސްކިތް މަރާމާތުކުރުމުގެ މަސައްކަތް ކުރުމަކީ އެ ކުންފުންޏަށް ލިބޭ ވަރަށް ބޮޑު ޝަރަފެއް ކަމަށެވެ.

"އަޅުގަނޑުމެން އުންމީދު ކުރަނީ މި މަސައްކަތުގެ ސަބަބުން މި ބަރަކާތްތެރި މައްސަރުގައި ވެސް އަދި އޭގެ ފަހުން ވެސް އަޅުގަނޑުމެންގެ މުޖުތަމައުއަށް ފަސޭހަތަކެއް ލިބިގެންދާނެކަމަށް." އުރީދޫގެ ސީއީއޯ ވިދާޅުވި އެވެ.

ހުޅުމާލެ މިސްކިތްތައް އުރީދޫ

14 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނ‫ިޒާރު

08 January 2025

‫ތަން ތަނުގައި އޭސީ ހަރުކުރީމަ ނިމުނީކީނޫން އޭސީ ޖައްސަން ވެސް ޖެހޭ ހުޅުމާލޭ އަޒީޒާ މޫސާ މިސްކިތުގައި ވެސް އޭސީ ހުރޭ އެކަމަކު އެއެއް ނުޖައްސާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެރެކޯ

08 January 2025

ތަޅާލާފަ އަލުން ޑިޒައިންކޮށްގެން އަޅަންޖެހޭ މިސްކިތެއް. އަމާކީތީ ފަރަށްދާހެން ޑިޒައިންކޮށްފަ ހުރި މިސްކިތެއް. މިކަމާ ބެހޭގޮތުން ރިޕޯޓެއް ލިޔަން ބޭނުން މީހަކަށް އެކަންވެސް ކުރެވޭނެ. އެކަމް މިދެން ނަމަކަށް ނޫސްވެރިންނޭ ކިޔާ ބަޔަކު ތިބޭ ގައުމެއްވިއްޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަގޭހިޔާލް

08 January 2025

ހަމަ ހަގީގަތުގަވެސް މިމިސްކިތް ހަދާފަވަނީ ވ ތާކުން ތާކު ނުޖެހޭ ގޮތަކަށް ހަމަޖެހޭ އެއްކަމެއްވެސް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބްސް

08 January 2025

އޭސީއާއި އެކު ތިމިސްކިތަށް ބޭނުންވަނީ ރަނގަޅު ސައުންޑު ސިސްޓަމެއް. މުދިންބެ ކިޔަވާއިރު ކިޔާނުކިޔާއެއް ސާފެއް ނުވޭ. ތަންހަދާފަ އިންނަ ގޮތުންވެސް އެހެންވެދާނެ އެކަމަކު މިކަމުގެ މާހިރުންނަށް މިކަން ރަނގަޅު ކުރެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސަ

08 January 2025

އުރީދޫން ކުރާ ވަރަށްރަގަނޅު މަސައްކަތެއް މިއީ! ހުޅުމާލޭގައި އެންމެ ފުރަތަމަ އެޅި މިމިސްކިތަކީ ވަރަށް ރީތި މިސްކިތެއް! މިމިސްކިތަށް ކިނަބަޔަކު ކިޔަނީ އެންމެ ފަންކާ ގިނަ މިސްކިތޭ! ރަގަނޅު އެހެން ކިޔަން! މިމިސްކިތްތެރޭ 150 ވަރަކަށް ފަންކާ އެބަހުއްޓޭ ބުންޏަސް ދޮގަކަށްނުވާނެ! މިމިސްކިތް އޭސީ ކުރުމުގެ އިތުރުން މިމިސްކިތުގެ އަސްލު ރީތިކަން ފެންނަގޮތަށް މަރާމާތުކޮށް އާބާތުރަ ފިލުވަންވެސްޖެހޭ! އެކަން ކޮންމެވެސް ބަޔަކު ކޮށްލަދޭނަމަ ހާދަ ރަގަނޅޭ ހިތައްއަރާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަނޑިފުޅުދޫނި

08 January 2025

ހުޅުމާލޭގައި އެންމެ ފުރަތަމަ އެޅި މިސްކިތަކީ، ކަންނެލި ޖެޓީއޭ އެކިޔާ ދިމާގައި އެހުންނަ މިސްކިތް، މަސްޖިދުލްއަމާނީ. އެމިސްކިތް ހުޅުއްވައިދެއްވީ އޭރުގެ ރައީސް މައުމޫން. އެމިސްކިތުގައި މިހާރުވަނީ ނަމާދު ކުރުމަށް އިތުރު ބައެއް ހަދާފައި. ހުޅުމާލޭގައި ފުރަތަމަ މީހުން ވަޅުލާންފެށީވެސް އެމިސްކިތުގެ ހަރިއްމަތެރޭގައި، މިސްކިތުގެ ދެކުނު ފަރާތުގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިސާން

08 January 2025

އޫރިދޫގެ ވެރިންނަށް އަށް ވ ބޮޑަށް ޝުކުރު ދަންނަވަން. މި މިސްކިތަކީ ވ. ވޭސްޓް ބޮޑުކޮށް ހަދާފައިވާ ތަނެއް. ކޮންމެ އެންގަލަކުން ބެއްޔަސް ފެންނަނީ މައުލާުމާތާއި ތަޖުރިބާ ނެތި ކޮށްފައިވާ މަސައްކަތެއްކަން. ހޫނުވާ ވަރުން ކެތް ނުކުރެވޭ. ތިތަނުގައި ތިހިރަ ގުއްބު ނަގާ އަލުން އައުގުއްބެއް އަޅާ އިންސުލޭޓް ނުކޮށްފިނަމަ ތިތަނަށް ދާ ކަރަންޓް ޚަރަދު އިންތިހާއަށް ބޮޑުވާނެ. ތިތަނުގެ އެތެރެ އަލުން ރީ ޑިޒައިން ކުރަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޭޚް

08 January 2025

ތީގަތަރުން އަޅާދީފަ ހުރިމިސްކިތެއްކަން އިނގޭބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިރާގީ

08 January 2025

ބަލަ ތިޔަ މިސްކިތަށް ދާ މީހުންނަށް ސުޕަފާސްޓް އިންޓަނެޓް ފްރީކޮށް ދޭންވީނު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދގެ

08 January 2025

ހަމަ ޖެހިބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީއީޢޯ

08 January 2025

އެތާ އިންނަ ފާހާނާ އަދި ވުޟޫކުރާ އިސްކުރުބަރި ހުންނަނީ އެއް ސަރަހައްދެއްގައި ކަމުން ސާފުތާހިރުގެ ނަޒަރިއްޔާތުން ވިސްނަންޖެހޭ ކަމެއް. އެފާހާނާ ބަރި ރަނގަޅީ މިސްކިތުން ބޭރަށްލުން. މިހާރު މިސްކިތުގެ ބައެއް ހިސާބުގައި ނަޖިސްވަސްދުވާކަމަށް ފާހަގަކުރެވޭ!