ރޯދަ އުމްރާއަށް ދާ މީހުންގެ ކާޑަށް އިތުރު 1،500 ޑޮލަރުގެ ލިމިޓެއް ހަމަޖައްސަން ރައީސް އެދިވަޑައިގެންފި

ރާއްޖެއިން މިދިޔަ އަހަރު ހައްޖަށް ދިޔަ ބަޔަކު ފުރުމުގެ ކުރިން ވެލާނާ އެއާޕޯޓުގައި ނަމާދުކުރަނީ.-- ފޮޓޯ: ނިޝާން އަލީ | މިހާރު

އައިޝަތު ނުޒުހާ، މިހާރު

10 ފެބުރުއަރީ 2025 - 13:46

32 comments

ކުރިއަށް އޮތް ރޯދަމަހު އުމްރާ އަށް ދާ މީހުންނަށް ރަސްމީ ރޭޓުގައި ޑޮލަރު ލިބުން ލުއި ފަސޭހަ ކޮށްދިނުމަށް، އެ މީހުންގެ ޑެބިޓް ކާޑުގެ ޑޮލަރު ލިމިޓު ބޮޑުކޮށް ދޭން ބޭންކް އޮފް މޯލްޑިވްސް (ބީއެމްއެލް) ގައި ރައީސް ޑރ. މުހައްމަދު މުއިއްޒު މިއަދު އެދިވަޑައިގެންފި އެވެ.

ރައީސް މުއިއްޒު "އެކްސް" ގައި ވިދާޅުވީ ކޮންމެ އުމްރާވެރިއެއްގެ ބީއެމްއެލްގެ ޑެބިޓް ކާޑަށް، މިހާރު އޮންނަ ޑޮލަރު ލިމިޓުގެ އިތުރުން 1،500 ޑޮލަރުގެ ލިމިޓެއް ހަމަޖައްސައި ދިނުމަށް އެ ބޭންކާއި މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގައި އެދިވަޑައިގެންފައިވާ ކަމަށެވެ.

ބީއެމްއެލްގެ ޑެބިޓް ކާޑުތަކަށް މިހާރު ކަނޑައަޅާފައިވާ ކާޑު ލިމިޓަކީ 250 ޑޮލަރެވެ. އެކަމަކު، ރައީސްގެ އެދިވަޑައިގަތުމަށް ބީއެމްއެލް އިން އެ ބަދަލު ގެނައުމުން ކޮންމެ އުމްރާވެރިއަކަށް 1،750 ޑޮލަރު ކާޑު ލިމިޓަށް ލިބޭނެ އެވެ.

1446 ވަނަ އަހަރުގެ ރަމަޟާންމަހު ޢުމްރާއަށް ވަޑައިގަންނަވާ ފަރާތްތަކަށް ބޭންކްގެ ރަސްމީ ރޭޓުގައި ޑޮލަރު ހޯދުމުގައި ލުއި ފަސޭހަ ޙައްލެއް ހަމަޖައްސައިދިނުމުގެގޮތުން، ކޮންމެ ޢުމްރާވެރިއެއްގެ ބޭންކް އޮފް މޯލްޑިވްސް ޑެބިޓް ކާޑަށް، މިހާރު އޮންނަ ޑޮލަރުގެ ލިމިޓުގެ އިތުރުން 1500 ޑޮލަރުގެ…
— Dr Mohamed Muizzu (@MMuizzu) February 10, 2025

ކޮންމެ އަހަރެއްގެ ރޯދަމަހާ ދިމާކޮށް ވެސް ގިނަ އަދަދެއްގެ ދިވެހިން އުމްރާގެ އަޅުކަމަށް ދެ އެވެ. އޭގެ ތެރޭގައި މުޅި ރޯދަމަހާއި ހަ ރޯދަ ހިމެނޭހެން އުމްރާގެ އަޅުކަމަށް ދާ ދިވެހިން ވެސް އަންނަނީ އިތުރުވަމުންނެވެ.

ރުފިޔާގެ އަގު ހިފަހައްޓައި ބޭރު ފައިސާގެ ބާޒާރަށް ދިމާވެފައިވާ މައްސަލަތައް ހައްލު ކުރަން ސަރުކާރުން އަންނަނީ ގިނަ ފިޔަވަޅުތަކެއް އަޅަމުންނެވެ. އެކަން ހައްލު ކުރުމުގެ ގޮތުން ބޭރު ފައިސާއާ ބެހޭ ގާނޫނެއް އެކުލަވައިލާ ތަންފީޒުކޮށްފައިވާ ކަމަށާއި އެކަމުގެ ހެޔޮ ބަދަލު ވަރަށް އަވަހަށް ރިޒާވުން ފެންނާނެ ކަމަށް ރައީސް ވަނީ ވިދާޅުވެފަ އެވެ.

ޑޮލަރުގެ އަގު ޑޮލަރު އުމްރާ ރައީސް ޑރ. މުހައްމަދު މުއިއްޒު ރަމަޟާން 2025

32 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލައިން

14 February 2025

ރަގަޅު ނިންމުމެއް... ބަލި މީހުންގެ ހާލަތު ނުފެންނާތީ ދެރައީ.... ޑޮލަރު އެހާ އަގު ބޮޑު... އެންސްޕާއިން މެޑިކަލް ވެލްފަރ އިން ހަމަ ޖެހެނީ އެންމެ 3084 ރުފިޔާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމުރާ

11 February 2025

އުމުރާއަށްދާ އާއްމުމީހުންގެވެސް ވަނަވަރު ބަލާ ޗެކްކުރަން އެބަޖެހޭ، މަކަރާހީލަތް ހެދުމުގެ ކުށެއްކޮއްފައި ވޭތޯއާއި ޚަރަދުބަރަދާއި ދަރަނި އަދާކޮއްފައިވޭތޯ ބަލަންއެބަޖެހޭ. އުމުރާގެ މަތިވެރި އަޅުކަން އެއީ ޗުއްޓީ ހަދަލާ މަޖާކޮއްލުންކަމަށް ދެކޭމީހުން މަދުންނަމަވެސް ތިބޭކަމީ ހިތާމަކުރަންޖެހޭ ކަމެއް،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުލްފާާ

11 February 2025

ރޯދަމަހަކީ ގިނަ މީހުން ދިގި އުމްރާއަށް ފުރާދުވަސްކޮޅެއް. މުޅި ރޯދަމަސް ހޭދަކުރާ ދިވެހިން މިހާރު މަދެއްނޫން. މިފަދަ އަޅުކަމެއް ކުރަން އެހާ ދުރަށްދާއިރު ކުއްލިކަމެއް ދިމާވުމަކީވެސް އެކަށީގެންވާނެކަމެއް. އެފަދަ ހާލަތްތަކަށް ބެކަޕެއްގެ ގޮތުގައިވެސް މިފަދަ ހިދުމަތެއް ލިބުން އެއީ ލިބޭ ވަރަށް ބޮޑު ހިންހަމަޖެހުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިފާޒާާ

11 February 2025

މާތްﷲ ތިބާ ހެޔޮވެރިކަމެއް ކުރުން މަތީ ލަހައްޓަވާށި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްނަފް މުހައްމަދު

10 February 2025

ރައީސް މުއިއްޒްއާ ދޭތެރޭ ކުރެވޭ އުއްމީދާ އިތުބާރު ބޮޑު މިވީ. ކަނބަލުންގެ އިތުބާރުވެސް މި ހޯދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަތުހުﷲ

10 February 2025

އަލްހަމްދުﷲ. ދެން އުމްރާވެރިންނަށް ނުޖެހޭނެ ޑޮލަރ ނުލިބިގެން އުޅޭކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

10 February 2025

އުމްރާ އަށް ދިއުމުގެ ޙަރަދުގެ ބޭރުން ހުރުމާ ކެއުމަށް ދާނެ ފައިސާގެ އިތުރުން ޟޮޕިން ހަދަން ވަކި ބޮޑު އަދަދެއްގެ ޑޮލަރު އަގުހެޔޮކޮށް ދޭކަށް ނުޖެހޭ. އެއަށް ވުރެ ބޭހަށް ދާމީހުނަށް ބޭނުންވާ ބޭރު ފައިސާ ވިއްކަން މާރަގަޅު.