މޫސަލްގައި ތިބި އައިއެސްގެ ހަނގުރާމަވެރިންނަށް އޮތީ މަރު: އެމެރިކާ މަންދޫބު

އިރާގު ސިފައިން މިހާރު ވަނީ މޫސަލްގެ އިރުމަތީގެ ހިސާބުތައް ކޮންޓްރޯލްކޮށް އަދި ހުޅަނގުގެ ހިސާބުތަކުގެ ތިންބައިކުޅަ އެއްބައި ހިފާފައި. --ފޮޓޯ:އޭއެފްޕީ

ހަސަން އާމިރު، މިހާރު

13 މާޗް 2017 - 09:31

3 comments

ބަޣުދާދު (މާޗް 13) - މޫސަލްގައި އިސްލާމިކް ސްޓޭޓް (އައިއެސް) ގެ ހަނގުރާމަވެރިންނަށް ސަލާމަތެއް ނެތް ކަމަށާއި އެ ސްޓޭޓުގައި އެ މީހުން ތިބީ ތާށިވެފައި ކަމަށާއި އެހެންވެ އެ މީހުންނަށް އޮތީ މަރު ކަމަށް އެމެރިކާގެ މަންދޫބު ވިދާޅުވެއްޖެ އެވެ.

އައިއެސްއާ ދެކޮޅަށް ދޭ ހަމަލާތައް ކޯޑިނޭޓް ކުރާ އެމެރިކާގެ މަންދޫބު ބްރެޓް މެކްގާތު މި މޭރުމުން އިންޒާރު ދެއްވި އިރު އިރާގު ސިފައިން ވަނީ މޫސަލް އާއި އެހެން ހިސާބުތައް ގުޅާލަން އޮންނަ އެންމެ ފަހު މަގު ހިފައިފަ އެވެ. އެހެންވެ މޫސަލްގައި މިހާރު ތިބި އައިއެސްގެ ހަނގުރާމަވެރިންނަށް ނުކުމެވޭނެ ގޮތެއް ނޯންނާނެ އެވެ.

އިރާގުގެ ދެ ވަނަ އަށް އެންމެ ބޮޑު ސިޓީ އައިއެސްގެ ބާރުގެ ދަށަށް ގެންދިޔައީ ޖޫން، 2014 ގަ އެވެ. ނަމަވެސް މޫސަލް ހިފުމަށް މިދިޔަ އަހަރުގެ އޮކްޓޯބަރު މަހު ފެށި ހަނގުރާމައިގައި އިރާގު ސިފައިން ވަނީ އެ ސިޓީގެ އިރުމަތީގެ ހިސާބުތައް ޖެނުއަރީ މަހު ހިފައިފަ އެވެ. އަދި ހުޅަނގުގެ ހިސާބުތައް ހިފުމަށް މިދިޔަ މަހު ފެށި އޮޕަރޭޝަނުގައި ވަނީ ތިންބައިކުޅަ އެއްބަޔަށް ވުރެ ބޮޑު ސަރަހައްދެއް އައިއެސްގެ ބާރުގެ ދަށުން ހިފައިފަ އެވެ.

ބަޣުދާދުގައި ނޫސްވެރިންނާ ވާހަކަ ދައްކަވަމުން މެކްގުރްކާ ވިދާޅުވީ އިރާގުގެ ސިފައިންގެ ނައިންތު އާމީ ޑިވިޝަނުން ވަނީ މޫސަލްއާ އެހެން ހިސާބުތަކުގެ ގުޅުން ކަނޑާލާފައި ކަމަށާއި އެހެންވެ މޫސަލްގައި މިހާރު ތިބި އައިއެސްގެ ހަނގުރާމަވެރިން ތިބޭނީ ތާށިވެފައި ކަމަށެވެ. އެ މީހުންނަށް ދެން މަރުވާނީ ކަމަށް އޭނާ ވިދާޅުވި އެވެ.

"އަޅުގަނޑުމެން މިހާރު ކުރާ މަސައްކަތަކީ މޫސަލް އިން އައިއެސް ބަލިކޮށްލުން އެކަންޏެއް ނޫން. އެ ސިޓީން އެ މީހުން ފިލިޔަ ނުދޭން ވެސް މިދަނީ މަސައްކަތް ކުރަމުން،" އޭނާ ވިދާޅުވި އެވެ.

ޖޮއިންޓް އޮޕަރޭޝަންސް ކޮމާންޑުގެ ތަރުޖަމާން ބްރިގޭޑިއާ ޖެނެރަލް ޔަހުޔާ ރަސޫލް ވިދާޅުވީ އިރާގު ސިފައިން ކުރަމުން ދަނީ ވަރަށް އުނދަގޫ ހަނގުރާމައެއް ކަމަށާއި އެ ހަނގުރާމަ އުނދަގޫވަނީ އާއްމުންގެ ތެރޭގައި ފިލާ ތިބި ބަޔަކަށް ހަމަލާ ދޭން ޖެހޭތީ ކަމަށެވެ.

އިރާގު އިސްލާމިކް ސްޓޭޓް (އައިއެސް)

3 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެބަޖެހޭ

13 March 2017

އައިއެސް އެބަޖެހޭ ނައްތާލަން ވަރަށް އަވަހަށް. ސަބަބަކީ އެއީ މރ.ޓްރަމްޕްގެ ރިޔާސީ ވައުދެކެވެ. އަދި އަފްއާން ތާލިބާނުންގެ ތެރޭގައި ވެސް އައިއެެސް އެއްޗެހި ތައް ގިނައެވެ. އެމެން ވެސް އެބަޖެހޭ ނައްތާލަން އަފްއާނިސްތާނުން ވެސް އަދި ޕާކިސްތާނުން ވެސް.