ކޭމްޕްގައި ބައިވެރިވާ ދުވަސްވީ މީހުން ޓީމުތަކަށް ބެހިގެން އެކި ކުޅިވަރުތައް ކުޅެ ހަދާއިރު އެންމެގެ މޫނުމަތިން ފެންނަނީ ހިތްހަމަޖެހުމެވެ.
ކޭމްޕްގެ ބައިވެރިއަކު ބީޗުގައި ހުރި ބެންޗެއްގައި އިށީނދެލައިގެން: މި ކޭމްޕެގެ ބައިވެރިން ގަޑި ޖެހުމުގެ މާ ކުރިން ތިބެނީ މިތަނަށް ޖަމާވެފަ އެވެ.
ކުޑަފަރީގައި އުމުރުން ދުވަސްވީ މީހުންނަށް ހިންގާ އެލްޑާލީ ކްލަބްގެ މެމްބަރުން ދޮންވެލި ރީތި ބީޗުގައި ކުޅިވަރު ކުޅެނީ: މި ކޭމްޕް ހަފުތާއަކު ދެ ދުވަހު ކުރިއަށް ގެންދެ އެވެ.
ކޭމްޕްގައި ބައިވެރިވާ އުމުރުން ދުވަސްވީ ހާއްސަ އެހީ އަށް ބޭނުންވާ މީހަކު މޫދުން އެރުމުން އޭނަގެ އަންހެންނުން، އެ މީހާ އަށް އެހީވަނީ: މިއީ އެކަނިވެރިކަން ފިލުވުމަށާއި ނަފްސާނީ ދުޅަހެޔޮކަން އިތުރުކުރަން އެކަކު އަނެކަކާ ދިމާވުމުގެ މަގުސަދުގައި ހިންގާ ކްލަބެއް.
އެލްޑާލީ ކްލަބްގެ މެމްބަރުން ކުޑަފަރީ ބީޗުގައި ކެޗްބޯލް ކުޅެނީ: ކައުންސިލްގެ ބެލުމުގެ ދަށުން ކުޅިވަރާއި ކަސްރަތުގެ އިތުރުން މޫދަށް އެރުމާއި އެ މީހުންގެ ހިތްހަމަޖެހުމަށް އެ ނޫން ވެސް ގިނަ ހަރަކާތްތައް ދަނީ ކުރިއަށް ގެންދަމުންނެވެ.
މޫދުގެ ހަރަކާތްތައް ނީންމާލުމަށް ފަހު އަންހެނުންތައް ކުޑަފަރީ ބީޗުގައި ކަސްރަތު ކުރަމުންދާއިރު، މި ހަރަކާތްތަކުގައި އެ ރަށުގެ ދުވަސްވީ މީހުން ބައިވެރިވަނީ ހިތްހަމަޖެހިގެންނެވެ.
މޫދުގެ ހަރަކާތްތައް ނިންމާލުމަށް ފަހު، މީހުން އެއްގަމަށް އަރަނީ، ކޮންމެ މަހެއްގެ ވެސް އެއް ދުވަސް މި ކްލަބް އެންމެން ހަވީރު ސަޔަށް ނުވަތަ ކެއުމަށް އެެއްވުން އޮވެ އެވެ.
ދުވަސްވީ މީހުންނަށް މޫދުގެ އެކި ކަހަލަ ކަސްރަތުތައް ހިންގަނީ: މި ހަރަކާތްތަށް ހިންގަނީ ތަމްރީނުވެފއިވާ އެ ރަށުގެ ޒުވާނުންގެ ބެލުމުގެ ދަށުންނެވެ.
ހެލިފެލިވެ އުޅެލުމަށާއި އެކަކު އަނެކަކާ ބައްދަލުވެ ވާހަކަ ދައްކައި، އެއްތަން ވުމަކީ ލިބޭ ވަރަށް ބޮޑު އުފަލެއެއް ކަމަށް މި ކްލަބުގެ މެމްބަރުން ފާހަގަކުރެ އެވެ. އަދި މި ހަރަކާތުން ލިބެނީ އާދަޔާ ހިލާފު އުފަލެއް ކަމަށް ވެސް އެ މީހުން ބުންޏެވެ.