ހަނިމާދޫން ބެންގަލޫރަށް މޯލްޑިވިއަންގެ ދަތުރުތައް ފަށަނީ

މިހާރުވެސް ކޮންމެ ދުވަހަކު ކ.މާލެއިން GAN International Airport އަށް މޯލްޑިވިއަންގެ ATR-72 ނުވަތަ އޭޓީއާރ 48 ގެ ހަތަރެއް ނުވަތަ 6 ފްލައިޓް ނުބާއްވާ ހަމަ އެންމެ ދުވަހެއްވެސް ނުދޭ. މިއިން އެއްވެސް ފްލައިޓެއް ފުލް ލޯޑްގަ ނޫނީ އައްޑުއަށް ފަތުރެއް ނުކުރޭ. ދިވެއްސަކަށް ކޮޅަކަށް 1900ރ އަށް ޓިކެޓެއް ވިއްކާއިރި ޓްއަރިސްޓަކަށް ނަމަ އެއްކޮޅު ޓިކެޓްގެ އަގު ހުރީ 280 ޑޮލަރ ނުވަތަ 4350ރ އަށް. މިއީ މާލެ ސިންގަޕޯރ ޓިކެޓަށް ވުރެންވެސް ނިސްބަތުން ބޮޑު އަގެއް.

ދުވާލަކު 6 ފްލައިޓް ކ.މާލެއިން އައްޑުއަށް ދާއިރު ޕެސެންޖަރަކަށް އެކްސެސް ދައްކައިގެންވެސް ރަނުގެ އަގުގައި ވިއްކާ ޓިކެޓަށް ލިބޭ 20ކިލޯގެ އެލަވަންސަށް ވުރެން އިތުރަށް 100 ގުރާމް ވެސް ގެންދެވޭނެ ގޮތެއްނެތް. އެވަރަށް ފްލައިޓް ލޯޑް ވެފައި އޮންނާތީ އައްޑޫގެ ވިޔަފާރި ވެެރިންނަށާއި، ރިސޯޓް ގެސްޓް ހައުސް ތަކަށް ބޭނުންވާ ތަރުކާރީ އާއި މޭވާ އަދި ފިނިކުރި މަހާއި، އައިސް ކްރީމް ފަދަ ކާގޯ އުފުލޭނެ ގޮތެއްވެސް ނެތް. މިކަން ޔަގީން ކުރަން ކާގޯއަށް ގުޅައިގެން ބަލާ.

ދުވާލަކު 6 ފުލައިޓް ބޭއްވުމުގެ ބަދަލުގައި ކޮންމެ ވީކެންޑެއްގައި އައްޑުއަށް ބޮޑު ފްލައިޓް ޝެޑިއުލް ކޮށް އައްޑޫ މީހުނަށް ކާގޯ އުފުލޭނެ ގޮތް ހަދާދޭންވީ ނޫންތޯ؟! މިވާހަކަ ދައްކާ ކޮންމެ ފަހަރަކު ތިތަން ހިންގާން ތިބޭ މީހުން ބުނަނީ ބޮޑު ބޯޓަށް އަޅަނީ ފެން ނޫން ކަމަށާއި، ބޯޓްގެ ޙަރަދު ވެސް ނުލިބޭނެ ކަމަށް. ކޮލަމްބޯ އިން އައްޑުއަށް އަންނަ ފުލައިޓަށް ފެން އަޅާތީތޯ 50 މީހުން ގޮވައިގެން ގެއްލުން ނުވެ A-321 ބޯޓް ޝެޑިއުލްކޮށްގެން އެމީހުން އެ ދުއްވަނީ؟!

ކުދި އެތައްބޯޓް އޮޕަރޭޓްކުރާން ފައިލެޓް އަދި ކުރޫސެޓަށް ކުރާންޖެހޭ ޙަރަދާއި، ކޯވަރެއްފަދަ ޖޫސްފޮދެއް ދިއްކުރިކަމަށް ވިޔަސް ކޭޓަރިންގއަށް ބިލްކުރާވަރާއި، އަދި އެއަރޕޯޓް ފީތަކާއި، މުވައްޒިފުންގެ އޯވަރޓައިމް އަދި އޮޕަރޭޝަނަލް ކޮސްޓަށް ބަލާއިރު ބޮޑު އެއް ފްލައިޓް ބޭއްވުމުން ކުންފުންޏަށް ހުރިހާ ގޮތަކުންވެސް ފައިދާ ވާނެ. ތެދެއް އެކަމަކު އައްޑޫ މީހުނަށާއި އައްޑުއަށް މީގެ ސަބަބުން ދިރުން ލިބި ތިބޭފުޅުން އަޅުވާފައިއޮތް "މަރުތަޅު" އެއަރޕޯޓުން ނެއްޓިދާނެ.

ކ.މާލެއިން ފައިދާއެއްނުވެ (އާސަންދައަށް ބިލްކޮށް ލާރިނުލިބިހުރި ޓިކެޓްގިނައީ. އޭގެސަބަބުން ތެޔޮބިލަށް ހުންނަނީ ފައިސާނުދައްކާ) އިންޑިޔާގެ އެތައް މަންޒިލަކަށް މިހާރުވެސް މޯލްޑިވިއަން ދަތުރު ކުރޭ. ހަނިމާދޫ އިން އިންޑިޔާ އަށް ދަތުރު ކުރާތާ 10 އަހަރު ފަހުން ދެވަނަ މަންޒިލަކަށް ދަތުރު ކުރަން ދަނީ ތައްޔާރު ވަމުން. އެކަމަކު ކ.މާލެ ފިޔަވާ ރާއްޖޭގެ އެންމެ އާބާދީ ބޮޑު އައްޑޫއިން އިންޑިޔާގެ ދަތުރުނުފެއްޓީމާ އިގޭ މިއީ ސީދާ ޒާތީކަމެއް އޮވެގެން ކުރާކަމެއްކަން.

ހަނިމާދުއަށްވުރެން 10'ގުނަ އާބާދީ ބޮޑު އައްޑޫސިޓީ އިން އިންށިޔާގެ އެއްވެސް މަންޒިލަކަށް ދަތުރު ކޮށްނުދީ މިހާރު މާލޭސަރުކާރުން އެފެއްޓީ ހަނިމާދީ އިން އިންޑިޔާގެ ދެވަނަ މަންޒިލަކަށް ދަތުރު ކުރަން. ހަނިމާދޫ ނުވަތަ އުތުރު ރައްޔިތުނަށް މިކަމުން ލިބޭ ފައިދާއާއިމެދު އަހަރުމެންވެސް އުފާކުރަން. އެހެން ނަމަވެސް އައްޑޫ އެއަރޕޯޓްގައި މާލޭސަރުކާރުން މަރުތަޅު އަޅުވައިގެން އޮތް އޮތުމަށް ނިމުން ގެނައުމަށް އަހަރުމެން ބޭނުންވާތީ މިވާހަކަ ދައްކާން ޖެހެނީ.

މާލެ ޗައިނާ ދަތުރު ތަކާއި، މާލެ ސައުތުއެފްރިކާ ގެ ދަތުރުތައް ޝެޑިއުލް ކުރި އިރު ކީއްވެގެންތޯ ހަފުތާއަކު އެއްދުވަހު ރޫޓިންގ ބަދަލުކޮށް މާލެ-ގޭން-ޗައިނާ އަދި ރިޓާން ޗައިނާ-ގޭން-މާލެ ބާއްވާފައި ސައުތުއެފްރިކާ ސެކްޓަރ ގެ ދަތުރުވެސް ހަފުތާއަކު އެއްދުވަހު އައްޑޫގައި ޓްރާންސިޓް ވެފައި ކުރާގޮތަށް މާލެ-ގޭން-ސައުތުއެފްރިކާ އަދި ރިޓާރން ސައުތުއެފްރިކާ-ގޭން-މާލެ މިގޮތަށް ޝެޑިއުލްކޮށް އިސްތިހާރު ކޮށްގެން ދަތުރު ނުފައްޓާންވީ؟! މިއީ ނުކުރެވޭ ވަރު ކަމެއްނޫން.

ވައިޑް ބޮޑީތަ؟ ބަލަ ބުނި އެކަމަކު އެއަރޕޯޓް ބޭކާރު ތަނެކޭ. އެހާ ބޮޑުކޮށް ހަދާކަށް ނުވާނޭ. ޖެހޭނީ 5 އަހަރުން މުށެއް އިތުރު ކުރާށޭ. ރާއްޖެތެރޭގައި ތިހާބޮޑު އެއަރޕޯޓެއް ބޭނުމެއްނުވާނޭ.

ކީއްވެހޭ ލަންކާ އަށް ނުދެވިގެން އުޅެނީ ؟ ހުއްދަ ނުދިން ދޯ ލަންކާއިން ؟

ކޮން ދުވަހަކުން ބާ އައްޑޫއިން ޔޫކޭއަށް ފުލައިޓު ބާއްވާނީ.. ކައުންސިލުން ގޮއްސަ ޕުރޯމޯޓުކުރިފަހުން މީހުނއް އަންނަން ބޭނުންވެގެން ތެޅިބާލަނީ.. އެކަމަކު އަންނާނެ ބޯޓެއްނެތިގެން ނާދެވިފަތިބީ..