ވޯކް ވިސާގައި ތިބެ ހަށިވިއްކި ދެ މީހަކު ޑީޕޯޓުކޮށްފި

ޑީޕޯޓުކުރި ތިން އަންހެނުން.

މާއިދާ މުހައްމަދު ރަޝާދު، މިހާރު

17 މާޗް 2025 - 20:37

ރާއްޖޭގައި ވޯކް ވިސާގައި އުޅެމުންދިޔަ ދެ އަންހެނަކު ފުޅާދާއިރާއެއްގައި ހަށި ވިއްކުމުގެ ވިޔަފާރި ކުރަމުންދާ މައްސަލައަކާ ގުޅިގެން ޑީޕޯޓުކޮށްފި އެވެ.

އިމިގްރޭޝަނުން ބުނީ ފުލުހުންނާ ގުޅިގެން ހިންގި އޮޕަރޭޝަނެއްގައި ތިން މީހުން ހައްޔަރުކުރީ ފުޅާދާއިރާއެއްގައި ހަށިވިއްކުމުގެ ވިޔަފާރި ކުރާ މައްސަލައެއްގައި ކަމަށެވެ.

އެ މައްސަލާގައި ހައްޔަރުކުރި ވިއެޓްނާމުގެ 44 އަހަރުގެ އަންހެނަކާއި އެ ގައުމުގެ 38 އަހަރުގެ އަންހެން މީހާ މިހާރު ވަނީ ޑީޕޯޓުކޮށްފަ އެވެ.

އެ މައްސަލާގައި ދެން ހައްޔަރުކުރި ލާއޯސްގެ 37 އަހަރުގެ އަންހެނެކެވެ. އެ މީހާ ޑީޕޯޓުކުރުމުގެ މަސައްކަތް ކުރަމުން އަންނަ ކަމަށް ވެސް އިމިގްރޭޝަނުން ބުންޏެވެ.

ހަށިވިއްކުމުގެ ވިޔަފާރިކުރާ ބިދޭސީން ހޯދުމަށް އިމިގްރޭޝަނާއި ފުލުހުން ގުޅިގެން މީގެ ކުރިން ހިންގި ހާއްސަ އިންސްޕެކްޝަންތަކެއްގައި ވެސް ވަނީ ބަޔަކު ހައްޔަރުކޮށް ޑީޕޯޓުކޮށްފަ އެވެ.

ރާއްޖޭގައި ވޯކް ވިސާގައި އުޅެމުންދިއަ 3 ބިދޭސީ އަންހެނަކު ފުޅާދާއިރާއެއްގައި ހަށިވިއްކުމުގެ ވިޔަފާރި ކުރަމުންދާ މައްސަލައަކާއި ގުޅިގެން އިމިގްރޭޝަނާއި ފުލުހުން ހިންގި އޮޕަރޭޝަނެއްގައި މި 3 މީހުން ވެސް ވަނީ އިމިގްރޭޝަންގެ ބެލުމުގެ ދަށަށް ގެނެވިފައި. މީގެތެރެއިން 02 މީހަކު މިހާރު… pic.twitter.com/lB1j1Sh4gL
— Maldives Immigration (@ImmigrationMV) March 17, 2025

ރައީސް ޑރ. މުހައްމަދު މުއިއްޒު މަގާމާ ހަވާލުވެވަޑައިގެންނެވި ދުވަހުން ފެށިގެން، ގަވާއިދާ ހިލާފަށް ރާއްޖޭގައި އުޅޭ ބިދޭސީން ހުއްޓުވަން އިމިގްރޭޝަނާއި ފުލުހުން ގުޅިގެން ހިންގަމުން އަންނަ އޮޕަރޭޝަންތަކުގައި، އެކި މައްސަލަތަކުގައި މިހާތަނަށް 5،000 އަށް ވުރެ ގިނަ ބިދޭސީން ވަނީ ޑީޕޯޓްކޮށްފަ އެވެ.

ފުލުހުން އިމިގްރޭޝަން ހަށިވިއްކުން މޯލްޑިވްސް އިމިގްރޭޝަން ގަވާއިދާ ހިލާފަށް އުޅޭ ބިދޭސީން

13 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޥަލީދު.

18 March 2025

ރާއްޖޭގަ އެބަތިބި ދިވެހިން އަންހެނުން ތިޔައެއްޗެއް ވިއްކާ ތީމިހާރު އާކަމެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިއްކީ

18 March 2025

ކިތައްމެވަރަކަށް ބަޔަކު އެއްޗެއް ވިއްކަން އުޅުނަސް ގަންނާނެ ބަޔަކުނެތީސް ނުވިއްކޭނެ، ހަށިވިއްކި މީހުނާއެކު ހަށިގަތްމީހުން ކޮއްމެވެސް ދިމާލަކަށް ބޭރުނުކޮށް ތިޔަމައްސަލަ ހައްލުވާނަމަ މިހާރު އޮންނާނީ ހައްލުވެފަ! އެހެންކަމުން ހަށިގަންނަ މީހުނަށް އެކަށިގެންވާ ފިއަވަޅެއް ނާޅާނަމަ ޕޮލިހާއި އިމިގްރޭޝަނުން ތިކުރަމުންދާ މަސައްކަތަކީ ފޫނެތްފަޔަށް ފެންފުރުން ކަހަލަކަމެއް.!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިއްލި

18 March 2025

ވޯކު ވިސާގަ ގެނެއްސަ އެމީހުން ދޫކުރިމީހުން ކޮބާ؟ ވިސާ ޖައްސައިގެން ގެނެއްސަ މީހުން ގަސްތުގަ ދޫކޮށްލާ އެބަ މިކަހަލަ ކަންކަމަށް. ދެން ރިޕޯޓު ކުރާނީ ފިލައިފިޔޭ. އެކަމު އެގެންނަ މީހުންނަށް ބަރާބަރަށް ކަޓުލިބޭނެ