ތެލެސީމިއާ ކުދިންނާއި އާއިލާތަކުން ސެންޓަރު ކައިރީ މުޒާހަރާ ކުރަނީ-- ފޮޓޯ: ނިޝާން އަލީ / މިހާރު
22 މާޗް 2025 - 23:53
22 comments
ތެލެސީމިއާއަށް ފަރުވާ ހޯދަމުންދާ ބަލި މީހުންނާއި އެ މީހުންގެ އާއިލާތަކުން މޯލްޑިވްސް ބްލަޑް ސާވިސަސް (އެމްބީއެސް) ކައިރީ މުޒާހަރާ ކުރަން ފަށައިފި އެވެ.
އެތަނުގައި މުޒާހަރާ މީހަކު "މިހާރު"އާ ވާހަކަ ދައްކަމުން ބުނީ މުޒާހަރާ ކުރަން ފެށީ އެ ތަނުގައި ހުރި މައްސަލަތަކާ ގުޅޭގޮތުން މިރޭ 10:00ގައި ބޭއްވި ބައްދަލުވުމަކަށްފަހު ކަމަށެވެ.
"އެ ބައްދަލުވުން ބޭއްވީ އަޅުގަނޑުމެން (ތެލަސީމިއާ ކުދިންނަށް) ލޭ ލިބުމުގައި ދިމާވާ މައްސަލަތަކާއި ފިލްޓަރު ތަކުގައި މި ހުރި މައްސަލަތަކަށް ހައްލެއް ނުލިބި ތިން މަސް މި ވީ މިހާރު. ހައްލެއް ނުލިބޭ އެއްވެސް ކަމަކަށް،" އެ މުޒާހަރާގެ ބައިވެރިއަކު ބުންޏެވެ.
ތެލެސީމިއާ ކުދިންނާއި އާއިލާތަކުން ސެންޓަރު ކައިރީ މުޒާހަރާ ކުރަނީ-- ފޮޓޯ: ނިޝާން އަލީ / މިހާރު
މުޒާހަރާ ކުރަން ފެށީ ސެންޓަރުގެ މެނޭޖުމަންޓާ އެކު މިރޭ ބޭއްވި ބައްދަލުވުމަށްފަހު އެއްވެސް ކަމަކަށް ހައްލެއް ނުލިބުމުން ކަމަށް ވެސް އޭނާ ބުންޏެވެ. އެ މީހުން ފާހަގަ ކުރި ބައެއް މައްސަލަތަކުގެ ތެރޭގައި ލޭ އެޅުމުގައި ބައެއް ޕެކެޓްތައް ގޯސްވުމުގެ ސަބަބުން އަވަސް އަވަހަށް ފިލްޓަރު ބަދަލުކުރަން ޖެހި އިސްރާފުވާ މައްސަލަ ހިމެނެ އެވެ. "އަލަށް ގެނެސްގެން އުޅޭ ފިލްޓަރުތަކުގައި މައްސަލަ ގިނަ. ގިނަ ދުވަހުން ލޭ މި ލިބެނީ. ހާއްސަކޮށް ރޯދަ މަހު، ކޮންމެ އަހަރަކު ވެސް އެގޮތަށް، ލޭ ލިބުން ވަރަށް ދަތި މަހެއް. ފިލްޓަރު މައްސަލަ ޖެހިގެން ލޭ އުކާލަން ޖެހޭ ވަރު ވެސް އިތުރު ވަނީ،" އޭނާ ބުންޏެވެ. ލޭ ލިބުމުގައި ހުރި ދަތިކަން ފާހަގަކޮށް، އޭނާ ބުނީ ސެންޓަރު ވެރިންގެ ފަރުވާ ކުޑަކަމުން ލޭތައް އުކާލަން ޖެހުމަކީ ވަރަށް ދެރަ ކަމެއް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަރަށްދެރަ
23 March 2025
ނަފްސާނީ ބައްޔަށް 30 އަހަރަށްވުރެ ދިގު މުއްދަތެއް ވަންދެން ދެމުން އައި އޮރެންޖު ކުލައިގެ ރެސްޕްރިޑޯންގެ ބަަދަލުގައި މިހާރު އާސަންދައިން އެ ދޭ ހުދު ކުލައިގެ ރެސްޕްރިޑޯން ބްރޭންޑަކީ ގޫގުލް ކުރީމަ ގޫގުލްއަށްވެސް ނާރާ ބްރޭންޑެއް. މި ބޭސް ދޭންފެށިފަހުން ބަލިމީހާގެ ސިޕްޓަމްސްތައް ގޯހުން ގޯހަށް ދާތީ ބްރޭންޑް ބަލާލީމަ މީ ފެނުން އެއްޗަކީ. އަގު ހެޔޮ ކުރަންވެސް މިކަހަލަ ކަންކަން ކުރީމަ މީ ވަރަށް ދެރަވަރު ކަންކަން.
ޖޭމްސް ކުކީ
23 March 2025
ތި ސެންޓަރު ނުހިނގައިގެން އުޅެނީ އެކަށީގެންވާވަރަށް މުވައްޒަފުން ނެތީމަ. ތިތަނަށް މިނިސްޓަރު ފެންވަރުގެ ވެރިއަކާއި 4 ނައިބުން، 5 ސްޓޭޓް މިނިސްޓަރުންނާއި ދިހަ ވަރަކަށް ޑައިރެކްޓަރުން ލުމުން ދެން ތަން ދުއްވައިގަންނާނެ އެބުނާ ސްޕީޑުގަ. ގައުމު މިދަނީ އާސްމާނުންވެސް މައްޗަށް. ތި ނިކަމެތިކުދިންނާ އަޅާލާނެ ބަޔަކުނެތުމަކީ ހިތާމައެއް.
އަފްރާސިޔާބު
23 March 2025
ކޮންކަމެއް ކޮށްދެވޭނީ. ބޯންމެރޯ ހައްދަނީވެސް ޒަކާތު ފަންޑުން ފައިސާ ދިނީމާ.
ޖޭމުސް ދޮންކަމަނަ
23 March 2025
ތެލެސީމިޔާ ކުދިންގެ ހައްގުގައި ކަމަށް ދޭހަވާ މޭރުނުން ޖެއްސުމަށް މިފަދަ ގޮތަކަށް ވާހަކަ ނުދެއްކުން އެދެން. މިކަމުގެ ވޭނާތުރާލާ ހިތްދަތިކަން ނޭގޭތީ ސިޔާސީ ވިސްނުމުގަ މިފަދަ ކޮމެންޓު ކުރަނީ
މަސްއޫލިއްޔަތު ނޭގޭތާ ކުރާނެ ކަމެއްވެސް ނޯވޭ
24 March 2025
އަދި އެތަނަށް ކުލުނު ހުރެގެން ކިރިޔާވެސް ކަމެއް ކުރަން އުޅޭމީހަކު ހުރިނަމަ ދުރައްލާތި.
އިއްޒަތު
23 March 2025
އަޅުގަނޑުގެ ދަރިފުޅަކީ ދެދުވަހުން އެއްދުވަހު 50 އާއި، 75 މައިކްރޯ ގްރާމް ބޭނުންކުރާ ކުއްޖެއް މިކުއްޖާކާ ބޭސް ހުސްވެގެން އެތައް ފާރމަސީއެއް ބެލިއްޖެ ބޭސް ލިބޭތޯ އެއްވެސްތާކުން ނުލިބުނު. ދެންކުރާނެކަމެއްނޭގިގެން އެގޮތްމިގޮތުން ބޭސް ލިބޭނެ ގޮތެއް އޮތްތޯ މަސައްކަތްކުރިން އެންމެ ފަހުން ބޭސް ގެންނަން ޖެހުނީ އިންޑިއާއިން -/1500 ދިވެހިރުފިޔާ މީހަކަށް ދީގެން މިހާލަތަށް ޤައުމު ދިޔައިމަ ކަޑައޭމިބުނަނީ ޒިންމާވާނެ މީހަކުނެތް.
އަފްރާސިޔާބު
23 March 2025
ތިޔަ ކަޑައިގާ ޖެހިފައި މިފަހަރު މިވަނީ. ދެން އާސަންދަ އަކުން ބޭސް ނުކުރެވި ދިޔައީ އެ ބުނާ އެތި ހަމަޔަކަށް އަޅުވާށޯ. މިހާރު ހުރިހާ އެގްރިމެންޓްތައް އާކޮށް ނިމުނީތަ؟
ރަމަ
23 March 2025
އަޅުގަނޑު ޢާއްމުކޮށްކާ ތައިރޮއިޑްބޭސް ނުލިބިގެން ބޭސްނުކާތާ މިހާރުމިވީ 9 ދުވަސް ދެން މިޖެހެނީ ރާއްޖެއިންބޭރުން ބޭސްގެންނަން މާލެއިންވެސް ބޭސް ނުލިބުނު. މިބޭސްކާ ރައްޓެއްސަކުބުނީ މާލޭގެ ފިހާރައަކުން ތިމަންނައަށް 100 މައިކްރޯގްރާމްގެ 20 ގުޅަ ލިބުނޭ މީގެ 3 ހަފްތާކުރިން އޭގެފަހުން ތިމަންނަވެސް މިއުޅެނީ އެއްވެސް ފާމަސީއަކުން ނުލިބިގެންނޭ ފާމަސީތަކަށް ދިޔައިމަ ބުނަނީ ބޭސްނެތީ ނުލިބެނީ ގަވަރުމަންޓް މައްސަލަ ހުންނަނީ! ވަރަށްދެރަވަރު ކަންކަން މިދިމާވަނީ!
އެއްވަނަ
23 March 2025
ރައީސް މައުމޫން ވެރިކަން ނިމުނު ފަހުން ތެލަސީމިއާ ކުދިން އުޅޭތަން ފެންނަނީ ވަރަށް ނިކަމެތިކޮށް. ޙަގީގަތުގައި ނަސްރީނާ ޝީ ކިޔާ ތަނެއް ހަދައިގެން ހުރިހާ ތެލެސީމިއާ ކުދިންނަށް ބޭނުންވާ ހުރިހާ ބޭސްތަކާއި ޑެސްފަރަލް ޕަމްޕްތައް ވެސް ހަމަ ހިލޭ ދޭނީ. ޢޭރު ތެލެސީމިއާ ސެންޓަރަކީ ވަރަށް އެފިޝަންޓް އަދި ކެއަރިން ތަނެއް. އެސަންޓަަރަށް ވަދެލީމަ އިނގޭނެ ގިނަ މީހުންނަކީ އެކުދިންނަށް ހިދްމަތެއް ކޮށްދޭން ލޯބިން އައިސް މަސައްކަތެއް ކުރާ ބައެއްކަން.
އަފްރާސިޔާބު
23 March 2025
ނާ! ތިބުނީ މަސަރުކާރުން ލޯބި ނުވެޔޭތަ؟ މާ ބޮޑަށްވެސް ލޯބިވޭ. ލޯބިވާވަރު ބޮޑުކަމުން އެމީހުން ދުނިޔޭގައި ތިބެން ބޭނުންވާ އެއްޗެހިވެސް ގެނެސް ހުސްވާންދެން ބަހަނީ. ގަންނަން އުޅެފިއްޔާ ނުލިބޭނެ. އެއީ އަގު ބޮޑުވީމާ. ހިލޭ ޔޫރަޕުން ގެނެސް ބަހަނީ. ޑެސްފަރޯލްވެސް ހުންނާނީ ނުގަނެވޭ ވަރަށް ބަހާފައި.
ބަބްސް
23 March 2025
ބޭހުގައިވެސް ތަފާތު ކޮލިޓީލިބޭ، ޙަރަދު ކުޑަކުރުމުގެ ގޮތުން އާސަންދައިންދޭ ބަޔެއް ބޭސްތައް ވަނީ ތިންވަނަ ދުނިޔޭގެ ގައުމުތަކަށް ހިލޭދޭ ބޭސްތަކަށް ބަދަލުކޮއްފަ. މީގެ އަސަރު ފެންނަން ފަށާނީ ދުވަސް ތަކެއް ފަހުން. ނޫސްވެރިން މިކަމަށް އަލިއަޅުވާލަ ބަލަ.
ހަސަނަ
23 March 2025
ތިތާގެ އިސްވެރިން އާއްމު ރައްޔިތުން ހަދިޔާކުރާ ލޭކޮޅަށް ވެސް ހަދަނީ މަކަރު...މާލޭގެ ބޮޑުންގެ ދަރިންނަށް ލިބޭގޮތަށް...ދެރަ މީހަކަށް ނުލިބޭނެ...
ތުއްތޮންބެ
23 March 2025
ދެން މުޒާހިރާކުރީމަ ތިކަންހައްލުވެއްޖެތޯ؟
56މދ
23 March 2025
ބަލައްޗޭ ރައީސްގެ ހެޔޮފުޅުކަމުން މިމައްސަލަވެސް ހައްލުވާނެ.. ގައުމު ހިނގަނީ ޓުވިޓާރ އިންނާއި މުޒާހަރާ ކޮށްގެން
މިއައު
23 March 2025
ސިޔާސީ މަގާމު ގިނަ ކޮށްލައިން ތިކަން ރަނގަޅުކޮށްލާނެ
މުލޭ
23 March 2025
ފިލްޓަރު މައްސަލަ ޖެހެނީ ވެރިންގެ ފަރުވާކުޑަކަމުންތަ. ދެ ކެރިއަރުން ކައިވެނި ނުކުރާށޭ ގޮވަގޮވާ އޮއްވާ ކައިވެނިކޮށް ތެލެސީމިއާ ކުދިން ހޯދި މީހުންގެ ޒިންމާއެއް ނެތްދޯ އެއްވެސް ވަރަކަށް. ދެ ކެރިއަރުންކަން ނޭނގި ކުރެވުނު ކައިވެނި ތަކާމެދު އެއްޗެއް ބުނެވެން ނެތް.
ހޮލޯ
23 March 2025
މުލޭ އަކީ ޓިޕިކަލް މޯލްޑިވިއަން މެންޓަލިޓީ އެންމެ ސާފުކޮށް. ކުރަފި ފަދަ ސޫފާސޫފިވެސް އެއްބައި އިންސާނުންނަށް ވުރެން ބުއްދި ރަނގަޅުހެން ހީވޭ ވަކި ވައްތަރެއްގެ އިންސާނުންނާ ދިމާވީމަ.