މޫސަލްގައި ހަރަކާތްތެރިވާ އައިއެސްގެ ކޮމާންޑަރު މަރާލައިފި

އިރާގު ސިފައިން މިހާރު ދަނީ މޫސަލްގެ ހުޅަނގުގައި ތިބި އައިއެސްގެ ހަނގުރާމަވެރިން ބަލިކޮށްލުމަށް ހަމަލާ ދެމުން. --ފޮޓޯ:ރޮއިޓާސް

ހަސަން އާމިރު، މިހާރު

15 މާޗް 2017 - 16:17

3 comments

ބަޣުދާދު (މާޗް 15) - އިސްލާމިކް ސްޓޭޓް (އައިއެސް) ގެ ފަރާތުން މޫސަލްގައި އޮޕަރޭޝަންތައް ހިންގާ އިސް ކޮމާންޑަރު މަރާލާފައިވާ ކަމަށް އިރާގު ސިފައިން ބުނެފި އެވެ.

އިރާގުގެ ފެޑެރަލް ޕޮލިހުން ބުނީ އައިއެސްގެ ކޮމާންޑަރު އަބޫ އަބްދުއް ރަހުމާން އަލް އަންސާރީ މަރާލީ ބާބް އަލް ތަބު އަވަށުގައި ހިންގި އޮޕަރޭޝަނެއްގައި ކަމަށެވެ. އަންސާރީ މަރާލުމަކީ މޫސަލްގައި އައިއެސް އަށް ކުރިމަތިވާނެ އިތުރު ދެރައެއް ކަމަށް ތަޖްރިބާކާރުން ބުނެ އެވެ. ސަބަބަކީ އިރާގު ސިފައިންގެ އޮޕަރޭޝަން ވަރުގަދަ ކުރަން ފެށުމާ އެކު މޫސަލްގައި ތިބި އައިއެސްގެ ގިނަ ކޮމާންޑަރުން އެ ސިޓީ ދޫކޮށް ގޮސްފައިވާތީ އެވެ.

އިރާގު ސިފައިން މިހާރު ވަނީ މޫސަލްގައި ދިޖުލަތު ކޯރު ހުރަސް ކުރަން ހަދާފައިވާ ފަސް ބްރިޖުގެ ތެރޭން ތިން ބްރިޖް ހިފައިފަ އެވެ.

އިރާގު ސިފައިންގެ ބްރިގޭޑިއާ ޖެނެރަލް މަހުދީ އައްބާސް އަބްދުއްރަހުމާން ވިދާޅުވީ މޫސަލްގެ ހުޅަނގުގައި އެ މީހުން ކުރިއަށް ދާން ދަތިވެފައި ވަނީ އައިއެސްގެ ސްނައިޕަރުންދޭ ހަމަލާތަކުގެ ސަބަބުން ކަމަށެވެ. މޫސަލްގެ މިއުޒިއަމްގެ ކައިރިން އިރާގު ސިފައިންގެ ވެހިކަލަކުން ހަމަލާދީ އައިއެސްގެ ގިނަ އަދަދެއްގެ ސްނައިޕަރުން މަރާލާފައިވާ ކަމަށް ވެސް އޭނާ ވިދާޅުވި އެވެ.

މޫސަލް އަކީ އައިއެސްގެ ޚިލާފަތު އެ ޖަމާއަތުގެ ލީޑަރު އަބޫ ބަކްރު އަލް ބަޣުދާދީ 2014 ވަނަ އަހަރު އިއުލާން ކުރި ސިޓީ އެވެ. އަދި އެއީ އިރާގުން އައިއެސްގެ ބާރުގެ ދަށުގައި އޮތް ހަމައެކަނި ސިޓީ ވެސް މެ އެވެ. މޫސަލް ހިފުމަށް އިރާގު ސިފައިން އޮކްޓޯބަރު މަހު ފެށި އޮޕަރޭޝަނުގައި އެ ސިޓީގެ އިރުމަތީގެ ސަރަހައްދުތައް ހިފުމަށް ފަހު މިހާރު ހަނގުރާމަ ކުރަނީ ހުޅަނގުގެ ހިސާބުތައް ފަތަހަ ކުރުމަށެވެ.

އިރާގު އިސްލާމިކް ސްޓޭޓް (އައިއެސް)

3 ކޮމެންޓް, 30 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކުރާތި

15 March 2017

އިރާގުގެ މޫސަލް އައިއެސް އަތް ދަށުން ވަރަށް އަވަހަށް މިނިވަން ވާނެ ކަމަށް މަމެން މިދެކެނީ. މޫސަލް އަކީ އެއީ އިރާގުގައި އެންމެ ގިނައިން ތެޔޮ ހުރި ސިޓީ އެވެ. މޫސަލް މިނިވަން ކުރުމަށް ފަހު އެމެރިކާ އާއި ގުޅިގެން އެމެރިކާ އަށް ޕޭކުރާ ގޮތަށް ނަމަވެސް މޫސަލް ގެ ސެކިއުރިޓީ ވަރުގަދަ ކުރުން އެއީ މުހިއްމު ކަމެކެވެ. މޫސަލް ސިޓީ ވަށައިގެން ބޮޑު ފާރު ލުމަށް ވެސް އިރާގު ސަރުކާރުން ވިސްނަންވީއެވެ.