ވެމްކޯއިން ކުނި އުކަން ބޭނުންކުރާ ޓްރައިސިކަލް. މާލޭގެ އިތުރު ތިން ސަރަހައްދެއްގައި ކުނި އުކައިލުމުގެ ހިދުމަތަށް ރަޖިސްޓްރީ ކުރަން ވެމްކޯއިން ވަނީ ހުޅުވާލާފައި. .---ފޮޓޯ: ހުސެއިން ވަހީދު/މިހާރު
16 މާޗް 2017 - 17:49
7 comments
މާލޭގެ އިތުރު ތިން ސަރަހައްދަކުން ކުނި އުކައިލުމުގެ ހިދުމަތަށް ރަޖިސްޓަރީކުރަން ވޭސްޓް މެނޭޖްމަންޓް ކޯޕަރޭޝަން ލިމިޓެޑް (ވެމްކޯ) އިން މިއަދު ހުޅުވާލައިފި އެވެ.
ވެމްކޯ އިން އަންނަނީ ޒޯން 1 ގެ، ހެންވޭރު އަޑިޕާކު ސަރަހައްދުން ފެށިގެން ކަލާފާނު ސްކޫލް ސަރަހައްދާއި ޒޯން 2 ގެ ސިނަމާލެ ފްލެޓާއި ޕީއެސްއެމް ސަރަހައްދުގެ އިތުރުން ހެންވޭރު ސަހަރާ ހިމެނޭ ޒޯން 3 ގައި ކުނި އުކައިލުމުގެ ހިދުމަތް ދެމުންނެވެ.
ވެމްކޯ އިން ބުނި ގޮތުގައި ކުނި އުކާލުމުގެ ހިދުމަތް އަލަށް ފަށަނީ މަޖީދީ މަގާއި އަމީނީ މަގާ ދެމެދު ހުރި ގޭބިސީތަކަށް ހާއްސަކޮށްގެންނެވެ. އެއީ ޒޯން 4-6 އެވެ.
މީގެ އިތުރުން ހިދުމަތަށް ރަޖިސްޓްރީކުރާ ފަރާތްތަކަށް އަންނަ މަހުން ފެށިގެން ހިދުމަތް ދޭން ފަށާނެ ކަމަށާއި ކުނި އުކައިދޭ އަގަށް އެއްވެސް ބަދަލެއް ނާންނާނެ ކަމަށް ވެމްކޯއިން ބުންޏެވެ.
ވެމްކޯ އިން މިހާރު ދަނީ މާލޭގެ 262 ގޭބިސީއަކުން ކުނި އުކާލުމުގެ ހިދުމަތް ދެމުންނެވެ.
ކުނި އުކަން ރަޖިސްޓަރީ ކުރުމަށް ވެމްކޯގެ ހެޑް އޮފީހުން ނުވަތަ މއ. ޖަންބުގަސްދޮށުގޭ ތިން ވަނަ ފްލޯއިން ފޯމު ލިބޭނެ އެވެ.
ގޭގެއިން ކުނި އުކާލުމުގެ މަސައްކަތް ދެ ގޮތަކަށް ކުރިއަށް ގެންދަން ވަނީ ނިންމައިފަ އެވެ. އެއީ ރަޖިސްޓަރީކުރާ އެޕާޓްމެންޓްތަކަށް ވެމްކޯގެ މުވައްޒަފުން އަރައި ކުނި ކޮތަޅުތައް ނެގުން ނުވަތަ އެ އިމާރާތެއްގެ ތިރީގައި ބަހައްޓާ ޑަސްބިނުން ކުނި ނެގުމެވެ. އެޕާޓްމެންޓަށް އަރައި ކުނި ނަގާ ނަމަ، ވެމްކޯ އަށް 150ރ. ދައްކަން ޖެހެ އެވެ. އިމާރާތުގެ ތިރީގައި ބަހައްޓާ ޑަސްބިނުން ކުނި ނަގާ ނަމަ ވެމްކޯ އަށް ދައްކަން ޖެހެނީ 100ރ. އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޗޗ
16 March 2017
ޓާޓާކިޔާތީ
އާއިޝަތު ޝިޔާމާ
16 March 2017
ކުނި ނުއުފުލިގެން ބަޔަކު ނުއުޅޭ މިހާރަކު... އެކިނަންނަމުގައި އެކިމީސްމީހުން ގައުމު ދޮވެލަނީ... މުއައްސާސްތަކުން ބައެއްމީސްމީހުން އަމިއްލަ އަށް ވަކިވަނީ ބިލިއަނުން ދިރުވާލުމަށްފަހު... މިފަދަ އެއްވެސް ކަމެއްބެލޭނެ އެއްވެސް ގޮތެއްނެތް....ބަލަން ހަވާލުކޮސްފައިވާ ހުރިހާ މުއައްސަސްތައް ވަނީ ލޯއަނދިރިކޮސްފައި.... މިއަގުހުރި މިކަމުގެ އަގު އަހަރުމެން އުމުރުންވެސް ނުދެއްކޭ ވަރުގެ ރީތި މޮޅުކަންތައް ފަހިކޮސްދެއްވީ އަހަރުމެންގެ އިއްޒަތްތެރި ގަދަރުވެރި މާތް މެމްބަރުފުޅުން... ވަރައްސަލާމް...
އުކުން
16 March 2017
މިޓްރައިސައިކަލް ތައް މާލޭގައި ދުއްވޭކަމަށަވާނަމަ ކީއްވެބާ ޓާޓާ އޮޓޯ ރިކްޝަރ ދުއްވަން ހުއްދަ ނުދޭން ވީ.
ކުރާތި
16 March 2017
ކުނި އުކާލުމުގެ ހިދުމަތް އިތުރު ތިން ސަރަހައްދަކަށް ދޭން ފަށާކަން އެއީ ވަރަށް ރަނގަޅަށް ސަރުކާރުން ކުރައްވާ ކަމެކެވެ. އެމެން ރަންރީނދުލޭ މެންގެ ވެރިކަމުގައި އެމެންގެ ބޮޑޭގެ އެއްބަނޑު އެއްބަފާ މީހަކު އަޑީގައި ހުރެގެން ފޭކް އަތުގައި މޮކޮސްވެސް ނެތް އިންޑިއާގެ ފަޑުއްކަ ޓަޓްވާ އަށް މާލޭގައި ކުނި އުކާލުން ދީފައި ވަނި ކޮށް މަމެން މިވަނީ އެމެން ސައްޕެއް ޖަހާ ބޭރުކޮށް ސަރުކާރުގެ ކުންފުނިން އެކަން ކުރާ ގޮތަށް ރާވާފައެވެ. ދެން މާލޭގެ އެެއްވެސް ގެބިސީ އަކުން ބަންގާޅުން އަމިއްލަ އަށް ފްރީ ލާންސް އުސޫލުން ކުނިއުކާލުން ނިމުމަމަކަށް ގެންނަން ޖެހޭނެއެެވެ. އަދި ވެމްކޯގެ މިނިމަމް ސްޓޭންޑަރޑް އަކީ ކޮންމެ ގެ ބިސީ އަކަށް ގޮސް މަދުވެގެން ތިން ފަހަރު ކުނި އުކާލަ ދިނުމުގެ ޚިދްމަތް ދިނުމެވެ. މިއުސޫލުން އަގު ނަގަންވީ ކަރަންޓް ބިލުގައި ވެމްކޯގެ އަގުތައް ހިމަނައިގެން. އެއިރަށް ދެން މިކަން ކަން ހުންނާނީ ރަނގަޅަށެވެ. ކޮންމެ ކަަރަންޓް މީޓަރަކުން މަހަކު 500 ރުފިޔާ ނެގީމާ ހުންނާނީ ރަނގަޅަށް ނޫންތޭ.
ގަމާރު
16 March 2017
އެމެން ، ތަމެން ކިޔާތީ ތި ކޮމެން ކިޔަންވެސް ވަރަށް ގިނަމީހުން ފޫހިވާނެ. ދިވެއްސަކައްވީތީ ރީތިކޮއް ދިވެހިބަހުން ލިޔަން ދަސްކޮބަލަ.
ޗިކުސް
16 March 2017
އަދި ތިގޮތައް އެކި ކުލަ ކުލާގަ ކުނިއުކާ ވެހިކަލްތައް ހެދިޔަސް ކަމަކު ނުދޭ. މާލެއިން ތިލަފުއްޓައް ކުނިގެންދާ ބާރޖް ހުންނަންޖެހޭނީ މަތި އަޅާ ބަންދުކުރެވިފާ. ތިލަފުއްޓަށް ގެންދާ ކުނީގެ 1/2 މާލެ އާއި ވިލިގިލި މެދު އޮންނަ ކަނޑަށް އެޅޭ ، މިކަން ވަރައްސާފް ކޮއް އެގިގެންދާނެ ، ރަސްފަންނާ ދިމާލު މޫދު ބަލާލިމަވެސް. ފުރަތަމަ މިކަންތައް އިސްލާހް ކޮއްބަލަ.
މެންޓަލިސްޓްގެ ބަފާ
16 March 2017
ތިޔަބުނާ ޓްރައިސިކަލްއެއް ނުދެކެން މާލޭގެ އެއްވެސް މަގަކުން.