ޚަބަރު / ހުތުބާ

ހުކުރު ހުތުބާތަކުގެ އިނގިރޭސި ތަރުޖަމާ ފޮތެއް ނެރެފި

އިސްލާމީ މަރުކަޒުގައި ހުކުރު ނަމާދުކުރަނީ. -- ފޮޓޯ: ފަޔާޒު މޫސާ | މިހާރު

މާއިދާ މުހައްމަދު ރަޝާދު، މިހާރު

06 މެއި 2025 - 10:23

5 comments

މިދިޔަ އަހަރުގެ ހުކުރު ހުތުބާތަކުގެ އިނގިރޭސި ތަރުޖަމާ ހިމެނޭ ފޮތެއް އިސްލާމިކް މިނިސްޓްރީން ނެރެފި އެވެ.

މިނިސްޓްރީގެ އިސްލާމިކް ވަގުފު ލައިބްރަރީގައި އާންމުކޮށްފައިވާ މި ފޮތުގައި 35 މައުޟޫއަކާ ގުޅޭ ގޮތުން ކިޔާފައިވާ ހުތުބާ ހިމެނެ އެވެ.

އޭގެ ތެރޭގައި ސިހުރާއި ޝިރުކުގެ ނުބައިކަމުން ރައްކާތެރިވުމާއި ފަލަސްތީނުގެ ރައްޔިތުންނާ މެދު އިސްލާމީ އުއްމަތުގެ ޒިންމާތަކާއި ގެވެށި އަނިޔާ އާއި ޖުވާގެ ނުބައިކަމާއި އާއިލީ ގުޅުން ދެމެހެއްޓުމުގެ އިތުރުން އަނބިދަރިންނަށް ހަރަދު ދިނުން ފަދަ ކަންކަމާ ގުޅޭ ހުތުބާތައް ހިމެނެ އެވެ.

އެ ފޮތް މިނިސްޓްރީގެ ވެބްސައިޓުން ޑައުންލޯޑު ކުރެވޭނެ އެވެ.

މީގެ ކުރިން ވެސް ކޮންމެ ހުކުރު ހުތުބާއެއް ކިޔުމުގެ ކުރިން މިނިސްޓްރީން ދިޔައީ އެ މިނިސްޓްރީގެ ވެބްސައިޓުގައި އެ އާންމުކުރަމުންނެވެ. އެކަމަކު މިއީ ހުތުބާގެ އިނގިރޭސި ތަރުޖަމާއެއް މިނިސްޓްރީން އާންމުކުރި ފުރަތަމަ ފަހަރެވެ.

އިސްލާމިކް މިނިސްޓްރީ ހުތުބާ ހުކުރު ނަމާދު

5 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރާވެރިބެ

07 May 2025

ހުކުރު ޙުތުބާގެ އިގިރޭސި ތަރުޖަމާ ފޮތަށްވުރެ ބޮޑަށް މުހިއްމީ ބަންގްލަދޭޝް ބަހަށް ތަރުޖަމާ ފޮތެއް. މިހެން މިބުނީ ދިވެހިން ނަގާފަ ދެން އެންމެ ގިނައިން މިސްކިތަށް ނަމާދަށާ ހުކުރަށްދަނީ ބަންގްލަދޭޝް ބޭފުޅުން ކަމށް ފާހަގަ ކުރެވޭތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާސިޔާ ރަޝީދު

06 May 2025

ޝަހީމް އުޅުއްވަނީ ކުރައްވާނެ ނުކުރައްވާނެ ކަމެއް ނޭނގިގެން. ރައްޔިތުން ފަޤީރުންނަށާއި ދަރަނިވެރީންނަށް ދޭ ޒަކާތު ފައިސާ އިސްރާފުކުރަނީ މިކަހަލަ ބޭކާރު ކަންކަމަށް. މިކަންކަމުން އޭނާ ފާފަވެރިވާނެ. ދިވެހި ބަހުން ލިޔެފައި ހުންނަ ޚުޠުބާތަކަކީ ފެންވަރު ދަށް ޚުޠުބާތަކެއް. އެތައް ބަޔަކަށް ފައިދާ ހުރި ނަސޭހަތްތަކެއް ދޭން ލިބޭ ފުރުޞަތު ނަގާލަނީ.