ޒުވާން ޚަތީބުންގެ ތިންވަނަ ބުރަށް 283 ކުދިން ކުރިމަތިލައިފި

ފާތިމަތު އަޖްފާން، މިހާރު

09 މެއި 2025 - 16:09

ޒުވާން ޚަތީބުން ތަމްރީނުކުރުމަށް ހިންގާ ޕްރޮގްރާމްގެ ތިންވަނަ ބުރުގައި ބައިވެރިވުމަށް މިހާތަނަށް 283 ކުދިން ފޯމު ހުށަހަޅައިފައިވާ ކަމަށް އިސްލާމިކް މިނިސްޓްރީން ބުނެފި އެވެ.

ޒުވާން ޚަތީބު ޕްރޮގްރާމަކީ 18 އަހަރު ނުވާ ކުދިންނަށާއި ސްކޫލު ނިންމާފައި ތިބޭ ކުދިންނަށް ޚުތުބާ ކިޔުމާއި ހުކުރު ކުރުމުގެ ހުއްދަ ދިނުމަށްޓަކައި ސަރުކާރުން ކުރިއަށް ގެންދާ ޕްރޮގްރާމްއެކެވެ.

ޚަތީބުން ތަމްރީން ކުރުމުގެ ދެ ބުރު ނިންމާލާފައި ވާއިރު މިހާރު ވަނީ ތިންވަނަ ބުރުގައި ބައިވެރި ވުމަށް ހުޅުވާލައިފަ އެވެ.

އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ ޒުވާން ޚަތީބުން ތަމްރީނުކުރުމުގެ ތިންވަނަ ބުރަށް މިހާތަނަށް 283 ޒުވާނުން ކުރިމަތިލާފައިވާ ކަމަށެވެ.

ތިން ވަނަ ބުރުގައި ބައިވެރިވުމުގެ މުއްދަތު މާދަމާ ހަމަވާއިރު، ސަރުކާރުގެ އަމާޒަކީ ފަސް އަހަރު ތެރޭގައި 1،000 ކުދިން ހާފިޒުންނަށް ހެދުމެވެ. ރާއްޖޭގައި މި ވަގުތު 266 ހާފިޒުން އެބަތިއްބެވެ. އެއީ 126 އަންހެނުންނާއި 140 ފިރިހެނުންނެވެ.

އިސްލާމިކް މިނިސްޓްރީ ޤުރުއާން ޑރ. މުހައްމަދު ޝަހީމް އަލީ ސައީދު (މިނިސްޓަރު)

3 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮނަކުއާ

09 May 2025

ޒުވާން ޚަތީބުންގެ ނަމުގައި ޝަޙީމް ރައީސްކަމަށް ކުރިމަތިލާން ވޯޓުލާދޭނެ ބަޔަކު ތައްޔާރު ކުރަނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޗުސްްސް

09 May 2025

ތާހިރު ދިރިއުޅުމުގެ ނަމުގައި ރާއްޖެ ގެންގޮސް ވަލަށްލާން އުޅޭމީހުންނަށްވުރެ މާ ތާހިރުވާނެ މިގޮތްވެސް. މިކަހަލަ ކޮންމެ ކަމަކުންވެސް އަސަރުކުރާނީ ހިތުގައި ނިފާގުކަން ހުންނަ ބަޔަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަން

10 May 2025

ރައީސްކަމަށް ކުރިމަތި ލިޔަސް ނުލިޔަސް، ކަމަކީ ކިތަންމެހާވެސް ރަނގަޅު ކަމެއް. މިފަދަ ކަންކަމަށް ތަރުހީބުދީ ހިއްވަރު ދޭންވީ. ސިޔާސީ ހުން ޖެހުނީމާ ހަގީގަތެއް ނުފެންނާނެ.