ސިޓީ ހޮޓަލުގެ ބަދަލުގައި އެސްޓީއޯއަށް 40،000 އަކަފޫޓުގެ ބިމެއް

އަހަރީ އާންމު ޖަލްސާގައި މެނޭޖިން ޑިރެކްޓަރު ޝިމާދު ވާހަކަދައްކަވަނީ -- ފޮޓޯ: އެސްޓީއޯ

ފާތިމަތު ޝަނާ މުހައްމަދު، މިހާރު

18 މެއި 2025 - 05:58

ހުޅުމާލޭގައި އެސްޓީއޯ އިން ހަދަން ފަށައި، އެކަމަކު މަސައްކަތް އެއްކޮށް ހުއްޓިފައިވާތާ ގިނަ ދުވަސްތަކެއް ޥެފައިވާ ހޮޓަލުގެ ބަދަލުގައި 40،000 އަކަފޫޓުގެ ބިމެއް ދީ، ކަމާ ގުޅޭ އެއްބަސްވުންތަކުގައި ސޮއިކޮށް ނިމިފައިވާ ކަމަށް އެ ކުންފުނީގެ މެނޭޖިން ޑިރެކްޓަރު ޝިމާދު އިބްރާހިމް ރޭ ވިދާޅުވެއްޖެ އެވެ.

އަހަރީ އާންމު ޖަލްސާގައި އޭނާ ވިދާޅުވީ، ހޮޓަލުގެ މައްސަލައިގައި ދާއިމީ ހައްލެއް ހޯދާފައިވާ އިރު އެޗްޑީސީން މިހާރު އެސްޓީއޯއާ ބިން ހަވާލުކޮށްފައިވާ ކަމަށެވެ.

"މި އިމާރާތް [ހޮޓާ އިމާރާތް] ދޫކޮށްލާފައި އެ އިމާރާތް އެޗްޑީސީއާ އެކު އެއްބަސްވުމެއްގެ ތެރެއިން އަގުކޮށްފައި ހުޅުމާލެއިން އަޅުގަނޑުމެން މިވަނީ ބިމެއް ހޯދާފައި. އެ ބިން ދިން ކަމުގެ ސިޓީ ވަނީ ލިބިފައި،" އޭނާ ވިދާޅުވި އެވެ.

އެސްޓީއޯއިން ހުޅުމާލޭގައި ހަދަން ފެށި ސިޓީ ހޮޓާ. އެތަން ދޫކޮށްލާ، އޭގެ ބަދަލުގައި 40،000 އަކަފޫޓުގެ ބިމެއް ވަނީ ހޯދާފައި -- ފޮޓޯ: މިހާރު

އެޗްޑީސީން ވަނީ މި އަހަރުގެ ކުރީކޮޅު ސިޓީ ހޮޓާ އިމާރާތުގެ މަސައްކަތް ނިންމައި، އެތަނުގެ ހިންގުން "ވޯލްޑް އޮފް ބިޒްނަސް ޕްރައިވެޓް ލިމިޓެޑް" އާ ހަވާލުކުރުމަށް އެމްއޯޔޫއެއްގައި ސޮއިކޮށްފަ އެވެ. ސަރުކާރުގެ ބޭނުމަށް ހާއްސަކުރާ އޮފީސް ބައެއް ހިމެނޭ ގޮތަށް ހަދާ އެ ހޮޓަލުގެ މަސައްކަތް ހަވާލުކުރީ އެތަން ހިންގުމަށް ހާއްސަކޮށް އުފައްދާފައިވާ ކުންފުންޏެކެވެ.

ހުޅުމާލޭގައި އެސްޓީއޯއިން ހޮޓަލެއް ހެދުމުގެ މަސައްކަތް ފެށީ އެމެރިކާގެ ކާލްސަން ހޮޓެލް ގްރޫޕާ އެކު 2008 ވަނަ އަހަރު އެވެ. އެ ހޮޓަލުގެ އަމަލީ މަސައްކަތް ފެށީ 2012 ވަނަ އަހަރު އެވެ. ހޮޓާ އެޅުމަށް ގާތްގަނޑަކަށް 115 މިލިއަން ރުފިޔާ ހަރަދު ކުރި ނަމަވެސް އެ މަސައްކަތް ފަހުން ވަނީ ހުއްޓިފަ އެވެ.

ކޮންޓްރެކްޓަރާ މައްސަލަޖެހި ހޮޓަލުގެ މަސައްކަތް ހުއްޓުނު ހުރި އިރު، އެސްޓީއޯއިން ވަނީ އެ ހޮޓާ ހިންގާނެ ބަޔަކު ހޯދަން މިދިޔަ 10 އަހަރު ތެރޭ އެކި ފަހަރު މަތިން މަސައްކަތް ކޮށްފަ އެވެ. އެކަމަކު އެކަން ކާމިޔާބު ނުވުމުން އެސްޓީއޯއިން އެ އިމާރާތް ދޫކޮށްލީ އެވެ.

ހުޅުމާލެ އެސްޓީއޯ ސިޓީ ހޮޓާ ޝިމާދު އިބްރާހިމް (އެމްޑީ، އެސްޓީއޯ)

12 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގެދޮރޭ

18 May 2025

ބޭފުޅުންނޭ އެ ސަރުކާރޭ ކުރީ ސަރުކާރޭ ގޮވަމުން ހުޅުމާލޭގަ ހުރީޔާ ހުރި ހުސް ބިންތައް ވިއްކައި ނޫނީ ބަހައި ނިންމައިފި. ފެންޓަސީ، އެސް.ޖޭ މިހެން ގޮސް ކިޔާކަށް ނުވެސް އެނގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝެލަރީ

18 May 2025

ދިވެހި ދައުލަތުގެ ބިންތައް އެސްޓީއޯ އައް ދިފަވަނީ ހިލޭކަމުގަވާނަމަ ދިވެހި ކޮންމެ ރަށްޔިތަކައް ހިއްސާގަތުމުގެ ފުރުސަތު އޮންނަންވާނެ އެމްޓީ ސީސީ ވެސްމީގެތެރޭ ހިމެނެންޖެހޭނެ ދައުލަތުގެ ބިންތަކުން ވަކިބަޔަކައް ފައިދާވެގެންނުވާނެ ފުރުސަތު ދެއްވާންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚަޔަރު

19 May 2025

ވަރަށް ރަނގަޅު ވާހަކައެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

18 May 2025

ތި "ހޮޓަލު" އިމާރާތުން ކުރާނެ ކަމެއް ނޭނގޭ ނަމަ މީހުންގެ އަމިއްލަ ގޭގޭގަ ކުލި ދައްކައިގެން ހިންގާ ދައުލަތުގެ ނޫނީ ސަރުކާރު އޮފީސްތައް ތިތަނަށް ބަދަލު ކޮއްލަބަލަ. ފައިސާ ކޮޅެއް ސޭވް ކުރެވިދާނެ ބަޖެޓުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެންދީ

18 May 2025

ދިރިއުޅެން ދޭނެ ޖާގައެއް ނޯވެ….1000 އަކަފޫޓުގެ 40 ގޯތީގެ ޖާގަ އެސްޓީއޯ އަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

18 May 2025

އެސްޓީއޯ އިން ކުރާ ވިޔަފާރިތައްވެސް ކުރާ ވިޔަފާރިވެރިން ކުންފުނީގެ އިސްސަފަށް ލައިގެން ކުރާ ހުރިހާ ކަމެއްްވެސް ގޮވަނީ އަތަަށެވެ! ބޭހާއި ތެެލުން ލިބޭ ފައިދާއެއް ނޫން މާބޮޑުކަމެއް އެއް އިރެއްގަވެސް އެސްޓީއޯއަކަށް ނުވެއެެވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން

18 May 2025

ޝިމާދު ބުރަދާ ވަރެއްނެތް ، ކިޔަވައިގެން ތިބި މީހުން ނާއި ނުކިޔަވާ މީހުން ތަފާތު މިފެންނަނީ އެއްކަލަ 3 ވެރިކަމުގައިވެސް ގޮތެއް ނުހޯދި ބޭކާރަށް ދޫކޮށްލާފަ ހުރި ހޮޓާ ބޮޑު އެސެޓަކަށް ހަދާ ބިމެއްވެސް ހޯދީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެއްލުމެއް

18 May 2025

މިއީ މޭންޑޭޓުގައި ނުހިމެނޭ ކަންކަން ކުރަންއުޅުމުން ލިބޭ ގެއްލުން. އެކަމެއް ކުރާނެ ވަސީލަތްނެތި ކަމެއް ކުރަންއުޅުމުން މިކަހަލަ ކަންތައް ދިމާވާނެ. މިސާލަކަށް ތިޔަކުންފުނީގައި އިމާރާތްކުރުމާއި ހޮޓާ ހިންގުމުގެ ވަސީލަތްތަކެއް ނެތި އެކަން ފެށުމަކީ ގޯހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

18 May 2025

ބަޔަކު ފައިދާ އަށް ކުރި ކަމެކެވެ. ސިޔާސީ ވަގުން އެހެން ސިޔާސީ ވަގުންގެ މައްސަލަ ނުބަލާނެ ކަން އެނގެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސަރަފ

18 May 2025

ވާނުވާ ނޭނގޭ ޖިންނި އަވާލާފަ އޮތް އިމާރާތެއް ތޯއްޗެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުއާ

18 May 2025

ބަދަލުގެ ގޮތުގައި 10 މިލިއަން ޑޮލަރުގެ އަގުހުރި ބިމެއް އެސްޓީއޯއަށް.މިހާރު ދީފައިވާ ބިމުގެ އޭރިއާޔާ އެއްވަރުތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚަޓީ

19 May 2025

އެސްޓީއޯ އަށް ބަދަލު ދޭންޖެހޭ ސަބަބެއް ނެތް. އެސްޓީއޯ އަށް ހޮޓާ ނުހިންގުމަކީ އެ ހޮޓާ ދައުލަތައް ނަގައި އޭގެ ބަދަލުގައި ބޮޑު ބިމެއް ހިލޭ ދޭންޖެހޭ ސަބަބެއް ނޫން. އެސްޓީއޯ އަކީ %100 ސަރުކާރު ކުންފުންޏެއް ނޫން. މިގޮތަށް ބިން ދިނުމުން އެސްޓީއޯގެ ހިއްސާދާރުންނަށް ނަހަމަ ގޮތުގައި ދައުލަތުގެ ބިމެއް ލިބުނީ.