ސިއްހީ އަދި ތައުލީމީ ދާއިރާގެ އިތުރު ގަޑީގެ ފައިސާއާ ގުޅޭ ގަރާރު ބަލައިގެންފި

ގަރާރު ހުށަހެޅުއްވި އަމީން ފައިސަލް: ގަރާރު ބަލައިގަންނަން މިއަދު މަޖިލީހުން ވަނީ ފާސްކޮށްފައި

ނާޒިމް ހަސަން، މިހާރު

30 ޖޫން 2025 - 12:18

ސިއްހީ އަދި ތައުލީމީ ދާއިރާގެ މުވައްޒަފުންގެ އިތުރު ގަޑީގެ ފައިސާ ނުލިބި މަސައްކަތް ކުރަން ޖެހޭތީ، އެކަމާ މަޝްވަރާކުރަން ރައްޔިތުންގެ މަޖިލީހަށް ހުށަހެޅި ގަރާރު ބަލައިގަންނަން ފާސްކޮށްފި އެވެ.

ކަނޑިތީމު ދާއިރާގެ މެންބަރު އަމީން ފައިސަލް ހުށަހެޅުއްވި ގަރާރު ބަލައިގަތުމާ މެދު މިއަދު ނެގި ވޯޓުގައި އެ ގަރާރު ބަލައިގަންނަން 47 މެންބަރަކު ވޯޓު ދެއްވި އެވެ. އެހެންވެ ގަރާރު ދިރާސާކުރަން ތަރިކައާ ބެހޭ ކޮމިޓީ އަދި އިޖުތިމާއީ ކޮމިޓީއަށް ވަނީ ފޮނުވައިފަ އެވެ.

މެންބަރު އަމީން ފައިސަލް ހުށަހެޅުއްވި ގަރާރުގައި ބުނީ އިތުރު ގަޑީގެ ފައިސާ ނުލިބޭ ގޮތަށް ސިއްހީ އަދި ތައުލީމީ ދާއިރާގެ ގިނަ މުވައްޒަފުން މަސައްކަތް ކުރަމުންދާ ކަމަށެވެ.

އެހެންވެ، އިތުރު ގަޑީގެ ފައިސާ ދޭ އުސޫލުތަކާ މެދު އަދި އެކަމުގައި އަދުލުވެރި މާހައުލެއް ގާއިމްކުރަން މެންބަރުން ދެކޭ ގޮތެއް ބަލަން ބޭނުންވާ ކަމަށް ގަރާރު ހުށަހެޅި ސަބަބެއް ކަމަށް ބުނެފައިވެ އެވެ.

ގަރާރުގައި ބުނީ ގިނަ އަދަދެއްގެ މުވައްޒަފުން މަސައްކަތްކުރާ ސިއްހީ އަދި ތައުލީމީ ދާއިރާގެ މުވައްޒަފުން އިތުރު ގަޑީގެ ފައިސާ ދެވޭނެ އެންމެ މަތީ މިންގަނޑު ހިމެނޭ ސީލިންގުތަކެއް ކަނޑައަޅާފައިވާ ކަމަށެވެ.

ޕޭ ފްރޭމްވޯކްގެ އިތުރު ގަޑީގެ ފައިސާއާ ގުޅޭ މިންގަނޑުގައިވާ ގޮތުން އިތުރު ގަޑީގެ ފައިސާގެ ގޮތުގައި މަހެއްގެ މައްޗަށް ދެވޭނެ އެންމެ މަތީ އަދަދަކީ މަގާމުގެ އަސާސީ މުސާރައިގެ 10 ޕަސެންޓެވެ. އެއަށް ވުރެ އިތުރަށް މުވައްޒަފުން ލައްވައި މަސައްކަތް ކުރުމަކީ މަނާ ކަމެކެވެ.

ނަމަވެސް، އެ މުވައްޒަފުންނަށް އެއަށް ވުރެ ވެސް އިތުރަށް އިތުރު ގަޑީގައި މަސައްކަތް ކުރަން ޖެހޭ ކަން ގަރާރުގައި ފާހަގަކޮށްފައިވެ އެވެ. ސިއްހީ ދާއިރާގައި މުވައްޒަފުން މަދުވުމުގެ ސަބަބުން އިތުރަށް މަސައްކަތް ކުރަން ޖެހެ އެވެ. އަދި ޓީޗަރުންނާއި ސްކޫލްތައް ހިންގުމުގައި އުޅޭ މީހުން ވެސް އިތުރު ގަޑީގައި ގިނަ މަސައްކަތްތަކެއް ކުރަން ޖެހިފައިވާ ކަމަށް ގަރާރުގައިވެ އެވެ.

ގަރާރުގައި ބުނީ އިތުރު ގަޑީގެ ސީލިންއަށް ވުރެ އިތުރަށް މަސައްކަތް ކުރުވަން ޖެހޭ ނަމަ، އިތުރު ގަޑީގެ ފައިސާ ލިބިދެވޭނެ އިސްތިސްނާ އުސޫލެއް އޮތުން މުހިއްމު ކަމަށެވެ. އަދި އިތުރު ގަޑީގެ ފައިސާ ދޭ އުސޫލުތައް ވެސް މުރާޖައާ ކުރަން ޖެހޭ ކަމަށް ގަރާރުގައި ބުންޏެވެ.

ރައްޔިތުންގެ މަޖިލިސް އަމީން ފައިސަލް (ކަނޑިތީމު ދާއިރާ)

6 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގެދޮރުވެރިޔާ

01 July 2025

ޚަބަރު ރަނގަޅަށް ވިދާޅުވެފަ ކޮމެންޓް ކޮށްލުން މުހިއްމު. ޓީޗަރުންނަކީ އެ ދުވަހެއްގެ ފިލާވަޅުތައް ކުދިންނަށް ނަގައިދީނިންމާފަ ގެއަށް އައިސް އަނެއްދުވަހުގެ މަސައްކަތަށް ތައްޔާރުވާން ޖެހޭ ބައެއް. މާނަޔަކީ އެއީ ނިމޭ މަސައްކަތެއް ނޫނޭ. ގޭގައިވެސް އެ މަސައްކަތް ކުރަން ޖެހޭ. ސިއްހީ ދާއިރާ އަކީ 24 ގަޑިއިރު މަސައްކަތް އޮންނަ ދާއިރާއެއް. އެމީހަކާ ހަވާލުވެފަ އޮންނަ މަސައްކަތުގެ ނުނިންމާ ދޫކޮށްލެވޭނެ ހަމައެއް ނެތް. އަނެއް ދަންފަޅީގެ މީހަކު ސަލާމް ބުނެފީޔާ އެ ޖެހުނީ ޑަބަލް ޑިއުޓީ ހަދަން. ދެން އޯޓީ ނުދީ ވާނީ ކިހިނެއްތޯ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިނިހަކަ ސްޕީޑް

30 June 2025

ކޮމަންޑޫ ދާއިރާގެ މެމްބަރަށް މިކަހަލަ ޤަރާރެއް ކީއްކުރަން މަޖިލީހުގައި އަނގައިން ބަހެއް ބުނަން ނުކެރޭ. އަހަރެމެން ބޭނުންވަނީ ކޮމަންޑޫ ދާއިރާގައިވެސް ކަނޑިތީމް ދާއިރާ އަދި ފުނަދޫ ދާއިރާގެ މެމްބަރުފަދަ ޤާބިލް، ދޫފަރިތަ ކެރޭ ބޭފުޅުން ތިބެން. ވާހަކަ ނުދެކެވޭ ފިނިހަކަ ސްޕީޑްގެ މެމްބަރަކު ބޭނުމެއް ނޫން. އެވާހަކަ ބުނެލަން ވަރަށް ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުނޑުހަސަނު

30 June 2025

މީގެ ކުރީގައި ކިތަންމެ ވަރަކަށް މަސައްކަތްކުރިޔަސް ލިބޭނީ މުސާރައިގެ ތިންބައިކުޅަ އެއްބަޔެވެ. އެމީހެއްގެ ވަޒީފާގެ ޒިންމާއެއް އަދާކުރުމަށް އިތުރަށް މަސައްކަތްކުރަން ޖެހުމަކީ ރަސްމީ ގަޑިއަށްވުރެ އިތުރަށް ފައިސާ ދޭންޖެހޭކަމެއްބާވައެވެ. ރާއްޖެއަށްވުރެ މުއްސަނދި ގައުމުތަކުގައިވެސް އިތުރުގަޑި ނުދެނީ ކީއްވެބާވައެވެ. ދޭނަމަވެސް ރަސްމީ ގަޑިއަށްވެސް ދޭވަރަށް ދިނުމަށާއި، މުސާރައަށްވުރެ އިތުރަށް ނުދޭން ކަނޑައަޅަންވީއެވެ. އެހެންނޫނީ މިއީ ވައްކަަމަށް ހުޅުވިފަ