އެފްއޭއެމްގެ ސަރަހައްދީ ޒޯންތައް އުފެއްދުން އިންތިހާބުވާ އެކްސްކޯ އަށް

ނަމުގެ ކުރިއަށާއި މެދުތެރެ އަދި ފަހަތަށް "ޤައުމީ" ޅައިގެން ކ.މާލޭގައި ހަދާ މިފަދަ އެސޯސިއޭޝަންތަކުގެ އަސާސީޤަވާއިދުގައި ހަމަހަމަކަމާއިއެކު ރާއްޖޭގެ ހުރިހާ އަތޮޅެއްގެ ރަށްރަށުގެ ކުލަބްތަކަށް ވާދަކުރަން ފުރުސަތު ދީފައި ނުވާނަމަ އެފަދަ ފަރާތްތަކާއި ދެކޮޅަށް ކުޅުދުއްފުށި، ތިނަދޫ، ފުވައްމުލައް އަދި އައްޑޫސިޓީ ފަދަ އާބާދީބޮޑު ރަށްރަށުން ފިޔަވަޅު އަޅާ ހުރިހާ ދަނޑުތަކެއް ކައުންސިލްގެ ބާރުގެދަށަށް ގެނެސް އެފްއޭއަށް އެއްބާރުލުން ނުދޭނެކަން އިޢުލާން ކުރޭ.

ޤާނޫނުއަސާސީގައި ކަޑައަޅާ ބަޔާންކޮށްފައިވާ ގޮތަށް ރާއްޖެ އިދާރީ ދާއިރާ ތަކަކަށް ހިންގަން ފުރުސަތު ދިނުމަށާއި، ކުޅިވަރުވެސް އިދާރީ ދާއިރާ ތަކުގެ ދަށަށް ގެންގޮސް ރާއްޖޭގެ މުޅި ނިޒާމް ސެންޓްރަލައިޒް ކޮށްގެން ކ.އަތޮޅު މާލެއަށް ހުރިހާ ވަސީލަތް ތަކެއް ހަމާކޮށްގެން ގެންގުޅެމުން އައި ބޯދާ ވިސްނުން ބަދަލު ކުރުމަށާއި އަދި މިހާރު މުޅިން ނެތިގޮސްފާއިވާ ފުޓްބޯލައިގެ ރޫޙް އަލުން ގެނާއުމަށްޓަކާ ވެސް ފުޓްބޯޅަވެސް ލާމަރުކަޒު ކުރަންޖެހޭ ވަގުތު އަތުވެއްޖެ.

މިދެންނެވި 3 ރީޖަންގެ މައްޗަށް ފުޓްބޯޅަ ލާމަރުކަޒުކޮށް ރީޖަންތަކަށް ރީޖަނަލް ލީޤް ބޭއްވުމުގެ ބާރުދީފައި، ރީޖަނަލް އެސޯސިއޭޝަން ތަކުގެ ރައީސާއި ޖެނެރަލް ސެކްރެޓަރީ އަދި ރީޖަންގެ އެންމެ މޮޅު 4 ޓީމްގެ މެނޭޖަރާއި ކެޕްޓަނުން ވޯޓް ދީގެން އިންތިޙާބުކުރާ ބަޔަކުތިބޭ National Football Federation އުފައްދައިގެން ނޫނީ، ކ.މާލޭގެ ކަންމަތީ ޤުރޫޕްތަކާއި، ޤަބީލާތަކުގެ އަތްދަށުގައި ރަޙީނު ކޮށްފައި އޮތް ކުޅިވަރު ސަލާމަތްކޮށް އަދި ތިތަނުގެ ޙިޔާނާތްވެސް ނުހުއްޓުވޭނެ.

ބުނެވިދިޔަ ބަދަލުތަށް ގެނައުމަށްޓަކާ FIFA އާއި AFC ގެ ފަންނީ މާލީއެހީތެރިކަމަށް ކުޅިވަރުގެ ވުޒާރާއިން އެދެންޖެހޭ. އަދި ބަހާލެވޭ 3 ރީޖަންގެތެރޭގައި ހޯމްއަވޭ އުސޫލުން މުބާރާތްތައް ބާއްވަން ރާއްޖޭގެ ބައިނަލްއަޤުވާމީ 3 އެއަރޕޯޓްއޮތް ކ.ހުޅުމާލެ، ހދ ހަނިމާދޫ އަދި އައްޑޫސިޓީގައި ސާފްގޭމްސް ބޭއްވޭވަރުގެ 3 ސްޓޭޑިއަމް ތައްޔާރުކުރުމަށް International Olympic Committee އާއި FIFA ގެ އެހީތެރިކަން ހޯދައި ވަސީލަތްޤާއިމްކޮށް ކުޅިވަރަށް ކުރިއެރުން ހޯދަންޖެހޭ.

ބައްސާމު ގަވާއިދާ ޚިލާފަށް ކޮށްފައިވާ ކަން ކަން ރަނގަޅުކުރުމަކީ އަލަށް ހަވާލުވާ ބަޔަކު ކުރަންޖެހޭ ކަމެއް، އެގޮތުން ދެވަނަ ޑިވިޝަނުގައި އޮށްވައި ޕްލޭ އޮފް ކުޅުމަކާއި ނުލައި ބައްސާމު ގޯތި ޓީމު ވެގެން ފުރަތަމަ ޑިވިޝަނަށް ޕްރޮމޯޓް ކުރި ވެލެންސިއާ ދެވަނަ ޑިވިޝަނަށް ރެލިގޭޓް ކުރުމާއި ބައްސާމުގެ ކަރަޕްސަންތައް ފަޅާއަރުވާލަން އުޅުމުން ސަސްޕެންޑްކޮށް ރެލިގޭޓްކުރި ޓީމުތަކަށް ބަދަލު ދިނުމާއެކު އެޓީމުތައް ޕްރޮމޯޓު ކުރުމަކީ ކޮންމެހެންވެސް ކުރަން ޖެހޭ ކަމެއް