ޚަބަރު / އިބްރާހިމް ޝަރީފު (އެމްޑީ، އެމްއޭސީއެލް)

މުވައްޒަފުންގެ މުސާރަ އާއި އިނާޔަތްތައް ދޭ ގޮތް ބަދަލެއް ނުކުރާނެ: އެމްއޭސީއެލް

20 ޖުލައި 2025 - 16:18

މޯލްޑިވްސް އެއާޕޯޓް ކޮމްޕެނީ (އެމްއޭސީއެލް) ގެ މުވައްޒަފުންގެ މުސާރަ އާއި އިނާޔަތްތަކުގެ ވަކި މިންވަރެއް ޑޮލަރުން ދެމުންދާ އުސޫލު ބަދަލުކުރަން އުޅޭ ކަމަށް ބުނެ ދެކެވޭ ވާހަކަތައް އެމްއޭސީއެލް އިން މިއަދު ދޮގުކޮށްފި އެވެ.

އެމްއޭސީއެލްގެ މުވައްޒަފުންގެ މުސާރައިގެ އެއްބައި ޑޮލަރުން ދޭގޮތަށް އޮތްގޮތުން އުވާލަން އުޅޭ ކަމަށް ބުނެ ސޯޝަލް މީޑިއާގައި ދައްކަމުންދާ ވާހަކަތަކާ ގުޅިގެން އެ ކުންފުނިން ނެރުނު ބަޔާނުގައި ބުނީ، އެ ވާހަކަތައް ފަތުރަނީ ވެލާނާ އިންޓަނޭޝަނަލް އެއާޕޯޓުގެ އާ ޓާމިނަލް ހުޅުވުމަށް ކުރަމުންދާ ބުރަ މަސައްކަތަށް ހުރަސްއަޅައި މުވައްޒަފުންގެ މެދުގައި އިތުބާރު ގެއްލުވާލުމަށްޓަކައި ކަމަށެވެ.

އެ ބަޔާނުގައި ބުނިގޮތުގައި އެއްވެސް އިރެއްގައި އެފަދަ ކަމެއްގެ މަޝްވަރާއެއް ކޮށްފައެއް ނުވެ އެވެ.

"މީގެ ކުރިން ވެސް މި ކުންފުނީގެ މުވައްޒަފުންނަށް މުސާރަ އާއި އިނާޔަތްތައް ދެމުން އައި އުސޫލާއި ހަމަތަކުގެ މަތިން، އެއްވެސް ބަދަލެއްނެތި ކުރިއަށް އޮތްތަނުގައި ވެސް މި ކުންފުނިން މުވައްޒަފުންގެ މުސާރަ އާއި އިނާޔަތްތައް ދެމުން ގެންދާނެ...،" އެމްއޭސީއެލް އިން ބުންޏެވެ.

"މުސްތަގުބަލުގައި ވެސް މުސާރަ އާއި އިނާޔަތްތަކަށް އެފަދަ ބަދަލެއް ގެނައުމުގެ އެއްވެސް ވިސްނުމެއް މި ކުންފުނިން ނުގެންގުޅޭ ވާހަކަ ދެންނެވީމެވެ."

ރާއްޖޭގެ މައި އެއާޕޯޓު ހިންގާ އެ ކުންފުނިން ބުނީ އެތަނުގެ އެންމެ އަގުބޮޑު ރައުސުލްމާލަކީ އެ ކުންފުނީގެ މުވައްޒަފުން ކަމަށެވެ. އަދި އެ ކުންފުނިން އަބަދުވެސް މަސައްކަތްކުރާނީ މުވައްޒަފުންގެ ލާބަ އާއި މަންފާއަށް ކަމަށް ބުންޏެވެ.

އެހެންވެ، ހަގީގަތާ ހިލާފު ވާހަކަތައް ނުފެތުރުމަށް އެ ކުންފުނިން ވަނީ އިލްތިމާސްކޮށްފަ އެވެ.

އެމްއޭސީއެލް އިބްރާހިމް ޝަރީފު (އެމްޑީ، އެމްއޭސީއެލް) ވަޒީފާ

20 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދިވެހިދިދަ

21 July 2025

އެހެންޏާ ފަހެ. މަގޭ ޑޮލަރު ވިއްޔަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާނޫނީސުވާލެއް

21 July 2025

ދިވެހިރާއްޖޭގައި ކުރާ އެންމެހައި މުއާމަލާތެއް ކުރަން ވާނީ ދިވެހި ރުފިޔާ އިން ކަމަށް އޮންނަ އިރު ދައުލަތުގެ ވަކި ކުންފުންޏަކުން މުސާރައިގެ ބައެއް ވިޔަސް ޑޮލަރުން ދިނުމަކީ ދިވެހިރާއްޖޭގެ ގާނޫނީ އިމުގެ ތެރެއިން ހިނގާ ކަމެއް ތޯއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިސް

21 July 2025

ރާއްޖޭގައި އުޅޭ ބިދޭސީންނަށް މި ޤައުމުގެ ބޭންކުތަކުގައި ބޭނުންވަރަކަށް ޑޮލަރު އެކައުންޓްތައް އޮޕަރޭޓްކުރެވޭ. އެކަމަކު އަހަރެމެންނަށް ބޭރުގައުމުތަކުގައި ޑޮލަރު އެކައުންޓްތައް ނުހުޅުވޭ. މީ ކިހިނެއްވާކަމެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭއިންސާފު

21 July 2025

ކިތަންމެ ފުނިވަރެެއް ލިބުނަސް އެއަކު ބަރަކާތް ނުހުންނަންޏާ ނުފުދޭނެ އެއީ ހަގީގަތަކީ. ޑޮލަރުފުނި އަގުބޮޑުކޮށް ނިކަމެތިންނަށް މާރުކޮށްގެން މޮޅުތަކެއްވެދާނެ ދުނިޔޭގަ. ސުވަރުގޭގަ ގިނަވާނީ ފަގީރުންކަން އެގެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސާ ޔައިޝް

21 July 2025

އަސްލުވެސް ނޫޅޭ. އެކަހަލަ މެމޯއެއްވެސް ދައުރެއް ނުވޭ. އަހަންނަކީވެސް މިތާ ސްޓާފެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު ހަސަން.

21 July 2025

އެމްޑީޕީއިން ކަންކަން އޮޅުވާލަން އުޅުނަސް ހަގީގަތް މިއޮތް ފަޅާއަރަނީ. ދެން ކީކޭ ބުނާނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

21 July 2025

ތިޔަ ތާނގައި ތިބި މީހުން އެފަދަ ބަދަލެއް ގެންނާކަށް ބޭނުމެއް ނުވާނެއެވެ. ފަހަރެއްގައި ސަރުކާރުން އެފަދަ ވިސްނުމެއް ގެންގުޅެފާނެއެވެ. އޭރުންވެސް މުވައްޒަފުން މެދުވެރިކޮށް އެކަމަށް ހުރަސްއަޅާނެއެވެ. އެހެނީ ތިޔަތާނގައި ފެންނަން ތިބި މީހުންނަށްވެސް ޑޮލަރު މާރުކޮށްގެން އަސްލު މުސާރައަށްވުރެ ބޮޑު އެއްޗެއް ނެގޭނީ ޑޮލަރުން ބައެއްނަމަވެސް ލިބިގެންތާއެވެ. މީ ދިވެހިންނެވެ. ދަހިވެތިކަމާއި އަމިއްލަ އެދުން ބޮޑުކަމުން މިތާނގެ އެއްވެސްކަމެއް ރަނގަޅަކަށް ނުދާނެއެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބާ އިންސާފު؟

20 July 2025

މިއީ ސަރުކާރު 100% ހިއްސާވާކުންފުންޏެއް. ހުރިހާ އާމަދަނީއަކީ ދައުލަތުގެ އާމްދަނީ! މި މީހުންނަށް ޑޮލަރުން މުސާރަ ލިބެންޏާ ސިވިލް ސަރވިސްއަށްވެސް މުސާރަ ދޭންވާނީ ޑޮލަރުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟަމީރު

20 July 2025

ށސިވިލް ސާވިސް އުވާލަންވީ، ބޭކާރު ބައެއް، ހަމަ ހިހޫ ތަނުން ކާލައިގެން އުޅެނީ ގިނަ މީހުން،. ށސިވިލްސާވިސްގެ ތިންބައިކުޅަ ދެބައި ކަޑާލިޔަސް ފަންކްޝަން ކުރާނެ