އާ ޓާމިނަލާ އެކު ފުރަތަމަ އަހަރު ވެސް 7-8 ޕަސެންޓަށް އާމްދަނީ އިތުރުވާނެ: ޝަރީފު

އެމްއޭސީއެލްގެ މެނޭޖިން ޑިރެކްޓަރު "މިހާރު" އަށް ދެއްވި އިންޓަވިއުގެ ތެރެއިން. އޭނާ ވިދާޅުވީ، އެކުންފުންޏަށް ފުރަތަމަ އަހަރުން ވެސް އާމްދަނީއަށް ބޮޑު ކުރިއެރުމެއް ލިބޭނެ ކަމަށް -- ފޮޓޯ: ފަޔާޒް މޫސާ / މިހާރު

ފާތިމަތު ޝަނާ މުހައްމަދު، މިހާރު

24 ޖުލައި 2025 - 10:13

22 comments

ވެލާނާ އިންޓަނޭޝަނަލް އެއާޕޯޓު (ވީއައިއޭ) ގެ އާ ޓާމިނަލް ހުޅުވުމަކީ، އެމްއޭސީއެލް ކުންފުންޏެއްގެ ގޮތުގައި ފުޅާވުމަށް ލިބުނު މުހިއްމު ފުރުސަތެއް ކަމަށާއި އެ ޓާމިނަލް ބޭނުން ކުރަން ފެށުމަށް ފަހު ފުރަތަމަ އަހަރު ވެސް އާމްދަނީ އަށް 7-8 ޕަސެންޓުގެ އިތުރުވުމެއް އަންނާނެ ކަމަށް އެ ކުންފުނީގެ މެނޭޖިން ޑިރެކްޓަރު އިބްރާހިމް ޝަރީފު މުހައްމަދު އިއްޔެ ވިދާޅުވެއްޖެ އެވެ.

"މިހާރު" އަށް ދެއްވި ހާއްސަ އިންޓަވިއުއެއްގައި އޭނާ ވިދާޅުވީ އާ ޓާމިނަލާ އެކު، އަހަރަކު 7.5 މިލިއަން ފަސިންޖަރުންނަށް ހިދުމަތް ދޭއިރު، ވީއައިއޭގެ ހިދުމަތްތައް ފުޅާކުރާނީ ރާއްޖޭގެ ޓޫރިޒަމް އިންޑަސްޓްރީއާ ގުޅިގެން ކަމަށެވެ. އޭނާ ވިދާޅުވީ، މިހާރު ވެސް އެއާޕޯޓުގެ 95 ޕަސެންޓް ބޭނުން ކުރަނީ ޓޫރިސްޓުން ކަމަށާއި ޓޫރިޒަމް ފުޅާވާ ވަރަކުން އެމްއޭސީއެލް އަށް ފައިދާ އިތުރުވާނެ ކަމަށެވެ.

"އާ ޓާމިނަލާ އެކު އެއާލައިންތަކަށް އިތުރު ސްލޮޓް ދެވޭނެ، އެއާލައިންތަކުން ބޭނުންވާ ވަގުތުތަކުގައި. އެއީ ހެނދުނު ހަޔަކުން ފެށިގެން ހަވީރު ތިނެއް ޖެހުމާ ދޭތެރޭ. އެއީ ވަޑައިގަންނަވަން ބޭނުންވާ ވަގުތަކީ. އެ ގަޑިތަކަށް ސްލޮޓް އިތުރު ކުރެވޭނެ،" އެމްޑީ ވިދާޅުވި އެވެ.

އެމްއޭސީއެލްގެ އެމްޑީ ޝަރީފު "މިހާރު" ގެ ޓީމާ އެކު މިއަދު ވީއައިއޭގައި.---ފޮޓޯ: ފަޔާޒު މޫސާ| މިހާރު

ޝަރީފު ވިދާޅުވިގޮތުގައި، އާ އެއާލައިންތަކަށް ފުރުސަތު ދީ، ނުވަތަ މިހާރު ވެސް ހިދުމަތް ހޯދަމުން އަންނަ އެއާލައިންތަކުގެ ފްލައިޓްތައް އިތުރު ކުރުމުގެ ފުރުސަތު ލިބޭނެ އެވެ. އޭނާ ވިދާޅުވީ، އަހަރުގެ ފަހުކޮޅުގައި ނުވަތަ އެއާޕޯޓުގެ އެންމެ ސުޕަ ފީކް ދުވަސްތަކުގައި ވަރަށް ގިނަ އެއާލައިންތަކުން ސްލޮޓްތައް ބޭނުންވާ ކަމަށާއި އެހެންވެ، އެކަމަށް ހައްލެއް ހޯދޭނެ ކަމަށެވެ.

އެއާލައިންތަކުން ބޭނުންވި ނަމަވެސް މިހާތަނަށް އެ ޖާގަތައް ނުދެވެނީ އެ ވަރުގެ ކެޕޭސިޓީއެއް ނެތުމުންނެވެ.

ޝަރީފު ވިދާޅުވީ، ހިދުމަތް ފޯރުކޮށްދެވޭ އެއާލައިންތައް އިތުރުކޮށްގެންނާއި ޑިއުޓީ ފްރީ އާއި އެ ނޫން ހިދުމަތާ އެކު އެމްއޭސީއެލްގެ އާމްދަނީ ފުރަތަމަ އަހަރު ވެސް 7-8 ޕަސެންޓަށް އިތުރު ކުރެވޭ އިރު އޭގެ ފަހުން އަންނަ އަހަރުތަކުގައި އާމްދަނީ 15 ޕަސެންޓަށް ވެސް އިތުރު ކުރެވޭނެ ކަމަށެވެ.

އާ ޓާމިނަލްގައި ގާއިމްކުރި ބެގޭޖް ކްލެއިމް ބެލްޓްތަށް: ޖުމްލަ ފަސް ބެގޭޖް ކްލެއިމް ބެލްޓްގެ ހިދުމަތް ލިބިގެން ދާނެ -- ފޮޓޯ: ފަޔާޒު މޫސާ | މިހާރު

އެމްއޭސީއެލްއަކީ ސަރުކާރު ހިއްސާވާ ކުންފުނިތަކުގެ ތެރެއިން އެންމެ ބޮޑު ފައިދާއެއް ވަމުން އަންނަ އެއް ކުންފުންޏެވެ. މިދިޔަ އަހަރު ވެސް އެ ކުންފުންޏަށް ފައިދާގެ ގޮތުގައި އެއް ބިލިއަން ރުފިޔާ ލިބިފައިވެ އެވެ.

އޮޑިޓް ރިޕޯޓުން އާންމުކޮށްފައިވާ މާލީ ހިސާބުތަކުން ދައްކާ ގޮތުން އެ ކުންފުންޏަށް ލިބިފައިވަނީ އޭގެ ކުރީ އަހަރަށް ވުރެ 18 ޕަސެންޓް އިތުރު ފައިދާއެކެެވެ. އެ ކުންފުންޏަށް ރެކޯޑު އަދަދެއްގެ ފައިދާއެއް ލިބުނު އިރު އާމްދަނީ ވެސް ވަނީ 11 ޕަސެންޓު އިތުރުވެފަ އެވެ. މިދިޔަ އަހަރު އެ ކުންފުންޏަށް 8.5 ބިލިއަން ރުފިޔާގެ އާމްދަނީ އެއް ލިބުނެވެ. އެއީ 2023 ވަނަ އަހަރަށް ވުރެ އެއް ބިލިއަން ރުފިޔާ އިތުރު އަދަދެކެވެ.

އާ ޓާމިނަލްގެ މުހިއްމު މައުލޫމާތުތައް:

- 47 ޗެކިން ކައުންޓަރު

- ހަ ސެލްފް ސާވިސް ކައުންޓަރު

- 20 ޑިޕާޗާ އިމިގްރޭޝަން ކައުންޓަރު

- 28 އެރައިވަލް އިމިގްރޭޝަން ކައުންޓަރު

- ހަ ޕެސެންޖާ ބޯޑިން ގޭޓް

- ފަސް ބެގޭޖް ކްލެއިމް ބެލްޓް

- 14 އެސްކަލޭޓާސް

- 4 ވޯކަލޭޓާސް

- 41 އެލިވޭޓާ

- ޕްރޮޖެކްޓްގެ އަގު : 457 މިލިއަން ޑޮލަރު (7 ބިލިއަން ރުފިޔާ)

އެންމެ ޒަމާނީ ވަސީލަތްތަކާ އެކު އާ ޓާމިނަލް އަންނަ ހޮނިހިރު ދުވަހުގެ ރޭ ހުޅުވާ އިރު ފަސިންޖަރުންނަށް ދޭ ހިދުމަތްތަކުގެ ސްޕީޑު ވެސް 30 ޕަސެންޓް އިތުރުވާނެ އެވެ.

އެމްއޭސީއެލް އެއާޕޯޓް އާ ޓާމިނަލް އިބްރާހިމް ޝަރީފު (އެމްޑީ، އެމްއޭސީއެލް) ވެލާނާ އިންޓަނޭޝަނަލް އެއާޕޯޓް

22 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަފްރާސިޔާބު

25 July 2025

އެއަޕޯޓްގެ އިންޓިރިއަރ ޑިޒައިނާއި ބައެއް އެހެން ބަދަލުތައް ރާއްޖޭގެ މާހައުލާ އެއްގޮތަށް 2019 އަހަރު ގެ ތެރޭގައި ބަދަލުގެނެވިފައިވޭ. 2016 ވަނަ އަހަރު ފެށި ޕްރޮޖެކްޓް ހުއްޓިފައިވަނިކޮށް 2019 ވަނަ އަހަރު އަލުން ބިންލާދިން ގްރޫޕާއި ޙަވާލުކޮށްގެން މަސައްކަތް ނިންމިފައިވަނީ. 2019 ފެށުނުއިރު އެއަޕޯޓް ފައުންޑޭޝަންގެ ބައެއް ބުޑުތައް އަޅާފައިވޭ. އެއަޕޯޓްގެ މަސައްކަތް ނިމުނީ މިހާރުގެ ސަރުކާރުގެ ދުވަހު. އަދި އެއްބައި މުޅިން ނިމުނީކީ ނޫން. އަދިމަސައްކަތްއޮތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮހޮނު2

24 July 2025

މީގެން މަށަށް ފާހަގަވީ އެއްވެސް ސަރުކާރަކުން ރާއްޖޭގެ އެހެން ހިސާބެއް ތަރައްގީ ކުރަން ބޭނުންނުވާކަން. ޑިމާންޑް އޮވެމެ އައްޑޫ ހުވަދޫ ނުވަތަ އުތުރުގައި ޒަމާނީ އިންޓަރނޭޝަނަލް އެއަރޕޯޓެއް ތަރައްގީ ކުރަން ބޭނުން ނުވަނީ ކީއްވެބާ. ޑީމާންޑް އެބަޮއތޯ އެކަމް މިހާރު ޖާގަ ނެތިގެން އިތުރު ފްލައިޓްތަކަށް ސްލޮޓް ނުދެވޭޔޯ. ނިކަން ރީއްޗެއްނު މިވެރިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

24 July 2025

އަހަރެން ކުރިން ހީކުރީ އެމްއޭސީއެލް އަކީ ސަރުކާރުގެ 100 ޕަސެންޓް ހިއްސާ އޮންނަ ކުންފުންޏެއްކަމަށް. އެކަމަކު މިހާރު މިއެނގުނީ އެއީ ކުންފުންޏެއްނޫންކަމާއި މިއަދު ކުންފުންޏަކަށްވެ ފުޅާކުރުމަށް ފުރުސަތު ލިބުނު ކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

24 July 2025

ދުނިޔޭގެ ހުރިހާ ޤައުމުތަކުންވެސް އެޤައުމުގެ އެންމެބޮޑު އެއަރޕޯޓާއި އަދި ތަރައްޤީވަމުން އަންނަ ކުދިކުދި އެއަރޕޯޓާއިދެމެދު މިފަދައަގުތައް ނެގުމުގައި ވަރަށްބޮޑަށް ތަފާތުގެންގުޅޭ. ބޭނުމަކީ އެފަދަ އެއަރޕޯޓްތަކަށް ޖައްސާ ފްލައިޓްތަކަށް ލުއިދީގެން އެތަންތަނަށް ކުރިއެރުން ހޯދާދިނުން. މިކަންކަމަށް ބެލުމެއްނެތި ކ.މާލޭ އެއަރޕޯޓާއި އެއްވަރުއަގެއް ގޭން އެއަރޕޯޓުން ނެގުމުގެބޭނުމަކީ މިތަނަށް ޝެޑިއުލް ދަތުރުކުރާ ސްރީލަންކަންގެ ދަތުރު ހުއްޓުވަން ކުރިކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުސްމާނު .

24 July 2025

މިއީ ކިހިނެއް ވެގެން އުލޭ މީހެއް. ކޮން ކާފު އަތޮޅެކޭ ކިޔާކަށް. މާލެ އަކީ ދިވެހިރައްޖޭގެ ވެރިރަށް. ދުނިޔޭގެ ހުރިހާ ތަނެއްގައިވެސް ވެރިކަން ކުރާ ރަށާއި އެހެން ރަށްތައް ތަފާތުވާނެ. ގެސްޓުމީހާ އަށް މިހާރުވެސް މާލެ އައިސްފަ ހަނިމާދޫ އަށާއި އައްޑޫ ގަމަށް ވެސް ދެވޭނެ. ކޯޗެކޭ ކިޔާކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

24 July 2025

ޤާނޫނަށް އިސްލާޙްގެނެސް ރާއްޖެއިން ބޭރަށްފުރާ ބިދޭސިންގެ އަތުން އެއާޕޯޓް ޑިވެލޮޕްމެންޓް ފީ އާއި ޑިޕާޗަރ ޗާޖް އާއި އެއަރޕޯޓުގެ އެހެނިހެން ފީތައް ބޮޑުކުރި އިރު ދައުލަތުން 5 ބިލިޔަން ޑޮލަރުގެ ލޯނު ނަގައިގެން ތަރައްޤީ ކޮށްފައިވާ ކ.މާލޭ އެއަރޕޯޓުން ނަގާ މިދެންނެވި އަގުތަކާއި އެއްވަރަށް އިރުވާހުދު ޖައްސާން ދޫކޮށްފައިއޮތް ހަނިމާދޫ އެއަރޕޯޓާއި އައްޑޫ GAN International Airport އެއް މިންގަޑަކުން އެއްވަރަކަށް އަގު ނަގާން ނިމި ނިންމުމަކީ ވަރަށް ބިޑު ގޯހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

24 July 2025

އަމިއްލައަށް އިސްނަގައިގެން ސްރީލަންކަން ކޮލަމްބޯ ގޭން ޝެޑިއުލް ދަތުރުތައް ފެއްޓުމަކީ ކ.މާލޭގެ ބިންވެރިންނާއި އެސަރަޙައްދުގެ ރިސޯޓް ދައުދާޤަރުންގެ އިތުރުން ސީދާ މާލޭސަރުކާރުގެ ބޮޑުންވެސް އެހާބޮޑަށް ގަޔާވި ކަމެއްނޫން. ކ.މާލޭ އެއަރޕޯޓަކީ 15 ބިލިޔަން ޑޮލަރު ޙަރަދުކޮށް ތަރައްޤީ ކުރި ތަނެއް. އައްޑޫ އެއަރޕޯޓުންވެސް އެހުރިހާ ފީތަކެއް އެއްއަގެއްގައި ނަގާނަމަ އައްޑުއަށް ދަތުރުކުރާނެ ބަޔަކު ނުވާނެ. މިއީ އައްޑޫމީހުނަށް އައްޑޫ އިޤްތިސޯދަށް ކުރި ޖެއްސުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

24 July 2025

އޭތް އަފީފު ދީދީ ކޯކޭ ތިބުނީ 15 ބިލިއަން ޑޮލަރޭތޯ؟ ހާދަބޮޑު އަދަދެކޭ! ތިލޯނުދައްކަން އިރުރައް ޓޫރިޒަމް ޓެކުހާ ފީތައް ނަގާ ގައުމުގެ ޓޫރިޒަމް ފުނޑާ ނުލާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީބެ

24 July 2025

ޓާރމިނަލްގެ ޚިދުމަތް ހެނދު 6 ން ހަވީރު 3އަށް ވީމަ ތީ ވަރަށް މަދުވަގުތުކޮޅެއް. ހުރިހާ ވަގުތެއްގަ ފުލައިޓް ޖެއްސޭ ގޮތެއް އަދިވެސް ނުވަނީ ބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިފިކަލްޓްޓުފިލްދިފްލައިޓް

24 July 2025

އެހެން ވާކަމެއްނޫން. ސީޕްލޭން އަކުން ރިސޯޓަކަށް ދާމީހާ 3 ގެ ފަހުނއ އެރައިވްވެގެން އެދުވަހުން އެދުވަހަށް ސީޕްލޭންގަ ރިސޯޓަކަށް ނުދެވޭ. ނޯ ޓައިމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

24 July 2025

7-8 ޕަސެންޓް އާމްދަނީ އިތުރުވިޔަސް ނިކަމެތި ރައްޔިތުނަން ވާނެ އެއްވެސް ފައިދާއެއް ތިއަކުންނޯންނާނެކަމީ އެއްވެސް ޝައްކެއްވެސް އޮތްކަމެއްނޫން. މިހާރު ބޮޑުކަންދީފަ، ވައްދާފަތިބިހާ މީސްމީހުންނަށާ ވެރިންނަން ހަމަތީގެ ނަފާ އޮތީ. މިފަހަރު ކިތައްމީހުންނަން ވަޒީފާ ތި ބަހާލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެންޑްރޫ

24 July 2025

600 މިލިޔަން ޑޮލަރު ހަރަދު ކޮއްފަ އެންމެ 8 ޕަސެންޓް. ވެރިކަން ބަދަލުވީމަ އިނގޭނީ އަސްލު މި ވާގޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައްކުބޭ

24 July 2025

އާމްދަނީ އިތުރު ވިއެއްކަމަކު އިތުރަށް އެހާ ބައިވަރު މުވައްޒަފުންނަގާ މުސާރަ އެހާ ބޮޑުކޮށް އަދި އިތުރު އެތައް ގުނަޔަކަށް މެއިންޓަނަންސް އިތުރުވެގެންދާއިރު ނެންގެވި ލޯން ދައްކާލެވޭވަރުވެސް ވެއްޖިއްޔާ ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އ އަހްމަދު

24 July 2025

އަޅުގަޑުހިތަށް އަރަނީ ކީއްވެބާއޭ އާޓާމިނަލް ހުޅުވިގެންދާއިރު ރާއްޖެއަށް ދަތުރުކުރާ މަސްހޫރު އެއަރލައިންތަކަށް ހުޅުވާނުލާ ހަމައެކަނި ގައުމީ އެއަރލައިންއައް ފުރުސަތުދެނީ އެއީ ރައިސް ޔާމީނާ އެހެންރައިސުންގެ ތަފާތު އެމަނިކުފާނު އާ ރަންވޭހުޅުއްވާދެއްވީ މިގައުމަށްމިހާތަނައް ދަތުރުކުރި އެންމެ ބޮޑުފުލައިޓުން އެމަނިކުފާނުހުންނެވިނަމަ މިފަހަރު ތިޔަޓާމިނަލް ހުޅުވާދެއްވީހީ އެފަދަތާރީހީ ގޮތަކަށްކަންޔަގީން. ޝުކުރިއްޔާ ރައީސްޔާމީން