ޚަބަރު / ޖެންޑާ، ފެމިލީ، ހިއުމަން ރައިޓްސް މިނިސްޓްރީ

ޖެންޑާގެ ބެލުމުގެ ދަށުގައި މިވަގުތު 148 ކުދިން

ދައުލަތުގެ ބެލުމުގެ ދަށަށް ނަގާފައިވާ ކުދިންތަކެއް ކުޑަކުދިންގެ ހިޔާގައި

ފާތިމަތު އަޖްފާން، މިހާރު

05 އޯގަސްޓް 2025 - 19:45

ދައުލަތުގެ ބެލުމުގެ ދަށުގައި މިވަގުތު ވެސް 148 ކުދިން އެބަތިބި ކަމަށް ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީން އާންމުކުރި ހިސާބުތަކުން ދައްކައިފި އެވެ.

އެ މިނިސްޓްރީން މިއަދު އާންމުކުރި މިދިޔަ ޖޫން މަހުގެ ހިސާބުތަކުގައިވާ ގޮތުން ދައުލަތުގެ ބެލުމުގެ ދަށުގައި ތިބީ ފިރިހެން 80 ކުދިންނާއި އަންހެން 68 ކުދިންނެވެ.

ޖޫން މަހު ދައުލަތުގެ ބެލުމުގެ ދަށަށް އަންހެން ދެ ކުއްޖަކު ނަގާފައިވާ ކަމަށާއި އެ މުއްދަތުގެ ތެރޭގައި އެއް ކުއްޖަކު އާއިލާއާ އަލުން ހަވާލުކޮށްފައިވާ ކަމަށް ވެސް މިނިސްޓްރީން ބުންޏެވެ.

ޖޫން މަހު ވަނީ 18 އަހަރު ފުރުނު ކުއްޖަކަށް ވަޒީފާ ހަމަޖައްސައިދިނުމަށް ފަހު މުޖުތަމައަށް ރީއިންޓެގްރޭޓް ވެސް ކޮށްފައި ކަމަށާއި އިތުރު ކުއްޖަކަށް އިންޓާންޝިޕް ފުރުސަތު ވެސް ހަމަޖައްސައިދިން ކަމަށް ވެސް އެ ހިސާބުތަކުން ދައްކަ އެވެ.

މީގެ ކުރިން ކުޑަކުދިންގެ ހިޔާ އާއި ފިޔަވަތީގައި ކުދިން ބަހައްޓަމުން އައި ނަމަވެސް 2022 ވަނަ އަހަރުން ފެށިގެން ވަނީ ރަށްރަށުގައި އަމާންވެށިތައް ގާއިމުކުރަން ފަށައި އެ ތަންތަނަށް ވެސް ކުދިން ގެންދަން ފަށައިފަ އެވެ.

Eh aharu nuvaa 7 kudhinnaa eku 169 kudhin Gender ge belumuge dhashugai eba thibi

The most trusted news source in the Maldives

Mihaaru

މިނިސްޓްރީން މިއަދު ހާމަކުރި އެހެން ހިސާބުތަކަށް ބަލާއިރު ޖޫން މަހު ވެސް ކުޑަކުދިންނާ ގުޅޭ ގޮތުން އެންމެ ގިނައީ ޖިންސީ ގޯނާގެ މައްސަލަތަކެވެ. އެ މަހު 21 އަންހެން ކުއްޖަކަށް އަދި ހަ ފިރިހެން ކުއްޖަކާ ގުޅޭ ގޮތުން މިފަދަ މައްސަލަތައް ހުށަހަޅާފައިވެ އެވެ. ދެން އެންމެ ގިނައީ ޖިސްމާނީ އަނިޔާކުރުމުގެ މައްސަލަ އެވެ. މިފަދަ އަނިޔާ ވެސް އެންމެ ގިނައީ އަންހެން ކުދިންނަށެވެ. އަންހެން ކުދިންނާ ގުޅޭ 12 މައްސަލަ އަދި އަދި ފިރިހެން ކުދިންނާ ގުޅޭ ހަ މައްސަލައެއް ހުށަހަޅާފައިވެ އެވެ. ތިން ވަނަ އަށް އެންމެ ގިނައީ ކުދިންނާ މެދު އިހުމާލުވުމުގެ މައްސަލަތެވެ.

ޖެންޑާ، ފެމިލީ، ހިއުމަން ރައިޓްސް މިނިސްޓްރީ

3 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދިވެހީންގެރާއްޖެއިން

06 August 2025

މިގޮތަށް ގައިދީންގެ އަދަދުތައްވެސް ހާމަކޮށްބަލަ ކޮންމެ ދުވަހަކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

raajje

05 August 2025

ބޭނުންވާއާއިލާތަކަށް ތިކުދިން އެޑޮޕްޓް ކުރެވޭނެއިންތިޒާމެއްއޮތުންއެއީ ފައިދާހުރިގޮތެއްކަމަށްފެނޭ، އިންތިޒާމެއްމިހާރުއޮތްނަމަ އެކަންއާންުކޮށްއެނގޭނެހެންއޮތުންމުހިންމު! ދައުލަތުގެބެލުމުގެދަށުގައޭކިޔަކަސް ތިޔަކުދިން އެކަށީގެންވާގޮތެއްގައި ބެލެމުންދާކަމަށްގަބޫލެއްނުކުރެވޭ، އެއީދައުލަތުންކުރާ ފެންނަންހުންނަކަންކަންވެސް ކުރެވެމުންދަނީ ވަރަށްދޯދިޔާކޮށްކަމަށްވާތީ، ޖެންޑާފަދަތަންތަނަކީ މަގުސަދުހާސިލުކުރުމާގާތައްވެސް ނަތީޖާނެރެވޭތަންތަނެއްނޫން