ރަސްމާލެ ހިއްކުމުގެ މަސައްކަތް ކުރާތީ އެ ސަރަހައްދުގައި ޑައިވް ނުކުރަން އެދިއްޖެ

ޑްރެޖާ ރޫޓް.

މާއިދާ މުހައްމަދު ރަޝާދު، މިހާރު

27 އޯގަސްޓް 2025 - 18:17

ރަސްމާލޭ ހިއްކުމުގެ މަސައްކަތް ކުރަމުންދާތީ އެ ސަރަހައްދުގައި ޑައިވް ނުކުރުމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން މިއަދު އެދިއްޖެ އެވެ.

އެ ކުންފުނިން ކުރި އިއުލާނެއްގައި ބުނީ ރަސްމާލޭ ބިން ހިއްކުމުގެ މަޝްރޫއުގެ ސައިޓް ސީ އާއި އީ އިން ވެލި ނަގަން ހަމަޖެހިފައިވާ ބޮރޯ އޭރިއާތަކާއި ބޮރޯ އޭރިއާ އާއި ބިން ހިއްކާ ސައިޓާ ދޭތެރޭ ކޮންޓްރަކްޓަރެއްގެ ޑްރެޖަރު 24 ގަޑިއިރު ހަރަކާތްތެރިވަމުން އަންނަ ކަމަށެވެ.

އެޗްޑީސީން ވަނީ ބިން ހިއްކުމަށް ވެލި ނަގަން ހަމަޖެހިފައިވާ ބޮރޯ އޭރިއާގައި ޑްރެޖަރު ހަރަކާތްތެރިވާނެ ސަރަހައްދާއި އެ ތަނުގައި ޑްރެޖާ ދަތުރުކުރާނެ ރޫޓުގެ ޗާޓެއް ވެސް އާންމުކޮށްފަ އެވެ.

އެ ކުންފުނިން ބުނީ އެ ޗާޓުގައި ފާހަގަކޮށްފައިވާ ސަރަހައްދުތަކުގައި އުޅަނދު ފަހަރު އަޅައިގެން ތިބުމާއި ޑައިވްކުރުން ފަދަ ކަންކަން ކުރުމަކީ ރައްކާތެރިިކަމެއް ނޫން ކަމަށެވެ. އަދި އެ ސަރަަހައްދުން ކަނޑު ދަތުރުކުރާ ފަރާތްތަކުން ރައްކާތެރިކަމަށް ސަމާލުކަން ދިނުމަށް ވެސް އިލްތިމާސްކުރި އެވެ.

ބިން ހިއްކުން އެޗްޑީސީ ރަސްމާލެ

3 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުޑަހަންޖާ

27 August 2025

ކ.ދ ރަސްމާލޭ ހިއްކާއިރު ޑިޒައިން ބަދަލުކޮށް ރަށުގެ އެއްކޮޅުގައި ފަރުބަދަތަކެއް ހެދުން މުހިންމު. މީގެސަބަބުން ފަރުބަދަމަތީގެ ދިރިއުޅުން އެހިސާބު ރައްޔިތުންނަށްލިބި، ސައިފަތް ހައްދައިގެން އާމްދަނީ ހޯދޭނެ. އެއާއިއެކު ރާއްޖެއަށް ސައިފަތް އެތެރެކުރުން މަނާކޮށް، ހަރުކަށި އަދަބުތަކާއެކު ގާނޫނުހަދަންޖެހޭ.