ހަލާލް ޓޫރިޒަމްގެ ނިންމުން ބަދަލުކޮށް ހަންކެޑެ އިންޓަގްރޭޓެޑް ޓޫރިޒަމްގެ ގޮތުގައި ތަރައްގީ ކުރަނީ

މާލެސަރުކާރުން ހުޅުވާލި ފުރުސަތުކާމިޔާބުކޮށް ޗައިނާގެކުންފުންޏަކުން ރިއަލްއެސްޓޭޓް ޓްއަރިޒަމަށް ހަންކެޑެ ތަރައްޤީކުރުމަށްޓަކާ ބޭނުންވާފައިސާ ޗައިނާގެ އެގްޒިމްބޭންކުން ހަމަޖައްސާ "މަސައްކަތްފަށައިގަތުމުގެ ހުރިހާ ތައްޔާރީތަކެއް ފުރިހަމަކޮށް މަސައްކަތްފެއްޓުމަށް މާލޭސަރުކާރު ވަފުދެއް އައްޑުއަށް ވަޑައިގެން، އާދަ ކާދައިގެދަށުން ހަވާ އަރުވާ، ރަސްމީކޮށް މަސައްކަތްފެއްޓުނުކަން އިއުލާން ކޮށްފާ" އަހަރުދުވަސް ފަހުން ރައީސްގެ ޤަރާރަކުން އެކަން ހުއްޓުވައިފި!

ރަސްމީސިފައެއްގައި މިވާހަކަދައްކާ މާލޭސަރުކާރުގެ ރަސްމީލިއުންތަކުގައި މިގޮތަށް މިވާހަކަތައް ކަޅާއިހުދުން ލިޔެފައި ނެތް ކަމުގައިވިޔަސް އެމީހުންގެ އަމަލާއި "ސިއްރިޔާތުގައި ކަންކަން ކުރަމުންދާ ގޮތް ތަކަށް ބަލާއިރު" މަތީގައި ދެންނެވި "ނަފުރަތާއި ޙަސަދައިގެ ހުޅުގަނޑު އަދިވެސް ނުނިވޭކަން އިގޭ ކިތަންމެ ކަމެއް" އެމީހުން ދަނީ ކުރަމުން. މީގެ އެންމެ ބޮޑު އެއް މިސާލަކީ "ޢަނީމާ މުދަލުގެ ގޮތުގައި އައްޑޫ ލޫޓްވާލުމަށް ފަހުގައިވެސް" ކަންތައް ކުރަމުންދާ ގޮތްތައް.

ޖިއޮގްރަފިކަލް ގޮތުން އައްޑޫސިޓީ އޮތް އީކްއޭޓަރ އަށް ބަލާއިރު އައްޑޫ އެއަރޕޯޓް މަތިން ދުނިޔޭގެ 4 ބައްރަށް ކާގޯ ފްލައިޓް ތަކާއި، ދުނިޔޭގައި މިވަގުތުހުރި އެންމެ ބޮޑު ކޮމާޝަލް ޕެސެންޖަރ އެތައް އެއަރލައިނެއް އައްޑޫ ގޭން އިންޓަރނޭޝަނަލް އެއަރޕޯޓް ހުރަސްކޮށް ދުނިޔޭގެ 4 ބިތަށް ދަތުރު ކުރަމުންދޭ. އެވިއޭޝަން ރޫޓް ތަކެކޭ އެއްފަދައިން ކަނޑުގެ ދަތުރު ތަކަށް ބެލިކަމަށްވިޔަސް އައްޑޫ އޮތީ ހަމަ މިފަދަ މުހިންމު ކަނޑު އޮޅިއެއްގެ ތެރޭގައި މުހިންމު ހިސާބެއްގައި.

އަނެއްކާ އަނެއްގަރާރު.. ތިޔަ ހަންކެޑެ އަކަށް ގަރާރުނެރިގެން ކިތައްވެރިކަން ހަންކެނޑި ބޭގަރާރުވެއްޖެބާ؟.

ދިވެހި ސަރުކާރު ތަކުން އައްޑޫމީހުނަށް ކިޔާދެމުންދަނީ ހަޑޫކޮށާރައެއް ފެނުނު ދޫނި ދުވާލަކު ފުކެއް ދެފުށް ތިންފުކުން އުފުލާ ދޫނީގެ ސަރަހައްދަށް ގެންގޮސް ކޮށާރަ ހުސްކުރަން މުޅިއުމުރު ހޭދަކޮށް އެކަމެއްނުވެ ފަނާވެގެން ދިޔަ ފާޑުގެ ވަހަކައެއް. މިހާރު އައްޑޫމީހުން ތަންކޮޅެއް ފިކުރުކޮށް ކުރިއަށްޖެހި ސަރުކާރަށް އަންގަންވެއްޖެތާ، ދެން ޓުއަރިޒަމްގެ ވާހަކަ ބާއްވާފަ ކިއްލިތަޅާ ފެކްޓްރީއަކާއި ބެހޭގޮތުން ވާހަކަފަށަން.

ހަންކެޑެ ހަދަން ހަވާލު ވާހާ ބަޔަކު ހަމަ ހަންކެޑެނީ ކީއްކުރާނީ ދޯ؟

މީގެކުރިން ހަވާއަރުވައި އުފާފާޅުކޮށް ބިންގާއެޅީ "ކޮން-އިންޓިގްރޭޓް" އެއްގަތަ!

މާލޭސަރުކާރު ހިންގާންތިބި ގިނަ މީހުނަށް "ފަތުރުވެރިކަން ނުވަތަ ޓްއަރިޒަމް" މާނަކުރެވިފައިވަނީ ވަރަށް ހަނިގޮތަކަށް ކަމަށްވާތީ، "އެމީހުންހީކުރަނީ ޓްއަރިޒަމްއަކީ ހަމައެކަނި ރިސޯޓެއްގެ އެނދު ވިއްކާލުން" ނުވަތަ ރިސޯޓަކަށް ބޭރުމީހަކުން އައުން ކަމަށް. އެމީހުނަކަށް ވިސްނާލަންވެސް ނޭގޭ ޕެސެންޖަރުންނާއި، ކާގޯ ޓްރާންސިޓް އެވިއޭޝަން ހަބެއް ތަރައްޤީކޮށް އެތަނުން ރައްޔިތުނަށާއި ދައުލަތަށް ހޯދެންއޮތް އާމްދަނީއެއް. އަދި މިކަންކަން ބަލާހޯދާނެ ފިކުރެއްވެސް ނެތް.

ކޮޅުމަޑުލުން އައްޑުއަށްހިމެނޭ ދެކުނު ސަރަޙައްދުގައި އިޤްތިސޯދެއް ޤާއިމްކުރަން ބޭނުންނަމަ މާލޭސަރުކާރުން ކުރާންޖެހޭކަމަކީ ތ.ތިމަރަ ފުއްޓާއި އައްޑުއާއިދެމެދު ހުރި ޑޮމެސްޓިކް ހުރިހާ އެއަރޕޯޓްތަކަށް ކަނެކްޓިވިޓީ ދިނުމަށްޓަކާ GAN International Airport އިން މިދެންނެވި ޑޮމެސްޓިކް އެއަރޕޯޓްތަކަށް އެންމެމަދުވެގެން ހަފުތާއަކު 2 ދަތުރުކުރެވޭގޮތަށް ފްލައިޓް ޝެޑިއުލްކޮށް އަންނަ އަހަރު ދަތުރު ބާއްވާނެކަން އިއުލާންކޮށް މިހާރުންފެށިގެން ޓިކެޓްވިއްކަން ފެއްޓުން.

މަތީގައިދެންނެވިގޮތަށް ކަނެކްޓިވިޓީގެ ޔަޤީންކަންދިނުމަށްފަހު އިންވެސްޓަރ ފައިނޭންސް އުސޫލުން ނުވަތަ ސީދާ ދަައުލަތުން ޗައިނާ އެގްޒިމްބޭންކުން ލޯނުނަގައިގެން ޗާއިނާގެ ކުންފުންޏަކާއި ޙަވާލުކޮށް GAN International Airport ގައި ބީޗްކޮޓަރިވެސް ހިމެނޭގޮތަށް 100 ކޮޓަރީގެ ހަތަރު ⭐️ ⭐️ ⭐️ ⭐️ ގެ އެއަރޕޯޓް ޓްރާންސިޓް ހޮޓަލެއް ތަރައްޤީކޮށް "އިންވެސްޓްމަންޓްގެ އަގު އެއްފަހަރާ ދައްކާފަރާތަކަށް، ފަންސާސް އަހަރަށް ހޮޓާ ލީޒް ކޮށްގެން" އެއަރޕޯޓް ހިންގޭނެގޮތް ހެދުން.