ޚަބަރު / މޯލްޑިވްސް ޑިވެލޮޕްމަންޓް ބޭންކް

މިނިސްޓަރު ވިދާޅުވަނީ ޑިވެލޮޕްމެންޓް ބޭންކުގެ މަސައްކަތް ބާރަށް ކުރިއަށް ގެންދާ ކަމަށް

އިކޮނޮމިކް މިނިސްޓަރު ސައީދު ވާހަކަދައްކަވަނީ -- ފޮޓޯ: ރައީސް އޮފީސް

މުހައްމަދު ނަސީމް، މިހާރު

14 އޮކްޓޯބަރ 2025 - 10:04

ސަރުކާރުން އަލަށް އުފެއްދި ޑިވެލޮޕްމެންޓް ބޭންކް އޮފް މޯލްޑިވްސް (ޑީބީއެމް)ގެ އަމަލީ މަސައްކަތް އަދި ނުފެށި އޮތް ނަމަވެސް އެ ބޭންކުގެ މަސައްކަތް ބާރަށް ކުރިއަށްދާ ކަމަށް އިކޮނޮމިކް މިނިސްޓަރު މުަހައްމަދު ސައީދު މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި ގަލޮޅު ދެކުނު ދާއިރާގެ އެމްޑީޕީ މެންބަރު މީކާއީލް އަހުމަދު ނަސީމް ކުރެއްވި ސުވާލަކަށް ޖަވާބު ދެއްވަމުން މިނިސްޓަރު ސައީދު ވިދާޅުވީ ޑިވެލޮޕްމެންޓް ބޭންކަކީ ރައްޔިތުން އެކައުންޓް ހުޅުވައިގެން ދުވަހުން ދުވަހަށް ހިދުމަތް ހޯދާ ކަހަލަ ބޭންކެއް ނޫން ކަމަށާއި އެއީ ރާއްޖޭގެ ތަރައްގީއަށް ބޭނުންވާ ފައިސާ ހޯދަން ގާއިމްކުރި ވަރަށް މުހިއްމު ނިޒާމެއް ކަމަށެވެ.

"އިރާދަކުރެއްވިއްޔާ އަޅުގަނޑުމެން އަންދާޒާކުރި ގޮތަށް ކުރިއަށް އެބަދޭ، ވަރަށް ބާރު ސްޕީޑުގައި އެބަދޭ،" ސައީދު ވިދާޅުވި އެވެ.

މިނިސްޓަރު ވިދާޅުވީ ރައީސްް ޑރ.މުހައްމަދު މުއިއްޒުގެ ވެރިކަން ފެށުނު އިރު ރާއްޖޭގައި ވަރަށް ބޮޑު ދަރަންޏެއް އޮތް ކަމަށާއި އެހެންވެ ވަރަށް ގިނަ ތަކުލީފުތަކާ ކުރިމަތިލާން ޖެހުނު ކަމަށެވެ. އޭރުގައި ރާއްޖޭގެ ރޭޓިން އޮތް ހިސާބަށް ބަލާ އިރު މިހާރު ވަރަށް ބޮޑެތި ކުރިއެރުންތަކެއް ލިބިއްޖެ ކަމަށް ވެސް އޭނާ ވިދާޅުވި އެވެ.

"ވަރަށް އަވަހަށް އިރާދަކުރެއްވިއްޔާ ޑިވެލޮޕްމެންޓް ބޭންކު އޮޕަރޭޝަނަލައިޒް ވެގެން ދާނެ،" ސައީދު ވިދާޅުވި އެވެ.

ސަރުކާރުން ޑީބީއެމް އިފްތިތާހުކުރީ މިދިޔަ އަހަރުގެ ނޮވެމްބަރު މަހުގެ 16 ވަނަ ދުވަހު އެވެ.

އޭގެ ފަހުން މިދިޔަ ޖެނުއަރީ މަހު ސައީދު ވިދާޅުވީ އެ ބޭންކުގެ މަސައްކަތް ތިން މަރުހަލާއަަކަށް ބަހާލައިގެން ކުރިއަށް ގެންދާ ކަމަށެެވެ.

އޭނާ އޭރު ވިދާޅުވީ، އިންސްޓިޓިއުޝަނަލް ސެޓަޕްގެ މަސައްކަތްތަކުގެ އިތުރުން ބިޒްނަސް މޮޑެލް އެކުލަވައިލުމާއި ޑިވެލޮޕްމެންޓް ބޭންކުގެ ސިޔާސަތުތައް އެކުލަވައިލުމުގެ މަސައްކަތް ވެސް ކުރިއަށް ގެންދާ ކަމަށެވެ. އެ މަސައްކަތްތައް މި އަހަރުގެ ދެވަނަ ކުއާޓާ އަށް ނިންމައިލެވޭނެ ކަމަށް ވެސް މިނިސްޓަރު އޭރު ވިދާޅުވި އެވެ.

Development bank ge massakkaiy kuranee 3 maruhalaa akah bahaalaigen: Saeed

The most trusted news source in the Maldives

Mihaaru

ސައީދު އެ ދުވަސްވަރު ވިދާޅުވީ، ޑިވެލޮޕްމެންޓް ބޭންކުގެ އޮފީސް މިދިޔަ އަހަރުގެ ނޮވެމްބަރު މަހު ހުޅުވި އިރު، އިދާރީ ގޮތުން ވަރަށް މުހިންމު މަސައްކަތްތަކެއް ކުރަމުން އަންނަ ކަމަށެވެ. އެ ބޭންކުގެ ސިޔާސަތުތައް އެކުލަވައިލުމުގެ އިތުރުން ފަންޑިން ސްޓްރެޓެޖީތައް ދެނެގަތުމާއި ބޭރުގެ އިދާރާތަކަށް މައުލޫމާތުތައް ދިނުން ވެސް ކުރިއަށް ގެންދާ ކަމަށާއި ޕްރޮޖެކްޓުތަކުގެ ޕައިޕްލައިން ވެސް އެކުލަވައިލުމުގެ މަސައްކަތް ކުރަމުން އަންނަ ކަމަށް ވެސް އޭރު ވިދާޅުވި އެވެ.

ދިވެހި ސަރުކާރުގެ 100 ޕަސެންޓް ހިއްސާ އޮންނަ ގޮތަށް ފުރަތަމަ ފަހަރަށް "ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް" ގެ ނަމުގައި ރައީސް ޑރ. މުހައްމަދު މުއިއްޒު ކުންފުންޏެއް އުފެއްދެވީ މިދިޔަ އަހަރުގެ މޭ މަހު އެވެ.

ދިވެހި ސަރުކާރު ރައްޔިތުންގެ މަޖިލިސް ބޭންކިން މުހައްމަދު ސައީދު (އިކޮނޮމިކް މިނިސްޓަރު) މޯލްޑިވްސް ޑިވެލޮޕްމަންޓް ބޭންކް

17 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސިލްމާ ޒާހިރު

14 October 2025

“އަންނަނީ. ވަރަށް އަވަހަށް ހުޅުވާނެ. ބަންކަރިން އިން އަހަރަކު 400 މިލިޔަން ޑޮލަރު ލިބޭނެ” 1 އަހަރު ފަހުން ބަންކަރިން އިން ލިބުނީ 12 މިލިޔަން. އެއީ ބުނި ޢަދަދުގެ އެންމެ %3 ފައިސާ. ޓޫރިޒަމުން ލިބޭހާ ޑޮލަރު ބޮޑުން ދަތުރުކުރަން ތަޅާ ބުރުއްސަނީ. ޤައުމު އޮންނަނީ އަދުތޯ މާދަންތޯ ވެފަ. ދަރަނިން ފެންވަރައިގެން ބޯ ނުހިއްކާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބީއެމްއެއްސީއީއޯ

14 October 2025

އެންމެ ފަހުން މިކަން ނިމޭއިރު ޑިވެލޮޕްމަންޓް ބޭންކް ވާނީ ބީއެމްއެލްގެ ސަބްސިޑިއަރީ ކުންފުންޏަކަށް، އެތާގަ ހުޅުވާނީ ބީއެމްއެލްގެ ޔުއާން އަދި ރުޕީސް އޭޓީއެމް. ގައުމުގެ ކްރެޑިޓް ރޭޓިންގ ރަގަޅުނުކޮށް ބޭރުގެ އިދާރާތަކުން ދީފަހުރި ރިކަމެންޑޭޝަނަށް ކަންކަން ނުކޮށް އިންވެސްޓަރުން ނުގެނެވޭނެ. މި ބޭންކަށް އިންވެސްޓްކުރާނެ ބަޔަކުވެސް ނުވާނެ. ސިގްނަލް ބަލަން ބޭނުމީއާ ނެޓްފްލިކްސްގަ އެބަ އޮތް ކޮރެއަން ސީރީސްއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެފައާސާ.

14 October 2025

ޑީބީއެމް ކަންކަން ނުވެގެން އުޅެނީ ޑީބީއެމް އަކީ ބޭންކެއް ވީމައޭ. ޑީބީއެމް އޭޓީއެމް އަކަށް ބަދަލުކޮށްލަބަލަ، މިހާރުވެސް ރައީސް ވަޑައިގެން ރިބަން ކަނޑައި ވަގުތުން ހުޅުވައި ފައްޓައިގަނެވޭނެ. ބޭންކު އެޅޭނީ ބޭންކު އެޅޭވަރު މީހުންނަށް. އޭޓީއެމް އެޅޭވަރު މީހުން ރަނގަޅުވާނީ އޭޓީއެމްއާއިގެން އުޅުނިއްޔާ. ކަކުނި ހޮރުކޮންނަ މިސާލުބަހެއް އޮވެއެއްނު ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސަރު

14 October 2025

މިއީ ދުނިޔޭގައިވެސް މިގޮތަށް ހުޅުވި ފުރަތަމަ ބޭންކް.! ބޭންކް ހުޅުވިއިރު ކެޕިޓަލެއް ފަރުނީޗަރެއް ނެތި ބިލްޑިންގްގެ ބޭރުގައި ބޮޑު ބޯޑެއްޖެހީ ދެން މަތީ މަގާމަށް މީހަކުލީކަމަށް ވަނީ އޭނަވެސް މިހާރު ހިގައްޖެ! ފިހާރަހެއް މުދާނުލާ ހުޅުވުން ކަހަލަކަމެއް މިއީ!!!! ހެހެހެހެހެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަ ބުނީ

14 October 2025

މިވެރިކަމުގަ އަދި ސައީދު ކުރި ކަމެއްވެސް، ބުނި ކަމެއްވެސް ރަގަޅެއްނުވޭ. ހުސް މޮޅުވާހަަކަ ދެއްކުމުގަ ދައުރެއް ނިމެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަޒީރު

14 October 2025

މަޖިލީހުގައި ވަޒީރު ދެއްކެވީ ޖަވާބަކަށްވުރެ ބޮޑަށް ޒުވާބަކާ ވައްތަރު ވާހަކަތަކެވެ. މެމްބަރުން ކުރި ސުވާލުތަކަށް ޖެއްސުންކުރައްވާ އެމްޑީޕީގެ އެވެނި މިވެނި ކަމެއް ފަރަށް އަރާފައޭ ކިޔާ ޒުވާބު ދެއްވީ މެމްބަރަކު ކުރެއްވި ހަމަ ރަނގަޅު ސުވާލުތަކަށެވެ. ގާނޫނު އަސާސީގެ 81 ވަނަ މާއްދާއިން މިގޮތަށް ވަޒީރުންނާ ކުރާ ސުވާލަށް ޒުވާބު ދެއްވަންޏާ ގައުމު މި ދާ މިސްރާބު ސާފެވެ. ދައްކަވާ މިސާލުވެސް ސާފެވެ. ހުރި ހިތާމައެއްގެ ބޮޑުކަމާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޛސޖސޖ

14 October 2025

ޕޭޕަލް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމޮޑަސް

14 October 2025

ތިޔަ ބޭންކެއްވެސް ތިޔަ ދިޔައީ ބަންކަރިންގ އަދި ޕޭޕަލް ދިޔަ މަގުންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަސި

14 October 2025

ޑިވެލޮޕްމެންޓް ބޭންކް އޮފް މޯލްޑިވްސް (ޑީބީއެމް)ގެ އަމަލީ މަސައްކަތް ބާރަށް ކުރިއަށްދާ ކަމުގެ ފެހި ސިގްނަލް ދެއްވި ކަމަށް ޓަކައި ޝުކުރިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

14 October 2025

ސައީދޫ ހާދަ ބަނކަރިންނޭދޯ ..........ބަނކަރިން ގެ ހިދުމަތް ހޯދާ ބޯޓުފަހަރާހެދި މިހާރު ރާއްޖޭގެ ކަނޑުގެ ސަރަހައްދު އެހެން އުޅާދެއްދުއްވާނުލެވޭ އުޅަދުފަހަރު މުޑިއަރާވަރުން......